NCBAC အခိဥအနဥ သရဥ John Sai Lon အတႈစံးကတိၚတႈ ၂၀၁၈

NCBAC အခိဥအနဥ သရဥ John Sai Lon အတႈစံးကတိၚတႈ

တခ်ဳးလ႕ တႈအိဥဖွိဥထံဥလိဏသးဖဲ 2018 ဟဲတုၚဒ္၀ဲအကတီႈ

ဖဲ ၁၉၉၃ အနံဥ ဟဲတုၚ၀ဲဆူကီႈ US ဆ႕ကတီႈအခဲအံၚအိဥ၀ဲလ႕ Pennsylvania ကီႈစဲႈအ၀့ႈ တဖ်႕ႈအပူၚ အဂ့ႈစံး၀ဲနဥ့လီၚ။

ကဎဲႈကဲးလံးတႈအိဥဖွိဥကရ႕ဖိ လ႕အဟဲတုၚ၀ဲဆူကီႈ America အပူၚသ့ဥတဖဥ ခဲလ႕ႈကအိဥ၀ဲအဂၚ သ႕ကလးဃဥဃဥ

တႈကြႈစိမုႈလဏ ပကိးလ႕ကိၚလၚ၀ါက်ိဏ Vision ဒီးတႈလ႕ပမၚအီၚအခဲအံၚ Mission မ့ႈ၀ဲ ဒ္သိးပတႈစူဥတႈနဏလ႕ အဟဲဃုဏဒီးပွၚ ဒ္အမ့ႈ၀ဲတႈဟ့ဥသါ လ႕ပဂီႈ အသုတလီၚဆံးလီၚစွၚ၀ဲအဂီႈ ဃုဏဒီးပလုလဏဆဲးလၚသ့ဥတဖဥ ကအိဥမူဃုဏဒီးပွၚထီဘိ ဒ္ပအိဥမူဖံးမၚတႈလ႕ ကီႈ America အပူၚအသိး အဂီႈနဥ့လီၚ။ လ႕နဥ့အမဲဥညါ ဒ္သိးတဂၚဒီးတဂၚ ဘဥဃးဒီးပွၚကညီဂ့ႈ၀ီမ့ႈဂ့ၚ ဘဥဃးဒီးတႈဘူဥတႈဘါမ့ႈဂ့ၚ ဒ္သိးပသ့မၚစ႕ၚလိဏသး လ႕တဂၚဒီးတဂၚအတႈလိဏဘဥတႈ သ့ဥတဖဥမ့ႈဂ့ၚ အဂီႈအဂ့ႈ စံး၀ဲနဥ့လီၚ။

ဖဲဆ႕ကတီႈလ႕အပူၚကြံဏတ့ႈလံ၀ဲအကတီႈ ပဒုးသ့ဥညါလိဏပသး ခီဖ်ိလ႕ လီတဲစိတႈဆဲးက်႕ႈနဥ့လီၚ။ ဖဲနံဥလ႕အပူၚကြံဏ ၂၀၁၇ အကတီႈ (CBCM) အတႈဟ့ဥလီၚ၀ဲမူဒါဆူ သီခါကရ႕ခိဥ Bishop John Yaw Han အအိဥအသိး NCBAC အတႈဆဲးက်႕အိဥ၀ဲဒီး သီခါကရ႕ခိဥအံၚ နဥ့လီၚ။ ဆ႕ကတီႈအခဲဲအံၚ လ႕ NCBAC အတႈကရ႕ကရိအပူၚ ပွၚဘဥမူဘဥဒါအိဥ၀ဲ ၁၇ ဂၚနဥ့လီၚ။ ပွၚကြႈထြဲတႈလ႕နီႈသး အိဥ၀ဲတဂၚ နဥ့လီၚ။ ပအိဥ၀ဲဒီး ခိဥနဥလ႕ဒီတကရ႕အဂီႈ ဒီးပွၚမၚစ႕ၚခိဥနဥ တ႕တဂၚ ဒီးခံတဂၚ လ႕နဥ့အမဲဥညါ အိဥ၀ဲဒီး ကိတိဥခိဥက်႕ တဂၚ ဒီးပွၚမၚစ႕ၚအီၚတဂၚ ပွၚပ႕ၚစ့တဂၚဒီး ပွၚမၚစ႕ၚအီၚတဂၚ ပွၚကြႈသမံသမိးစရီတဂၚဒီး ပွၚမၚစ႕ၚအီၚတဂၚ ၀ံအလီႈခံပွၚဘဥမူဘဥဒါလ႕ Media ဒီး ပွၚဘဥမူဘဥဒါလ႕ သးစႈသ့ဥတဖဥအဂီႈ ပွၚဘဥမူဘဥဒါလ႕ တႈသူဥ၀ံဥသးဆ႕ တႈဒ့တႈအူအဂီႈ ဒီးပွၚလ႕အဆီဥထြဲမၚစ႕ၚတႈကရ႕ကရိအဂီႈသ့ဥတဖဥ နဥ့လီၚ။ ပွၚကြႈထြဲတႈလ႕နီႈသးအဂီႈ မ့ႈ၀ဲ သီခါ David Michael မ့ႈသီခါလ႕ ကီႈပဎီၚ Mandalay တလးပ႕ဟီဥက၀ီၚ နဥ့လီၚ။ ဖဲ ၂၀၀၂ အနံဥ (သ၇ဥ John စိုင္းလံု) စးထီဥအိဥ၀ဲလ႕ Pennsylvania အကီႈစဲႈ Harrisburg အ၀့ႈ အဂ့ႈစံး၀ဲ နဥ့လီၚ။ ဖဲနဥ့အကတီႈ အိဥဒဥဒူဥဖိထ႕ဖိ ခံဒူဥယ ဒီးဖဲ ၂၀၀၁ယ ၂၀၀၂ အနံဥသ့ဥတဖဥအပူၚ ဒူဥဖိထ႕ဖိ အနီႈဂံႈ အိဥအါထီဥ၀ဲ ဒီးအိဥထီဥ၀ဲ ၆ ဒူဥ ၇ ဒူဥနဥ့လီၚ။ လ႕ Maryland အကီႈစဲႈအပူၚ နီႈမၚရံအတႈလီႈစီဆွံအိဥ၀ဲတခါ ဒီးပွၚအိဥလ႕ Harrisburg ဒီး Maryland တႈလီႈအပူၚသ့ဥတဖဥ ပဏဖွိဥလိဏအသးဒီး တနံဥတဘ်ီ ဖဲနီႈမၚရံဘဥတႈစိဏထီဥအီၚဆူ မူခိဥဘီမုႈအမုႈနံၚ မၚလၚကပီၚဃုဏသကိးတႈ ဒီးမ့ႈ၀ဲဖဲ ၂၀၀၃ အနံဥ၀ံၚအလီႈခံ နဥ့လီၚ။ တႈမၚဃုဏသကိးတႈအံၚ မ့ႈ၀ဲလ႕ (Pennsylvania) ဒီး (Maryland) ၀ံၚအလီႈခံ ပွၚလ႕ (New York) ဒီးလ႕ (New Jerrsy) သ့ဥတဖဥ ဟဲမၚဃုဏသကိးတႈ ဒ္နဥ့ဒီးကီႈစဲႈအနီႈဂံႈသ့ဥတဖဥ အါထီဥ၀ဲကြႈ့ကြႈ့နဥ့လီၚ။ ပမၚသကိး တႈမၚလၚကပီၚ နီႈမၚရံအမုႈနံၚ ဖဲအီကူး ၁၅ သီအမုႈနံၚ ကိးနံဥဒဲးနဥ့လီၚ။  ဖဲ ၂၀၀၈ လါအီးကထိဘ႕ႈအပူၚ ကရ႕တခါလ႕မ့ႈ၀ဲ (Catholic Charity)လ႕ Harrisburg အတႈဆဲးက်႕မၚစ႕ၚတႈအဃိ သ့ဆဲးက်႕လိဏအသးဒီး (USCCB) လ႕ (Washionton DC) အတႈသူဥထီဥအဖီလဏ Cultural Diversity In The Church လ႕အမ့ႈ၀ဲ Asian Pacific Sub-Committee အပွၚကြႈထြဲတႈလ႕နီႈသးအဂီႈ နဥ့လီၚ။ ဖဲနဥ့ (သရဥ John Sai Lon) စံး၀ဲလ႕အကြဲမုႈပွၚတဂၚအံၚ ဒီးဟဲတုၚ၀ဲ ဒီးသ့ပဏဖ်ါထီဥ၀ဲ ပွၚကီႈပဎီၚဖိသ့ဥတဖဥ အတႈဟူးဂဲၚဖံးမၚတႈ ဒီးထံဥဘဥသ့ဥညါဘဥ၀ဲ သ့ဘူဥဘါဃုဏတႈဖဲ ပွၚကီႈပဎီၚဖိသ့ဥတဖဥ အတႈလုႈမံးဆါနဥ့လီၚ။ ၂၀၀၉ လါမ့ၚ ဖဲ (Washinton DC) အပူၚ တႈမၚလၚမၚကပီၚနီႈမၚရံ အမူးအိဥ၀ဲ ဒီးဒ္သိးပွၚကဟဲ၀ဲအဂီႈ ကြဲမုႈ၀ဲနဥ့လီၚ။ ပွ႕လ႕ New York, Maryland, Pennsylvania သ့ဥတဖဥ ပဏဖွိဥလိဏအသး မၚလၚကပီၚမူးနဥ့လီၚ။ ဖဲပွၚကြႈထြဲတႈလ႕ နီႈသးအဂီႈအံၚ ထံဥဘဥအီၚအခါ စံး၀ဲလ႕ အအ႕ႈလီၚတူဥလိဏ၀ဲ သရဥ(John) အတႈဖံးတႈမၚတႈ ဒီးဘဥသူဥဘဥသး၀ဲ ဘဥဆဥ အိဥဂ႕ႈဒဥဖဲ တႈအိဥအသးဒ္အံၚအပူၚ တသ့၀ဲအဂ့ႈ ဒီးကတိၚတႈဒ္သိး အကဒုးကဲထီဥ၀ဲ တႈကရ႕ကရိအံၚ တုၚထံကီႈဒီဘ့ဥ အပတီႈ ဒီးကတိၚဟ့ဥဂံႈဟ့ဥဘါတႈ နဥ့လီၚ။ ဖဲ ၂၀၀၉ လါမ့ၚ လ႕(Washinton DC) ဖဲတႈမၚလၚကပီၚ နီႈမၚရံအမုႈနံၚ၀ံၚ လါမ့ၚလ႕ႈ၀ဲအကတီႈ လ႕ Arizona ကီႈစဲႈအပူၚ Asian Pacific Island ဒ္မ့ႈတႈလ႕ USCCB အဖီလဏတခါအံၚ အတႈသုးက်ဲၚတႈအပူၚ ကြဲမုႈ၀ဲ ကဎဲႈပွၚလ႕အအိဥ၀ဲလ႕ ကီႈမိႈပွႈ Asia အပူၚ ကဲးသလံးတႈအိဥဖွိဥ ကရ႕ဖိ သ့ဥတဖဥ ဒီးမၚ၀ဲတႈအိဥဖွိဥ ဒီးသရဥ (John) စ့ႈကီးဘဥတႈကြဲမုႈအီၚ အဂ့ႈစံး၀ဲနဥ့လီၚ။ ကရ႕ကရိအဂုႈအဂၚသ့ဥတဖဥ အိဥ၀ဲဒီးအတႈသူဥထီဥအက့ႈအဂီၚ လ႕လ႕ပွဲၚပွဲၚ အိဥ၀ဲစ့ႈကီးဒီးတႈထံဥလိဏအသး တနံဥတဘ်ီ နဥ့လီၚ။ ဖဲအဟဲက့ၚတုၚ၀ဲဆူတႈအိဥဖွိဥအံၚ ၀ံၚအလီႈခံ လဲၚ၀ဲဆူ တႈလီႈလ႕ထံကီႈ ဒီဘ့ဥ ကီႈစဲႈတခါ၀ံၚတခါ အပူၚ ဒီးက်ဲးစ႕ၚ ကရ႕ကရိထီဥတႈ ဖဲ ၂၀၀၉ ဒီး ၂၀၁၀ အနံဥသ့ဥတဖဥအပူၚ အဂ့ႈ စံး၀ဲနဥ့လီၚ။ ဖဲ ၂၀၁၀ လါ September အဆိကတ႕ႈ တႏြံအပူၚ ပဟဲအိဥဖွိဥရိဖွိဥဒီး ပလဲၚသကိးဆူ နီႈမၚရံအတႈလီႈစီဆွံ အိဥဒီးတႈစံဏတဲၚတဲလီၚ တႈသူဥဖွံသးညီ သ့ဥတဖဥအဂ့ႈ စံး၀ဲနဥ့လီၚ။ ဖဲနဥ့အကတီႈ သီခါ ၃ ပါ ဒ္အမ့ႈ (Fr. Mahn Tha Pwar. Fr. Jerome, Fr. Philip Ag Gne)သ့ဥတဖဥ လဲၚဆီဥထြဲမၚစ႕ၚသကိးတႈ ဒီးစးထီဥကရ႕ကရိထီဥ၀ဲ Commettee တခါလ႕အအိဥဒီး ပွၚဎဲႈဂၚအဂ့ႈ စံး၀ဲနဥ့လီၚ။

ဖဲတႈစးထီဥကရ႕ကရထီဥတႈအကတီႈ တႈကီတႈခဲအိဥ၀ဲအါမံၚ ဖဲလ႕ပကစႈဒဥ၀ဲအပူၚ ပွၚလ႕အသးတအိဥဆီဥထြဲမၚစ႕ၚတႈ အိဥ၀ဲစ့ႈကီးနဥ့လီၚ။ ဖဲအလဲၚ၀ဲဆူ ကီႈစဲႈတခါဘဥတခါအပူၚ ထံဥဘဥ၀ဲတႈကီတႈခဲသ့ဥတဖဥ ဒ္အမ့ႈ ပွၚတသ့ဥညါအီၚ ဒီး ကဆိကမိႈသကိး၀ဲ လ႕ကီႈပဎီၚအပူၚ ဎိၚအပွၚကလုႈ မ့ႈဒဥပွၚ Buddha ဖိ သ့ဥသ့ဥဧါ။ ဘဥဆဥ ဆိကမိႈဒဥ၀ဲလ႕ အမ့ႈမူဒါလ႕အကဘဥမၚ၀ဲ နဥ့လီၚ။ သရဥတခီ မ့ႈပွၚလ႕ အဟး၀့ၚ၀ီၚ ကရ႕ကရိထီဥတႈ အဂ့ႈစံး၀ဲနဥ့လီၚ။ ခီဥလ႕ႈဒဥသု၀ဲက်ဲအလဲ သုမ့ႈလဲၚတုၚဒီး တႈအလ႕ႈလ႕ အဘဥဃးဒီး တႈအိဥတႈဆိး တႈအီဥတႈအီအဂီႈ ပွၚသုတဘဥကိႈအီၚအဂ့ႈ စံး၀ဲနဥ့လီၚ။ ပကြဲမုႈတႈသပွႈပွႈဘဥဆဥ ပွၚဟဲဒဥထဲ ပွၚ ၄၀၀ ဃဥဃဥအဂ့ႈစံး၀ဲနဥ့လီၚ။ လ႕ခံ ပွၚသ့ဥညါအါထီဥ တႈဟူးဂဲၚဖံးမၚတႈအံၚ ကဎီကဎီ ဒီးပွၚဟဲ၀ဲအနီႈဂံႈ အါထီဥ၀ဲနဥ့လီၚ။ ဖဲအဆိကခါ တႈအလ႕ႈလ႕ ပွၚတမွံဏအဟံဥအဂီႈ ပွၚအိဥလ႕ (Harrisburg)သ့ဥတဖဥ ဟံ၀ဲမူဒါနဥ့လီၚ။ လ႕ခံပထုးထီဥကြံဏ တႈအလ႕ႈလ႕ ပွၚတမံွၚအဟံဥအဂီႈ ဒီးပစံးလ႕ ပွၚကဘဥခီဥလ႕ႈ တႈလ႕အကစႈဒဥ၀ဲ လ႕တႈအိဥဘွံးအိဥသါ တႈလီႈအဂီႈ ဘဥဆဥ ပွၚဟဲ၀ဲ အနီႈဂံႈအါထီဥ၀ဲ ကြႈ့ကြႈ့ ဒီးမ့ႈ၀ဲတႈသူဥမံသးမံတမံၚအဂ့ႈ လ႕နဥ့အမဲဥညါ ကရ႕ကရိအံၚ ဘဥတႈအ႕ႈလီၚတူဥလိဏလံအီၚလ႕ USCCB အဂ့ႈယ လ႕နဥ့အမဲဥညါ ကီႈပဎီၚသီခါကရ႕ခိဥက်႕ႈသ့ဥတဖဥအကရ႕ CBCM တူဥလိဏ၀ဲ NCBAC ဒီးမ့ႈ၀ဲတႈသးခုဖးဒိဥတမံၚအဂ့ႈ စံး၀ဲနဥ့လီၚ။

တႈအိဥဖွိဥကရ႕ဖိ လ႕အအိဥဟဲ၀ဲလ႕ ကီႈပဎီၚစ႕ဖွိဥအပူၚသ့ဥတဖဥ အိဥသလဏလီၚအသးလ႕ ကီႈစဲႈကိးဘ့ဥဒဲးအပူၚယ တႈလီႈတနီၚနီၚပွၚအိဥအါ၀ဲ တႈလီႈတနီၚနီၚပွၚအိဥစွၚ၀ဲ ဒီးမ့ႈလ႕ကိၚလၚ၀ါအက်ိၚ တႈစံးတႈကတိၚအတႈကီတႈခဲအဃိ တႈအိဥဖွိဥကရ႕ဖိတနီၚ တလဲၚထီဥလ႕ၚတႈဘါသရိဏဘဥဒီး စံး၀ဲလ႕တႈကတိၚအတႈကီတႈခဲအဃိ ဒီးက်ဲးစ႕ၚဃုထံဥနဥ့ ပွၚလ႕အတႈကတိၚဂဏလိဏအသးသ့ဥတဖဥ အတႈဘူဥဘါသကိးတႈအအိဥနဥ့လီၚ။ ဒ္နဥ့ဒီး ပွၚသူဥက့သးပွႈ ခိဥနဥ ဒီးမိႈပႈသ့ဥတဖဥ ကြဲမုႈဘဥ သရဥ John ဒီးသရဥအံၚလဲၚ၀ဲ ပဏဖ်ါထီဥ၀ဲ တႈအိဥဖွိဥကရ႕ အတႈသိဥလိနဲဥလိတႈသ့ဥတဖဥ ပစံးလ႕ကိၚလၚ၀ါအက်ိဏ Apologeticယ ဒီး ဒုးသ့ဥညါအ၀ဲသ့ဥလ႕ တႈအိဥဖွိဥကရ႕ အတႈသိဥလိနဲဥလိတႈ သ့ဥတဖဥနဥ့လီၚ။ အအံၚမ့ႈ၀ဲ တႈဂ့ႈမိႈပွႈတမံၚ ဒီးစံး၀ဲလ႕ အလဲၚ၀ဲဆူ ကီႈစဲႈတဘ့ဥဘဥတဘ့ဥအအိဥ နဥ့လီၚ။ တႈလဲလိဏအိဥထီဥ၀ဲလီၚလီၚဆီဆီတမံၚမ့ႈ၀ဲ ပွၚအါဒံအါဂၚသ့ဥတဖဥ သ့ဥညါက့ၚ၀ဲ တႈအိဥဖွိဥကရ႕ အတႈသိဥတႈသီအဂ့ႈအက်ိၚ ဒ္နဥ့ဒီးဆိကတီႈကြံဏ အတႈလဲၚဘူဥဘါတႈ လ႕အံၚလ႕ဘး သ့ဥတဖဥ ဘဥဆဥ တနီၚနီၚဒု လဲၚဒ္၀ဲလ႕အံၚလ႕ဘး အဖ႕မုႈအဂ့ႈ သရဥ John စံး၀ဲနဥ့လီၚ။ ဖဲအလဲၚ၀ဲဆူတႈလီႈတတီၚဘဥတတီၚ လ႕တႈကဟုကဎဏ တႈအိဥဖွိဥကရ႕ အတႈစူဥတႈနဏအဂီႈ ဒီးပဏဖ်ါထီဥ၀ဲ တႈသိဥတႈသီ အတႈမ့ႈတႈတီအခါ တႈဂံႈစႈဘါစႈတမံၚ မ့ႈတႈလ႕အဘဥဃးဒီး တႈဆဲးက်႕ဒုးသ့ဥညါတႈ Media အဃိ ဖဲနဥ့အကတီႈ FB Youtube သ့ဥတဖဥတအိဥဒ္၀ဲအဃိ ဖဲဒဥတႈလီႈလဲပလဲၚတုၚ၀ဲအလီႈ ပွၚသ့ဥညါ၀ဲအဃိ ဘဥဃးဒီးတႈဆဲးက်႕တႈအဂီႈ တႈသူဥမံသးမံ တအိဥဒ္၀ဲအဂ့ႈ စံး၀ဲနဥ့လီၚ။

ဘဥဃးဒီး NCBAC အတႈကူဥထီဥဖးလီၚတႈ သ့ဥတဖဥအဂ့ႈ တႈပဏလီၚတႈဂ႕ႈဂ႕ႈက်႕ၚက်႕ၚ တအိဥဒ္၀ဲလီၚတံဥလီၚဆဲးဘဥဆဥ မုႈတနံၚတႈကြႈစိမုႈလဏတႈမ့ႈ၀ဲ ကဎဲႈတအိဥဖွိဥကရ႕ဖိလ႕ အအိဥ၀ဲလ႕ကီႈ America ဒီဘ့ဥအပူၚသ့ဥတဖဥ ကသ့ဆီဥထြဲမၚစ႕ၚက့ၚ တႈဆူ ကီႈပဎီၚစ႕ဖွိဥအပူၚ လီၚဆီဒဥတႈ က်ိဏစ့အတႈမၚစ႕ၚ အဂီႈ နဥ့လီၚ။ တကီႈခါအခဲအံၚ မ့ႈဒ္ဒဥ တႈကရ႕ကရိထီဥတႈ အကတီႈနဥ့လီၚ။ ဒ္ပမ့ႈကလုႈဒူဥအလီၚဆီဖိ လ႕ကီႈပဎီၚစ႕ဖွိဥအပူၚသ့ဥတဖဥအသိး ပအိဥ၀ဲဒီးပတႈစံဏစိၚတဲစိၚ အလီၚဆီ၀ဲသ့ဥတဖဥ အပတီႈအလီၚဆီ၀ဲ ကလုႈလီၚဆီ၀ဲအဃိ လ႕တႈကရ႕ကရိထီဥတႈအဂီႈ မ့ႈ၀ဲတႈကီတႈခဲဖးဒိဥ အဂ့ႈစံး၀ဲနဥ့လီၚ။ အဃိ တႈပဏလီၚ တႈသုးတႈက်ဲၚအလီၚတံဥလီၚဆဲး တအိဥဒ္၀ဲအဂ့ႈ စံး၀ဲနဥ့လီၚ။ တကီႈခါအခဲအံၚ တႈလ႕အကမၚ၀ဲသ့ဥတဖဥမ့ႈ၀ဲ တႈဒုးအိဥထီဥတႈသးကညီၚမၚစ႕ၚတႈ အတႈဖံးတႈမၚလ႕ အဘဥဃးဒီးတႈပဏလီၚပွၚသံအတႈမၚ အဂီႈနဥ့လီၚ။ ပွၚကီႈပဎီၚတႈအိဥဖွိဥကရ႕ဖိ တဂၚဂၚ မ့ႈစူးကြံဏအသးဒီး တႈထ႕ဖွိဥတႈမၚဘူဥ လ႕ကီႈ America ပွၚကီႈပဎီၚဖိ တႈအိဥဖွိဥကရ႕ဖိသ့ဥတဖဥအအိဥ ၀ံၚအလီႈခံ ပကဆီဥထြဲမၚစ႕ၚ ပွၚလ႕အစူးကြံဏအသးတဂၚအံၚ အဒူဥဖိထ႕ဖိ ဒ္နဥ့ဒီးတႈအိဥဖွိဥကရ႕ဖိသ့ဥတဖဥ ကထံဥလိဏ ဆဲးက်႕လိဏအသးလ႕ NCBAC ကရ႕အံၚအပူၚ မ့ႈ၀ဲအတႈဆ႕မုႈလဏတႈအဂ့ႈ စံး၀ဲနဥ့လီၚ။ ဖဲတႈကရ႕ကရိထီဥတႈအဆ႕ကတီႈ ပူၚကြံဏ၀ံၚအလီႈခံ တႈကဲထီဥလိဏထီဥမ့ႈအိဥထီဥ၀ံၚအလီႈခံ တဂၚဒီးတဂၚ ဘဥဃးဒီးမုႈက်ိၚ၀ဲၚကြႈအသန႕ႈ ပွၚကဆီဥထြဲမၚစ႕ၚလိဏသးအဂီႈ မ့ႈလ႕ ထံကီႈအံၚ မ့ႈ၀ဲတႈလီႈလ႕အဘဥဃးဒီး တႈခြဲးတႈဎဏ (Land Of Apportunity) အဃိအဂ့ႈ ပတသ့လဲၚထီဥလဲၚထီဒဥထဲတဂၚဧိၚတသ့၀ဲ ပမ့ႈလဲၚထီဥ၀ဲဒ္ကရ႕ကရိအသိးဒီး ပကလဲၚတုၚ၀ဲဆူ တႈလီႈလ႕ပကဘဥလဲၚတုၚ၀ဲ အဂ့ႈစံး၀ဲနဥ့လီၚ။

ဖဲ ၂၀၁၈ NCBAC အတႈအိဥဖွိဥထံဥလိဏသးအံၚ တႈဂ့ႈလီၚလီၚဆီဆီတအိဥ၀ဲဘဥဆဥ ခါလ႕အပူၚကြံဏတႈမၚအသးသ့ဥတဖဥ မ့ႈဒဥထဲ NCBAC အတႈဂဲၚပ်ဳႈက်ဲးစ႕ၚတႈဘဥဆဥ တနံဥအံၚ မ့ႈတႈလ႕ အဘဥတႈကတဲႈကတီၚဆိပဏစ႕ၚအီၚ အိဥ၀ဲ ၃ နံဥအကတီႈအဃိ မ့ႈ၀ဲ ကရ႕ကရိ လ႕ထံကီႈအပူၚသ့ဥတဖဥ အတႈတီခိဥရိဥမဲ မၚဃုဏသကိးတႈနဥ့လီၚ။

ခါလ႕အပူၚကြံဏ ပမၚတ့ႈတႈဒ္ ပလုပလဏ ပတႈသ့တႈဘဥအိဥ၀ဲအသိးယ တနံဥအံၚ ပကမၚတႈ လ႕တႈဆ႕ကတီႈအလီၚတံဥလီၚဆဲး အိဥ၀ဲအသိး ဒီးလ႕ Committee အတႈကူဥထီဥဖးလီၚ အိဥ၀ဲအသိး ဒီးမ့ႈ၀ဲတႈလဲၚထီဥလဲၚထီတမံၚအဂ့ႈ စံး၀ဲနဥ့လီၚ။

ကီႈ America မ့ႈထံကီႈလ႕ အဒိဥ၀ဲလဲဥ၀ဲအသိး ဖဲပအိဥဒီး တႈအိဥဖွိဥထံဥလိဏသး တနံဥတဘ်ီအံၚအခါ ပသ့အိဥဖွိဥသကိး ပွၚလ႕အတထံဥလိဏအသး အိဥလံ အနံဥ ၁၀ သ့ဥတဖဥ ထံဥလိဏဘဥက့ၚအသး ပွၚလ႕အတထံဥလိဏအသး အိဥလံ ၅ နံဥသ့ဥတဖဥ ထံဥလိဏက့ၚအသး ပွၚဒီဘူးဒီတံဥလ႕ အတထံဥလိဏအသး အနံဥအါအလါအါ၀ဲသ့ဥတဖဥ ထံဥလိဏဘဥက့ၚအသး အဃိ မ့ႈတႈသးခုတမံၚအဂ့ႈ ဒီးဒ္သီဘူဥသီခါလ႕ ကီႈပဎီၚအပူၚသ့ဥတဖဥ ကသ့ဟဲတုၚ၀ဲအဂီႈ NCBAC သ့ကြဲမုႈအ၀ဲသ့ဥအဃိ သူဥခုသးခု၀ဲအဂ့ႈ စံး၀ဲနဥ့လီၚ။

ဘဥဃးဒီးတႈဟ့ဥသဆဥထီဥ သူဥဘီဥသးစႈသ့ဥတဖဥအဂီႈ ဖဲလ႕ထံကီႈအံၚအပူၚ မ့ႈလ႕ လုလဏတဒ္သိးလိဏသးအဃိ မ္ပကအိဥဒီး တႈပလီႈပဒီလ႕ တႈလဲၚတႈက့ၚ တႈအိဥတႈဆိးအပူၚ က်ဲးစ႕ၚဖံးတႈမၚတႈထီဘိ ကအိဥဒီးတႈဖုးသံနီႈထီဥထီဘိ အိဥဒီးတႈဂဲၚပ်ဳႈက်ဲးစ႕ၚတႈထီဘိအဂ့ႈ စံး၀ဲနဥ့လီၚ။ ကဎဲႈတႈလ႕ပထံဥအီၚခဲလ႕ႈသ့ဥတဖဥ ပသုတဘဥကြႈလိကြႈဒိးတဂ့ၚ။ ပကဘဥက်ဲးစ႕ၚတႈဒ္ အကဘဥလိဏဖိးဒ့လိဏအသးဒီး ပတႈစူဥတႈနဏ ပလုလဏဆဲးလၚ အိဥ၀ဲအသိးအဂ့ႈ စံး၀ဲနဥ့လီၚ။ ပစံးတႈကလိဏ ဖဲပလဲၚဆူ ဖေဥစိမိ ဖဲလ႕ပမၚလိမၚဒိးပသး ဘဥဃးဒီး Philosophy ဒီး ပမ့ႈထံဥဘဥ တႈသိဥလိနဲဥလိလ႕ အဒူဥခ်႕လိဏအသးဒီး တႈဘူဥတႈဘါအတႈစူဥတႈနဏ သ့ဥတဖဥအခါ မ္ပကအိဥဒီး တႈပလီႈသူဥပလီႈသး ဒီးပတႈရ့တံၚရ့သကိး အသုတကမဥ၀ဲအဂီႈ ပကဘဥပလီႈပသး မ့ႈလ႕သးစႈသ့ဥတဖဥ ဟးဂီၚ၀ဲလ႕ အတႈရ့တံၚရ့သကိးအဃိအဂ့ႈ စံး၀ဲနဥ့လီၚ။ ဆ႕မုႈလဏ၀ဲဒ္သိး ပွၚကအိဥကဆိး၀ဲလ႕ တႈရ့လိဏမုႈလိဏသးဂ့ၚဂ့ၚဘဥဘဥ လ႕ကရ႕ကရိအပူၚ ဆဲးက်႕ရ့လိဏသး လ႕အဘဥဃးဒီးပွၚကညီဂ့ႈ၀ီ ဘဥဆဥ ခိးကြႈပ႕ႈဃဥ တႈစူဥတႈနဏလ႕အအိဥဒီးပွၚ ဂ့ၚဂ့ၚဘဥဘဥအဂ့ႈ မ့ႈ၀ဲ သရဥ John အတႈကတိၚဟ့ဥသဆဥထီဥ သူဥဘီဥသးစႈသ့ဥတဖဥ နဥ့လီၚ။

မ႕နဥ့ဆီဥခံ၀ဲ ပွၚသူဥက့သးပွႈသ့ဥတဖဥဒီး စံး၀ဲဒ္သိး အကအိဥမူ၀ဲဒ္ တႈအိဥဖွိဥကရ႕ဖိလ႕ အဂ့ၚ၀ဲသ့ဥတဖဥအသိး ဒီီးလဲၚဘူဥဘါဃုဏတႈလ႕ အိဥဘွံးနံၚတႈလုႈမံးဆါအပူၚ ကိးႏြံဒဲး ပွၚမ့ႈဘဥလဲၚမၚတႈလ႕အိဥဘွံးနံၚဒီး တခ်ဳးလ႕အိဥဘွံးနံၚဟဲတုၚဒ္၀ဲ မုႈဃုနံၚဟါလီၚခီအကတီႈ မ့ႈပလဲၚဆူတႈလုႈမံးဆါအပူၚကသ့စ့ႈကီးဧါ။ မ့ႈသ့ဒီး မ္ပွၚကလဲၚသကိး၀ဲအဂီႈ စံး၀ဲနဥ့လီၚ။ ဒ္သိးပကဟဲတုၚ၀ဲဆူ ကီႈ America အဂီႈ ဖဲပအိဥ၀ဲလ႕ကီႈကေီႈတဲႈ မ့တမ့ႈ လ႕ကီႈ Malaysia အကတီႈ ပဃ့ထုကဖဥတ့ႈလံတႈ သပွႈပွႈအသိး လ႕နဥ့အမဲဥညါ ပအိဥဒီး ပတႈအ႕ႈလီၚအီလီၚတ့ႈလံဎြၚ ဘဥဃးဒီးတႈဂ့ႈအါမံၚအါမေိ နဥ့လီၚ။ ဎြၚဒိကနဥပတႈထုကဖဥ ဒီးဒုၚတုၚပွၚဆူ ထံကီႈတႈလီႈအံၚအပူၚ မ္ပသုတသးပ့ႈနီႈကြံဏ ပတႈအ႕ႈလီၚအီလီၚဎြၚတဂ့ၚ ခါဆူညါ မ္ပကပဏလုဏပဏပွၚ့တႈစူဥတႈနဏ တႈဘူဥတႈဘါ လုႈထီဥသကိးပသး ဆူဎြၚအအိဥ တႈသ့ဥတဖဥအံၚ မ့ႈတႈလ႕ ပကသ့လဲၚစိဏအီၚဆူ တႈလီၚထူလီၚဎိဏအပူၚ အဂ့ႈယ တႈစူဥတႈနဏလ႕ ပဟဲစိဏဃုဏအီၚသ့ဥတဖဥ မ္ပကက်ဲးစ႕ၚဟ့ဥလီၚအီၚဆူ ပဖိပလံၚသ့ဥတဖဥအအိဥ အိဥသကိးလ႕ တႈအဲဥတႈကြံ လ႕ဟံဥပူၚ ဟ့ဥတႈဆ႕ကတီႈ လ႕ဖိသဥသ့ဥတဖဥအဂီႈ မ့ႈတႈလ႕အကါဒိဥ၀ဲအဂ့ႈ သရဥ John စံး၀ဲနဥ့လီၚ။ ပမ့ႈတကနဥဃုဏပဖိပလံၚဒီး ပမၚနဥ့ဟံဥဃီ ပမၚနဥ့သိလ့ဥဘဥဆဥ ပဖိပလံၚလီၚမဥကြံဏ၀ဲနဥ့လီၚ။ ဖိလံၚသ့ဥတဖဥ ကတအိဥလ႕ၚဒီး တႈဘူဥတႈဘါ လုလဏဆဲးလၚ နီႈသးအတႈလုႈတႈပွၚ့သ့ဥတဖဥ လ႕ၚဘဥအဂ့ႈယ မ္ပွၚကသ့ဥနီႈထီဥသကိး တႈအ႕ႈလီၚအီလီၚ ဖဲပွၚအိဥ၀ဲလ႕ ကီႈ Malaysia အပူၚ အကတီႈ အဂ့ႈ ဒီးမ္ပွၚကမၚဃုဏတႈလ႕ တႈဘူဥတႈဘါအတႈဖံးတႈမၚ လ႕တႈသူဥဆူဥသးဂဲၚအပူၚအဂီႈ အိဥဖွိဥရိဖွိဥသကိးခဲအံၚခဲအံၚ ဒီးမ္ပွၚကမၚဃုဏသကိးတႈလ႕ NCBAC တနံဥတဘ်ီတႈမၚအသးအံၚအပူၚ ပွၚမ့ႈမၚနဥ့တႈလ႕အဘဥဃးဒီးနီႈခိသ့ဥတဖဥ လ႕လ႕ပွဲၚပွဲၚဘဥဆဥ ပွၚမ့ႈတအိဥလ႕ၚဒီး နီႈသးအတႈလုႈတႈပွၚ့ဘဥဒီး မ့ႈဒဥတႈကလီကလီအဂ့ႈ သရဥ John Sai Lon မ႕နဥ့ဆီဥခံ ပဏဖ်ါထီဥ၀ဲ နဥ့လီၚ။