ပမ့ႈဆ႕တဲဏလီၚပသးလ႕ ပကဒိးတ့ဒိးဖ်ီသးအခါ မ့ႈတမ့ႈ ပကသူဥထီဥဘွီထီဥဟံဥဃီအခါ (11,3,2020)

ပမ့ႈဆ႕တဲဏလီၚပသးလ႕ ပကဒိးတ့ဒိးဖ်ီသးအခါ မ့ႈတမ့ႈ ပကသူဥထီဥဘွီထီဥဟံဥဃီအခါ

(အိမ္ေထာင္ျပဳမယ္လို႔ ဆံုးျဖတ္တဲ့အခါ)

(11.3.2020)

ဒီပုႈ၀ဲႈသးစႈသ့ဥတဖဥ ပမ့ႈဆ႕တဲဏလီၚပသးလ႕ ပကဒိးတ့ဒိးဖ်ီသးအခါ မ့ႈတမ့ႈ ပကသူဥထီဥဘွီထီဥဟံဥဃီအခါ ပကဘဥအိဥ၀ဲဒီး တႈကြႈထံဆိကမိဥ တႈသ့ဥတဖဥအံၚ န႔ဥလီၚ’ အဆိကတ႕ႈ ပတဘဥဆ႕တဲဏထဲ တႈအဲဥတခါဧိၚဘဥယပကဘဥဆ႕တဲဏ၀ဲလ႕ ပခိဥနုဏန႔ဥလီၚ’  ပတဘဥဆ႕တဲဏစ့ႈကီးထဲ ပခိဥနုဏဘဥ ပကဘဥဟံးန႔ႈတႈမၚစ႕ၚလ႕ ပသးအအိဥန႔ဥလီၚ’  ဘဥဃးတႈဆီဟံဥဆီဃီန႔ဥ ပသူဥထီဥထဲတႈဆိကမိဥတဂၚဧိၚ တသ့ဘဥယ တႈလ႕တႈဆီဟံဥဆီဃီ န႔ဥမ့ႈ၀ဲ လံဏလ႕အိဥဒီးတႈဒြးလ႕ အလီၚတံႈလီၚဆဲး တဘ့ဥန႔ဥလီၚ’

ပတဘဥအိဥဒီး တႈထံဥကမဥလ႕ ပွၚလ႕လဲၚဃုဏတႈဒီးပွၚလ႕ ပတႈအိဥမူပူၚတဂၚန႔ဥဘဥ’ ပကဘဥအိဥဒီး တႈသ့ဥညါတႈဆ႕တဲဏလ႕ ပတႈအိဥမူ ဒီတစိၚအဂီႈလ႕ ပွၚလ႕ပအဲဥအီၚတဂၚ မ့တမ့ႈ ပွၚလ႕လဲၚဃုဏတႈဒီးပွၚလ႕ ပတႈအိဥမူပူၚထီဘိ တဂၚအဂီႈန႔ဥလီၚ’ ပတဘဥပဏပသးလ႕ ဘဥဃးတႈဆီဟံဥဆီဃီန႔ဥ မ့ႈ၀ဲတႈညီညီန႔ႈဘဥလီၚ’ ပကဘဥအိဥဒီးတႈထံဥဆိပဏစ႕ၚ ဆူမဲဏညါန႔ဥလီၚ’

ဒ္သိးပဟံဥဃီ ကအိဥဒီးတႈမုဏတႈခုဥအဂီႈ ပကဘဥအိဥဒီး တႈနႈပ႕ႈယတႈသူဥထီသးထီလ႕ လ႕ပွၚ လ႕ပအဲဥအီၚတဂၚအဖီခိဥန႔ဥလီၚ’ ပွၚလ႕ပအဲဥအီၚတဂၚန႔ဥ ပကဘဥအိဥဒီး တႈသးတီယတႈမၚစ႕ၚယ တႈမၚတခါလႈလႈ ပကဘဥအိဥဒီးတႈမၚ၀ံၚယ ပကဘဥဟ့ဥဂံႈဟ့ဥဘါ ပွၚလ႕ပအဲဥအီၚတဂၚ န႔ဥလီၚ’ တႈကီတႈခဲသ့ဥတဥ ပကဘဥတုႈ၀ဲဒ္သိးသိးဒီး ပွၚလ႕ကလဲၚဃုဏတႈဒီး ပွၚလ႕ပတႈအိဥမူပူၚတဂၚ န႔ဥလီၚ’ ဒ္န႔ဥအသိး တႈသူဥဖွံသးညီစ့ႈကီး ပကဘဥသးဖွံဃုဏဒီး ပွၚလ႕ပအဲဥ တဂၚန႔ဥလီၚ’  တဂၚဒီးတဂၚကဘဥအိဥ၀ဲဒီး တႈသးကညီၚလ႕ တဂၚဒီးတဂၚ အဖီခိဥန႔ဥလီၚ’

အဆိကတ႕ႈ ပကဘဥအိဥဒီး တႈအိဥတႈဆိးဂ့ၚဂ့ၚဘဥဘဥတဂၚ န႔ဥလီၚ’ လ႕ခံခါတခါန႔ဥ ပကဘဥကြႈ ပွၚလ႕ပကဃုထ႕ လ႕ကလဲၚဃုဏဒီးပွၚလ႕ ပတႈအိဥမူအပူၚတဂၚန႔ဥ တႈအိဥတႈဆိး ဂ့ၚတဂ့ၚ န႔ဥလီၚ’