စီဆွံ James Oldo အမုဥဘူဥနံၚ လါအ့ျဖ့ဥ ၁၉ သီ

စီဆွံ James Oldo အမုဥဘူဥနံၚ လါအ့ျဖ့ဥ ၁၉ သီ

ပွၚစီဆွံ အံၚ ဖဲ အ၀ဲ လဲၚ၀ဲ လ႕ ပွၚပဏလီၚ ခရံဏအစိဥ တႈပဏပနီဥ အလီႈန႔ဥ အခါ အ၀ဲမံလီၚ ၀ဲဖဲန႔ဥ ဒီး ထိဥကြႈ ၀ဲ အသးလ႕ မ့ႈမတၚ တဂၚလဲဥ အဘိထီဥ၀ဲ လဲဥအခါ အတႈပဏသူဥပဏသး လဲလိဏကြံဏအသးန႔ဥလီၚ’

စီဆွံ James Oldo န႔ဥ အိဥဖ်ဲဥ ထီဥ၀ဲလ႕ ကီႈအံးတလံး ယ၀့ႈလိဥဒံဥ လ႕ပွၚတူႈဒိဥကီႈဒိဥ အဒူဥဖိထ႕ဖိ အပူၚ ဖဲ ၁၃၆၄ အနံဥန႔ဥလီၚ’ ဖဲ အ၀ဲဒိဥတူႈခိဥပွဲၚ အဆ႕ ကတီႈ ဒ္သးစႈ တဂၚ နီႈနီႈ အသိး အ၀ဲ ဃုထ႕ထီဥ၀ဲ အသးသမူ တံၚသကိး ဒီး ဒိးတ့ဒိးဖ်ီ အသး၀ံၚ အနီႈဒီမါ၀ၚ ခံဂၚန႔ဥ ဒ္သိး ကအိဥဆိးက့ၚ၀ဲ မုဏမုဏခုဥခုဥ လ႕ တႈသူဥဖွံသးဖွံ အပူၚ အဂီႈ တႈပိးအလီ အတႈထူးတႈတီႈ သ့ဥတဖဥန႔ဥ လ႕အ၀ဲသ့ဥအဂီႈ မၚလ႕ပွဲၚန႔ႈက့ၚ အ၀ဲသ့ဥတႈလိဥဘဥန႔ဥလီၚ’

ဖဲန႔ဥ အိဥ၀ဲတနံၚ James Oldo ဒီး အမါသးဘိ အိဥ၀ဲ ၀့ႈ အပူၚ စီဆွံ ကစႈခရံဏ အတႈဂီႈစိဏပေဥ ဟးစိဏ လဲၚသကိး တႈလ႕ က်ဲမုဏဖီခိဥ အဆ႕ကတီႈ ဟဲအိဥထီဥ၀ဲန႔ဥလီၚ’ အ၀ဲန႔ဥ တမ့ႈပွၚလ႕ အတႈစူႈတႈနဏ တႈသးဆူဥ တအိဥအါအါ ဘဥဆဥ ဖဲအထံဥဘဥ၀ဲ ခရံဏ တႈဂီၚစိဏပေဥ အစိဥ ပဏ၀ဲ တႈလီႈန႔ဥအခါ လဲၚဃီဥ၀ဲ ဒီး ထိဥသၾတိဥ ကြႈ၀ဲ မ့ႈမတၚ လ႕ အကဒိဥ ကထီ၀ဲ တဂၚလဲဥန႔ဥ ဒီးမံလီၚ သၾတဲၚ ၀ဲ အသးဒီး ခရံဏ အစိဥ တႈဂီၚ န႔ဥလီၚ’

ဖဲတႈလီႈန႔ဥ အပူၚ အ၀ဲမံလီၚ တဎံဥတမီၚဘဥဒီး အတႈပဏသူဥပဏသး လဲလိဏကြံဏ အသး၀ံၚယနဥဟူဘဥက့ၚ၀ဲ ဎြၚအတႈကိးက့ၚအီၚ ဒီး အ၀ဲ အတႈလဲလိဏ အသးပတုၚဒဥလဲဥလ႕  အ၀ဲန႔ဥ အဲဥ ဒိးကဲက့ၚ သးအိဥလဲၚႏုၚ၀ဲဆူ  ဖရဥစ့ဥစကဲဥ အကရ႕ကရိ လ႕အပတီႈသ႕ ဖုတဖု အကရ႕ကရိ အပူန႔ဥလီၚ’ ဖရဥစ့ဥကစကဥ အကရ႕ကရိ အတႈမၚလိဏသ့ဥတဖဥ ဒီး တႈသိဥဘ်႕ သ့ဥတဖဥ န႔ဥ တမ့ႈလ႕ အကဘဥကဲထီဥသီခါ အလီႈအလးမးဘဥ ဒီး မ့ႈဒဥလဲဥ ပွၚဎိဎိဖိ လ႕အဆီဟံဥဆီဃီ တဂၚ ဒဥလဲဥ ကဲထီဥ ကရ႕ကရိ ဖိသ့န႔ႈ၀ဲဒဥန႔ဥလီၚ’ အိဥမူ မၚထြဲက့ၚဒ္ ဖရဥစ့ဥစကဥ အတႈသိဥတႈသီ အိဥ၀ဲ အသိး သိဥလိန႔ႈက့ၚ ပွၚသ့ဥတဖဥ တႈကူဥဘဥကူဥသ့ယဖံးမၚန႔ႈက့ၚ တႈမၚစ႕ၚသးကညီၚတႈ အတႈဖံးတႈမၚ သ့ဥတဖဥ ဒီး ဘဥဃဥတႈမၚတႈလ႕ ပွၚကညီအကရ႕ကရိ သ့ဥတဖဥ အပူၚ သ့န႔ႈ၀ဲဒဥန႔ဥလီၚ’

ဘဥဆဥ James Oldo အမါသးဘိ ဒီး အဖိသ့ဥတဖဥ တပ်ဲ၀ဲ အီၚဘဥန႔ဥလီၚ’ပတုၚလ႕ ခံကတ႕ႈ မ့ႈလ႕ အကညိးကြံဏက့ၚ၀ဲ ဎြၚ အတႈကိးသ့တန႔ႈ၀ဲ ဘဥအဃိ သတးဒီး ထီဒါ က့ၚ အဖိအမါ သ့ဥတဖဥ အတႈပဏသူဥပဏသး ၀ံၚ လဲၚႏုၚလီၚ၀ဲဆူ ကရ႕ကရိ အံၚအပူၚန႔ဥလီၚ’ James Oldo အံၚ မ့ႈလ႕ တႈသးဆူဥ ဒီး အိဥမူ မၚထြဲက့ၚ ၀ဲတႈလ႕ တႈတူႈလီၚ၀ီလီၚ အဃိယ အဒူဥဖိထ႕ဖိခဲ လ႕ဏ စးထီဥ လူးပိးမၚထြဲ က့ၚ၀ဲဒ္ ဖရဥစ့ဥစကဥ အတႈသိဥတႈသီ အိဥ၀ဲ အသိးန႔ဥလီၚ’ အဒူဥဖိထ႕ ဖိသ့ဥတဖဥ အိဥ၀ဲဆိး၀ဲ ဟံဥန႔ဥ ဟ့ဥလီၚ ၀ဲ လ႕ ပွၚကသူအီၚ ဒ္ တႈဘါသရိဥ အသိးန႔ဥ လီၚ’ လ႕န႔ဥ အမဲဏညါ  ပွၚမၚစ႕ၚ က့ၚတႈလ႕ ပွၚဆူဆါ သ့ဥတဖဥ အဂီႈ ဒီး လဲၚအိဥသကိး ၀ဲ ပွၚလ႕အအိဥလ႕ ဃိဥ အပူၚသ့ဥတဖဥ ဒီး ကတိၚဟ့ဥဂံႈဟ့ဥဘါ အ၀ဲသ့ဥဒီး ထုကဖဥ န႔ႈက့ၚတႈ လ႕ အ၀ဲသ့ဥတဖဥ အဂီႈန႔ဥလီၚ’

ဖဲအ၀ဲသ့ဥ ဟ့ဥလီၚအသး ဖံးမၚက့ၚတႈ ဒ္ပွၚဎိဎိ ဖိတဂၚ အသိး န႔ဥ ဒီး ပတုၚလ႕ ခံ James Oldo အမါသးဘိ န႔ဥ စူးကြံဏ အသးန႔ဥလီၚ’ ပတုၚလ႕ ခံကတ႕ႈ အ၀ဲ န႔ႈ သးအိဥ အဲဥဒိးကဲထီဥ ဒ္သီခါ တပါ အသိး သတး ဒီး ကဲထီဥဘဥ ၀ဲ ရသ့း သီခါတပါ န႔ဥလီၚ’

ဒ္သီခါတပါ အသိး အတႈအိဥမူ အဆ႕ကတီႈန႔ဥ James Oldo န႔ဥ ဟ့ဥလီၚအသး တူႈဖွီဥ အသးလ႕ တႈပွႈလႈတႈကမဥအဂီႈယဒူဥတႈအီဥတႈအီယမၚက့ၚ၀ဲန႔ဥလီၚ’ ဘဥဆဥ အတႈမၚ၀ဲ တႈသ့ဥတဖဥ အါတလ႕ ကဲးဆိး အဃိသတးဒီး တလးပ႕ စံးဘဥအီၚလ႕ မၚက့ၚ တႈဒူဥတႈအီဥတႈအီ အစွၚကတ႕ႈ တႏြံ သ႕ဘ်ီန႔ဥလီၚ’

လ႕အ၀ဲ အတႈအိဥမူ အပူၚ ပွၚသ့ဥညါ အါအီၚလ႕ အမ့ႈ၀ဲ ပွၚဟီတရါ သရဥ တဂၚ အသိးန႔ဥလီၚ’ ဒ္သိး ပွၚအါဂၚ တႈသူဥဆူဥ သးဆူဥ  ကအိဥထီဥလ႕ တႈဘူဥတႈဘါ အပူၚ အဂီႈ မၚစ႕ၚ ဟ့ဥသဆဥ ထီဥက့ၚ၀ဲ တႈအမဲဏညါ  တႈဒူးတႈဎႈ ဒီး အတႈအကစႈ အတႈအိဥမူ လ႕ ခံကတ႕ႈ တႈကကဲထီဥ အသးသ့ဥတဖဥ သ့တဲဆိပဏ က့ၚ၀ဲ၀ံၚယ ပတုၚလ႕ အသးအနံဥ ပွဲၚထီဥ၀ဲ (၄၀) အနံဥ ဖဲ ၁၄၀၄ န႔ဥ အ၀ဲ မံမုဏ အသးလ႕ ခရံဏပူၚန႔ဥလီၚ’ အ၀ဲ သံ၀ံၚ ပွဲၚထီဥ ၇ နံဥ ၀ံၚ အလီႈခံ  ဖဲ ပွၚသုးက့ၚ၀ဲ အစိဥ အဆ႕ကတီႈ အခါန႔ဥ အစိဥန႔ဥ တဟးဂီၚ၀ဲ ဘဥဒီး အိဥ၀ဲဂ့ၚဂ့ၚ ဘဥဘဥ န႔ဥလီၚ’