ပွၚခရံဏဖိဒီး ပွၚမူၚစလံၚ ဖိသ့ဥတဖဥ ကမ့ႈပွၚလ႕အစိာ္ထီဥတႈမုႈလႈ (Ramandan) အဆ႕ကတီႈ.

Vatican ကြဲးလံာ္တဘ့ဥဘဥဃဥဒီးတႈဟ့ဥသဆဥထီဥဆူ ပွၚခရံဏဖိဒီး ပွၚ မူၚစလံၚ ဖိသ့ဥတဖဥစံး၀ဲဒဥ အ၀ဲသ့ဥတဖဥကမ့ႈပွၚလ႕အစိာ္ထီဥတႈမုႈလႈ ဖဲတႈဆ႕ကတီႈ လ႕ ပွၚမူၚစလံၚဖိသ့ဥအလါစီဆွံစးထီဥ၀ဲလ႕ ပူၚကြံဏ တႏြံြအတီႈပူၚလ႕အဘဥဃးဒီး လါစီဆွံ (ရဥမၚဒဥ)(Ramandan)အပူၚန႔ဥလီၚ.

ဖဲလံာ္အတႈကြဲးအပူၚပွၚဘဥမူဘဥဒါလ႕အမၚတႈဖံးတႈမၚလ႕ ကမၚဃုဏ၀ဲ ပွၚတႈစူႈတႈနဏတဒံးသိးဘဥ အကရ႕ကရိစံး၀ဲဒဥ ပွၚခရံဏဖိဒီးပွၚမူၚစလံၚ ဖိသ့ဥတဖဥၾက႕းလ႕ ကဘဥမ့ႈ၀ဲပွၚသ့ဥတဖဥ လ႕အဘဥအုဥလီၚ အသးလ႕တႈ ကမၚဂ့ၚထီဥတႈဒီးတႈသူဥထီဥလ႕ပွၚသ့ဥတဖဥ ဖဲဘဥတႈနးတႈဖွီဥဒီးတႈကီတႈခဲတုၚအခါန႔ဥလီၚ.

ဘဥဃဥဒီးလံာ္တႈဘဥထုးထီဥတဘ့ဥအံၚန႔ဥ Cardinal Miguel Angel Ayuso လ႕အမ့ႈ၀ဲ Vatican ပွၚတႈစူႈတႈနဏတဒံးသိးဘဥအခိဥအနႈလ႕ Vatican ဒီး Monsignor Indunil Janakaratne Kodithuwakku Kankanmalage လ႕အမ့ႈနဲဥရြဲဥ သ့ဥတဖဥဆဲးလီၚအမံၚ ဒီးထုးထီဥ၀ဲဖဲ လါ အ့ျဖ့ဥ ၁၆ သီန႔ဥလီၚ.

ဖဲ Vatican အတႈကြဲးအပူၚအတႈထုးထီဥန႔ဥ ဖဲပူၚကြံဏတနံဥညါအပူၚ အတႈထံဥ၀ဲန႔ဥ ဟီဥခိဥခ်႕ကီႈအါအါ ကလုာ္န႔ဥ ခီဥဘဥ၀ဲတႈကီတႈခဲယ တႈသးဘဥဖီွဥဒိဥမး ဖဲပွၚဘဥအိဥပတီႈလ႕အ၀ဲသ့ဥ ဘဥအိဥတႈလီႈ အဟံဥအဃီသ့ဥတဖဥန႔ဥလီၚ.

လ႕အတႈကြဲးအပူၚပဖးဘဥ၀ဲ ကစႈဎြၚအတႈလီၚလးလ႕ပအဲဥဒိးဒီးပဃုထံဥသ့ဥတဖဥန႔ဥ မ္ပကန႔ႈဘဥဎြၚအတႈသးကညီၚယအတႈပ်ႈတႈကမဥ ဒီးနီႈခိနီႈသးအတႈ ဟ့ဥသ့ဥတဖဥဖဲတႈသံ သၾတိာ္တႈဆါအ႕အဆ႕ကတီႈအခါအံၚန႔ဥတက့ႈ.

လ႕တႈဒုးသ့ဥညါလံဏအပူၚ စံး၀ဲဒဥတႈမုႈလႈန႔ဥဟဲကဲထီဥ လ႕ပတႈစူႈတႈနဏဘဥဃးဒီး ပခီဥဘးတႈကီတႈခဲယ တႈနးတႈဖွီဥအပူၚဒီးတႈန႔ဥမ့ႈ၀ဲလ႕ပတႈအိဥမူအလုႈအပွ႔ၚယပတႈပညိဥသ့ဥန႔ဥလီၚ. တႈသ့ဥတဖဥလ႕တႈကီတႈခဲမ့ႈဂ့ၚယတႈလ႕ပမၚတန႔ဥဘဥသ့ဥမ့ႈဂ့ၚယပကြႈထံဆ႕မဲဏဒီးနႈပ႕ႈတႈလ႕တႈဘဥ ကဲထီဥဒီးပဘဥကြႈဃုုက်ဲလ႕တႈန႔ႈအဂီႈ န႔ဥလီၚ.

ဒီးစံးကဒီး၀ဲ တႈလ႕တႈမုႈလႈန႔ဥကဘဥပာ္ထြဲဃုဏဒီး တႈစူႈတႈနဏအဂ့ၚလ႕အအိဥဒီးပွၚ လ႕ပသူဥက့ၚသးလဲကိး ဒံနီႈဂၚဒဲးန႔ဥလီၚ.

ဒီးစံးတဲၚတဲကဒီး၀ဲ တဘ်ီတခီဥန႔ဥပွၚလ႕ပတမုႈလႈသ့ဥတဖဥ အတႈမၚစ႕ၚဒီး အတႈဟ့ဥသါန႔ဥဟဲ၀ဲဒဥ အါဘ်ီအါမးဖဲ ပခီဥဘဥတႈကီတႈခဲ တႈနးတႈဖွီဥ ဒီးပသူဥပသးလီၚပွီႈအခါန႔ဥလီၚ.

ဒီဖဲလံာ္အတႈကြဲးအပူၚဟံန႔ႈ၀ဲလ႕ ပၚပါျဖဥစ့ဥ အလံာ္ပရ႕ Fratelli tutti လ႕အဘဥဃးဒီးပွၚခဲလ႕ဏကဘဥဟံန႔ႈတႈမုႈလႈလ႕အသီလ႕ပဘဥစံးတဲၚတဲလီၚ လ႕အမ့ႈကဟဲကဲထီဥလ႕ပွၚကညီကိးဂၚဒဲးအသူဥကံႈသးလဲအပူၚလႈဘဥ ဃးဒီး ပွၚကညီတႈလီၚစိႈလီၚသြဲဥ တႈဆ႕ကတီႈသ့ဥတဖဥ အလီႈပစိးန႔ဥလီၚ.

တႈလ႕လါ Ramadan န႔ဥမ့ႈလါလ႕အရ့ဒိဥလ႕ ပွၚမူၚစလံၚအလံာ္နံဥလံာ္လါအပူၚဒီး ပွၚမူၚစလံၚ သ့ဥတဖဥစူႈနဏ၀ဲဒဥပႈဎြၚဟ့ဥလီၚ၀ဲအလံာ္စီဆွံ Quran အခီဥထံးတဆ႕ ဆူ ၀ံ Muhammad အအိဥအဃိန႔ဥလီၚ.

ပွၚက်ိဏထံတႈ - Deacon Thar Sein

Source: Christians and Muslims ‘called to be bearers of hope’, RVA News, 20 April 2021