နီႈမၚရံဘဥတႈစိဏထီဥအီၚဆူမူခိဥဘီမုႈအမုႈနံၚ

နီႈမၚရံဘဥတႈစိဏထီဥအီၚဆူမူခိဥဘီမုႈအမုႈနံၚ

၂၀၂၁ လါအီကူး ၁၅ သီ။ မ့ႈ၀ဲတႈမၚလၚမၚကပီၚ နီႈမၚရံဘဥတႈစိဏထီဥအီၚဆူ မူခိဥဘီမုႈအမုႈနံၚ လ႕ကိၚလၚ၀ဲအက်ိဏပစံးလ႕ (Assumption of the BVM) အမုႈနံၚနဥ့လီၚ’

လ႕တႈအိဥဖွိဥကရ႕အလံဏနံဥလံဏလါအပူၚ တႈမၚလၚမၚကပီၚနီႈမၚရံအမုႈနံၚ အိဥ၀ဲတဘ်ဳးသီသ့ဥတဖဥနဥ့လီၚ’ မုႈနံၚတနီၚနီၚ မ့ႈ၀ဲတႈမၚလၚမၚကပီၚအီၚလ႕ တႈသညဴးသပွႈအပူၚယ ဒီးတနီၚနီၚ မ့ႈ၀ဲတႈမၚလၚမၚ ကပီၚအီၚလ႕ တႈဎိဎိဖိ အပူၚနဥ့လီၚ’ လ႕ထံကီႈတႈလီႈတႈက်ဲတနီၚသ့ဥတဖဥအပူၚ တႈမၚလၚမၚကပီၚ နီႈမၚရံအတႈ လီႈစီဆွံ သ့ဥတဖဥအမံၚဟူသဥဖ်ါ၀ဲ ဒီးမ့ႈတႈလီႈလ႕ ပွၚသ့ဥညါအီၚလ႕ ဟီဥခိဥဒီဘ့ဥယ ဒီးထံကီႈတနီၚနီၚ အိဥ၀ဲဒီးအ ကစႈဒဥ၀ဲအတႈလီႈတႈက်ဲ ဒီးအမုႈနံၚမုႈသီဒဥ၀ဲ လ႕တႈမၚလၚကပီၚနီႈမၚရံအဂီႈနဥ့လီၚ’

မုႈတနံၚအံၚ မ့ႈမုႈနံၚလ႕အလီၚတိဏလီၚဆီ၀ဲလ႕ မိဏမုဥလ႕အအိဥဒီးအမံၚအသဥလ႕အမ့ႈ၀ဲ Assumpta သ့ဥတဖဥအဂီႈယ မ့ႈလ႕အ၀ဲသ့ဥအမံၚအသဥ အိဥဒီးတႈအခီပညီလ႕ နီႈမၚရံဘဥတႈစိဏထီဥအီၚဆူ မူခိဥဘီမုႈ အဃိနဥ့လီၚ’

မုႈတနံၚအံၚ လ႕တႈအိဥဖွိဥကရ႕အပူၚ ပမၚလၚမၚကပီၚ၀ဲ နီႈမၚရံအလီႈအလၚလ႕အလီၚတိႈလီၚဆီ၀ဲ ဒ္အဒိးနႈ့ဘဥ၀ဲလ႕မူခိဥ ဎြၚအခီဥထံးမဲဏညါအဃိ နဥ့လီၚ’ လီႈဒိဥလၚထီအံၚ မ့ႈလ႕ နီႈမၚရံ ဘဥတႈဃု ထ႕ထီဥအီၚ ဒ္သိးအကမ့ႈ၀ဲ အုဥက့ၚခီဥက့ၚကစႈအမိႈအဃိ နဥ့လီၚ’ ဒိးနႈ့ဘဥ၀ဲတႈဆိဥဂ့ၚအံၚ လီၚလီၚဆီဆီ ဒီးမတၚတဂၚမး တဒိးနဥ့ဘဥ၀ဲ ဒ္သိးနီႈမၚရံအသိးဘဥနဥ့လီၚ’

ခီဖ်ိပတႈကြႈထီဥဒီးထံဥဘဥ၀ဲ နီႈမၚရံၚဘဥတႈစိဏထီဥအီၚဆူမူခိဥဘီမုႈ အတႈဂီၚအခါ တႈအကါဒိဥကတ႕ႈလ႕ ပကဘဥနႈပ႕ႈအီၚမ့ႈ၀ဲယ” မ့ႈလ႕ဎြၚအမိႈအသူးသ့ဥလၚကပီၚယ ဒီးအတႈအ႕ဥလီၚတူႈလိဏ ဟ့ဥလီၚအသး လ႕ဏလ႕ဏဆ့ဆ့ ဒ္ဎြၚအတႈသုးတႈက်ဲၚ လ႕အဂီႈ လ႕အတႈအိဥမူဒီတစိၚညါအပူၚအိဥ၀ဲအသိး ဒိးနႈ့ဘဥ၀ဲ တႈလၚတႈကပီၚလ႕ ဎြၚအခီဥထံးမဲဏညါ လ႕ပွၚခဲလ႕ဏအမဲဏညါ ဒီးမ့ႈစ့ႈကီးတႈလီႈလ႕ပ၀ဲသ့ဥခဲလ႕ဏ မုႈတနံၚ ပကဘဥလဲၚတုၚ၀ဲနဥ့လီၚ’

နီႈမၚရံမ့ႈဒဥပွၚကညီနီႈနီႈအဃိ တမ့ႈလ႕အကဘဥတႈဘူဥထီဥဘါထီဥအီၚ ဒ္နီႈကစႈသ႕ဂၚဎြၚတဂၚ ဒိးနႈ့ဘဥ ၀ဲတႈဘူဥထီဥဘါထီဥအသိးဘဥနဥ့လီၚ’ မ့ႈပွၚလ႕အဃ့ထုကဖဥနႈ့တႈလ႕ပဂီႈ မ့ႈပွၚလ႕အအိဥဆ႕ထ႕ႈ၀ဲလ႕ ပ၀ဲသ့ဥဒီးဎြၚအဘ႕ဥစ႕ၚ ဒီးဃ့ကညးနႈ့တႈလ႕ ပတႈလိဏဘဥတႈသ့ဥတဖဥအဂီႈ နဥ့လီၚ’

တႈအိဥဖွိဥကရ႕အတႈသိလိနဲဥလိ၀ဲထူူကလုႈဎြၚကထါ ပဏဖ်ါထီဥ၀ဲယ”ခီဖ်ိအတႈအ႕ဥလီၚဒိကနဥ၀ဲ တႈဘဥပဏ ကစႈဎြၚအသး လ႕ဏလ႕ဆ့ဆ့ယ ဒီးအတႈအ႕ဥလီၚတူႈလိဏ၀ဲ ဖိကစႈအတႈအုဥက့ၚ ခီဥက့ၚအ တႈဖံးတႈမၚယ ဒီးအတႈဒိကနဥလူၚပိဏထြဲ၀ဲ သးစီဆွံအတႈထိဥဟူးထိဥဂဲၚသ့ဥတဖဥ လ႕တႈမၚဎံဏမၚနီႈအသး တအိဥ၀ဲအပူၚအဃိယ မုႈကနီၚနီႈမၚရံ မ့ႈ၀ဲဒိဂ့ၚတဲႈဘဥလ႕ အဘဥဃးဒီးတႈစူႈတႈနဏဒီးတႈအဲဥတႈကြံ လ႕တႈအိဥဖွိဥကရ႕အပူၚနဥ့လီၚ’

မုႈတနံၚအံၚလ႕လံဏတႈသးခုကစီဥဒ္စီၚလူၚကဥကြဲး၀ဲ ၁း၃၉”၅၆ အပူၚယ ပထံဥဘဥ၀ဲ နီႈမၚရံအတႈလဲၚအိဥ သကိး၀ဲ နီႈအ့ၚလံစၚဘ့ၚ နဥ့လီၚ’ ခံဂၚလ႕ဏ မ့ႈပွၚသ့ဥတဖဥလ႕ အအိဥဒီးဖိသဥလ႕အ၀ဲသ့ဥအဟ႕ဖ႕ပူၚ နဥ့လီၚ’ တႈလီၚတိဏလီၚဆီတမံၚမ့ႈ၀ဲ နီႈမၚရံ ဒီးခရံဏကစႈအိဥလ႕အဟ႕ဖ႕ပူၚ လဲၚအိဥသကိး၀ဲ နီႈအ့ၚလံစၚဘ့ၚ လ႕အအိဥဒီးအဖိလ႕အဟ႕ဖ႕ပူၚစ့ႈကီးနဥ့လီၚ’ နီႈအ့ၚလံစၚဘ့းအတႈကတိၚမ့ႈ၀ဲ တႈအံၚမၚအသးဒီးဎၚလ႕လဲဥ’ လ႕ဎကစႈအမိႈ ကဟဲဆူဎအိဥအံၚလဲဥ’ (လူၚကဥ ၁း၄၃)’ မ့ႈ၀ဲနီႈအ့ၚလံစၚဘ့း သ့ဥညါနႈပ႕ႈ၀ဲဒီးအ႕ဥ လီၚအီလီၚ၀ဲ နီႈမၚရံအတႈအိဥ၀ဲဒီးလီႈဒိဥလၚထီ ဒီးဘဥတႈဆိဥဂ့ၚအီၚလီၚလီၚဆီဆီ ဒ္သိးအကမ့ႈ၀ဲ ခရံဏပစီၚပၚယ ဎြၚ ပကစႈအမိဥအဃိနဥ့လီၚ’ ဖဲအံၚပသ့ဥညါ၀ဲယ”တခ်ဳးလ႕ခရံဏကစႈဟဲအိဥဖ်ဲဥထီဥဒ္၀ဲအကတီႈဒဥလဲဥ စးထီဥမၚလံ၀ဲတႈခ့တႈပွၚအတႈမၚ လ႕ပွၚခဲလ႕ဏအဂီႈနဥ့လီၚ’ မုႈတနံၚကစံး၀ဲလ႕ ပွၚကညီဖိခြါအံၚ မ့ႈ၀ဲဒ္သိးအ ကမၚတႈအခ့အပွၚအတႈမၚ ဒီးဟ့ဥလီၚအသးလ႕ ပွၚကညီအါဂၚအပွၚ့နဥ့လီၚ’ (မးသဲ ၂၀း၂၈)

တဘ်ီဃီ မ့ႈတႈလ႕အဒုးသ့ဥနီဥထီဥ ဒုးသ့ဥညါနႈပ႕ႈပွၚလ႕ ပတႀက႕း၀ဲဘဥဆဥ ဎြၚပကစႈအံၚဟဲဆူပအိဥ တဘ်ီလႈလႈ ဖဲပဘူဥဘါဃုဏတႈလ႕ တႈလုႈမံးဆါအပူၚ ဒုးနႈဟူဥဘဥပွၚအကလုႈကထါယ ဒုးဒိးနႈ့ဘဥပွၚ အနီႈခိဖံးညဥသြံဥထံ လ႕ကိဥဒီးစပံးထံအက့ႈအဂီၚအပူၚအဃိနဥ့လီၚ’ မ့ႈတႈလ႕အလီၚလိဏလီၚလး လီၚကမ႕က မဥ၀ဲ သပွႈကတ႕ႈ ဒိဥဒိဥကလဲဏနဥ့လီၚ’

တဘ်ီလႈလႈ ဖဲပမၚလၚမၚကပီၚနီႈမၚရံအခါ ပအိဥသ့ဥနီႈထီဥ၀ဲအတႈကတိၚလ႕အမ့ႈ၀ဲယ”ကြႈကြႈယ ကစႈအ ကုႈပိဏမုဥလီၚ’ မ္တႈကမၚအသးဒီးဎၚ ဒ္နကလုႈအသိးနဥ့တက့ႈ’  (လူၚကဥ ၁း၃၈)

တကတိၚအံၚအခီပညီ မ့ႈ၀ဲဒ္လဲဥဒ္လဲဥ နီႈမၚရံတသ့ဥညါ၀ဲလီၚတံႈလီၚဆဲးဘဥဆဥယ ဒီးတႈပိဏထြဲမ့ႈ၀ဲ ဒ္လဲဥဒ္လဲဥဂ့ၚ တူႈလိဏ၀ဲလ႕ တႈႀတီဃဥအီၚတအိဥ၀ဲနီတမံၚ အပူၚနဥ့လီၚ’ မၚလ႕မၚပွဲၚ၀ဲအတႈအ႕ဥ လီၚအီလီၚသ့ဥတဖဥ ဒ္ဖိကစႈအတႈမၚလ႕မၚပွဲၚ ပႈကစႈဎြၚအတႈကူဥထီဥဖးလီၚ လ႕လ႕ပွဲၚပွဲၚအသိးနဥ့လီၚ’

မ့ႈဒဥပိဏမုဥဎိဎိဖိတဂၚ လ႕ခိခိဥသ၀ီပူၚ”အိဥမူ၀ဲလ႕တႈသးတီသးလိၚအပူၚ လ႕တႈလီၚတိဏလီၚဆီ အဂုႈအဂၚတအိဥ၀ဲနီတမံၚအပူၚ နဥ့လီၚ’

နီႈမၚရံဘဥတႈဃုထ႕ထီဥအီၚဒ္ဎြၚအမိႈယ မ့ႈ၀ဲတႈပနီႈလ႕အဘဥဃးဒီး တႈဘဥဎြၚအသးဒ္အမ့ႈ၀ဲ ပွၚဖွီဥဖိဎဏဖိယ ပွၚလ႕အဘဥတႈတကနဏဃုဏအီၚယ ပွၚလ႕အဘဥတႈဟံးနႈ့တႈဘ်ဳးလ႕အ၀ဲသ့ဥအအိဥယ ပွၚလ႕အဘဥ တႈပဲဏဖးနီၚဖးအီၚ သ့ဥတဖဥ မ့ႈပွၚသ့ဥတဖဥလ႕ အသ့ဒိးနႈ့ဘဥ၀ဲ ဎြၚအတႈအဲဥတႈကြံ ဒီးအတႈကြႈထြဲမၚစ႕ၚ လီၚလီၚဆီဆီနဥ့လီၚ’ ဒီးလ႕တႈအံၚကကဲထီဥလိဏထီဥ၀ဲအဂီႈ နီႈမၚရံၚပဏဖ်ါထီဥ၀ဲ အတႈဟ့ဥလီၚအသးဒ္ ဎြၚအတႈပီးတႈလီ လ႕တႈပဏဖ်ါထီဥဎြၚအတႈအဲဥတႈကြံအဂီႈနဥ့လီၚ’

မုႈတနံၚအံၚ ပပဏဖွိဥဃုဏလိဏပသးဒီးနီႈမၚရံ လ႕အတႈသူဥဖံွသးညီအပူၚနဥ့လီၚ’ ပကြႈစိမုႈလႈ၀ဲမုႈနံၚ ဖဲပကထံဥ လိဏပသးဒီးအီၚ အဂီႈနဥ့လီၚ’ တကီႈခါအခဲအံၚ ပဃ့ကညးအီၚ ဒ္သိးအကသ့ဥနီဥထီဥပွၚ ဒ္ပလဲၚတႈလ႕ ဟီဥခိဥ ခ်႕တႈအိဥမူအတႈလဲၚက်ဲအပူၚအကတီႈ ဒ္သိးအကဃ့ထုကဖဥနဥ့တႈလ႕ပဂီႈ ဆူအဖိခြါဒီးပႈကစႈဎြၚအအိဥ ဒ္သိးပကအိဥဒီးတႈသူဥတီသးလိၚထီဘိ ဒ္ပဘဥတႈကိးပွၚ ဒ္သိးပကမ့ႈ၀ဲခရံဏပကစႈအပ်ဲဥအဘီဥ ဎြၚဖိဎြၚလံၚ နီႈနီႈအဂီႈနဥ့လီၚ’ မ္ပကဃ့ထုကဖဥ ဒီးက်ဲးစ႕ၚသ့ဥညါသကိး တႈဘဥဎြၚအသးယ က်ဲးစ႕ၚသ့ဥညါသ ကိးဎြၚ အတႈသုးတႈက်ဲၚလ႕ပဂီႈ ကိးဆ႕ကိးကတီႈဒဲးယ ဒ္နီႈမၚရံအသိးယ ဒီးမ္ပကမၚလ႕မၚပွဲၚသကိးပတႈအ႕ဥလီၚအီၚလီၚ လ႕ဏလ႕ဏဆ့ဆ့ ဒ္ဎြၚဆ႕မုႈလႈ၀ဲလ႕ပအိဥအသိး လ႕တႈကြႈလိကြႈဒိး ဎြၚအမိႈနီႈမၚရံအဒိဂ့ၚတဲဏ ဘဥအသိး နဥ့တက့ႈ’