သးစႈသန႕ဥ - တႈအိဥမူန႔ဥ မ့ႈ၀ဲတႈလ႕ ပမၚပတုဏအီၚတသ့ဘဥတခါလီၚ 29,9,2020)

တႈအိဥမူန႔ဥ မ့ႈ၀ဲတႈလ႕ ပမၚပတုဏအီၚတသ့ဘဥတခါလီၚ     (29.9.2020)

တႈလ႕တႈအိဥမူန႔ဥ ပွၚလ႕အန႔ႈတႈမၚန႕ၚ တႈလဲၚထီဥလဲၚထီသ့ဥတဖဥ တအိဥ၀ဲထီဘိဘဥ ဒ္န႔ႈအသိးလီၚ ပွၚလ႕အိဥဒီးတႈလီၚတုၚလီၚကဏထီဘိစ့ႈကီး တအိဥ၀ဲဒဥဘဥလီၚ’  ပွၚလ႕အိဥဒီးတႈသူဥဖွံသးညီထီဘိ စ့ႈကီးတအိဥ၀ဲဒဥဘဥလီၚ’ ပွၚလ႕အိဥဒီးတႈသူဥဘဥဖွီဥသးဘဥဖွီဥထီဘိစ့ႈ ကီးတအိဥ၀ဲဒဥဘဥ အိဥ၀ဲဒဥလ႕ အဆ႕န႔ဥလီၚ’ တႈအိဥမူန႔ဥ အိဥ၀ဲဒီးတႈသူဥဖွံးသးညီဒီး တႈသူဥတမံသးတမုဏဘဥန႔ဥလၚီ’ ဒ္သိးပွၚစံး၀ဲအသိး တႈနံၚကမြံအလီႈခံန႔ဥ မဲဏထံအိဥ၀ဲလီၚ’ တႈသူဥဖွံသးညီအိဥမ့ႈ၀ံၚန႔ဥ တႈသူဥတမုဏသးတမုဏလူၚပိဏ၀ဲတဘ်ီဃီန႔ဥလီၚ’

အါဒဥတက့ႈပထံဥဘဥပ၀ဲ ပွၚတနီၚနီၚ မ့ႈဘဥသဂ႕ႈဒီးတႈသူဥဘဥဖွီဥသးဘဥဖွီဥတႈကီတႈခဲန႔ဥ အိဥထီဥ၀ဲဒီး တႈသူဥဟးဂီၚ သးဟးဂီၚ န႔ဥလီၚ’ ပမ့ႈလိဥဘဥပတႈအိဥမူလ႕ အလ႕ပွဲၚဒီးအခီပညီအိဥန႔ဥပကဘဥလဲၚခီဂဏမၚန႕ၚ၀ဲတႈအိဥမူလ႕ အကီအခဲသ့ဥတဖဥန႔ဥလီၚ’ တႈလ႕ပတႈအိဥမူန႔ဥပပဏပတုဏအီၚ တသ့ဘဥလီၚ ’ ပကဘဥဆဲးလဲၚဆူမဲဏညါဒီးပကဘဥဃုဏက်ဲးစ႕းမၚန႕ၚ၀ဲတႈကီတႈခဲ သ့ဥတဖဥန႔ဥ မ့ႈတႈအရ့ဒိဥကတ႕ႈန႔ဥလီၚ’

ဖဲပတႈအိဥမူအပူၚ ပခီဥဂ့ၚဒ္အဆ႕ကတီႈ ပကဘဥအိဥဒီးတႈလဲၚဆူညါန႔ဥလီၚ’ ပခီဥမ့ႈတဂ့ၚဘဥန႔ဥ ပကဘဥသူ၀ဲလ႕ ပစုန႔ဥလီၚ’ ပစုမ့ႈတဂ့ၚဘဥန႔ဥ ပကဘဥသူ၀ဲလ႕ ပသးနါပွႈန႔ဥလီၚ’  ဖဲပလဲၚလ႕ တႈတမံၚလႈလႈ အရ့ဒိဥ၀ဲလ႕ ပကဘဥလဲၚတုၚ ဆူမဲဏညါန႔ဥလီၚ’  ဒ္သိးပကတုၚလ႕ တႈဖီခိဥအဂီႈ ပကဘဥလဲၚခီဂဏ၀ဲ ဃီသြါလ႕ အကီအခဲသ့ဥတဖဥန႔ဥလီၚ’ ပတဘဥအိဥဒီးတႈပ်ံၚတႈဖုးလ႕ တႈကီတႈခဲဃီသြါသ့ဥတဖဥအဖီခိဥဘဥလီၚ’ ပတဘဥပ်ံၚတႈဘဥ’ ဘဥဃးတႈအိဥမူအတႈထိဥတႈဒြးတႈန႔ဥ အညီတအိဥ၀ဲဒဥဘဥလီၚ’

တႈအိဥမူအပူၚ ပမ့ႈအိဥဒီးတႈမၚန႕ၚ တႈလဲၚထီဥလဲၚထီဘဥဆဥပတဘဥအိဥဒီးတႈမီဏထီဥခိဥတႈပဏထီဥထီသးဘဥလီၚ’ ပမ့ႈအိဥဒီးတႈလီၚတုဏလီၚကဏအဆ႕ကတီႈဘဥဆဥတလိဥပသဟးဂီၚ ဘဥလီၚ’  လ႕ပတႈအိဥမူအပၚူပတဘဥကသါလ႕ ပွၚဂၚအသးနါပွႈဘဥ’  ပကဘဥအိဥဒီးသူ၀ဲပနီႈ ကစႈတႈဂံႈတႈဘါဒီး ပကဘဥမၚလ႕ပွဲၚ၀ဲ ပနီႈကစႈတႈမုႈလႈ န႔ဥလီၚ’  တႈအရ့ဒိဥကတ႕ႈလ႕ ပကဘဥလဲၚ၀ဲဂ႕ႈဂ႕ႈ ဘ်႕ဘ်႕လ႕ ပတႈအိဥမူအက်ဲန႔ဥလီၚ’

ဆ႕ကတီႈဖဲပလဲၚခီဂဏပတႈအိဥမူအက်ဲအခါ ပအိဥမ့ႈသ့န႔ဥကကဲဘ်ဳးလ႕ပဂီႈဒီးတႈသူဥဖွံသးညီ စ့ႈကီး ကအိဥ၀ဲဒီးပွၚလ႕ ပတႈအိဥမူအပူၚန႔ဥလီၚ’ တႈမုဏတႈခုဥသ့ဥတဖဥစ့ႈကီး ကဟဲအိဥထီဥ၀ဲ ဒီးပွၚန႔ဥလီၚ’  ပတႈအိဥမူန႔ဥပလဲၚခီဂဏတႈကီတႈခဲမ့ႈ၀ံၚ တႈမုဏတႈခုဥန႔ဥ ကဟဲအိဥထီဥ၀ဲအသး န႔ဥလီၚ’  တႈတမံၚလႈလႈ ပွၚလ႕အိဥဒီးတႈဃုဏက်ဲးစ႕းလ႕ တႈအိဥမူအဂီႈန႔ဥတႈလဲၚထီဥလဲၚထီသ့ဥတဖဥ ကအိဥ၀ဲဒီးအ၀ဲသ့ဥန႔ဥလီၚ’