ဖဲတႈအိဥသ့ဥနီဥထီဥက့ၚ Fr. Raymond Ambroise အမုႈနံၚအပူၚ ကဥဒံဥနဲဥခေါလ္စ္ဘိဥ အတႈကတိၚတႈ ဆူပွၚဒိကနဥတႈဖိသ့ဥတဖဥအအိဥ

ဖဲတႈအိဥသ့ဥနီဥထီဥက့ၚ Fr. Raymond Ambroise အမုႈနံၚအပူၚ

ကဥဒံဥနဲဥခေါလ္စ္ဘိဥ

အတႈကတိၚတႈ ဆူပွၚဒိကနဥတႈဖိသ့ဥတဖဥအအိဥ

သီခါကရ႕ခိဥသ့ဥတဖဥ သီဘူဥသီခါယ တပြဲ၀ါယ ဖံ၀ါယ Mingalar bar. ပအိဥဖွိဥသကိး၀ဲလ႕ မုႈဆါခီအကတီႈအံၚ ဒ္သိးပကပဏဖ်ါထီဥ တႈဎူးဎီဥပဏကဲဆူ Fr’ Raymond Ambroise အအိဥအဂီႈ ဒ္ပအိဥသ့ဥနီဥထီဥအီၚဖဲ အသံတ့ႈလံ၀ဲနံဥဆဲးဆ႕အကတီႈနဥ့လီၚ’ မ့ႈလ႕အတအိဥလ႕ၚဒီးပွၚအဃိ မ့ႈ၀ဲတႈသးအုးလ႕ပဂီႈနဥ့လီၚ’ ဒီးဎြၚအတႈကိးက့ၚအီၚ ဒ္သိးအကဟ့ဥဘ်ဳးက့ၚအီၚ လ႕တႈလီၚထူလီၚဎိဏအပူၚ အိဥလံ၀ဲတနံဥလံနဥ့လီၚ’ ပ၀ဲသ့ဥခဲလ႕ဏ ပအိဥသ့ဥနီဥထီဥသကိး Fr’ Raymond နဥ့လီၚ’

အအံၚမ့ႈ၀ဲဆ႕ကတီႈလ႕ အႀက႕း၀ဲလ႕ တႈအိဥသ့ဥနီဥထီဥအီၚ လ႕တႈဂ့ႈခံမံၚနဥ့လီၚ’ တ႕တမံၚမ့ႈ၀ဲ ပတႈစံးဘ်ဳးစံးဖွိဥက့ၚဎြၚ မ့ႈလ႕အဟ့ဥလီၚတ့ႈလံပွၚ Fr. Raymond ဒီးတႈဟ့ဥလီၚအသးဒ္ သီခါတဂၚအသိးနဥ့လီၚ’ ခံထံဥတထံဥ မ့ႈ၀ဲလ႕အတႈအိဥမူအိဥဂဲၚ အိဥပူၚဖ်ဲးဒီးတႈပဏထီဥထီသး အိဥ၀ဲဒီးတႈစီတႈဆွံ ဒီးကဲထီဥ၀ဲတႈထိဥဟူးထိဥဂဲၚတမံၚလ႕ ပ၀ဲသ့ဥကိးဂၚဒဲးအဂီႈနဥ့လီၚ’

ဎအိဥသ့ဥနီဥထီဥဎဲ Fr. Raymond ဒ္အမ့ႈပွၚလ႕အအိဥမူအိဥဂဲၚ ဎိဎိတဂၚယ ခုဖံးခုမၚတႈ ဒီးဟ့ဥလီၚအသးလ႕ဏလ႕ဏဆ့ဆ့နဥ့လီၚ’ ကဎဲႈတႈလ႕အမၚတ့ႈ၀ဲသ့ဥတဖဥ မ့ႈလ႕အအဲဥကြံ၀ဲခရံဏကစႈ ဒီးတႈအိဥဖွိဥကရ႕အဃိနဥ့လီၚ’ အတႈအဲဥတႈကြံအိဥဖ်ါ၀ဲလ႕ အတႈကြႈဆိကမိဥတႈလ႕ ပွၚဖွီဥဖိဎဏဖိသ့ဥတဖဥ ဒီးပွၚလ႕အဘဥတႈတကနဏဃုဏအီၚသ့ဥတဖဥအဂီႈနဥ့လီၚ’ ဒ္အမ့ႈ၀ဲပွၚဟ့ဥကူဥတႈဆူ Radio Veritas Asia အသိးယ ဒီးလ႕ခံကဲထီဥ၀ဲ FABC အနဲဥရြဲဥ လ႕တႈဆဲးက်႕ဒုးသ့ဥညါတႈအ၀ဲၚက်ိၚတဂၚ အိဥဒီးတႈစိကမီၚလ႕ အကရဲဥက်ဲၚဒီးမၚတႈအသိးယ ထီဘိ ဟ့ဥလီၚအသးလ႕ တႈရၚလီၚတႈသးခုကစီဥ ဆူဎြၚဖိဎြၚလံၚသ့ဥတဖဥအအိဥနဥ့လီၚ’

ထီဘိ ကြႈဆိကမိဥဆိပဏစ႕ၚတႈလ႕ညါယ က်ဲးစ႕ၚဃုထံဥနဥ့က်ဲလ႕တႈကဲထီဥသ့၀ဲ အါနဥ့အတႈထံဥ၀ဲတႈဂ့ႈကီသ့ဥတဖဥနဥ့လီၚ’ က်ဲးစ႕ၚ၀ဲဒ္သိး အကသ့ဒုးကဲထီဥလိဏထီဥတႈ ဖဲတႈအိဥအသးလ႕ ပွၚတသ့ဖံးမၚဒ္တႈအလီႈသ့ဥတဖဥနဥ့လီၚ’ ပသ့ဥညါ၀ဲလ႕ အတႈဂဲၚပ်ဳႈက်ဲးစ႕ၚတႈ ဘဥဃးဒီးတႈဆီတလဲ တႈဂီၚတႈဖီဥဒီးတႈကလုႈ အတႈဂ့ႈတႈက်ိၚ ဆူနီဥဂံႈဒီးအံဥလဲးႀတီနံးအက်ိၚအက်ဲလ႕ RVA အဂီႈယ ဒီးကူဥထီဥဖးလီၚတႈဘဥဃးဒီးက်ိဏစ့ လ႕ခါဆူညါအဂီႈ ခီဖ်ိ Solar Project နဥ့လီၚ’

ပွၚစံးပႀတ႕ၚအီၚမ့ႈဂ့ၚ ပွၚဒုဥဒြဲဥအီၚမ့ႈဂ့ၚ အတြးတအိဥဘဥ’ တက်ဲးစ႕ၚဃုထံဥနႈ့၀ဲ မံၚလၚသဥကပီၚဘဥဒီး ဆ႕မၚတႈလ႕ ဎြၚအဘီအမုႈအဂီႈ ဒီးမ့ႈလ႕တႈအံၚအဃိ သးအိဥတ႕ဥပီဥလိဏအသးယ မၚလိမၚဒိးအသးဒီး သနၚ့အသးလ႕ဎြၚနဥ့လီၚ’ မ့ႈပွၚတဂၚလ႕အအိဥဒီးတႈထုကဖဥ သနၚ့အသးလ႕ဎြၚထီဘိယ ဒီးဟ့ဥလီၚအသးလ႕ ပွၚဖွီဥဖိဎဏဖိသ့ဥတဖဥအဂီႈနဥ့လီၚ’ အိဥမူ၀ဲဎိဎိဖိယ ရဲဥက်ဲၚ၀ဲက်ိဏစ့ဒီးတႈတိဏက်ဲၚသ့ဥတဖဥ ဒီးမ့ႈ၀ဲပွၚကြႈထြဲပ႕ဆွ႕တႈလ႕ အအိဥဒီးတႈသူဥတီသးလိၚတဂၚနဥ့လီၚ’ တက်ဲးစ႕ၚဃုထံဥနဥ့၀ဲ တႈမုဏသူဥမုဏသးလ႕အကစႈဒဥ၀ဲအဂီႈဘဥဒီး အသူဥအသးအိဥဒဥ၀ဲလ႕ ပွၚဖွီဥဖိဎဏဖိသ့ဥတဖဥအအိဥ ဒီးလ႕ပွၚတသ့နႈ့အိဥနႈ့၀ဲသ့ဥတဖဥအိဥ၀ဲအဟံဥ ဖဲအဘဥတႈအဲဥအီၚဒ္ ပႈတဂၚအသိးနဥ့လီၚ’ လ႕ FABC အခ႕ဥစး ဎသးအိဥပဏဖ်ါထီဥဎဲ သီခါအံၚအတႈဆီဥထြဲမၚစ႕ၚတႈဆူ ကီႈအ့ရွ႕ဥတႈအိဥဖွိဥကရ႕ လီၚဆီဒဥတႈလ႕ တႈအလီႈအိဥ၀ဲလ႕ တႈဆဲးက်႕လိဏသးအ၀ဲၚက်ိၚအဂီႈနဥ့လီၚ’  

Radio Veritas Asia မ့ႈ၀ဲ FABC အတႈဖံးတႈမၚလ႕အဒိဥ၀ဲတမံၚ လ႕ကီႈမိႈပွႈအပူၚ ဒီး Fr. Raymond ဟံးထီဥဖီဥထီဥ၀ဲတႈဖံးတႈမၚအံၚ ဒီးထုးစုနဲဥက်ဲပွၚ လ႕တႈဖံးတႈမၚအတႈလဲလိဏကြံဏသး ဒီးလ႕တႈခြဲးတႈဎဏသ့ဥတဖဥ လ႕အဘဥဃးဒီးခ့ခါခဲအံၚစဲးဖီကဟဥပီညါအဂီႈနဥ့လီၚ’ မၚစ႕ၚပွၚဒ္သိး ပကကြႈဆ႕ဥမဲဏ၀ဲ တႈကီတႈခဲသ့ဥတဖဥ ဒ္တႈလဲလိဏကြံဏတႈဖံးတႈမၚဆူ ဆူနီဥဂံႈဒီးအံဥလဲးႀတီနံးအက်ိၚအက်ဲ လိဏဘဥ၀ဲအသိးနဥ့လီၚ’

ပ၀ဲသ့ဥခဲလ႕ဏသ့ဥညါသကိး၀ဲလ႕ သီခါအံၚခုဖံးခုမၚတႈယ ကြဲးလံဏကြဲးလဲဥယ မၚလိမၚဒိးအသးယ တ႕ဥပီဥလိဏအသးယ ဒီးကူဥထီဥဖးလီၚတႈယ လဲၚတႈက့ၚတႈဒီး မၚဘဥထြဲလိဏအသးဒီးပွၚအဂၚ လ႕တႈဆီဥထြဲမၚစ႕ၚ ပတႈဖံးတႈမၚအဂီႈနဥ့လီၚ’ ဖဲပထံဥဘဥအတႈအိဥမူအိဥဂဲၚ ၇၅ နံဥအကတီႈအံၚအခါ တႈလီၚကမ႕ကမဥလ႕ပဂီႈ မ့ႈ၀ဲ အတႈဖံးတႈမၚတႈအါအါ လ႕တႈအိဥဖွိဥကရ႕အဂီႈ လ႕ကီႈ India ဒီးလ႕ကီႈအ့ရွ႕ဥအပူၚနဥ့လီၚ’ ပစံးဘ်ဳးစံးဖွိဥဎြၚ မ့ႈလ႕အတႈဟ့ဥလီၚပွၚ သီခါလ႕အဒိဂ့ၚတဲႈဘဥတဂၚ လ႕တႈအိဥဖွိဥကရ႕အဂီႈ ဒီးပထုကဖဥ၀ဲဒ္သိး ဎြၚကဟ့ဥသါအီၚတႈမူအထူအဎိဏ ဒ္အတႈအ႕ဥလီၚအီလီၚအိဥ၀ဲလ႕ ပွၚတီပွၚလိၚသ့ဥတဖဥအဂီႈအသိးနဥ့လီၚ’ ပထုကဖဥ၀ဲဒ္သိး အတႈအိဥမူအိဥဂဲၚ ဒိဂ့ၚတဲႈဘဥ ကထိဥဟူးထိဥဂဲၚပ၀ဲသ့ဥကိးဂၚဒဲး ဒ္သိးပကအိဥမူအိဥဂဲၚ၀ဲလ႕ ဎြၚအဂီႈ ဒီးပွၚခဲလ႕ဏအဂီႈ ခီဖ်ိတႈဟ့ဥလီၚပသးဒီး တႈစီတႈဆွံနဥ့လီၚ’

ပစူႈနဏ၀ဲလ႕ Fr. Raymond အိဥလံ၀ဲလ႕မူခိဥ ဒီးထုကဖဥကဒီးနႈ့တႈလ႕ ပဂီႈနဥ့လီၚ’ ဒ္ပခီဖ်ိထံဥဘဥ၀ဲ တႈကီတႈခဲအါမံၚအါမေိ လ႕အမ့ႈတႈဆါသံသႀတိဏဒီးတႈဂ့ႈကီလ႕ပထံပကီႈအပူၚ ဒီးလ႕ကီႈအ့ရွ႕ဥဒီဘ့ဥအပူၚအသိး မ္ပကသနၚ့ပသးလ႕ ဎြၚအတႈအ႕ဥလီၚအပူၚယ ဒ္သိး လ႕တႈနးတႈဖွီဥသ့ဥတဖဥအံၚအက်ါဒဥလဲဥ ပကဒိဥထီဥထီထီဥသကိးပ၀ဲလ႕ ပတႈစူႈတႈနဏအပူၚ အဂီႈနဥ့လီၚ’

ဎစံးဘ်ဳးစံးဖွိဥဎဲသု ကိးဒံကိးဂၚဒဲး လ႕မုႈတနံၚအံၚ ဒ္ပဎူးဎီဥပဏကဲ Fr. Raymond အသိး ပပဏဖ်ါထီဥသကိးပတႈသူဥအုးသးအုး သးအိဥသးကညီၚ သီခါကရ႕ခိဥ Yvon Ambroise ဒီးပဃ့ထုကဖဥသကိး၀ဲလ႕ အဒူဥဖိထ႕ဖိသ့ဥတဖဥအဂီႈ ဒီး FABC-OSC ဒီး Radio Veritas Asia အဂီႈနဥ့လီၚ’ မ္ Fr. Raymond ကအိဥဘွံး၀ဲလ႕ ဎြၚလ႕အမ့ႈပွၚလ႕အဟ့ဥပွၚတႈမူအထူအဎိဏတဂၚ အတႈမုဏတႈခုဥအပူၚနဥ့တက့ႈ’

ကစႈဧ႕ယဟ့ဥလီၚဘဥအီၚ တႈမုဏတႈပ႕ၚအထူအဎိဏယ

ဒီးမ္တႈကပီၚအထူအဎိဏယ ကပီၚထီဥဘဥလ႕အီၚတက့ႈ’