သးစႈသန႕ဥ - သးစႈသ့ဥတဖဥ ကဘဥအိဥဒီး တႈကြႈထံဆိကမိဥ တႈအိဥမူအတႈအိဥသး .30.6.2020

 သးစႈသ့ဥတဖဥ ကဘဥအိဥဒီး တႈကြႈထံဆိကမိဥ တႈအိဥမူအတႈအိဥသး 

ပနီႈကစႈ မ့ႈဂ့ၚထဲလဲဥဘဥဆဥ ပတႈအိဥသးသ့ဥတဖဥ မ့ႈတဂ့ၚဘဥန႔ဥ တကဲဘ်ဳးလ႕ ပနီႈကစႈ အဂီႈဘဥဒီး ကဲထီဥတႈကလီကလီ ခဲလ႕ဏန႔ဥလီၚ’

ပညဥမ့ႈ၀ါထဲလဲဥ ဘဥဆဥပတႈအိဥသး သ့ဥတဖဥမ့ႈတဂ့ၚ ဘဥန႔ဥအဘ်ဳးအဖွိဥ တအိဥ၀ဲလ႕ ပဂီႈဘဥလီၚ’ ပမ့ႈမၚတႈဖံးတႈမၚ ဆူဥထဲလဲဥဘဥဆဥ ပတႈဟ့ဥလီၚသး မ့ႈတပဥဃုဏဘဥန႔ဥ ကကဲထီဥ၀ဲ တႈကလီကလီ န႔ဥလီၚ’

ပမ့ႈန႔ဥ တႈမၚန႕ၚ တႈလဲၚထီဥလဲၚထီ ဒိဥထဲလဲဥဘဥဆဥ  တႈမ့ႈတႈတီ မ့ႈတပဥဘဥန႔ဥ အဘ်ဳးအ ဖွိဥတအိဥ ၀ဲလ႕ပဂီႈဘဥ’ တႈကူဥဘဥကူဥသ့ မ့ႈဒိဥထဲလဲဥ ဘဥဆဥ တႈသးကညီၚမ့ႈတအိဥဘဥ န႔ဥ တဂ့ၚ၀ဲဘဥ ’တမ့ႈ၀ဲ ပွၚလ႕အဂ့ၚ တဂၚဘဥလီၚ’

က်ိဥယစ့ တႈထူးတႈတီၚ မ့ႈအိဥဒီးပွၚထဲလဲဥဘဥဆဥ တႈအိဥဆူဥအိဥခ့်မ့ႈတဂ့ၚဘဥန့ဥ ပစံးပ၀ဲလ႕ တႈလ႕တႈပွဲၚ အိဥဒီးပွၚတသ့ ဒ္ဘဥလီၚ’ပတႈကဟူကဎဏလ႕ ပွၚဂၚအဖီခိဥ မ့ႈအိဥဒိဥထဲလဲဥ ဘဥ ဆဥ တႈနႈပ႕ႈဒီး တႈအဲဥအမ့ႈအတီ မ့ႈတအိဥဘဥန႔ဥ တႈလဲၚထီဥလဲၚထီ အိဥထီဥ၀ဲတသ့ဘဥ’

ပတႈအဲဥမ့ႈဒိဥထဲလဲဥ ဘဥဆဥ ပမ့ႈတထုးဖ်ါထီဥဘဥန႔ဥ မတၚတဂၚ ကသ့ဥညဥပွၚလ႕ ပအိဥဒီး တႈအဲဥတႈကြံလဲဥ’ တႈကီတႈခဲ ဖးဒိဥသ့ဥတဖဥ စ့ႈကီးပမ့ႈ ဃ့ႈပူၚကြံဏပသးန႔ဥ တႈကီတႈခဲအ၀ဲ အံၚဟါမႈ၀ဲ ညီညီတသ့ဘဥ’

ပကလၚမ့ႈဂ့ၚ ထဲလဲဥဘဥဆဥ ပတႈပလီႈသူဥပလီႈသးဒီး တႈဂုဏက်ဲးစ႕း မ့ႈတအိဥဘဥန႔ဥ တႈမၚန႕ၚ သ့ဥတဖဥ အိဥထီဥဒီးပွၚ တသ့ဘဥ’ ပမ့ႈဘဥထဲလဲဥ ဘဥဆဥ တႈပ်ံၚတႈဖုးမ့ႈအိဥ ဒီးပွၚစ့ႈကီး တႈလဲၚထီဥလဲၚထီ အိဥထီဥ၀ဲတသ့ ဘဥလီၚ’

ပဂံႈပဘါမ့ႈဒိဥ ထဲလဲဥဘဥဆဥ ပသူအီၚမ့ႈတသ့ဘဥ န႔ဥအဘ်ဳးအဖွိဥ တအိဥ၀ဲဒဥဘဥ’ ပတႈဂုဏက်ဲးစ႕းမ့ႈဒိဥထဲလဲဥဘဥဆဥ တႈမ့ႈတႈတီ မ့ႈတအိဥဒီးပွၚဘဥန႔ႈ အဘ်ဳးအဖွိဥတအိဥ လ႕ ပနီႈကစႈအဂီႈ စ့ႈကီးဘဥ’

ပပွၚဟံဥဖိဃီဖိ နီႈဂံႈအိဥမ့ႈအါဘဥဆဥ  တႈဃူတႈဖိး မ့ႈတအိဥဘဥန႔ဥ ဟံဥဖိဃီဖိအ၀ဲအံၚ ဒိးန႔ႈ တႈသူဥဖွံသးညီ တသ့ဘဥ’ ပမ့ႈကဲထီဥ ပွၚလ႕အိဥဒီး တႈဆိကမိဥထီဥ တုုၚလီၚထီဥဘးဘဥဆဥ ပမ့ႈအိဥဒီး တ႕ခူူူူသူဥဒ္န႔ဥ အဘ်ဳးအဖွိဥတအိဥ ၀ဲလ႕ပဂီႈဘဥလီၚ.

ဘဥဃးပတႈအိဥမူန႔ဥ တႈလ႕တႈပွဲၚ အိဥ၀ဲလ႕လ႕ပွဲၚပွဲၚတအိဥ နီတဂၚဘဥလီၚ. ဖဲပအိဥမူအဆ႕ကတီႈ တႈဂ့ၚတႈ၀ါလ႕ အိဥဒီးပွၚသ့ဥတဖဥယ သးအတႈဂ့ၚလ႕ အိဥဒီးပွၚသ့ဥတဖဥယ တႈသ့တႈဘဥလ႕အိဥဒီးပွၚသ့ဥတဖဥ ဒ္သိးသူတကဲထီဥ တႈကလီကလီ တဂ့ၚအဂီႈ တႈအိဥသးလ႕ အဂ့ၚသ့ဥတဖဥ ပကဘဥအိဥဒီး တႈဟံပဏ ဖီဥပဏလ႕ အဂ့ၚန႔ဥလီၚ. တႈလ႕ပ္မၚ သ့သ့ဥတဖဥ ပကဘဥဟ့ဥလီၚသးလ႕ အဂ့ၚဒီး ပကဘဥ မၚလ႕အဂ့ၚ န႔ဥလီၚ’ တႈမၚလ႕ ပမၚသ့တနံၚ အံၚန႔ဥပတဘဥ မၚဎံဏပသးဘဥ’

တႈ ဖံးတႈမၚလ႕ ပွၚမၚတကဲ ယ မၚတမုဏသ့ဥတဖဥ ပကဘဥလုၚမၚ၀ဲဒဥန႔ဥလီၚ’ ပတဘဥ အိဥဒီး တႈဆိကမိဥ ဒိဥလီၚသးဘဥ’ ပကဘဥမ့ႈ ပွၚလ႕အိဥဒီး တႈတုႈလိဏ နီႈကစႈ တႈအိဥသးဒီး တႈဂံႈစႈဘါစႈ သ့ဥတဖဥန႔ဥလီၚ’ တႈမၚလ႕ ပမၚကမဥသ့ဥတဖဥ န႔ဥပတဘဥအိဥဒီး တႈသူဥဖွီဥသးဖဥဘဥ’ ပကဘဥအိဥ၀ဲဒဥ ဒီးတႈဟံတႈမၚလိလ႕ ပတႈကမဥ သ့ဥတဖဥ အဖီခိဥ န႔ဥလီၚ’

ပမ့ႈတုႈလိဏ ပနီႈကစႈ တႈဂံႈစႈဘါစႈဒီး ပမ့ႈဟံန႔ႈတႈမၚလိလ႕ ပတႈကမဥသ့ဥတဖဥ အဖီ ခိဥန႔ဥ လ႕ပတႈအိဥမူအပူၚ တႈလဲၚထီဥလဲၚထီ ကအိဥ၀ဲဒဥန႔ဥလီၚ’ ပွၚလ႕တုႈလိဏ အနီႈကစႈ တႈဂံႈစႈဘါစႈန႔ဥ မ့ႈ၀ဲပွၚလ႕ အမၚလဲၚထီဥလဲၚထီ အနီႈကစႈ အတႈအိဥမူ တဂၚန႔ဥဒီး ပွၚလ႕တုႈလိဏ အနီႈကစႈ တႈဂံႈစႈဘါစႈ တန႔ႈသ့ဥတဖဥ န႔ဥမ့ႈ၀ဲပွၚလ႕ မၚဟါဂီၚ အတႈအိဥမူ တႈလဲၚထီဥလဲၚထီ က်ဲသ့ဥတဖဥ န႔ဥလီၚ’