ပွၚစီဆွံ St. Roch အဂ့ႈဖုႈကီႈ အီကူး ၁၆ သီ

ပွၚစီဆွံ St. Roch အဂ့ႈဖုႈကီႈ    အီကူး ၁၆ သီ

တႈဂ့ႈတႈက်ိၚလ႕ တႈနဏနဥ့အီၚတသ့၀ဲလီၚတံဥလီၚဆဲး အိဥ၀ဲအသိးယ ပွၚစံး၀ဲလ႕ ပွၚစီဆွံ St. Roch အိဥဖ်ဲဥထီဥ၀ဲဖဲ Montpelier လ႕ကီႈ France, ဒီးမ့ႈ၀ဲပွၚလ႕အပ႕တႈဆွ႕တႈ (Governor) ဖဲတႈလီႈအံၚအဖိခြါ နဥ့လီၚ’ ကဲထီဥ၀ဲဖိဥဃဲဖဲအသးအိဥ၀ဲအနံဥ ၂၀ အကတီႈနဥ့လီၚ’ လဲၚဘူဥဘါတႈဆူ၀့ႈရိမ့ၚယ ၀ံၚဒီးဟ့ဥလီၚအသးလ႕ တႈကြႈထြဲမၚစ႕ၚ ပွၚတူဥဘဥတႈဆါတမံၚ လ႕အဘဥတႈရၚလီၚအီၚလ႕ဎုႈ (လ႕အဲကလံးအက်ိဏ Plague) ဖဲတႈဆါအံၚသလဏလီၚအသး လ႕ကီႈ Italy အပူၚအကတီႈနဥ့လီၚ’ အနီႈကစႈဒဥ၀ဲဒိးနဥ့ဘဥ၀ဲတႈဆါယ ဒီးဖဲအတူဥဘဥတႈဆ႕အကတီႈ ဒ္သိးအတကဲထီဥတႈ၀ံတႈဎိးလ႕ပွၚအဂၚအဂီႈ လဲၚ၀ဲဆူသ့ဥပွႈက်ါ ဒ္သိးအကသံ၀ဲထဲဒဥအကဒဥ၀ဲ တဂၚဧိၚအဂီႈနဥ့လီၚ’ ဖဲနဥ့ပွၚစံး၀ဲလ႕ထြံဥတဒု ဟဲစိဏနဥ့အီၚတႈအီဥ ဒီးလ့ဥ၀ဲအတႈပူၚလီႈသ့ဥတဖဥနဥ့လီၚ’ လ႕ခံထြံဥအကစႈ ထံဥနဥ့ဘဥ၀ဲ St. Roch ၀ံၚဒီးကြႈထြဲမၚစ႕ၚအီၚနဥ့လီၚ’ က့ၚဘ်ါက့ၚ၀ဲလ႕အတႈဆူးတႈဆါ ၀ံၚဒီးအမံၚဟူသဥဖ်ါထီဥ၀ဲဒ္ အဎါဘ်ါကြံဏတႈ လ႕တႈလီၚလိဏလီၚလးအပူၚသ့ဥတဖဥနဥ့လီၚ’

ဒ္အဟဲက့ၚကဒါက့ၚ၀ဲဆူ အအိဥ၀ဲတႈလီႈ Montpelier အသိးယ ဘႈတႈဖ႕ႏုႈအီၚလ႕ဃိဏပူၚ ဎဲႈနံဥယ မ့ႈလ႕အဘဥတႈဆိမိႈကမဥအီၚ ဒ္အမ့ႈပွၚဃုမၚနဥ့ခူသူဥတႈဂ့ႈ လ႕ပွၚလဲၚဘူဥဘါတႈသ့ဥတဖဥအက်ါ ဘဥဃးဒီးထံဂ့ႈကီႈဂ့ႈယ ဖဲအဖါတံဥမ့ႈ၀ဲ ပွၚပ႕တႈဆွ႕တႈ (Governor) အကတီႈယ ဒ္အဖါတံဥကြႈနီႈအီၚတဘဥ၀ဲ ဒီးအကစႈဒဥ၀ဲစ့ႈကီး တသ့ပဏဖ်ါအသးလ႕အမ့ႈ မတၚမတၚလီၚတံဥလီၚဆဲးအဃိနဥ့လီၚ’ St. Roch သံ၀ဲလ႕ဃိဏပူၚယ ၀ံၚဒီးဘဥတႈသ့ဥညါကြႈနီႈက့ၚအီၚ ဒ္အမ့ႈပွၚပ႕တႈဆွ႕တႈလ႕ညါတဂၚ အဖိခြါ ခီဖ်ိတႈပနီႈလ႕အအိဥဖ်ါ၀ဲလ႕အလိၚ မ့ႈ၀ဲဒ္ထူဥစုညါအက့ႈအဂီၚ လ႕အသးနါပွႈအလိၚ ဖဲအအိဥဖ်ဲဥထီဥ၀ဲလံၚလံၚနဥ့လီၚ’

ဖဲအသံ၀ံၚအလီႈခံယ တႈလီၚလးလ႕အဘဥတႈပဏဖ်ါထီဥအီၚ ဒ္အမ့ႈတႈသ့ဥတဖဥလ႕ ပွၚစီဆွံအံၚအတႈဃ့ကညးစ႕ၚတႈအဃိအခါယ တႈဎူးဎီႈပဏကဲအီၚ လ႕ပွၚမၚညီႏုႈအီၚဒီး ကဲထီဥတႈဘဥသူဥဘဥသးလ႕ ပွၚအါဂၚအဂီႈအိဥထီဥ၀ဲယ ဒီးပွၚဎ႕ၚထီဥအမံၚ သနၚ့အသးဖဲ တႈဆါလ႕အသလဏလီၚအသးခ့်သဒံး ဒီးပွၚသံ၀ဲအါဒံအါဂၚ (လ႕အဲကလံးအက်ိဏ Pestilence ဒီး Plague )သ့ဥတဖဥဟဲအိဥထီဥ၀ဲအခါနဥ့လီၚ’ လ႕ကီႈ Italy အပူၚ ပွၚသ့ဥညါအီၚဒ္အမ့ႈ Rocco ဒီးလ႕ကီႈ Spain အပူၚ ပွၚသ့ဥညါအီၚ၀ဲလ႕အမ့ႈ Roque နဥ့လီၚ’ တႈမၚလၚကပီၚအီၚအမုႈနံၚ မ့ႈ၀ဲဖဲ လါအီကူး ၁၆ သီအမုႈနံၚနဥ့လီၚ’