မဲဏသဥဒီးမဲဏထံမဲဏနိသ့ဥတဖဥ

မဲဏသဥဒီးမဲဏထံမဲဏနိသ့ဥတဖဥ

ပွၚလ႕အဘဥသုးလီႈသုးက်ဲ ဒီး တႈခီဥတႈရီဏတႈ ဘဥဃးဒီး Covid

တႈကတိၚအိးထီဥတႈဖဲ လါစဲးပတ့ဘ႕ဥ ၇ သီ ၂၀၂၀

လ႕ ကဥဒံဥန႕ဥခေါလ္စ္ဘိဥ (ကီႈအ့ရွ႕ဥသီခါကရ႕ခိဥသ့ဥတဖဥ အခိဥအနဥ)

တံၚသကိးလ႕ခရံဏအပူၚသ့ဥဧ႕”

မ္တႈဆိဥဂ့ၚအကလုဏကလုဏ ကအိဥလ႕သုလိၚ ဒီးခရံဏကစႈအစု လ႕အဎါဘ်ါကြံဏတႈ ကကဟုကဎဏကဒီးပ၀ဲသ့ဥ ခဲလ႕ဏနဥ့တက့ႈ’ မ့ႈတႈလ႕အဘဥသူဥဘဥသးဒီးဎၚ ဒ္ဎသ့မၚဃုဏတႈလ႕ တႈအိဥဖွိဥထံဥလိဏသး ခီဖ်ိ Internet (Webinar) အဃိနဥ့လီၚ’ ဎစံးပႀတ႕ၚဘဥ ပွၚကညီအတႈလဲၚထီဥလဲၚထီအပွၚတဖုလ႕ အဘဥတႈမ႕လီၚအီၚ အိဥဒီးတႈစိတႈကမီၚ (Commission) ဒ္သိးအကအိဥဒီးတႈကြႈဆိကမိဥတႈလ႕ ပွၚသုးလီႈသုးက်ဲသ့ဥတဖဥ အတႈအိဥအသးလ႕အတဂ့ၚ၀ဲ ဖဲတႈဆါသံသႀတိဏ အတႈလီၚပ်ံၚလီၚဖုးအဆ႕ကတီႈယ ဒ္အမ့ႈတႈဂ့ႈတႈက်ိၚလ႕ ပႈပါဖရဥစ့း အတႈကြႈဆိကမိဥတႈအပူၚထီဘိယ လ႕အဒုးအိဥထီဥပတႈထံဥသ့ဥညါနႈပ႕ႈ တႈသဥ၀ံၚလီၚဒိဒီးတႈဖွီဥတႈဎဏ  လ႕အဟဲလီၚစ႕ၚလီၚသြဲဥ၀ဲလ႕ တႈဆါသံသႀတိဏ လ႕အမၚပ်ံၚမၚဖုး ပွၚသုးလီႈသုးက်ဲ အကကြဲႈဒီးအကကြဲႈသ့ဥတဖဥနဥ့လီၚ’

တႈဂ့ႈတႈက်ိၚလ႕အဘဥဃးဒီးပွၚသုးလီႈသုးက်ဲTh: မ့ႈ၀ဲတႈဂ့ႈတႈက်ိၚလ႕အစီဆွံ၀ဲ လ႕တႈအိဥဖွိဥကရ႕အဂီႈနဥ့လီၚ’ ပတႈစူဥတႈနဏအတႈလဲၚက်ဲ စးထီဥ၀ဲဒီးတႈတဲကဒါက့ၚ ပွၚလ႕အဘဥလဲၚတႈသ့ဥတဖဥအဂ့ႈနဥ့လီၚ’ လ႕ထံးလ႕သီပမိႈဒိဥပႈဒိဥသ့ဥတဖဥ ဘဥဟးထီဥ၀ဲလ႕တၚသဥလီႈ ဖဲအ၀ဲသ့ဥအတႈပူထီဥထီဒါဎြၚ ၀ံၚအလီႈခံယ ပွၚအံၚစရ့လးဖိသ့ဥတဖဥ ဘဥတႈမ႕ကဲကုႈအီၚလ႕ကီႈအဲၚကူပတူးအပူၚ, ပွၚမံၚဟူသဥဖ်ါ၀ဲလ႕လံဏစီဆွံအပူၚ ဒ္အမ့ႈ စီၚမိၚရွ့ယ စီၚအဥႀဘၚဟဥ ဒီးပွၚအဂုႈအဂၚသ့ဥတဖဥ မ့ႈပွၚလ႕အဘဥဟး၀့ၚ၀ီၚ၀ဲလ႕ အကစႈဒဥ၀ဲအထံလီႈကီႈပူၚ ဒီးဘဥဟးထီဥဒီးလဲၚ၀ဲဆူ ကီႈလ႕အအိဥဒီးတႈဘံဥတႈဘ႕ယ အိဥဒီးသူးသ့ဥလၚကပီၚအအိဥနဥ့လီၚ’

ခရံဏအနီႈကစႈဒဥလဲဥ အိဥမူ၀ဲလ႕ ပွၚဖံးတႈမၚတႈအဒူဥဖိထ႕ဖိအပူၚ ဘဥတႈမၚအ့န’အီၚလ႕ ပွၚလ႕အဟဲပ႕၀ဲတႈလီႈတႈက်ဲလ႕ အ၀ဲသ့ဥအိဥ၀ဲအပူၚယဒီးမ႕ဆူဥ၀ဲခရံဏအမိႈအပႈသ့ဥတဖဥ ဒ္သိးအကလဲၚတႈလ႕အခီဥ လ႕အဎံၚ၀ဲအမံးလဏ ၇၀ တခ်ဳးလ႕အအိဥဖ်ဲဥထီဥဒ္၀ဲယ ဒ္သိးအကဒုးနဲဥဖ်ါထီဥအသးလ႕အမ့ႈ၀ဲ ထံဖိကီႈဖိသ့ဥတဖဥအဂီႈနဥ့လီၚ’ ခရံဏကစႈ မ့ႈပွၚလ႕အဘဥသုးလီႈသုးက်ဲယ ဘဥဟး၀့ၚ၀ီၚ၀ဲလ႕အထံလီႈကီႈပူၚ ဒီးမ့ႈ၀ဲပွၚဘဥကီဘဥခဲတဂၚနဥ့လီၚ’ ပွၚခရံဏဖိလ႕အဆိအခါလံၚလံၚသ့ဥတဖဥ ဘဥသုးလီႈသုးက်ဲ ခဲအံၚခဲအံၚနဥ့လီၚ’

တႈအိဥဖွိဥကရ႕အတႈစံဥစိၚတဲစိၚ မ့ႈ၀ဲတႈသုးလီႈသုးက်ဲအတႈစံဥစိၚတဲစိၚနဥ့လီၚ’ ခရံဏဖိအကရ႕ကရိလ႕ ကီႈမိႈပွႈဎူရပၚယ လီၚဆီဒဥတႈလ႕ ကီႈအံဥတလံဥဒီးကီႈအဲဥဎဥလဥသ့ဥတဖဥ မ့ႈ၀ဲပွၚသုးလီႈသုးက်ဲလ႕ အတူဥဘဥ၀ဲတႈနးတႈဖွီဥသ့ဥတဖဥနဥ့လီၚ’ ကဲးသလံးတႈအိဥဖွိဥကရ႕ အိဥ၀ဲဒီး အခိဥအနဥလ႕အသုးလီႈသုးက်ဲအဆိကတ႕ႈတဂၚ လ႕အမ့ႈပႈပါဖရဥစ့းယ ဒ္အဒူဥဖိထ႕ဖိ ဘဥပဏတ့ႈကြံဏကီႈအံဥတလံဥ ဒီးဘဥလဲၚအိဥ၀ဲလ႕ကီႈအဥကေဥ့တံနါအဃိနဥ့လီၚ’ ပႈပါဖရဥစ့းကဲထီဥ၀ဲ ပွၚသုးလီႈသုးက်ဲလ႕အကလုႈသီဥထီဥတသ့၀ဲသ့ဥတဖဥ အကလုႈနဥ့လီၚ’ ဒ္အမ့ႈပွၚလ႕အကတိၚသိဥသီတႈ ဘဥဃးဒီးတႈသူဥကညီၚသးကညီၚတႈတဂၚအသိးယ ပဏဖ်ါထီဥ၀ဲ ပွၚသုးလီႈသုးက်ဲသ့ဥတဖဥအမဲဏသဥဒီးအမံဏထံမဲဏနိသ့ဥတဖဥ ဆူတႈအိဥဖွိဥကရ႕ဖိသ့ဥတဖဥ အသးလ႕အတႈသ့ဥညါတႈအအိဥ နဥ့လီၚ’ ဖဲ ၂၀၁၉ လါစဲးပတ့ဘ႕ဥအပူၚ ပဏလီၚ၀ဲတႈဂီၚစိးပ်ၚလ႕အမံၚမ့ႈ၀ဲ ကလူးလ႕ပွၚတသ့ဥညါအီၚသ့ဥတဖဥ (Angels Unaware) ဒ္အပဏဖ်ါထီဥ၀ဲ ခ်ံတဘ့ဥလ႕အအိဥပွဲၚဒီးပွၚသုးလီႈသုးက်ဲ လ႕စီၚပ့းတရူးအတႈလီၚပ်ီအပူၚနဥ့လီၚ’ လ႕တႈလီၚလီၚဆီဆီအပူၚယ ပဏလီၚ၀ဲနီႈမၚရံ ဒ္အမ့ႈပွၚသုးလီႈသုးက်ဲသ့ဥတဖဥအမိႈနဥ့လီၚ’ ပတႈစူဥတႈနဏ မ႕နဥ့ဆီဥခံပွၚ ဒ္သိးပကအိဥမူ၀ဲလ႕ တႈႏုဏလီၚရဲဥက်ဲၚမၚသကိးတႈ လ႕ပွၚသုးလီႈသုးက်ဲသ့ဥတဖဥအက်ါ အဂီႈနဥ့လီၚ’

ပတႈအိဥဖွိဥကရ႕အံၚ တမ့ႈထဲလ႕အမ့ႈ၀ဲ တႈအိဥဖွိဥလ႕အလဲၚတႈလ႕ဟီဥခိဥ ဆူမူခိဥဘဥဒီး မ့ႈစ့ႈကီးတႈအိဥဖွိဥကရ႕လ႕အသုးလီႈသုးက်ဲယ ဘဥသုးအသးဆူတႈလီႈတတီၚဘဥတတီၚ နဥ့လီၚ’ ဒ္ပမ့ႈ၀ဲဎြၚဖိဎြၚလံၚလ႕ ကီႈမိႈပွႈအ့ရွ႕ဥအပူၚအသိးယ ပထံဥဘဥ၀ဲ ပွၚသုးလီႈသုးက်ဲအကကြဲႈဒီးအကကြဲႈသ့ဥတဖဥ လဲၚသကိးတႈလ႕အဎံၚ၀ဲ အမံၚလဏအကဎၚဒီးအကဎၚသ့ဥတဖဥနဥ့လီၚ’ ဒ္ပႈပါဖရဥစ့းပဏဖ်ါထီဥ၀ဲ လ႕အသးဘဥဒိဆါ၀ဲအပူၚ မ့ႈလ႕မုႈက်ိၚ၀ဲၚကြႈအတႈဆါတႈပွၚ့တႈအလီႈ လ႕အသးကညီၚတႈတသ့၀ဲသ့ဥတဖဥ အိဥသကိး၀ဲဒီးလုႈလႈလ႕အမ့ႈ တႈစူးကြံဏတ႕ၚကြံဏတႈယ လ႕အဆွ႕ဖ်ိးနီဥဟးထီဥကြံဏ ထံဖိကီႈဖိ အကကြဲႈဒီးအကကြဲႈသ့ဥတဖဥ လ႕ပွၚကီႈအ့ရွ႕ဥထံကီႈအါဘ့ဥသ့ဥတဖဥ နဥ့လီၚ’

ကီႈမိႈပွႈအ့ရွ႕ဥ မ့ႈ၀ဲတႈလီႈတႈက်ဲလ႕အဘဥဒိဆါတ့ႈလံ၀ဲ ဒိဥဒိဥကလဲဏ လ႕ပွၚသုးလီႈသုးက်ဲသ့ဥတဖဥအဂီႈဖဲ Covid အတႈမၚနးမၚဖွီဥတႈ အကတီႈနဥ့လီၚ’ ကီႈမိႈပွႈအံၚ အိဥ၀ဲဒီး ပွၚဟီဥခိဥဖိခဲလ႕ဏသ့ဥတဖဥအက်ါ အမ်းကဎၚ ၆၀ နဥ့လီၚ’ ဟီဥခိဥဒီဘ့ဥပွၚသုးလီႈသုးက်ဲ ဒ္ပွၚဒြးတဎဏအီၚလ႕အမ့ႈ၀ဲ ၂၅၈ ကကြဲႈအက်ါ အမ်းကဎၚ ၄၀ မ့ႈ၀ဲလ႕ ကီႈမိႈပွႈအ့ရွ႕ဥ ဒီးလ႕ပံးစံးဖံးတႈလီႈတႈက်ဲသ့ဥတဖဥအပူၚ ဒီးအါနဥ့ပွၚအဂၚ ၇၇ ကကြဲႈ လ႕အအိဥဖ်ဲဥထီဥ၀ဲလ႕ တႈလီႈတႈက်ဲအံၚအပူၚသ့ဥတဖဥ ဘဥအိဥမူအိဥဂဲၚ၀ဲလ႕ အ၀ဲသ့ဥအကစႈဒဥ၀ဲအထံလီႈကီႈပူၚအခ်႕ နဥ့လီၚ’ ပွၚသုးလီႈသုးက်ဲသ့ဥတဖဥ မ့ႈပွၚသ့ဥတဖဥလ႕ အတႈသ့တႈဘဥတလ႕တပွဲၚ၀ဲ ဒ္အ၀ဲသ့ဥ က်ဲးစ႕ၚဃုထံဥနဥ့၀ဲတႈဖံးတႈမၚအသိးနဥ့လီၚ’ ဘီမုႈအါဘ့ဥပီဥလဲဥပီဥႀတီၚအကရ႕ ဒြးတဎဏ၀ဲလ႕ ပွၚအဂၚ အမ်းကဎၚ ၆၂ လ႕အဘဥအိဥမူ၀ဲလ႕ တႈမ႕ကဲကုႈတႈအက့ႈအဂီၚအသီ တႈလီႈတႈက်ဲအပူၚယ ဒီးတႈဖံးလီႈမၚလီႈသ့ဥတဖဥမ့ႈ၀ဲဃုဏဒီး မုႈခြါတႈမံဃုဏဂဲၚဃုဏအတႈမၚယ တႈသူဥအီဥဖ်းအီဥတႈအတႈမၚယ တႈသူဥထီဥတ့ဘွီထီဥတႈအတႈမၚယ ပွၚမၚညဥအတႈမၚ ဒီးလ႕တႈတူဥလိဏခီဥဆ႕တမွံၚတပ်ီၚအတႈဖံးတႈမၚ သ့ဥတဖဥအပူၚနဥ့လီၚ’

ပွၚမ႕ဆူဥတႈလ႕ အကလုဏအါ၀ဲသ့ဥတဖဥ မ႕ဆူဥ၀ဲပွၚကမ်႕ႈဖိသ့ဥတဖဥ ဒ္သိးအကကဲထီဥပွၚသုးလီႈသုးက်ဲနဥ့လီၚ’ တႈအိဥအသးလ႕အဘဥဃးဒီးတႈဘဥဂံဏဂူဏလိဏသး တႈလ႕ပွၚကဘဥမၚအီၚလ႕အခ့် လ႕အဘဥထြဲဒီးပွၚဂ့ႈ၀ီအတႈလိဥဘဥတႈသ့ဥတဖဥယ ဒီးဘဥတႈမၚနးထီဥအီၚလ႕ မူခိဥကလံၚသီဥဂီၚအတႈလဲလိဏကြံဏအသးသ့ဥတဖဥ ဒုးအါထီဥ၀ဲ ပွၚလ႕အလီႈအက်ဲတအိဥလ႕ၚ၀ဲသ့ဥတဖဥအနီႈဂံႈ ဒီးမၚဘဥဒိဘဥထံး၀ဲ ပွၚကမ်႕ဥဖိလ႕အဘဥအိဥမူ၀ဲလ႕ တႈဖွီဥတႈဎဏလ႕အလီၚပ်ံၚဒိဥဒိဥအါအါအပူၚနဥ့လီၚ’ ပွၚသုးလီႈသုးက်ဲတ၀ဏဃဥဃဥ မ့ႈ၀ဲပိဏမုဥသ့ဥတဖဥနဥ့လီၚ’ ပိဏမုဥအါအါဂီႈဂီႈသ့ဥတဖဥ ဘဥသုးလီႈသုးက်ဲဒီး ဘဥလဲၚတႈနဥ့လီၚ’ ခိဥနဥလ႕အအိဥဒီးတႈစိတႈကမီၚ လ႕အပ်ံၚ၀ဲပွၚတခီဘီမုႈဖိ အတႈဟဲအိဥထီဥ၀ဲအံၚ မ့ႈ၀ဲတႈကဲထီဥအသးလ႕ အလီၚဘဥဎိဏ၀ဲသပွႈကတ႕ႈနဥ့လီၚ’

တႈဆါသံသႀတိဏလ႕အမ့ႈ Covid ပဏဖ်ါထီဥ၀ဲ တႈဘဥဎိဏလ႕ အတႈမၚဟးဂီၚတႈဒိဥ၀ဲအါ၀ဲ လ႕ကီႈအ့ရွ႕ဥပွၚသုးလီႈသုးက်ဲသ့ဥတဖဥ အတႈပူၚဖ်ဲးလ႕တႈသံ ဒီးလ႕အ၀ဲသ့ဥအသူးအသ့ဥအဂီႈနဥ့လီၚ’ တႈဆါအဃဥအံၚ မ့ႈ၀ဲတႈလ႕အဘဥဃးဒီးသးသမူခဲလ႕ဏယ တႈပ်ဲပူၚ၀ဲတႈလီႈတႈက်ဲနီတပူၚဘဥနဥ့လီၚ’ အတႈသိဥတႈဘ်႕ မ့ႈ၀ဲလ႕အတအိဥ၀ဲဒီးတႈကြႈမဲဏပွၚဘဥဒီး မၚဘဥဒိပွၚကိးဂၚဒဲး လ႕အမ့ႈထံဖိကီႈဖိမ့ႈဂ့ၚ ပွၚတခီဘီမုႈမ့ႈဂ့ၚနဥ့လီၚ’ ဒူဥဖိထ႕ဖိ ၁၂၂ ကကြဲႈသ့ဥတဖဥ အိဥ၀ဲဒီး တႈသဥ၀ံၚလီၚဒိအတႈဘဥဎိဏနဥ့လီၚ’ ပႈပါဖရဥစ့းစံး၀ဲလ႕ တႈသဥ၀ံၚလီၚဒိအတႈဆါသံသႀတိဏ မ့ႈတႈလ႕အအိဥ၀ဲဒီးတႈဘဥဎိဏအါနဥ့ Covid နဥ့လီၚ’ Covid မ့ႈအိဥဒ္၀ဲလ႕ခါဆူညါအကတီႈဒီး ပွၚလ႕အတအိဥလ႕ၚဒီးတႈဖံးတႈမၚသ့ဥတဖဥ ကသံ၀ဲလ႕ တႈသဥ၀ံၚလီၚဒိအဃိ အါနဥ့တႈဆါအဃဥအတႈမၚသံတႈနဥ့လီၚ’ လ႕ဟ႕ဖ႕ဆဥအဂီႈ Lockdown တအိဥ၀ဲဘဥနဥ့လီၚ’ ဘီမုႈအါဘ့ဥပွၚမၚတႈဖိသ့ဥတဖဥအကရ႕ (ILO) ဒြးတဎဏ၀ဲလ႕ တႈပဏလီၚဆီပွၚ (Lockdown) လ႕လ႕ပွဲၚပွဲၚမ့ႈဂ့ၚ လ႕အတဖွံဥတ၀ဏမ့ႈဂ့ၚ ကဲထီဥ၀ဲတႈဘဥဒိဘဥထံးလ႕ ပွၚမၚတႈဖိ အါနဥ့အကကြဲႈခံကထိ မ့တမ့ႈ ထဲသိးလိဏအသးဒီး ဟီဥခိဥဒီဘ့ဥပွၚမၚတႈဖိ ၆၈ မ်းကဎၚနဥ့လီၚ’ အအံၚ တမ့ႈ၀ဲနီႈဂံႈသ့ဥတဖဥဘဥဒီး မ့ႈ၀ဲပွၚလ႕အသးသမူအိဥ၀ဲ ပွၚကညီသ့ဥတဖဥယ ဒီးမ့ႈ၀ဲမဲဏသဥသ့ဥတဖဥ ဒီးအမဲဏထံမဲဏနိသ့ဥတဖဥနဥ့လီၚ’ လ႕နီႈဂံႈကိးခါဒဲး လ႕အပဏဖ်ါထီဥ၀ဲ တႈအိဥဆူဥအိဥခ့်အတႈဂ့ႈလ႕ ပွၚကဘဥမၚအီၚလ႕အခ့်၀ဲသ့ဥတဖဥအလီႈခံ တႈမၚအသးဒီးပွၚလ႕ ပွၚဂဲၚပ်ဳႈတႈဒ္သိး တႈဘဥဒိဘဥထံး၀ံၚအလီႈခံ တႈကဂ့ၚထီဥက့ၚဒ္အလီႈလီႈခ့်ခ့်ကသ့၀ဲအဂီႈ ဒီး တႈက်ဲးစ႕ၚမၚနဥ့တႈလ႕ တႈကီတႈခဲအပူၚ အိဥ၀ဲစ့ႈကီးနဥ့လီၚ’

တႈအိဥဖွိဥကရ႕လ႕ ကီႈအ့ရွ႕ဥအပူၚယ ဒ္အတႈလူၚပိဏထြဲ၀ဲ ပွၚကြႈသိလ႕အဂ့ၚအတႈထိဥဟူးထိဥဂဲၚထီဥတႈအပူၚ ကဘဥအိဥဖ်ါ၀ဲဒ္ အအိဥ၀ဲဒီး ပွၚကြႈသိလ႕အဂ့ၚအတႈသ့တႈဘဥသ့ဥတဖဥ ဆူပွၚသုးလီႈသုးက်ဲသ့ဥတဖဥအအိဥ လီၚဆီဒဥတႈ ပွၚလ႕အဟဲက့ၚ၀ဲသ့ဥတဖဥအအိဥနဥ့လီၚ’ တႈဒုးကဲထီဥတႈဘံဥတႈဘ႕ဒီး တႈရိဥဖွိဥဃူဖိး ဒ္သိးအကမ့ႈတႈထဲသိးသိး မ့ႈ၀ဲတႈခီဥတႈရီဏတႈဖးဒိဥတမံၚနဥ့လီၚ’ တႈအိဥဆူဥအိဥခ့်အပွၚမၚတႈဖိလ႕ အတႈမၚတႈခ့တႈပွၚအတႈမၚလ႕ တႈဆိကမိႈလီၚဒဥထဲအ၀ဲသ့ဥအကစႈဒဥ၀ဲအဂီႈ တအိဥ၀ဲနီတမံၚ မ့ႈ၀ဲတႈထိးဟူးထိဥဂဲၚလ႕ပဂီႈနဥ့လီၚ’

ပွၚကမ်႕ဥဖိသ့ဥတဖဥ မ့ႈပွၚလ႕အဂ့ၚ၀ဲနဥ့လီၚ’ တႈဆါသံသႀတိဏ ထိဥဂဲၚထီဥဒီးဒုးဒိဥထီဥ၀ဲ ဒိဂ့ၚတဲႈဘဥလ႕အဘဥဃးဒီး ကရ႕ကရိအတႈအိဥ၀ဲဒီး တႈသူဥဘဥသးသ့နဥ့လီၚ’ခီဖ်ိတႈထိဥဟူးထိဥဂဲၚဒီး တႈဒုးဘဥလိဏဖိးဒ့လိဏက့ၚတႈအပူၚ ပသ့မၚဒိဥမၚဆူဥထီဥ၀ဲ တႈသူဥဘဥသးသ့ လ႕ဎြၚဖိဎြၚလံၚသ့ဥတဖဥအက်ါနဥ့လီၚ’ ဒ္တႈအိဥဖွိဥကရ႕အသိး ပကဘဥဂဲၚဆ႕ထ႕ဥသကိးူပ၀ဲ လ႕ပွၚသုးလီႈသုးက်ဲသ့ဥတဖဥ အတႈခြဲးတႈဎဏအဂီႈနဥ့လီၚ’ ပွၚကြႈသိအတႈကြႈထြဲကဟုကဎဏတႈ ဒီး တႈမၚဘဥလိဏသးဒီးပိဏလိဏအခံ မ့ႈ၀ဲတႈခီဥတႈရီဏတႈတမံၚ ဘဥဆဥ ပွၚလိဏဘဥအီၚနဥ့လီၚ’ တႈဘါသရိဏသ့ဥတဖဥ ဘဥတႈကးတံဏဃဥအီၚဘဥဆဥ ပသူဥပသးသ့ဥတဖဥ ပွၚတသ့ကးတံဏဃဥအီၚ လ႕ပဒီပုႈ၀ဲႈမုဥ/ခြါသ့ဥတဖဥ အတႈတူဥဘဥတႈအဂီႈဘဥနဥ့လီၚ’

တႈသးခုကစီဥအတႈမၚသ႕ပူလ႕အမ့ႈ၀ဲ ” တႈမၚဘဥလိဏသးဒီးပိဏလိဏအခံယ တႈမၚတႈခ့တႈပွၚအတႈဖံးတႈမၚယ ဒီးတႈကဟုကဎဏပွၚသုးလီႈသုးက်ဲသ့ဥတဖဥ အတႈခြဲးတႈဎဏသ့ဥတဖဥ လိဏဘဥ၀ဲ တႈထိဥဟူးထိဥဂဲၚထီဥအီၚ လ႕တႈအိဥဖွိဥကရ႕ ဒီးလ႕ပတႈဘါသရိဏသ့ဥတဖဥအပူၚနဥ့လီၚ’ တႈအိဥဖွိဥကရ႕လ႕ကီႈမိႈပွႈအ့ရွ႕ဥ ကဘဥထုးစုနဲဥက်ဲတႈလ႕ ဒိဂ့ၚတဲႈဘဥအပူၚ လ႕တႈဒုးမၚနဥ့ တႈအိဥသဒ႕အလီႈ လ႕ပွၚသုးလီႈသုးက်ဲသ့ဥတဖဥအဂီႈ နဥ့လီၚ’ အအံၚ မ့ႈဆ႕ကတီႈလ႕အအိဥပွဲၚ၀ဲဒီးတႈဆိဥဂ့ၚ လ႕တႈဘူဥတႈဘါသ့ဥတဖဥ အတႈရ့လိဏမုဏလိဏအသး ဒီးတႈမၚတႈခ့တႈပွၚအတႈမၚ အဂီႈနဥ့လီၚ’

တမ့ႈလ႕ ပကတဲႈကတီၚတႈလ႕ ခါဆူညါ ပ၀ဲသ့ဥပကစႈဒဥ၀ဲအဂီႈဘဥအဂ့ႈ ပႈပါဖရဥစ့းစံး၀ဲနဥ့လီၚ’ ပဘဥတႈကြဲမုဏပွၚ ဒ္သိးပကအိဥကတဲႈကတီၚတႈလ႕ ခါဆူညါအဂီႈ ဖဲဟီဥခိဥအသီလ႕အကအိဥဒီးတႈတီတႈႀတဏဒီး တံၚသကိးအတႈရ့လိဏမုဏလိဏသး ကအိဥဖ်ါထီဥ၀ဲအဂီႈနဥ့လီၚ’ မ္တႈဘဥတ့တမံၚလႈလႈအကစႈ ကဒုးမၚနဥ့ပွၚတႈအိဥဆူဥအိဥခ့်လ႕အဂ့ၚ၀ဲယ တႈသူဥဘဥသးသ့ယ ဒီးသးလ႕အအိဥဒီးတႈသူဥအိဥသးအိဥ သူဥကညီၚသးကညီၚတႈယ ဒီးတႈခံးတႈနၚအတႈမၚပ်ံၚမၚဖုးတႈအိဥ၀ဲဘဥဆဥ ဒ္သိးပကလဲၚ၀ဲဆူညါကြႈ့ကြႈ့  အဂီႈနဥ့တက့ႈ’ မုႈခံးတႈနၚလ႕အဎံဏ၀ဲကိးခါဒဲးသ့ဥတဖဥ ကတ႕ႈ၀ဲဖဲ ဂီၚထ႕ဥသ႕ ဟဲအိဥထီဥ၀ဲအခါနဥ့လီၚ’ ထူဥစုညါအတႈကတ႕ႈ တမ့ႈ၀ဲလ႕တႈသြဥခိဥအပူၚဘဥဒီး မ့ႈ၀ဲလ႕ တႈဂဲၚဆ႕ထ႕ဥသမူထီဥက့ၚ လ႕အစိဒိဥကမီၚထီ၀ဲအပူၚနဥ့လီၚ’ မ္တႈစူဥတႈနဏအံၚ ဟ့ဥဆူဥထီဥပွၚသးအဂံႈအဘါ ဖဲခ့ခါလ႕အအိဥပွဲၚ၀ဲဒီး တႈခီဥတႈရီဏတႈအကတီႈအံၚနဥ့တက့ႈ’