ကီႈ Philippines သီခါကရ႕ခိဥသ့ဥတဖဥ အလံဏပရ႕ဘဥဃးဒီး တႈကြႈထဲြတႈအခိဥအဃ႕ၚအဂ့ႈ တႈကစီႈ

ကီႈ Philippines သီခါကရ႕ခိဥသ့ဥတဖဥ အလံဏပရ႕ဘဥဃးဒီး တႈကြႈထဲြတႈအခိဥအဃ႕ၚအဂ့ႈ တႈကစီႈ

Philippines သီခါကရ႕ခိဥသ့ဥတဖဥ ထုးထီဥရၚလီၚ၀ဲ လံဏပရ႕တဘ့ဥ ဖဲ ၂၀၁၉ လါဎူလံဥ ၁၆ သီအမုႈနံၚ လ႕အအိဥဒီးတႈဂ့ႈမိႈပွႈလ႕အမ့ႈ တႈလ႕ပွၚကဘဥမၚအီၚလ႕အခ့် လ႕အဲကလံးအက်ိဏ (Climate Emergency)ယ မ႕နဥ့ဆီဥခံ၀ဲပွၚကမ်႕ႈဖိသ့ဥတဖဥ ဒ္သိးအကဒိကနဥ၀ဲ ဟီဥခိဥဒီး ပွၚဖွီဥဖိဎဏဖိသ့ဥတဖဥအတႈကိးပသူထီဥ ဒီးက်ဲးစ႕ၚမၚကိညဥလီၚသကိး မူခိဥကလံၚသီဥဂီၚအတႈလဲလိဏအသး အတႈပိဏထြဲသ့ဥတဖဥအဂီႈနဥ့လီၚ’

လံဏပရ႕လ႕အအိဥ၀ဲဒီးလံဏကဘ်ံးပၚ (၉) ဘ့ဥအံၚအပူၚ တႈအပတီႈ (၈) ခါဘဥတႈပဏလီၚဆီအီၚ ဒီးလံဏပရ႕တ၀ဏဃဥဃဥ မ့ႈ၀ဲတႈကြႈထံဆိကမိႈ တႈအခိဥအဃ႕ၚအဂ့ႈ ဃုဏဒီးတႈဖံးတႈမၚလ႕ ပွၚကဘဥကြႈဆ႕ႈမဲဥအီၚ ဒ္လဲဥဒ္လဲဥအဂ့ႈနဥ့လီၚ’

လံဏပရ႕အံၚ မ့ႈ၀ဲတႈဂ့ႈလ႕အဘဥဃးဒီး တႈအခိဥအဃ႕ၚအလံဏပရ႕ (၈)ဘ်ီတဘ်ီ လ႕သီခါကရ႕ခိဥသ့ဥတဖဥ ထုးထီဥရၚလီၚ၀ဲ ဖဲအပူၚကြံဏ အနံဥ ၃၀ အတီႈပူၚယ ဒီးလံဏပရ႕အဆိကတ႕ႈတဘ့ဥ မ့ႈ၀ဲဖဲ ၁၉၈၈ လ႕အအိဥဒီးအခိဥတီ တႈမႏုမၚအသးလ႕ ပလီႈပက်ဲလ႕အဃံလၚ၀ဲအဖီခိဥလဲဥ (လ႕အဲကလံးအက်ိဏ What is happening to our beautiful Land? နဥ့လီၚ’

ဒ္ပွၚသ့ဥညါတ့ႈလံ၀ဲလ႕ တႈဖွီဥတႈဎဏဒီး တႈအခိဥအဃ႕ၚဟးဂီၚ၀ဲသ့ဥတဖဥ မၚဟးဂီၚ၀ဲ ပဟံဥဖးဒိဥ (Common Home) အဃိ သီခါကရ႕ခိဥသ့ဥတဖဥ ပဏဖ်ါထီဥ၀ဲ ဟီဥခိဥဒီး ပွၚဖွီဥဖိဎဏဖိသ့ဥတဖဥ အတႈကိးပသူထီဥတႈ လ႕တႈမ့ႈတႈတီအဂီႈနဥ့လီၚ’ တႈကြႈဆိကမိႈတႈလ႕ ပွၚဖွီဥဖိဎဏဖိသ့ဥတဖဥအဂီႈ မ႕နဥ့ဆီဥခံအ၀ဲသ့ဥ ဒီးမ့ႈ၀ဲတႈလီၚတီလ႕အဖီခိဥ ဘဥဃးဒီးသကဲးပ၀ဏအဂ့ႈယ ဒီးမ့ႈလ႕တႈဖွီဥတႈဎဏဒိဥ၀ဲအါ၀ဲအဃိ ပွၚကဘဥကြႈထြဲသုးက်ဲၚတႈ ဘဥဃးဒီးတႈအခိဥအဃ႕ၚယ တႈဖွီဥတႈဎဏဒီး တႈအခိဥအဃ႕ၚဟးဂီၚ၀ဲ မ့ႈတႈလ႕ အဘဥဃးလိဏအသးခံခီဎဏဘးအဂ့ႈ သီခါကရ႕ခိဥသ့ဥတဖဥ စံး၀ဲနဥ့လီၚ’ မူခိဥကလံၚသီဥဂီၚလဲလိဏကြံဏအသး မ့ႈတႈလ႕အဒုးအိဥထီဥတႈဘဥဎိဏလ႕ ဟီဥခိဥဒီဘ့ဥပွၚဖွီဥဖိဎဏဖိသ့ဥတဖဥအဂီႈအဂ့ႈ ပႈပါ Francis စံး၀ဲဖဲ အလံဏပရ႕လ႕အမံၚမ့ႈ၀ဲ Laudato Si ဒ္အကြဲး၀ဲဖဲ ၂၀၁၅ အနံဥအသိးနဥ့လီၚ’

Vatican သံကြႈ၀ဲ ကီႈ Philippines တႈအိဥဖွိဥကရ႕ခိဥနဥသ့ဥတဖဥလ႕ အမၚလံ၀ဲတႈမႏုမႏု ဘဥဃးဒီးပႈပါ Francis အလံဏပရ႕နဥ့လီၚ’ လ႕သီခါကရ႕ခိဥသ့ဥတဖဥ အလံဏပရ႕အပူၚ ပဏဖ်ါထီဥ၀ဲ တႈဂ့ႈကီလ႕ထံကီႈဘဥကြႈဆ႕ႈမဲဥ၀ဲအခဲအံၚ ဒီးလ႕တႈဂ့ႈသ့ဥတဖဥအံၚအက်ါ မ့ႈ၀ဲတႈခုဥထုးထီဥတႈလ႕ဟီဥခိဥလဏယ တႈတ့ဘွီထီဥထံတမ႕ယ ဒီးပွၚထုးထီဥဂံႈသဟီဥလ႕လ႕ႈသြဲဥလးအါ၀ဲ တႈဂ့ႈသ့ဥတဖဥအံၚနဥ့လီၚ’ ပွၚလ႕အဃုထံဥသ့ဥညါတႈသ့ဥတဖဥစံး၀ဲလ႕ ကီႈ Philippines မ့ႈထံကီႈတဘ့ဥလ႕ အတူဥဘဥတႈအအါကတ႕ႈ မ့ႈလ႕မူခိဥကလံၚသီဥဂီၚအတႈလဲလိဏကြံဏအသး အဃိနဥ့လီၚ’

သီခါကရ႕ခိဥသ့ဥတဖဥ မ႕နဥ့ဆီဥခံ၀ဲ တႈအိဥဖွိဥကရ႕က်ိဏစ့အ၀ဲၚလီႈသ့ဥတဖဥ ဒ္သိးအသုတဘ်႕လီၚ၀ဲစ့ လ႕တႈထုးထီဥဂံႈသဟီဥလ႕ အတကဆွဲကဆွီ၀ဲသ့ဥတဖဥအပူၚ ဒ္အမ့ႈ တႈထုးထီဥဂံႈသဟီဥလ႕ လ႕ႈသြဲဥလးအတႈမၚလီႈယ တႈထုးထီဥတႈလ႕ဟီဥခိဥလဏအ Companies သ့ဥတဖဥ ဒီးတႈဖံးလီႈမၚလီႈအဂုႈအဂၚ လ႕အအိဥဒီးတႈမၚဟးဂီၚတႈအခိဥအဃ႕ၚသ့ဥတဖဥနဥ့လီၚ’ မ႕နဥ့ဆီဥခံတႈဒ္သိး ပွၚကအိဥမူအိဥဂဲၚ၀ဲဎိဎိ ဒီးမၚဆူဥထီဥ တႈဒီသူဥပဏသးလ႕ တႈအခိဥအဃ႕ၚအတႈအိဥအသး ကဂ့ၚထီဥက့ၚ၀ဲ ခီဖ်ိပွၚသုတသူလ႕ၚ၀ဲ Plastic သ့ဥတဖဥအဂီႈနဥ့လီၚ’ တႈမၚနဥ့ဂံႈသဟီဥလ႕မုႈအတႈကပီၚ မ့ႈတႈလ႕ိအဂ့ၚဒိဥ၀ဲတမံၚအဂ့ႈ ပဏဖ်ါထီဥ၀ဲနဥ့လီၚ’

ကီႈ Philippines အသီခါကရ႕ခိဥသ့ဥတဖဥ ဒုးဟူထီဥသါလီၚ၀ဲ ဒ္သိးပွၚကသိဥလိနဲဥလိ ပႈပါအလံဏပရ႕လ႕အမ့ႈ Laudato Si လ႕တႈသိဥလိကေိသ့ဥတဖဥအပူၚယ လ႕တႈသိဥလိဒုးကဲထီဥသီခါကေိယ ဒီးတႈသိဥလိနဲဥလိတႈအလီႈအက်ဲ ဒ္အမ့ႈ Formation Centers သ့ဥတဖဥအပူၚနဥ့လီၚ’

မ့ႈ၀ဲဒ္ Vatican အလံဏတႈကစီႈ ဖဲ ၂၀၁၉ ဎူလံဥ ၁၆ သီအသိးနဥ့လီၚ’

Filippine bishops issue pastoral letter on “climate emergency” Vatican News 16 July 2019, 18:27