Loikaw တလးပ႕လီႈက၀ီၚ အသီခါကရ႕ခိဥ Bishop Stephen Tjephe အဂ့ႈဖုႈကိဏ

Loikaw တလးပ႕လီႈက၀ီၚ အသီခါကရ႕ခိဥ Bishop Stephen Tjephe အဂ့ႈဖုႈကိဏ

ဒ္ပွၚဒိကနဥတႈဖိသ့ဥတဖဥ ဆ႕သ့ဥညါဘဥ၀ဲ သီခါကရ႕ခိဥ Stephen Tjephe အဂ့ႈအသိး ရဲဥက်ဲၚပဏဖ်ါထီဥအီၚ လ႕ကညီက်ိဏနဥ့လီၚ’

သီခါကရ႕ခိဥ Bishop Stephen Tjephe အတႈအိဥမူအိဥဂဲၚလ႕ဟီဥခိဥခ်႕အံၚ ကတ႕ႈ၀ဲဒီးမံအိဥဘွံးလံ၀ဲလ႕ ခရံဏကစႈအပူၚဖဲ ၂၀၂၀ ဒံဥစ့ဘ႕ဥ ၁၆ သီအမုႈနံၚနဥ့လီၚ’

စးထီဥဖဲ ၂၀၂၀ ဒံဥစ့ဘ႕ဥ ၅ သီအမုႈနံၚ ဟါလီၚခီ ၅း၀၀ နဥရံဥအကတီႈ စးထီဥသးပ့ႈနီႈကြံဏလံအသးလ႕ Loikaw တႈဆါဟံဥနဥ့လီၚ’ ကသါက့ၚဒဥထဲ Oxigen အစဲးဖီကဟဥအတႈမၚစ႕ၚအပူၚနဥ့လီၚ’ မ့ႈလ႕အသြံဥက်ိၚလ႕ခိဥႏူႈ ထူဥဖ်ိကြံဏ၀ဲအဃိ အနီႈခိလ႕စုစ့ႈတကပၚ ကလံၚဘဥအီၚနဥ့လီၚ’ ဖဲ ၂၀၂၀ ဒံဥစ့ဘ႕ဥ ၁၃ သီအမုႈနံၚ သီခါကရ႕ခိဥ ကသါထီဥကသါလီၚဟဲက့ၚဂ့ၚထီဥက့ၚ၀ဲဖဲအႀက႕း ဒီးသြံဥဆ႕ဆံဥဆ႕အတဎ႕ႈစ့ႈကီး က့ၚဘဥလီႈက့ၚ၀ဲ ဖဲအႀက႕းနဥ့လီၚ’ ဘဥဆဥ အတႈကသါထီဥကသါလီၚ က့ၚကီထီဥက့ၚ၀ဲဖဲ ၂၀၂၀ ဒံဥစ့ဘ႕ဥ ၁၆ သီ ဂီၚခီ ၈း၀၀ နဥရံဥအကတီႈ ၀ံၚအလီႈခံ အသးသမူဟးထီဥကြံဏ၀ဲဖဲ မုႈဆါခီ ၁၂း၁၅ နဥရံဥ အကတီႈနဥ့လီၚ’

ပွၚက်ဲးစ႕ၚသကိး၀ဲ ဒ္သိးအကသ့ဒိးနဥ့ဘဥ၀ဲ တႈကူစါဎါဘ်ါလ႕ Nay Pyi Daw မ့တမ့ႈ ဆူထံဂၚကီႈဂၚ ဘဥဆဥ မ့ႈလ႕အတႈအိဥအသး တႈဘဥဎိဏဒိဥ၀ဲအါ၀ဲအဃိ လ႕တႈလဲၚတႈက့ၚအဂီႈ မ့ႈ၀ဲတႈဂ့ႈကီဖးဒိဥအမဲဏညါ တႈႀတီၚမၚတံဥတဏလ႕ကသံဥသရဥသ့ဥတဖဥအဂီႈ အိဥ၀ဲစ့ႈကီးအဃိ လ႕တႈကူစါဎါဘ်ါအီၚအဂီႈ တႈမၚဎံဏမၚနီႈအသးသ့ဥတဖဥ အိဥထီဥ၀ဲနဥ့လီၚ’

သီခါကရ႕ခိဥအံၚအသးသမူအဂ့ႈအက်ိၚ မ့ႈ၀ဲဒ္အဖီလဏအသိးနဥ့လီၚ’

သီခါကရ႕ခိဥအံၚ အိဥဖ်ဲဥထီဥ၀ဲဖဲ ၁၉၅၅ လါအီကူး ၁ သီ ဒီးလ႕အဒီပုႈ၀ဲႈ ၆ ဂၚအက်ါ မ့ႈ၀ဲပွၚသ႕ဂၚတဂၚနဥ့လီၚ’ မ့ႈပွၚလ႕ကဎါအကလုဏဒူဥ ဒီးအိဥဖ်ဲဥထီဥ၀ဲဖဲ Bago ကီႈစဲႈယ (ထန္းတပင္) ကီႈဆဥယ ဇရပ္ႀကီးလီႈက၀ီၚယ Shwetasaung သ၀ီနဥ့လီၚ’ သုးကြံဏ၀ဲအတႈအိဥတႈဆိးအလီႈ လ႕ Shwetasaung ဆူကဎါကီႈစဲႈယ ဒံဥမီစိလီႈက၀ီၚယ ဆီဥဒူဥအသ၀ီ ဖဲ ၁၉၅၈ အနံဥ ဃုဏဒီးအဒူဥဖိထ႕ဖိသ့ဥတဖဥနဥ့လီၚ’

ဒိးနဥ့ဘဥ၀ဲတႈသ့စီဖဲ ၁၉၅၅ လါစဲးပတ့ဘ႕ဥ ၄ သီဖဲ သ့ဆူဥလဲ အသ၀ီနဥ့လီၚ’ ဖ်ိထီဥ၀ဲတီၚဖုဥကေိ ဒီးတီၚခ႕ႈသးကေိ လ႕ဒံဥမီစိယ ဒီးဖ်ိထီဥကဒီးတီၚထီကေိလ႕ ၀့ႈတီႈကေံဖဲ ၁၉၇၅ အနံဥနဥ့လီၚ’

ႏုဏလီၚ၀ဲဆူ St. Teresa တႈသိဥလိဒုးကဲထီဥသီခါကေိ လ႕၀့ႈတီႈကေံ ဖဲ ၁၉၇၀ အနံဥနဥ့လီၚ’ မၚလိမၚဒိးအသး ဘဥဃးဒီး တႈဃုသ့ဥညါမၚလိန’ဆ႕ဥ ဒီးတႈအိဥမူအတႈကဲထီဥလိဥထီဥ၀ဲအဂ့ႈအက်ိၚ ဒီးဎြၚဂ့ႈပီညါ လ႕စီၚဎိစဲးတႈသိဥလိဒုးကဲထီဥသီခါကေိယ ၀့ႈတကူဥနဥ့လီၚ’ ဒိးနဥ့၀ဲတပွဲဒိဥ (Deacon)အလီႈအလၚ လ႕၀့ႈတကူဥသီခါကရ႕ခိဥက်႕ဥ Gabriel Mahn Gaby အစုပူၚဖဲ ၁၉၈၃ ဒံဥစ့ဘ႕ဥ ၃ သီအမုႈနံၚနဥ့လီၚ’ ဒိးနဥ့ဘဥကဒီး၀ဲသီခါအလီႈအလၚ လ႕သီခါကရ႕ခိဥ J.B Gobato အစုပူၚ လ႕၀့ႈတီႈကေံ ဖဲ ၁၉၈၄ လါမႈရွး ၂၈ သီအမုႈနံၚနဥ့လီၚ’ ကဲထီဥ၀ဲသီခါမၚစ႕ၚတႈ လ႕ (ဖရူးဆိုးယ ဖဎ္ခံု) ဒီးလ႕ဒံဥမီဆိ မ့ႈ၀ဲဖဲလြံဥနံဥအတီႈပူၚနဥ့လီၚ’ ဖဲ ၁၉၈၈ တုၚလ႕ ၁၉၉၁ အနံဥသ့ဥတဖဥအတီႈပူၚ မၚလိကဒီးအသးလ႕ ကီႈအမဲရကး New York, St. Joseph Catholic Major Seminary ဘဥဃးဒီး တႈသိဥတႈသီဘဥဃးဒီး ကရ႕ကရိအတႈနဏ (Dogma) ဒီးနဥ့ဘဥ၀ဲတႈမၚလၚမၚကပီၚအီၚလ႕ M.A (TH) နဥ့လီၚ’

မၚတႈဒ္သရဥသိဥလိတႈတဂၚအသိး စးထီဥလ႕ ၁၉၉၁ တုၚလ႕ ၁၉၉၉ (၈)နံဥပွဲၚပွဲၚ လ႕စီၚဎိစဲးတႈသိဥလိဒုးကဲထီဥသီခါကေိယ ၀့ႈတကူဥနဥ့လီၚ’ မၚက့ၚတႈဒ္ ဒံဥမီဆိလီႈက၀ီၚအသီခါ စးထီဥဖဲ ၁၉၉၉ တုၚလ႕ ၂၀၀၂ အနံဥသ့ဥတဖဥ အတီႈပူၚနဥ့လီၚ’   စးထီဥဖဲ ၂၀၀၂ တုၚလ႕ ၂၀၀၃ အနံဥသ့ဥတဖဥအတီႈပူၚ လဲၚမၚလိကဒီးအသးလ႕ကီႈ Philippines ဘဥဃးဒီး တႈထုးစုနဲဥက်ဲနီႈသးအတႈအိဥအသး အတႈသ့တႈဘဥ (Conselling and Spiritual Direction) နဥ့လီၚ’

ဖဲ ၂၀၀၃ တုၚလ႕ ၂၀၀၆ အနံဥယ ပ႕ဆွ႕ကြႈထြဲ၀ဲ Loikaw အတႈပ႕အဟံဥအိဥလ႕၀့ႈတကူဥယ ဒီးဖဲ ၂၀၀၆ တုၚလ႕ ၂၀၀၉ အနံဥသ့ဥတဖဥအတီႈပူၚ မၚတႈဒ္ ဒီည့ခူဥလီႈက၀ီၚအသီခါ နဥ့လီၚ’

ဖဲ ၂၀၀၉ လါဎူၚ ၁၉ သီအမုႈနံၚ ပႈပါ Benedict 16 ဃုထ႕ထီဥအီၚ ဒီးဒုးဟူထီဥသါလီၚ၀ဲ ဒ္သိးအကမ့ႈ၀ဲ သီခါကရ႕ခိဥမၚစ႕ၚတႈ လ႕ Loikaw သီခါကရ႕ခိဥအတႈပ႕အဂီႈ ၀ံၚအလီႈခံ ဘဥတႈပဏထီဥအီၚဆူသီခါကရ႕ခိဥအလီႈ ဖဲ ၂၀၀၉ နိ၀့ဘ႕ဥ ၂၁ သီ လ႕ပႈပါအခ႕ဥစး သီခါကရ႕ခိဥ His Grace Salvatore Pennacchio နဥ့လီၚ’

မ့ႈလ႕တႈအိဥဆူဥအိဥခ့်တဂ့ၚလ႕ၚ၀ဲအဃိ သီခါကရ႕ခိဥ Sotero Phamo အိဥဘွံး၀ဲလ႕ Loikaw သီခါကရ႕ခိဥအတႈမၚလီႈဖဲ ၂၀၁၄ လါအ့ၿဖ့ ၂၆ သီ ၀ံၚအလီႈခံယ ပႈပါဖရဥစ့းပဏလီၚ၀ဲ သီခါကရ႕ခိဥ Bishop Stephen Tjephe ဒ္သိးအကမ့ႈ၀ဲ သီခါကရ႕ခိဥလ႕ Loikaw သီခါကရ႕ခိဥအတႈပ႕အဂီႈ ဖဲ ၂၀၁၄ နိ၀့ဘ႕ဥ ၁၅ သီအမုႈနံၚနဥ့လီၚ’

ဖဲ ၂၀၁၅ လါဎႏုူၚအါရံၚ ၁၂ သီအမုႈနံၚ ပႈပါအခ႕ဥစး His Grace Paul Tschang In-Nam အးလီၚ၀ဲသီခါကရ႕ခိဥအလီႈဆ့ဥနီၚလ႕ Loikaw ခရံဏပစီပၚတႈဘါသရိဏဖးဒိဥ ၀ံၚဒီး ဒိးနဥ့ဘဥ၀ဲသီခါကရ႕ခိဥအမူအဒါအလ႕အပွဲၚ လ႕သီခါကရ႕ခိဥ Sotero Phamo အအိဥနဥ့လီၚ’

တႈကစီဥအခီဥထံး” CBCM-OSC – 2020 Dec 16