Youth Program… သးစႈဒီး တႈမုႈလႈ အဖီတ႕ဥ (၁၀ယ၁၁ယ၂၀၂၀)

Youth Program…

သးစႈဒီး တႈမုႈလႈ အဖီတ႕ဥ......(၁၀ယ၁၁ယ၂၀၂၀)

ဒီပုႈ၀ဲႈသူဥဘီဥသးစႈဖိသ့ဥတဖဥဧ႕ယ ဖဲပအိဥမူ၀ဲလ႕ ဟီဥခိဥခ်႕အခါ ပမ့ႈအိဥမူ၀ဲလ႕ တႈမုႈလႈတအိဥ၀ဲဘဥအပူၚန႔ဥ မ့ႈ၀ဲပတႈအိဥမူလ႕ တအိဥ၀ဲဒီး တႈမုဥတႈခုဥဘဥဒီး တႈမုဏတႈပ႕ၚတအိဥဒီးပွၚ လ႕ပတႈအိဥမူအပူၚဘဥဒီး မ့ႈစ့ႈကီး၀ဲ တႈအိဥမူလ႕ တအိဥ၀ဲဒီး တႈသူဥဖွံသးညီဘဥန႔ဥလီၚ. ပွၚတဂၚလ႕ တအိဥဒီးတႈမုႈလႈ တႈတိဏပဏ လ႕အတႈအိဥမူပူၚဘဥတဂၚန႔ဥ မၚအသးဒ္သိး ပွၚတဂၚလ႕ တအိဥဒီးတႈလီၚတုဏလီၚကဏ လ႕တႈအိဥမူအပူၚဘဥတဂၚန႔ဥလီၚ.

ပသ့ဥညါဒီးပထံဥဘဥသကိးပ၀ဲဒဥလ႕ ပွၚကိးဂၚဒဲး အိဥ၀ဲဃုဏဒီးတႈမုႈလႈ တႈတိဏပဏန႔ဥလီၚ. ပွၚတအိဥနီတဂၚလ႕ တအဲဥဒိးအိဥမူ၀ဲလ႕ တႈကလီကလီအပူၚ လ႕အတႈအိဥမူတစိၚန႔ဥဘဥလီၚ. ပွၚလ႕အတႈမုႈလႈ အဖီတ႕ဥလီၚမႈကြံဏ၀ဲတဂၚန႔ဥ မၚအသးဒ္သိး ပွၚလ႕အဟးဖ်ိးက်ဲတဂၚအသိးန႔ဥလီၚ. ပွၚလ႕အတႈမုႈလႈ ဖီတ႕ဥတအိဥဘဥနဂၚန႔ဥ တူႈဘဥ၀ဲလ႕ အတႈအိဥမူအပူၚအံၚ တႈအခီပညီတအိဥ၀ဲ နီတမံၚဘဥ လ႕တႈအိဥမူအပူၚန႔ဥလီၚ.

ဒီပုႈ၀ဲႈ သးစႈဖိသ့ဥဧ႕ယ ပ၀ဲသ့ဥတဖဥ ပတႈမုႈလႈ အဖီတ႕ဥ မ့ႈဖ်ါကဒုလ႕ပဂီႈဘဥဆဥ ပမ့ႈအိဥဒီးတႈသ့ဥညါလ႕ ပကဘဥအိဥဒီးတႈမုႈလႈဖီတ႕ဥလ႕အဂ့ၚန႔ဥ တႈကီတႈခဲလ႕ ပကဘဥလဲၚခီဂဏ ပကဘဥကြႈဆ႕ဥမဲဏဘဥသ့ဥတဖဥအဖီခိဥ ပဂံႈပဘါကအိဥ၀ဲဒဥန႔ဥလီၚ. ပကဘဥအိဥဒီး တႈက့ၚကြႈထံဆိကမိဥလီၚက့ၚ ပသးလ႕ ဎၚအံၚလ႕ ဎတႈအိဥမူအပူၚ မ့ႈဎတႈမုႈလႈ တႈတိဏပဏ အဖီတ႕ဥ အိဥတခါခါလံဧါ န႔ဥလီၚ’

ဒီပုႈ၀ဲႈသးစႈဖိသ့ဥတဖဥဧ႕ယ လ႕ပတႈအိဥမူအဂီႈ ၾက႕းလ႕ပကဘဥ ပဏပတႈမုႈလႈ အဖီတ႕ဥဒ္လဲဥန႔ဥ ပ၀ဲသးစႈသ့ဥတဖဥ ဒ္သိးပကအိဥဒီးတႈမုႈလႈအဖီတ႕ဥလ႕ လီၚတံႈလီၚဆဲး ဂ႕ႈဂ႕ႈက်႕ၚက်႕ၚသ့ဥတဖဥ ကအိဥဒီးပွၚအဂီႈန႔ဥ ပကဘဥအိဥဒီးတႈဆ႕ကတီႈဒီး တႈထံဥသ့ဥညါလ႕အဆိ္ကတ႕ႈန႔ဥလီၚ.

ပ၀ဲသးစႈသ့ဥတဖဥ ပကဘဥအိဥဒီး တႈမုႈလႈဖီ္တ႕ဥလ႕ အဒိဥအထီလ႕ပတႈအိဥမူ ခါဆူညါအဂီႈန႔ဥလီၚ. ပကဘဥအိဥဒီး ပတႈပညိဏ ပတႈမံမီႈန႔ဥလီၚ. တႈလ႕တႈဆိကမိဥန႔ဥ ကဲထီဥ၀ဲတႈမံမီႈဒီး မ့မ့ႈလ႕ တႈမံမီႈန႔ဥ ကဲထီဥ၀ဲဖီတ႕ဥသ့၀ဲန႔ဥလီၚ. ပွၚလ႕အိဥဒီး  တႈဆိကမိဥဒီး တႈမုႈလႈလ႕ အဒိဥအထီသ့ဥတဖဥန႔ဥ ဖီတ႕ဥလ႕ အတႈအိဥမူအဂီႈ ကကဲထီဥန႔ဥအီၚလ႕ တႈအဒိဥအထီန႔ဥ္လီၚ.

ဒီ္ပုႈ၀ဲႈသးစႈဖိသ့ဥတဖဥဧ႕ယတႈလ႕ပတႈဆိကမိဥန႔ဥ မ့ႈ၀ဲတႈလ႕ ပဒိးန႔ႈဘဥအီၚကလီကလီန႔ဥလီၚ. တႈဆိကမိဥလ႕ ပန႔ဥဘဥကလီကလီသ့ဥတဖဥအံၚ ပမ့ႈအိဥဒီးတႈဆိကမိဥ လ႕အဂ့ၚသ့ဥတဖဥန႔ဥ ပတႈအိဥမူတႈလဲၚက်ဲယ ကမ့ႈတႈလ႕အဘဥ ပသူဥပသးဒီး ပကဒိးန႔ႈဘဥတႈအိဥမူလ႕အဂ့ၚ လ႕အၾက႕းအဘဥဒီးပွၚန႔ဥလီၚ.

ဒီးပုႈ၀ဲႈသးစႈဖိသ့ဥတဖဥဧ႕ယ လ႕ပတႈအိဥမူအပူၚ ပတႈမုလႈ ပတႈတိဏပဏအဖီတ႕ဥန႔ဥ အိဥ၀ဲအါမးလ႕ ပဂီႈလီၚ. ပတႈအိဥမူအဖီတ႕ဥန႔ဥ တလိဥ၀ဲထဲလ႕ ပကဘဥပဏအီၚထဲတခါဧိၚဘဥ. ပပဏအီၚသ့၀ဲဒဥ အကလုဏကလုဏန႔ဥလီၚ. တႈမုႈလႈလ႕ အဟဲထီဥအသးဒီးပွၚဒီး တႈမုႈလႈလ႕ အတၾက႕းဒီးပွၚဘဥ္သ့ဥတဖဥ ပကဘဥပဏတ့ႈကြံဏအီၚ စူကြံဏညိကြံဏအီၚန႔ဥလီၚ. ပွၚလ႕အအိဥ္ဒီးတႈမုႈလႈလ႕ အအါသ့ဥတဖဥန႔ဥ ဂ့ၚဒိဥန႔ဥဒံး ပွၚလ႕တအိဥဒီးတႈမုႈလႈတအိဥ နီတစဲးဘဥတဂၚန႔ဥလီၚ.

ပ၀ဲသးစႈဖိသ့ဥတဖဥ ပကဘဥအိဥဒီးတႈမုႈလႈအဖီ္တ႕ဥ ပကဘဥအိဥဒီးတႈ၀ႈခ်ံ ပကဘဥ၀ဲဒီး တႈဃ့ထုကဖဥတႈလ႕ ဎြၚအအိဥစ့ႈကီးန႔ဥလီၚ’ ဒီးပုႈ၀ဲႈသးစႈဖိသ့ဥသုဧ႕ယ ပ၀ဲသ့ဥပမ့ႈအိဥဒီးတႈသ႕ခါအံၚန႔ဥ မုႈတႈနံၚ ပတႈမုႈလႈအဖီတ႕ဥန႔ဥ ပကဒိးန႔ႈဘဥအီၚ သပွႈကတ႕ႈန႔ဥလီၚ’