တႈကတိၚအိးထီဥတႈ လ႕ ကီႈအ့ရွ႕ဥသီခါကရ႕ခိဥသ့ဥတဖဥအခိဥအနႈ ကဥဒံဥနဲဥခေါလ္စ္ဘိဥ

ကီႈမိႈပွႈအ့ရွ႕ဥသီခါကရ႕ခိဥသ့ဥတဖဥအကရ႕ (FABC)

လါအီကူး ၂၂ သီ ၂၀၂၂

တႈလဲၚက်ဲ အိဥပွဲၚဒီးတႈဆိဥဂ့ၚ ဒီး တႈစံးဘ်ဳးစံးဖွိဥ

တႈကတိၚအိးထီဥတႈ လ႕ ကီႈအ့ရွ႕ဥသီခါကရ႕ခိဥသ့ဥတဖဥအခိဥအနႈ ကဥဒံဥနဲဥခေါလ္စ္ဘိဥ

ဒီပုႈ၀ဲႈလ႕ခရံဏအပူၚခဲလ႕ဏသ့ဥဧ႕ ဆ႕ဂ့ၚဆ႕၀ါဘဥသုလ႕ ခရံဏကစႈအမံၚနဥ့လီၚ

မုႈတနံၚအံၚ ပသ့ဥနီဥထီဥက့ၚတႈလ႕ တႈစံဥစိၚတဲစိၚအပူၚနဥ့လီၚ’ ဖဲအတႈလဲၚခီဖ်ိတႈ အိဥဒီးတႈဆိဥဂ့ၚ ဒီး တႈစံးဘ်ဳးစံးဖွိဥ အိဥ၀ဲနံဥကဎၚဖွိဥတ၀ဏ၀ံၚအလီႈခံ မုႈတနံၚအံၚ ကီႈအ့ရွ႕ဥတႈအိဥဖွိဥကရ႕ အိဥဖွိဥရိဖွိဥက့ၚကဒီး လ႕တႈသူဥဖွံသးညီအပူၚ လ႕တႈအိးထီဥ တႈမၚလၚမၚကပီၚ ကီႈအ့ရွ႕ဥသီခါကရ႕ခိဥသ့ဥတဖဥအကရ႕ (FABC) အိဥထီဥ၀ဲပွဲၚထီဥ အနံဥ ၅၀ တႈမၚအသးအံၚနဥ့လီၚ’

တႈအိဥဖွိဥဖးဒိဥ ကမ့ႈ၀ဲဖဲ လါအီးကထိဘ႕ဥ ၁၂ သီ တုၚလ႕ ၃၀ သီ အမုႈနံၚသ့ဥတဖဥနဥ့လီၚ’

ဎဆ႕ဂ့ၚဆ႕၀ါဘဥသု ဖဲတႈမၚလၚကပီၚ နီႈမၚရံ လ႕အမ့ႈပမိႈ ဒီး ပနီႈပၚမုဥ အမုႈနံၚအံၚနဥ့လီၚ’ ဎတႈစံးတႈကတိၚတႈ လ႕အဘဥဃးဒီးတႈဆိဥဂ့ၚ ဒီး တႈစံးဘ်ဳးစံးဖွိဥသ့ဥတဖဥ ဟဲအိဥထီဥ၀ဲ ဃုဏဒီးနီႈမၚရံယ ဒ္ကီႈအ့ရွ႕ဥတႈအိဥဖွိဥကရ႕ သ့သး၀ံဥဃုဏတႈဒီးအီၚ လ႕အမ့ႈ၀ဲ ဎြၚမၚတႈလီၚလးသ့ဥတဖဥ လ႕ဎဂီႈနဥ့လီၚ’

ဖဲအပူၚကြံဏအနံဥ ၅၀ အကတီႈယ ကီႈအ့ရွ႕ဥသီခါကရ႕ခိဥသ့ဥတဖဥ အိဥဖွိဥရိဖွိဥသကိး၀ဲ လ႕ Vatican အတႈအိဥဖွိဥဖးဒိဥ ခံဘ်ီတဘ်ီ အတႈဆီဥထြဲတႈအပူၚ ဒ္သိး ကီႈမိႈပွႈအ့ရွ႕ဥ သီခါကရ႕ခိဥသ့ဥတဖဥအကရ႕ FABC ကဘဥတႈသူဥထီဥအီၚ အဂီႈနဥ့လီၚ’

တႈအိဥဖွိဥကရ႕ မၚလၚကပီၚ၀ဲ တႈမၚအသးအိဥလ႕ပွဲၚဒီးတႈဆိဥဂ့ၚအံၚ ဃုဏဒီးတႈစံးဘ်ဳးဎြၚနဥ့လီၚ’ ပ၀ဲသ့ဥခဲလ႕ဏ ပစံးဘ်ဳးစံးဖွိဥ သ့တႈလ႕ဏဎြၚ လ႕အထုးစုနဲဥက်ဲတႈအိဥဖွိဥကရ႕ ဖဲနံဥလ႕အပူၚကြံဏ၀ဲသ့ဥတဖဥအံၚ အတီႈပူၚနဥ့လီၚ’ ကီႈအ့ရွ႕ဥ မ့ႈ၀ဲတႈလီႈလ႕ တႈဘူဥတႈဘါအါမံၚအါမေိသ့ဥတဖဥ ဟဲအိဥထီဥ၀ဲတႈလီႈနဥ့လီၚ’ ဆူကီႈအ့ရွ႕ဥတႈအိဥဖွိဥကရ႕အတႈလဲၚက်ဲအအိဥ ပွၚစီဆွံ ပႈပါဎိၚဟဥပီလူခံဂၚတဂၚ ပႀတ႕ၚ၀ဲ ကီႈအ့ရွ႕ဥတႈအိဥဖွိဥအသန႕ႈ လ႕အဒုးမူသူဥမူသးပွၚ ဒိဥဒိဥကလဲဏ လ႕တႈအုဥက့ၚခီဥက့ၚ အတႈစံဥစိၚတဲစိၚအပူၚနဥ့လီၚ’

ဖဲအလံဏပရ႕လ႕အမံၚမ့ႈ၀ဲ Ecclesia in Asia အပူၚ ပႈပါစံး၀ဲ”

တႈအိဥဖွိဥကရ႕လ႕ကီႈအ့ရွ႕ဥ သူဥ၀ံဥသးဆ႕ တႈစံးထီဥပႀတ႕ၚ တႈအုဥက့ၚခီဥက့ၚအဎြၚ မ့ႈလ႕အဃုထ႕ထီဥ၀ဲ ဒ္သိးတႈအုဥက့ၚခီဥက့ၚအတႈဖံးတႈမၚ ကဘဥတႈစးထီဥအီၚလ႕ ကီႈမိႈပွႈအ့ရွ႕ဥအပူၚ ခီဖ်ိ ပိဏမုဥပိဏခြါလ႕ ကီႈမိႈပွႈအံၚအပူၚနဥ့လီၚ’ ဎြၚပဏဖ်ါထီဥ၀ဲဒီး မၚလ႕ပွဲၚ၀ဲ အတႈအုဥက့ၚခီဥက့ၚအတႈပညိဏ စးထီဥလ႕အခီဥထံးလံၚလံၚနဥ့လီၚ’ ထုးစုနဲဥက်ဲ၀ဲ ဖံဖုလ႕ပ်႕ၚသ့ဥတဖဥယ ဒီးကိး၀ဲစီၚမိၚရွ့ ဒ္သိးအကကဲခိဥကဲနႈ၀ဲ အပွၚကလုဏသ့ဥတဖဥ ဆူတႈသဘ့်အအိဥနဥ့လီၚ’ ကတိၚတႈဆူ ပွၚလ႕အဃုထ႕ထီဥ၀ဲသ့ဥတဖဥအအိဥ ခီဖ်ိ၀ံသ့ဥတဖဥယ ပွၚစံဥညီဥသ့ဥတဖဥယ စီၚပၚသ့ဥတဖဥ ဒီး ပိဏမုဥလ႕အဒူအဃိၚ၀ဲ လ႕အတႈစူဥတႈနဏအပူၚ သ့ဥတဖဥနဥ့လီၚ’ ဖဲတႈဆ႕ကတီႈ လ႕ထီဥပွဲၚထီဥ၀ဲအခါ ဆွ႕လီၚ၀ဲအဖိခြါထဲတဂၚဃီယ ပကစႈဎ့ဥရွဴးခရံဏ အုဥက့ၚခီဥက့ၚကစႈယ လ႕အဟံးနႈ့ပွၚကညီအတႈကဲ ဒ္ပွၚကီႈအ့ရွ႕ဥဖိတဂၚအသိးနဥ့လီၚ’ လ႕တႈသးဖွံဒိဥ၀ဲအါ၀ဲလ႕ ကီႈမိႈပွႈအံၚ အတႈဂ့ၚတႈ၀ါ ဒ္အအိဥ၀ဲလ႕ပွၚကမ်႕ႈဖိသ့ဥတဖဥအက်ါယ လုလႈဆဲးလၚအက်ါယ ဒီးလ႕တႈဘူဥတႈဘါသ့ဥတဖဥအက်ါယ ဒီးဒ္အသ့ဥညါတူႈလိဏ၀ဲ တႈစူႈတႈနဏအတႈဆိဥဂ့ၚ လ႕အဒိးနႈ့ဘဥ၀ဲ လ႕ပွၚခဲလ႕ဏအတႈဂ့ၚတႈ၀ါအဂီႈအပူၚ ကီႈအ့ရွ႕ဥတႈအိဥဖွိဥကရ႕ တသ့ဆိကတီႈ၀ဲ အတႈစံးထီဥပႀတ႕ၚတႈလ႕အမ့ႈ၀ဲ စံးဘ်ဳးစံးဖွိဥဎြၚတက့ႈ’ အဂ့ႈဒ္အံၚဂ့ၚ၀ဲလီၚ’ အဂ့ႈဒ္အံၚ အဘ်ဳးအဖွိဥအိဥ၀ဲ လီၚထူလီၚဎိဏနဥ့လီၚ’  

မ့ႈလ႕အဃုထ႕ထီဥ၀ဲ ကီႈမိႈပွႈအံၚ လ႕တႈအုဥက့ၚခီဥက့ၚ အတႈစံဥစိၚတဲစိၚအပူၚအဃိ မ္တႈလၚတႈကပီၚ ဘဥဎြၚတက့ႈ’ ပႈပါလ႕အမ့ႈ၀ဲပွၚစီဆွံတဂၚအံၚ ဟ့ဥလီၚ၀ဲတႈကလုႈ ဆူကီႈအ့ရွ႕ဥတႈအိဥဖွိဥကရ႕အအိဥ ဒ္သိးအကအိဥမူထြဲ၀ဲ ဒ္တႈမ့ႈတႈတီအံၚအိဥဖ်ါ၀ဲအသိးနဥ့လီၚ

ဒ္ပႈပါလ႕အမ့ႈပွၚစီဆွံ အတႈကူၚသ့ ထိဥဟူးထိဥဂဲၚတႈအသိး ကီႈအ့ရွ႕ဥသီခါကရ႕ခိဥသ့ဥတဖဥ ဂဲၚပ်ဳႈက်ဲးစ႕ၚတႈသပွႈပွႈ လ႕တႈအိဥဖွိဥအတႈဖံးတႈမၚတႈ အပူၚနဥ့လီၚ’ မ့ႈ၀ဲတႈလဲၚက်ဲလ႕အထီ၀ဲ အိဥ၀ဲဒီးတႈခီဥတႈရီဥတႈသ့ဥတဖဥ နဥ့လီၚ’

ဆ႕ကတီႈအခဲအံၚ ကီႈအ့ရွ႕ဥတႈအိဥဖွိဥကရ႕ အိဥဆ႕ထ႕ဥ၀ဲလ႕ က်ဲဂဏတဲဏအဖီခိဥနဥ့လီၚ’

တႈကဲထီဥလိဏထီဥ အိဥလံ၀ဲအါမးနဥ့လီၚ ပစံးဘ်ုဳးစံးဖွိဥဘဥပွၚခဲလ႕ဏ လ႕အကဲခိဥကဲနႈ၀ဲ တႈဖံးတႈမၚအပတီႈသ့ဥတဖဥအံၚနဥ့လီၚ’ ပစံးဘ်ဳးဘဥ ပွၚလ႕အသိဥလိနဲဥလိ ထူကလုႈဎြၚကထါ ဒီးပွၚလ႕အဆီဥထြဲတႈ ဘဥဃးဒီးတႈကူဥဘဥကူဥသ့ ဆူသီခါကရ႕ခိဥသ့ဥတဖဥ အကရ႕အံၚနဥ့လီၚ’

ကီႈအ့ရွ႕ဥအံၚ အိဥလ႕ပွဲၚဒီး လုလႈလ႕အလီၚဆီ၀ဲ အကလုဏကလုဏသ့ဥတဖဥအသိး တႈအိဥဖွိဥကရ႕စ့ႈကီး အိဥလ႕ပွဲၚဒီးတႈသ့ဥတဖဥအံၚနဥ့လီၚ’ လုႈလႈဆဲးလၚဒီး တႈဘူဥတႈဘါသ့ဥတဖဥ အတႈပဏဖွိဥဃုဏလိဏအသးအံၚ မ့ႈ၀ဲဒ္ပွၚလ႕အသ့ထူဂ့ႈဎြၚဂ့ႈသ့ဥတဖဥ ပဏဖ်ါထီဥ၀ဲအသိး မ့ႈ၀ဲပ်ဲႏုဏလီၚလုႈလႈသ့ဥတဖဥအံၚ ဆူတႈအိဥဖွိဥကရ႕ အတႈစူႈတႈနဏအပူၚနဥ့လီၚ’

လ႕ကီႈအ့ရွ႕ႈတႈအိဥဖွိဥကရ႕ အတႈစူႈတႈနဏအပူၚ အိဥ၀ဲလ႕ တႈမၚအသးအံၚအတႈလဲၚက်ဲအခ႕ဥသးအဖ႕မုႈ ဒီးကဲထီဥတႈလ႕အဘဥဃးဒီး ပွၚအိဥထူအိဥလံၚ လ႕တႈလီႈအံၚအပူၚနဥ့လီၚ’

လ႕အတႈဒုးကဲထီဥတႈအသီ သ့၀ဲအပူၚယ ကီႈအ့ရွ႕ဥသီခါကရ႕ခိဥသ့ဥတဖဥအကရ႕ မၚဆူဥထီဥ၀ဲ တႈစံးကတိၚလိဏသးဒီးလုႈလႈဆဲးလၚယ ဒီးတႈဘူဥတႈဘါသ့ဥတဖဥယ ဒီးပွၚဖွီဥဖိဎဏဖိ လ႕ကီႈအ့ရွ႕ဥအပူၚနဥ့လီၚ’ တႈဆိဥဂ့ၚ မ့ႈတႈလ႕ အထုးစုနဲဥက်ဲပွၚနဥ့လီၚ’

မုႈတနံၚအံၚ တႈအိဥဖွိဥကရ႕ဒီ ဟီဥခိဥဒီဘ့ဥ အိဥဆ႕ထ႕ဥ၀ဲလ႕ တႈစံဥစိၚတဲစိၚ အက်ဲဂဏတဲဏအဖီခိဥနဥ့လီၚ’

ပအိဥသကိး၀ဲလ႕ တႈကသါထီဥကသါလီၚဃံး၀ဲအပူၚ ဘဥဃးဒီးတႈဖ့ဥဆ႕ ဒီးတႈအိဥတႈဆိးအလီႈတအိဥလ႕ၚ၀ဲသ့ဥတဖဥယ မုႈက်ိၚ၀ဲၚကြႈလီၚပွီဥကြံဏ၀ဲအဃိယ တႈတတ႕ႈတနါအဃိယ ဒီးပွၚအကကြဲႈဒီးအကကြဲႈသ့ဥတဖဥ သဥ၀ံၚလီၚဒိ၀ဲအဃိ နဥ့လီၚ’

အအံၚတဃဥအသႏူ မ့ႈတႈလ႕အလဲၚထီဥ၀ဲ လ႕တႈလီၚစ႕ၚလီၚသြဲဥအပူၚနဥ့လီၚ’ ပွၚကဲခိဥကဲနႈ အိဥဒီးတႈဒိဥစိဒိဥကမီၚလ႕ ပွၚဂၚအဖီခိဥ မ့ႈတႈလ႕အအိဥဖ်ါဒိဥ၀ဲ လ႕ထံကီႈအါဘ့ဥအပူၚနဥ့လီၚ’ ပွၚကမ်႕ႈဖိသ့ဥတဖဥအတႈပ႕လီၚအသး ဘဥကြႈဆ႕ဥမဲဏ၀ဲ တႈခီဥတႈရီဥတႈသ့ဥတဖဥနဥ့လီၚ’

တႈမၚအ႕မၚနးတႈလ႕ တႈဘူဥတႈဘါအမံၚ မၚပ်ံၚမၚဖုး၀ဲဟီဥခိဥခ်႕ အတႈမုဏတႈခုဥနဥ့လီၚ’ ပကဘဥသံကြႈလီၚက့ၚပသး ” မ့ႈတႈအိဥဖွိဥကရ႕လ႕ကီႈအ့ရွ႕ဥ အိဥဒီးအသန႕ႈမႏုတမံၚ ဖဲတႈခီဥတႈရီဥတႈ အကတီႈအံၚနဥ့လဲဥ”

တႈအိဥဖွိဥကရ႕လ႕ကီႈအ့ရွ႕ဥ ကဲထီဥ၀ဲ ပွၚစံဥတဲၚတဲလီၚတႈလ႕ တႈမုဏတႈခုဥအဂီႈ ဖဲဟီဥခိဥအိဥ၀ဲဒီး တႈသူဥကိႈသးဂီၚအကတီႈအံၚ ကသ့၀ဲဒ္လဲဥ’

ခရံဏနံဥသ႕ကထိကပွဲၚထီဥဆ႕က့ၚအလီႈအံၚ အိဥလ႕ပွဲၚဒီး တႈခီဥတႈရီဥတႈသ့ဥတဖဥနဥ့လီၚ’ ပႈပါဖရဥစ့း မ႕နႈ့ဆီဥခံတႈ ဒ္သိးပွၚကထံဥ၀ဲ တႈခီဥတႈရီဥတႈသ့ဥတဖဥအံၚ ဒ္အမ့ႈ၀ဲ တႈခြဲးတႈဎဏသ့ဥတဖဥအဂီႈနဥ့လီၚ’

ဒ္ပစးထီဥ၀ဲ တႈမၚလၚမၚကပီၚ သီခါကရခိဥသ့ဥတဖဥအကရ႕ ပွဲၚထီဥအနံဥ ၅၀ ဆ႕က့ၚအလီႈအသိး ပဘဥတႈဒုးသ့ဥနီဥထီဥပွၚ ခီဖ်ိဒ္လံဏစီဆွံအတႈထံဥ ဘဥဃးဒီးဎူဘလံဥအတႈမ႕နႈ့ဆီဥခံတႈ လ႕အမ့ႈတႈလဲလိဏကြံဏသး ဒီး တႈမၚသီထီဥက့ၚတႈအဂီႈနဥ့လီၚ’ ဖဲပႈပါလ႕ဆ႕ကတီႈအခဲအံၚတဂၚ အတႈနဲဥက်ဲအဖီလဏအပူၚ တႈအိဥဖွိဥကရ႕ စးထီဥ၀ဲ တႈလဲလိဏသ့ဥတဖဥနဥ့လီၚ’

ပႈပါမ႕နႈ့ဆီဥခံပွၚ ဒ္သိးပကဟ့ဥလီၚပသးလ႕ တႈဂဲၚပ်ဳႈက်ဲးစ႕ၚတႈ လ႕တႈအခိဥအဃ႕ၚအဂီႈ ဒီးလ႕မုႈက်ိၚ၀ဲၚကြႈ အတႈမ့ႈတႈတီအဂီႈနဥ့လီၚ

ပႈပါမ႕နႈ့ဆီဥခံ၀ဲ တႈအိဥမူအိဥဂဲၚ လ႕အအိဥသူဥလီၚအသးလ႕ တႈရ့လိဏသးအတီအလိၚ အဖီခိဥနဥ့လီၚ’ အလံဏပရ႕သ႕ဘ့ဥ လ႕အကြဲး၀ဲဆူ ကီႈအ့ရွ႕ဥ ဒီးဟီဥခိဥဒီဘ့ဥ တႈအိဥဖွိဥကရ႕အအိဥ မ့ႈ၀ဲတႈဒုးနဲဥက်ဲလ႕ တႈရ့လိဏသးအတီအလိၚ အဂီႈနဥ့လီၚ’ Evangelium Gaudiem ဒုးနဲဥပွၚက်ဲလ႕ ပတႈရ့လိဏပသးဒီးဎြၚ အဂ့ႈနဥ့လီၚ’ Laudato Si ဒုးနဲဥပွၚက်ဲ ဘဥဃးဒီးတႈရ့လိဏပသးဒီး ဎြၚအတႈဘဥတ့နဥ့လီၚ’ Fratelli Tutti ဒုးကပီၚထီဥပသး လ႕အမ့ႈ တႈရ့လိဏပသး တဂၚဒီးတဂၚအဂ့ႈနဥ့လီၚ’

ကီႈအ့ရွ႕ဥသီခါကရ႕ခိဥသ့ဥတဖဥ ကကြႈထံဆိကမိဥ ဒီးတ႕ဥပီဥလိဏအသး ဘဥဃးဒီးတႈဂ့ႈတႈပီဥသ့ဥတဖဥအံၚ နဥ့လီၚ’

ဒ္ပႏုဏလီၚ၀ဲဆူ တႈကြႈထံဆိကမိဥ စံးကတိၚသကိးတႈအံၚအပူၚအသိး ပသ့ဥနီဥထီဥ၀ဲ တႈသးခုကစီဥအတႈကိးပွၚ ဒ္သိးပကကဲထီဥ ပွၚစိဏဆွ႕တႈသးခုကစီဥလ႕ အဟုးဂဲၚဖံးမၚတႈသပွႈကတ႕ႈနဥ့လီၚ’ ကီႈအ့ရွ႕ဥ မ့ႈ၀ဲတႈလီႈတႈက်ဲလ႕ တႈရၚလီၚတႈသးခုကစီဥ အတႈမၚဖးဒိဥ ဘဥတႈစးထီဥအီၚ တႈလီႈနဥ့လီၚ’

ကစႈအတႈကိး လ႕ကီႈအ့ရွ႕ဥတႈအိဥဖွိဥကရ႕အဂီႈ မ့ႈ၀ဲတႈမႏုလဲဥ

ဒ္ခရံဏဖိအတႈစူႈတႈနဏ မ့ႈတႈလ႕အကါဒိဥ၀ဲလ႕ ကီႈအ့ရွ႕ဥထံကီႈသ့ဥတဖဥ အတႈကူဥဘဥကူဥသ့ တႈအိဥဆူဥအိဥခ့် ဒီးပွၚကညီသ့ဥတဖဥအတႈလဲၚထီဥလဲၚထီအဂီႈအသိး ထံကီႈသ့ဥတဖဥ နဏနႈ့လီၚအသး ဘဥဃးဒီးမုႈက်ိၚ၀ဲၚကြႈဒီး ထံရူႈကီႈသဲးနဥ့လီၚ’ လ႕ကီႈမိႈပွႈအ့ရွ႕ဥ ဒီးလ႕ကီႈအဥဖရံးကးအပူၚ တႈအိဥဖွိဥကရ႕ ဂုၚထီဥပသီထီဥ၀ဲ ဃုဏဒီးပွၚဟ့ဥလီၚသးလ႕ တႈအိဥဖွိဥကရ႕အဂီႈ အနီႈဂံႈအါထီဥ၀ဲနဥ့လီၚ’ အအံၚမ့ႈ၀ဲ တႈခြဲးတႈဎဏဖးဒိဥတမံၚ အိဥဒီးတႈခီဥတႈရီဥတႈ စ့ႈကီးနဥ့လီၚ’ လ႕တႈထုကဖဥယ တႈကူဥထီဥဖးလီၚ ဒီးတႈဟ့ဥလီၚသးအပူၚ နံဥကဎၚဖွိဥအံၚ ကကဲထီဥ၀ဲ ခရံဏဖိအတႈစူႈတႈနဏ အနံဥကဎၚဖွိဥ လ႕အစံဥတဲၚတဲလီၚတႈသးခုကစီဥ ဒီးမၚဆူဥထီဥတႈမုဏတႈခုဥ ဃုဏဒီးတႈတီတႈလိၚ လ႕ဟီဥခိဥခ်႕နဥ့လီၚ’ သီခါကရ႕ခိဥသ့ဥတဖဥ အတႈအိဥဖွိဥဖးဒိဥ ကဖံးတႈမၚတႈ ဘဥဃးဒီးတႈဂ့ႈအါမံၚသ့ဥတဖဥအံၚနဥ့လီၚ’

ပသ့ထံဥလီၚက့ၚ ပတႈကတဲႈကတီၚတႈလ႕ ကီႈအ့ရွ႕ဥသီခါကရ႕ခိဥသ့ဥတဖဥ အတႈအိဥထီဥဆ႕က့ၚအလီႈ ပွဲၚထီဥအနံဥ ၅၀ တႈမၚလၚကပီၚတႈအံၚ ဒ္သးစီဆွံကစႈ အတႈဖံးတႈမၚတႈအသိးနဥ့လီၚ’

ကီႈအ့ရွ႕ဥသီခါကရ႕ခိဥသ့ဥတဖဥ အတႈအိဥဖွိဥဖးဒိဥ ဖဲလါအီးကထိဘ႕ဥအပူၚ ကအိဥ၀ဲဒီးတႈဂ့ႈတႈက်ိၚလ႕ အကဘဥတႈတ႕ဥပီဥအီၚအါမံၚ လ႕အကကဲထီဥ တႈလဲၚက်ဲအသီတပတီႈ လ႕ကီႈအ့ရွ႕ဥ ဒီးလ႕ဟီဥခိဥဒီဘ့ဥအဂီႈနဥ့လီၚ’

FABC 50 အတႈဂ့ႈမိႈပွႈမ့ႈ၀ဲ

တႈလဲၚဃုဏသကိးတႈ ဒ္ကီႈအ့ရွ႕ဥအပွၚကမ်႕ႈဖိသ့ဥတဖဥအသိး ’’ ဒီးအ၀ဲသ့ဥ လဲၚ၀ဲဆူက်ဲအဂၚတဘိနဥ့လီၚ’

လီၚဂဏဒ္ တႈလ႕အတဒ္သိးလိဏအသး ဆံးကိဏဖိနဥ့လီၚ’ လ႕အဆိအခါ တႈအိဥဖွိဥကရ႕ လဲၚဃုဏတႈ လ႕ခရံဏအတႈဖံးတႈမၚအပူၚ ဘဥဆဥ တႈဆိဥဂ့ၚသ့ဥတဖဥ အတႈလီၚဆီလိဏအသး  ကဲထီဥတႈမၚစ႕ၚလ႕ အသ့လဲၚတုၚ၀ဲဆူ လုႈလႈဆဲးလၚ ဒီးထံကီႈအလီၚဆီ၀ဲသ့ဥတဖဥ အအိဥနဥ့လီၚ’

ကီႈအ့ရွ႕ဥ မ့ႈ၀ဲကီႈမိႈပွႈအဒိဥကတ႕ႈ အိဥဒီးထံဖိကီႈဖိ အမ်းကဎၚ ၆၀ အိဥ၀ဲဒီးထံကီႈ ၄၈ ဘ့ဥအသိး လိဏဘဥ၀ဲ တႈဃူတႈဖိး ဒီးတႈလီၚဆီလိဏသးသ့ဥတဖဥနဥ့လီၚ

ဒ္ပစးထီဥ၀ဲ တႈလဲၚက်ဲအံၚအသိး ဎဆ႕ဂ့ၚဆ႕၀ါဘဥ ကီႈအ့ရွ႕ဥအပွၚကမ်႕ႈဖိသ့ဥတဖဥနဥ့လီၚ’ ကစႈလ႕အအ႕ဥလီၚအီလီၚအသး ဆူ၀ံသ့ဥတဖဥအအိဥ ဒ္သိးအကလဲၚဃုဏတႈဒီးအ၀ဲသ့ဥ မ္အကလဲၚဃုဏတႈဒီးပွၚနဥ့တက့ႈ

လ႕အတႈအံးထြဲကြႈထြဲတႈအပူၚ တႈအိဥဖွိဥကရ႕လ႕ ကီႈအ့ရွ႕ဥအပူၚ ကထံဥဘဥ၀ဲ တႈလီၚလးဖးဒိဥသ့ဥတဖဥနဥ့လီၚ’

မ္ကစႈဎြၚဆိဥဂ့ၚဘဥ ပတႈဂဲၚပ်ဳႈက်ဲးစ႕ၚတႈ ခဲလ႕ဏသ့ဥတဖဥနဥ့တက့ႈ