ပမ့ႈအိဥမူ၀ဲတီလိၚန႔ဥ ပွၚအဂၚတဖဥစ့ႈကီး ကအိဥမူ၀ဲတီလိၚအဂ့ႈ (၁.၁၂.၂၀၂၁)

ပမ့ႈအိဥမူ၀ဲတီလိၚန႔ဥ ပွၚအဂၚတဖဥစ့ႈကီး ကအိဥမူ၀ဲတီလိၚအဂ့ႈ (၁.၁၂.၂၀၂၁)

တနံၚလ႕တႈအိဥမူ လ႕တႈတီတႈလိၚဒီး တႈမုဏတႈခုဥအပူၚ ပကနဥဟူဘဥန႔ဥယ မ့ႈ၀ဲဒဥ Living simply so others can simply live ပမ့ႈအိဥမူ ဎိဎိဒီး တီတီလိၚလိၚန႔ဥ ဒီးပွၚဂုၚဂၚသ့ဥတဖဥသနဏက့ယ ကအိဥမူ၀ဲဒဥ ဎိဎိတီတီလိၚလိၚသ့ဥန႔ဥလီၚ.

ဒီပုႈ၀ဲႈသ့ဥဧ႕ယတႈလ႕တႈအိဥမူ ဎိဎိတီတီန႔ဥ မ့ႈမၚသ့ဥညါယ ကဲထီဥပသူဥပသးလ႕ယ တႈအိဥမူန႔ဥယ တအိဥတညီလ႕ပဂီႈဘဥန႔ဥလီၚ. ဒီးမၚထီဥထီဒိဥထီဥ၀ဲဒဥ ပွၚကညီသ့ဥတဖဥယ အတႈလဲၚထီဥလဲၚထီအဂီႈဒီးယ ဆီတလ႕ကြံဏ၀ဲဒဥယ တႈကရ႕ကရိသ့ဥတဖဥယ အတႈအက့ႈအဂီႈဒီး အတႈဘဥသူဥထီဥ တႈတဖဥသ့ဥ၀ဲဒဥ အဃိန႔ဥလီၚ. တႈန႔ဥအဃိယပွၚကညီန႔ဥမ့ႈဂ့ၚလ႕ ပကဘဥအိဥမူ လိဏပသးဎိဎိဖိလ႕ တႈတီတႈလိၚအပူၚန႔ဥလီၚ.

ဒီပုႈ၀ဲႈပွၚဒိကနဥတႈဖိသ့ဥဧ႕ယ ပွၚကညီသ့ဥတဖဥ အနႈဟူဘဥလ႕ယ တႈအိဥမူဎိဎိဖိအခါဒီး ဘဥဎိဥ၀ဲလ႕ယ အ၀ဲသ့ဥကဘဥအိဥမူ လီၚအသးဒ္သိးယ တႈအိဥမူအပူၚယ တႈမနုၚမးတအိဥဘဥ အသိးန႔ဥလီၚ. တႈဘဥအိဥမူဎိဎိတီတီန႔ဥယ တမ့ႈဒ္သိးယ တႈအိဥမူ ဖွီဥဖွီဥဎဏဎဏအသိးန႔ဥဘဥ. ပွၚအိဥမူဖွီဥဖွီဥဎဏဎဏ ဖိသ့ဥတဖဥန႔ဥယ လ႕အ၀ဲသ့ဥ အတႈအိဥမူအဂီႈယ တႈအီဥတႈအီယ တႈအိဥတႈဆိးယ အတႈကူတႈကၚ သ့ဥတဖဥယ တလ႕တပွဲၚဘဥလ႕ အ၀ဲသ့ဥအဂီႈန႔ဥဘဥ. ဒီးအ၀ဲသ့ဥ တအိဥမူဘဥ၀ဲဒဥယ ဂ့ၚဂ့ၚဘဥဘဥန႔ဥယ တအိဥ၀ဲဒဥဘဥယ တႈလဲၚထီဥလဲၚထီ သနဏက့ တအိဥ၀ဲဒဥဂ့ၚဂ့ၚဘဥန႔ဥလီၚ.

တႈလ႕ Simple living တႈအိဥမူ ဎိဎိတီတီအခီပညီန႔ဥယ တမ့ႈဒ္န႔ဥဘဥယ ဖွီဥဎဏမ့ႈဂ့ၚထူးတီၚမ့ႈဂ့ၚယ အိဥမူလီၚသးလ႕ယ တႈတီတႈလိၚအပူၚလ႕ အတႈအိဥအပူၚန႔ဥလီၚ. တူႈလိဏတႈလ႕ တႈသ့ဥဂ့ၚသး၀ါယ တႈသူဥမံသးမံအပူၚန႔ဥလီၚ. အိဥမ့ႈဂ့ၚတအိဥမ့ႈဂ့ၚယ အ၀ဲသ့ဥအဂီႈန႔ဥလ႕ ပွၚဒဥထီဘိန႔ဥလီၚ.

ပ၀ဲဒဥသ့ဥတဖဥန႔ဥယမ့ႈပပဏလုႈဒိဥပွ႔ၚဒိဥယပွၚကညီတဂၚအသကဲဏပ၀းန႔ဥယဒိဥနးန႔ဥယပတႈအိဥတႈဎဲၚန႔ဥလီၚ.ပအိဥမူအိဥဂဲၚယပဖံးတႈမၚတႈယပစံးတႈတဲတႈဒ္လဲဥဒ္လဲဥန႔ဥယမႈနဲဥဖ်ါထီဥ၀ဲဒဥယပသကဲဏပ၀းအိဥ၀ဲဒဥဒ္လဲဥန႔ဥလီၚ.တႈအံၚမ့ႈ၀ဲဒဥ Human dignity န႔ဥလီၚ.

ပအိဥမူလ႕ဟီဥခိဥလိၚန႔ဥယပအဲဥဒိးအိဥဒဥထဲ တႈသူဥဖွံသးညီအပူၚယ တႈသူဥဘ့် သးဘ်႔အပူၚန႔ဥလီၚ. ဘဥဆဥယ လ႕ပွၚကိးဂၚဒဲး ကဂ့ၚဘဥအဂီႈယ ပွၚကိးဂၚဒၚယ တႈသူဥခုသးခု ကအိဥဘဥအဂီႈယ ပတႈပဏလီၚပသးန႔ဥယ မ့ႈလီၚစွၚမးန႔ဥလီၚ. ပွၚအိဥလ႕ပဃ႕ၚသ့ဥတဖဥယ ကဂ့ၚထီဥဘဥအဂီႈန႔ဥယ မ့ႈပွၚကိးဂၚဒဲးအမူအဒါန႔ဥလီၚ.

ဒီပုႈ၀ဲႈပွၚဒိကနဥတႈဖိသ့ဥဧ႕ယပစူႈနဏလ႕ ပမ့ႈရ့လိဏမုဏသကိးလိဏသးလ႕ယ တႈအဲဥတႈကြံန႔ဥဒီးယ ဎြၚန႔ဥကဟ့ဥပွၚပဂံႈပဘါယ ပတႈလိဥလ႕ ပလိဥဘဥတဖဥန႔ဥလီၚ. ဒီးတႈလ႕ ပအိဥမူဎိဎိတီတီဖိန႔ဥယ မၚလီၚဖွံပတႈ၀ံတႈဎိဏလ႕ အမၚဃ႕ပွၚတဖဥန႔ဥလီၚ. ဒီးမၚဟါမဥကြံဏ ပသူဥပသးလ႕ အထံဥဒဥထဲပတႈအိဥ တႈဎဲၚဒီး ပမ့ႈမတၚလဲဥန႔ဥလီၚ.

တႈန႔ဥအဃိယတႈလ႕တႈအိဥမူဎိဎိတီတီန႔ဥမ့ႈဘဥဎြၚအသးယပွၚဂုဏဂၚအသးဒီးမၚကဲထီဥအါထီဥပွၚလ႕ပွၚကညီတံႈနီႈတဂၚအသိးန႔ဥလီၚ.မ္ပကဂုဏက်ဲးစ႕းအိဥမူသကိးလ႕တႈတီတႈလိၚယတႈဎိဎိဖိအပူၚန႔ဥတက့ႈ.