ပွၚစီဆွံနီႈကလၚရါ (St Clare) အဂ့ႈဖုႈကီႈ လါအီကူး ၁၁ သီ

ပွၚစီဆွံနီႈကလၚရါ (St Clare) အဂ့ႈဖုႈကီႈ

ပွၚစီဆွံနီႈကလၚရါ (St Clare) အိဥဖ်ဲဥထီဥ၀ဲလ႕ ၀့ႈ Assisi ဖဲ ၁၁၉၄ လါ July ၁၆ သီအမုႈနံၚယ ဒ္အမ့ႈဖိ၀ဲႈကိ လ႕ဒူဥဖိထ႕ဖိအပူၚနဥ့လီၚ’ လ႕တႈစံဏဃဲၚတဲဃဲၚအပူၚ ပသ့ဥညါဘဥ၀ဲလ႕ အပႈမ့ႈ၀ဲ ပွၚရိမ့ၚဖိ အပွၚထူးပွၚတီၚတဂၚ ဒီးအမိႈမ့ႈပွၚလ႕အအဲဥထူအဲဥဎြၚတဂၚနဥ့လီၚ’

ဖဲအမ့ႈ၀ဲဖိသဥလံၚလံၚ နီႈကလၚရါ လုႈထီဥအသးလ႕ တႈထုကဖဥအပူၚနဥ့လီၚ’ ဖဲအသးအိဥ၀ဲ ၁၈ နံဥအကတီႈယ နဥဟူဥဘဥ၀ဲ ပွၚစီဆွံ Francis Assisi အတႈစံဏတဲၚတဲလီၚတႈ ဖဲတႈကီၚသူဥကီၚသးအဆ႕ကတီႈ လ႕တႈဘဥသရိဏတဖ်႕ဥအပူၚ ဒီးဃ့ကညးအီၚ ဒ္သိးအကမၚစ႕ၚအီၚ လ႕အကသ့အိဥမူ၀ဲဒ္ တႈသးခုကစီႈအတႈသိဥလိနဲဥလိတႈ အိဥ၀ဲအသိးနဥ့လီၚ’ ဖဲ ၁၂၁၂ အနံဥ နီႈကလၚရါ ပဏတ့ႈကြံဏအပႈအဟံဥ၀ံၚ လဲၚႏုႈလီၚ၀ဲဆူ တႈဘါသရိဏတဖ်႕ဥ ဖဲအထံဥလိဏအသးဒီး ပွၚစီဆွံ Francis Assisi နဥ့လီၚ’ ဖဲနဥ့နီႈကလၚရါအခိဥသူသ့ဥတဖဥ ဘဥတႈကူးထီဥတဲႈကြံဏအီၚ ဒီးဒိးနဥ့၀ဲတႈကူတႈသိးလ႕ အတႈအိဥဒီးတႈဃံတႈလၚ ဒီးပဏတ့ႈကြံဏအတႈကူတႈသိးလ႕ အလုႈဒိဥပွၚ့ဒိဥ၀ဲသ့ဥတဖဥနဥ့လီၚ’

နီႈကလၚရါ ႏုႈလီၚ၀ဲဆူ ဖံ၀ါအကရ႕တခါလ႕အမံၚမ့ႈ၀ဲ (Benedictine Nuns) သ့ဥတဖဥအက်ါယ ဒ္အမ့ႈ၀ဲလ႕ စီၚ Francis အတႈပ႕တႈဆွ႕တႈ အဖီလဏနဥ့လီၚ’ ဖဲအပႈထံဥနဥ့က့ၚအီၚ ဒီးက်ဲးစ႕ၚထုးနဥ့က့ၚအသး ဒ္သိးအကဟဲက့ၚဆူဟံဥအခါ အ၀ဲတလူၚပိဏထြဲၚလ႕ၚ၀ဲဘဥဒီး အ႕ဥလီၚအီလီၚအသးလ႕ အတႈအိဥမူအတံၚသကိးကမ့ႈဒဥ ခရံဏကစႈဒီးတမ့ႈလ႕ၚပွၚအဂုႈအဂၚလ႕ၚဘဥနဥ့လီၚ. ဒ္သိးအကအိဥဘဥ၀ဲလ႕ တႈဘွဥ့တႈဘွီဥအပူၚ ဂ့ၚဂ့ၚဘဥဘဥအဂီႈ Francis Assisi ဆွ႕လီၚအီၚဆူ ဖံ၀ဲအိဥကေိအဂၚတဖ်႕ဥအအိဥနဥ့လီၚ’

နီႈကလၚရါအဒီပုႈ၀ဲႈမုႈ လ႕အမ့ႈ Catarina ဒီးဒိးနဥ့ကဒီးအမံၚလ႕ Agnes လဲၚဃုဏတႈဒီးအီၚဆူ ဖံ၀ါအိဥကေိတႈလီႈအပူၚနဥ့လီၚ’

ဒ္တႈဆ႕ကတီႈလဲၚပူၚကြံဏ၀ဲအသိး ပိဏမုႈအဂုႈအဂၚသ့ဥတဖဥ ဟဲဆူအ၀ဲသ့ဥအအိဥ ပဏလီၚအသးဒ္သိး အ၀ဲသ့ဥအသးသမူအတံၚသကိး ကမ့ႈဒဥခရံဏကစႈစ့ႈကီး ဒီးအ၀ဲသ့ဥအသးတအိဥစဲဘူးဒီး က်ိဏစ့ဘဥနဥ့လီၚ’ အ၀ဲသ့ဥတဖဥ ဘဥတႈသ့ဥညါအီၚဒ္ ပွၚအိဥဖွီဥအိဥဎဏ (Poor Ladies of San Daamiano) နဥ့လီၚ’ အ၀ဲသ့ဥအိဥမူ၀ဲလ႕ တႈဎိဎိဖိအပူၚယ ပဏဎံၚအသးဒီးတႈဟီဥခိဥခ်႕သ့ဥတဖဥယ အိဥမူ၀ဲလ႕တႈဖွီဥတႈဎဏအပူၚ ဒ္ Francis Assisi ပဏလီၚ၀ဲတႈသိဥတႈသီ လ႕အ၀ဲသ့ဥအဂီႈအသိးနဥ့လီၚ’ နီႈကလၚရါဒီးအဒီပုႈ၀ဲႈမုႈ တဒိး၀ဲခီဥဖံးဘဥဒီးယ တအီဥ၀ဲတႈဖံးတႈညဥယ အိဥဒဥ၀ဲလ႕ဟံဥလ႕အဖွီဥ၀ဲတဖ်႕ဥအပူၚယ ထီဘိလ႕တႈဘွဥ့တႈဘွီဥအပူၚနဥ့လီၚ’ အတႈအိဥမူမ့ႈ၀ဲဃုဏဒီးတႈဖံးတႈမၚတႈ ဒီးတႈထုကဖဥတႈနဥ့လီၚ’ ဘဥဆဥ တႈသူဥဖွံသးညီအိဥဒီးအ၀ဲသ့ဥထီဘိ မ့ႈလ႕ခရံဏကစႈအိဥဘူးဒီးအ၀ဲသ့ဥ ထီဘိအဃိနဥ့လီၚ’

တႈလီႈလ႕အမ့ႈ San Damiano ကဲထီဥတႈလီႈ နီႈကလၚရါအကရ႕ကရိအဂီႈ ဒီးဘဥတႈသ့ဥညါအီၚဒ္ ပိဏမုဏကရ႕လ႕အဖွီဥ၀ဲဎဏ၀ဲ (Order of Poor Ladies of San Damiano) နဥ့လီၚ’ ဖဲတႈဆ႕ကတီႈဖုဥကီႈဖိအပူၚ ကရ႕အံၚဘဥတႈထုးစုနဲဥက်ဲအီၚလ႕ Francis Assisi, ဒီးဖဲ ၁၂၁၆ အနံဥယ နီႈကလၚရါကဲထီဥ၀ဲ ပွၚကဲခိဥကဲနဥဖဲတႈလီႈအံၚနဥ့လီၚ’ နီႈကလၚရါ သံ၀ံၚအနံဥ 10 ပူၚကြံဏ၀ံၚအလီႈခံ ကရ႕အံၚပွၚသ့ဥညါအီၚဒ္ နီႈကလၚရါအကရ႕ (The Order of St Clare) နဥ့လီၚ’

နီႈကလၚရါ ပဏလုႈဒိဥပွၚ့ဒိဥ၀ဲ Francis Assisi အတႈအိဥမူအက့ႈအဂီၚ ဒီးအတႈသိဥတႈသီသ့ဥတဖဥ လ႕တႈသူဥတုၚလီၚသးတုၚလီၚအပူၚ တုၚဒဥလဲဥ အလီၚဂဏဒ္ ပွၚစီဆွံ Francis Assisi အဂၚတဂၚအသိးနဥ့လီၚ’

ဖဲ 1224 အနံဥယ ပွၚသုးဖိသ့ဥတဖဥ လဲၚႏုႈလီၚ၀ဲဆူ၀့ႈ Assisi အပူၚဒ္သိးအကမၚအ႕မၚနးတႈအဂီႈနဥ့လီၚ’ အတႈအိဥဆူဥအိဥခ့်တဂ့ၚ၀ဲဘဥဆဥ နီႈကလၚရါ လဲၚထီဥဆူပွၚသုးဖိသ့ဥတဖဥအအိဥ လ႕အအိဥ၀ဲဒီးကိႈဘူဥစီဆွံလ႕အစုပူၚနဥ့လီၚ’ ပဏထီဥ၀ဲကိႈဘူဥစီဆွံလ႕တႈအဒူဥအဖီခိဥ ဖဲဒုဥဒါသ့ဥတဖဥကသ့ထံဥ၀ဲအဂီႈနဥ့လီၚ’ ဖဲနဥ့ခ်ံးလီၚအခီဥ ဃ့ထုကဖဥတႈ ဒ္သိးဖံ၀ါသ့ဥတဖဥ ကဘဥတႈပ်ဲပူၚအီၚအဂီႈနဥ့လီၚ’ ဒီးဖဲနဥ့တကီႈခါ တႈမၚပ်ံၚမၚဖုးပွၚသုးဖိသ့ဥတဖဥ ဟဲအိဥထီဥ၀ဲတမံၚခ့်သဒံး ဒီးပွၚလ႕အကမၚအ႕မၚနးတႈသ့ဥတဖဥ ဃ့ႈဟးထီဥ၀ဲတဘ်ီဃီ ဒီးတသ့မၚဘဥဒိဘဥထံး၀ဲပွၚနီတဂၚဘဥနဥ့လီၚ’

နီႈကလၚရါတအိဥဆူဥအိဥခ့်၀ဲဘဥဒီး ဘဥတူဥဘဥတႈအနံဥအါ အလါအါ၀ဲဘဥဆဥ တပဏဖ်ါထီဥ၀ဲအတႈတူဥဘဥတႈသ့ဥတဖဥဘဥနဥ့လီၚ’ မၚတႈခ့တႈပွၚအတႈမၚလ႕ တႈသူဥဖွံသးညီအပူၚ တုၚဒဥလဲဥတဘ်ီစံး၀ဲ ပွၚစံး၀ဲလ႕ပဖွီဥ၀ဲဎဏ၀ဲဘဥဆဥ ပွၚလ႕အသူဥအသးအိဥလ႕ပွဲၚ၀ဲဒီးဎြၚသ့ဥတဖဥ မ့ႈအဖွီဥ၀ဲဎဏ၀ဲကသ့ဒ္လဲဥ နဥ့လီၚ’

ဖဲ 1253 လါ August 9 သီအမုႈနံၚယ ပႈပါ Innocent လြံဥဂၚတဂၚ ဒုးဟူထီဥသါလီၚ၀ဲ ဒ္သိးနီႈကလၚရါအတႈသိဥတႈသီသ့ဥတဖဥ ကမ့ႈ၀ဲတႈသိဥတႈသီ လ႕အကရ႕ လ႕အမ့ႈပိဏမုႈလ႕အဖွီဥ၀ဲ (Poor Ladies) သ့ဥတဖဥအဂီႈနဥ့လီၚ’ ခံသီပူၚကြံဏ၀ံၚအလီႈခံ နီႈကလၚရါသံ၀ဲ ဖဲအသးအိဥ၀ဲ 59 နံဥအကတီႈနဥ့လီၚ’ နီႈကလၚရါသံ၀ံၚခံနံဥပူၚကြံဏ၀ံၚအလီႈခံ ဖဲ 1255 အနံဥယ ပႈပါ Alexander လြံဥဂၚတဂၚ ဒုးဟူထီဥသါလီၚအီၚ ဒ္အမ့ႈပွၚစီဆွံနီႈကလၚရါ လ႕၀့ႈ Assisi နဥ့လီၚ’

နီႈကလၚရါမ့ႈပွၚစီဆွံလ႕အခိးကြႈပ႕ဆွ႕ လီထံဥဟူ (Television)နဥ့လီၚ’ ဖဲနီႈကလၚရါတအိဥဆူဥအိဥခ့်၀ဲအကတီႈ ဒီးတသ့လဲၚဘူဥဘါတႈဘဥအဃိ ဘဥဆ့ဥနီႈကြႈစိတႈလုႈမံးဆါလ႕အဎံၚ လ႕အလီႈမံနဥ့လီၚ’ မ့ႈစ့ႈကီၚပွၚစီဆွံလ႕အခိးကြႈပ႕ဆွ႕ ပွၚလ႕အအိဥဒီးမဲဥခ်ံအတႈဆါယ ပွၚပီႈထူယ ဒီးပွၚလ႕အဆွဳႈတႈကူတႈသိးသ့ဥတဖဥနဥ့လီၚ’ နီႈကလၚရါအတႈဂီၚ ဘဥတႈထံဥညီႏုႈအီၚဒ္အမ့ႈ ပွၚစိဏဃဥကိႈဘူဥစီဆွံတဂၚနဥ့လီၚ’