ပွၚလ႕အအိဥဒီးတႈဖးလံဏဖးလဲႈန႔ဥ အိဥ၀ဲဒီးတႈလဲၚထီဥလဲၚထီလီၚ (၄.၆.၂၀၂၄)

ပွၚလ႕အအိဥဒီးတႈဖးလံဏဖးလဲႈန႔ဥ အိဥ၀ဲဒီးတႈလဲၚထီဥလဲၚထီလီၚ (၄.၆.၂၀၂၄)

(၁) ပကဘဥအိဥဒီး တႈမုႈလႈ

လ႕ပတႈအိဥမူအပူၚ ပတႈမုႈလႈမ့ႈတအိဥဘဥ ပကလီၚဂဏ၀ဲဒ္သိးဒီး ပွၚဟးဖ်ိးက်ဲတဂၚလီၚ. ပွၚလ႕အအဲဥဒိးလ႕ အတႈအိဥမူလဲၚထီဥလဲၚထီသ့ဥတဖဥန႔ဥ အိဥ၀ဲဒီး တႈမုႈလႈ တႈပညိဥ န႔ဥလီၚ. ပွၚကိးဂၚဒဲး လ႕အ၀ဲသ့ဥ အနီႈဆံးဒံးအခါ အိဥ၀ဲဒီး တဂၚလ႕အတႈမုႈလႈ တဂၚလ႕အတႈမုႈလႈ ကိးဂၚဒဲးလီၚ. ပွၚလ႕အိဥဒီး တႈမုႈလႈသ့ဥတဖဥ လ႕အ၀ဲသ့ဥ အတႈဖံးတႈမၚအပူၚ ဘဥဘ်ဳးတကးဒ္းဘဥ လ႕အတႈဖံးတႈမၚတႈလဲၚထီဥလဲၚထီအဂီႈစ့ႈကီး ဘဥဘ်ဳး၀ဲန႔ဥလီၚ.

(၂) တႈမၚလ႕ပမၚန႔ဥ သုတဒ္သိးဒီး ပွၚဂၚတဂ့ၚ

ပမ့ႈမၚတႈမၚ ဒ္သိးပွၚဂၚဒီး ပတႈကဲထီဥလိဥထီဥသ့ဥတဖဥ ကဒ္သိးဒီး ပွၚဂၚလီၚ. ပမ့ႈတမၚဒ္သိးပွၚဂၚဘဥဒီး ပတႈကဲထီဥလိဥထီဥ ပတႈလဲၚထီဥလဲၚထီသ့ဥတဖဥ တဒ္သိးဒီးပွၚဂၚဘဥလီၚ. ပကဘဥကြႈလိပွၚဂၚလ႕အစွၚဒီး ပကဘဥအိဥဒီး ပနီႈကစႈ တႈမၚကဲထီဥလိဥထီဥန႔ဥလီၚ.

(၃)ပတဘဥလူၚပွၚဂၚအတႈဘဥသးတဂ့ၚ

ပမ့ႈလူၚပွၚအါဂၚအတႈဘဥသးန႔ဥ ပကဘဥသဂ႕ႈ၀ဲဒီး တႈကမဥအါအါ လီၚ. ပမ့ႈထိဥသႀတီၚ ပွၚတႈကူဥဘဥကူဥသ့အိဥဒီး ပွၚတႈကူဥဘဥကူဥသ့ တအိဥန႔ဥ ဟီဥခိဥခ်႕အံၚ ပွၚတႈကူဥဘဥကူဥသ့ တအိဥသ့ဥတဖဥ အိဥ၀ဲအါန႔ႈဒ္ ပွၚတႈကူဥဘဥကူဥသ့ အိဥန႔ဥလီၚ.  တႈလ႕အတဘဥတခါ ပွၚအါဂၚမ့ႈစံးလ႕ အဘဥန႔ဥ ပဘဥအိဥ၀ဲဒီး တႈသူဥဒူသးဒူလ႕ ပကစံး၀ဲတႈအံၚလ႕ အကမဥန႔ဥလီၚ. တႈလ႕အကမဥတခါ ပမ့ႈစံးလ႕အဘဥန႔ဥ ဎံဏထီဥဒီးဎံဏထီဥ တႈကမဥတခါကကဲထီဥက့ၚး၀ဲလ႕ တႈအဘဥန႔ဥလီၚ’

(၄)ပတဘဥနဏတႈညီညီတဂ့ၚ

ဟီဥခိဥခ်႕အံၚ ပၚွလ႕ပတႀက႕းနဏဘဥ အိဥအါအါဂီႈဂီႈ န႔ဥလီၚ’ ပွၚတနီၚနီၚလ႕ပမဲဏညါ အိဥ၀ဲဒီး တႈနံၚကမွံဘဥဆဥ လ႕ပနီႈလံ အ႕ဒိဥန႔ႈဒ္ ပွၚအဂၚ အိဥ၀ဲလီၚ’ ပတဘဥနဏပွၚဂၚတႈကတိၚညီညီတဂ့ၚ ထဲပွၚကစံးကတိၚ တမံၚလႈလႈ ပတဘဥနဏတဂ့ၚ တႈလ႕ပနဏသ့ဥတဖဥစ့ႈကီး ပတဘဥစံးဖ်ါထီဥလ႕ပထးခိဥ ညီညီတဂ့ၚ တႈတမံၚလႈလႈ ပကဘဥအိဥ၀ဲဒီး တႈပလီႈသူဥပလီႈသးန႔ဥလီၚ’ တႈပလီႈသူဥပလီႈသးန႔ဥ မ့ႈ၀ဲတႈလဲၚထီဥလဲၚထီ ဃီသြါတပတီႈ န႔ဥလီၚ’