Vatican ပဏလီၚ၀ဲတႈနဲဥက်ဲလ႕ တႈမၚလၚကပီၚ သူဥဘီဥသးစႈအမုႈနံၚအဂီႈ

Vatican ပဏလီၚ၀ဲတႈနဲဥက်ဲလ႕ တႈမၚလၚကပီၚ သူဥဘီဥသးစႈအမုႈနံၚအဂီႈ

တႈအိဥဖွိဥကရ႕အ၀ဲၚက်ိၚဘဥဃးဒီး ဒူဥဖိထ႕ဖိဒီးပွၚဎိဎိသ့ဥတဖဥ အတႈအိဥမူအိဥဂဲၚ ထုးထီဥရၚလီၚ၀ဲ တႈနဲဥက်ဲ ဘဥဃးဒီးတႈမၚလၚမၚကပီၚ သူဥဘီဥသးစႈအမုႈနံၚ ဒ္သိးပွၚကကူဥထီဥဖးလီၚ ဒီးရဲဥက်ဲၚတႈလ႕ တႈဒုးကဲထီဥတႈအသီသ့၀ဲအပူၚ ဒီးစးထီဥဒုးကဲထီဥ ခီဖ်ိတ႕တိဥက်ဲၚသ့ဥတဖဥ ဒ္အမ့ႈ၀ဲ တႈအိဥဖွိဥကရ႕ ကြႈဆိကမိဥ၀ဲအတႈဖံးတႈမၚ လ႕သူဥဘီဥသးစႈသ့ဥတဖဥအဂီႈ ဒ္အမ့ႈပွၚကြႈသိအတႈမၚလ႕ ပွၚကဘဥအီၚလ႕အဆိတမံၚနဥ့လီၚ’

ဘီမုႈအါဘ့ဥ တႈမၚလၚမၚကပီၚသူဥဘီဥသးစႈသ့ဥတဖဥအမုႈနံၚ (WYD) မ့ႈ၀ဲသ႕နံဥတဘ်ီတႈမၚအသး လ႕ထံကီႈတဘ့ဥဘ့ဥအပူၚ မ့ႈ၀ဲဃုဏဒီးတႈအိဥဖွိဥကရ႕ခိဥနႈပႈပါ အတႈမၚဃုဏတႈနဥ့လီၚ’ လ႕နဥ့အမဲဏညါ တႈမၚလၚမၚကပီၚမုႈနံၚအံၚ မ့ႈ၀ဲလ႕ သီခါကရ႕ခိဥအလီႈက၀ီၚဒဥ၀ဲ တခါဘဥတခါအပူၚ ဒ္ပွၚကရ႕ကရိထီဥတႈအိဥ၀ဲအသိးနဥ့လီၚ’

ကိးနံဥဒဲးတခ်ဳးလ႕တႈမၚလၚမၚကပီၚတႈအမုႈနံၚ ဟဲတုၚဒ္၀ဲအကတီႈ တႈအိဥဖွိဥကရ႕ခိဥနႈပႈပါ ထုးထီဥရၚလီၚ၀ဲ တႈဘိးဘဥသ့ဥညါတႈ လ႕အမ့ႈ၀ဲ အတႈလဲၚဃုဏတႈဒီး ဟီဥခိဥဒီဘ့ဥတႈအိဥဖွိဥကရ႕ သူဥဘီဥသးစႈသ့ဥတဖဥနဥ့လီၚ’

သးစႈသ့ဥတဖဥအမုႈနံၚအတႈစံဥစိၚဂံႈထံး မ့ႈ၀ဲ ပႈပါဎိၚဟဥပီလူအတႈထံဥစိပဏစ႕ၚတႈ အတႈပိဏထြဲနဥ့လီၚ’ ဆ႕မုႈလႈ၀ဲဒ္သိး သးစႈသ့ဥတဖဥ ကသ့ဥညါနႈပ႕ႈ၀ဲလ႕ တႈအိဥဖွိဥကရ႕ကဟုကဎဏအ၀ဲသ့ဥယ ဒီးလ႕ဟီဥခိဥဒီဖ်႕ဥတႈအိဥဖွိဥကရ႕ ဃုဏဒီးပွၚဟံးနႈ့စီၚပ့ၚတရူးအလီႈ အတႈဖံးဃုဏမၚဃုဏတႈအပူၚ ပွၚကမၚသကိးတႈလ႕သူဥဘီဥသးစႈသ့ဥတဖဥအဂီႈ ဘဥဃးဒီးအ၀ဲသ့ဥအတႈဘဥထြဲ ဒီးအတႈဘဥဎိဏဘဥဘွီသ့ဥတဖဥယ ဘဥဃးဒီးအတႈထိဥဟူးထိဥဂဲၚဒီး အတႈဆ႕မုႈလႈတႈသ့ဥတဖဥ ကလ႕ထီဥပွဲၚထီဥ၀ဲ ခီဖ်ိအတႈဆဲးက်႕လိဏအသးဒီး တႈလီၚတံႈလီၚဆဲးလ႕ခရံဏအပူၚယ တႈမ့ႈတႈတီလ႕ခရံဏအပူၚယ တႈအဲဥတႈကြံလ႕ခရံဏအပူၚနဥ့လီၚ’

ဖဲ ၂၀၁၃ အနံဥယ သူဥဘီဥသးစႈသ့ဥတဖဥအမုႈနံၚလ႕ Rio de Janeiro ၀ံၚ၀ဲအကတီႈ ပႈပါဖရဥစ့းစံး၀ဲလ႕ တႈမၚအသးအံၚ မ့ႈ၀ဲခီဥခါအသီ လ႕သူဥဘီဥသးစႈသ့ဥတဖဥအဂီႈ ဒ္အမ့ႈတႈလဲၚခီဖ်ိကီႈမိႈပွႈ ဃုဏဒီးတႈစိဏဆွ႕ခရံဏအထူဥစုညါအသိးနဥ့လီၚ’ စံး၀ဲလ႕ သူဥဘီဥသးစႈသ့ဥတဖဥ တမ့ႈလ႕အလဲၚပိဏထြဲ၀ဲပႈပါ (Pope) ဘဥဒီး မ့ႈ၀ဲအတႈလဲၚပိဏထြဲ၀ဲခရံဏကစႈ ဃုဏဒီးအတႈဎိး၀ဲအထူဥစုညါနဥ့လီၚ’ မ့မ့ႈလ႕ပႈပါတခီ ထုးစုနဲဥက်ဲအ၀ဲသ့ဥယ လဲၚဃုဏတႈဒီးအ၀ဲသ့ဥ လ႕အတႈစူႈတႈနဏဒီးတႈမုႈလႈအတႈလဲၚက်ဲ အဖီခိဥနဥ့လီၚ’

လ႕တႈကြဲးဖ်ါထီဥတႈအပူၚအိဥဖ်ါ၀ဲလ႕ တႈမၚလၚကပီၚသူဥဘီဥသးစႈအမုႈနံၚ လ႕ပအိဥ၀ဲလီႈက၀ီၚဒဥ၀ဲသ့ဥတဖဥအပူၚ မ့ႈတႈလ႕အဂ့ၚ၀ဲႀက႕း၀ဲလ႕ သူဥဘီဥသးစႈသ့ဥတဖဥအဂီႈယ မ့ႈလ႕ပွၚတသ့လဲၚမၚဃုဏတႈလ႕ ဟီဥခိဥဒီဘ့ဥအပတီႈယ ဒ္သးစႈသ့ဥတဖဥအိဥ၀ဲဒီးအတႈမၚလိမၚဒိးအသးယ တႈဖံးတႈမၚဒီးက်ိဏစ့အတႈကီတႈခဲ သ့ဥတဖဥအဃိနဥ့လီၚ’ ပွၚဎိဎိသ့ဥတဖဥယ သီဘူဥသီခါ ဒီးပွၚလ႕အပဏစီပဏဆွံအသးသ့ဥတဖဥယ ဒူဥဖိထ႕ဖိသ့ဥတဖဥယ ပွၚလ႕အဒိဥတုဏခိဥပွဲၚ၀ဲသ့ဥတဖဥယ ပွၚသူဥက့ၚသးပွႈသ့ဥတဖဥ အတႈမၚဃုဏသကိးတႈ လ႕ကစႈဒဥ၀ဲအလီႈက၀ီၚအပူၚ မ့ႈ၀ဲတႈရၚလီၚတႈစူႈတႈနဏ ဆူခါဆူညါသူဥဘီဥသးစႈသ့ဥတဖဥအအိဥအဂ့ႈ အိဥဖ်ါ၀ဲလ႕ တႈကြဲးဖ်ါထီဥတႈအပူၚနဥ့လီၚ’

ဖဲ ၂၀၁၈ သီခါကရ႕ခိဥသ့ဥတဖဥ အတႈအိဥဖွိဥဖးဒိဥ (General Assembly) တႈမၚအသးယ မ့ႈ၀ဲတႈဒုးသ့ဥနီဥထီဥတႈလ႕ တႈအိဥဖွိဥကရ႕လ႕ဟီဥခိဥဒီဘ့ဥ ကဘဥသ့ဥညါ၀ဲလ႕ အအိဥ၀ဲဒီးမူဒါလ႕သူဥဘီဥသးစႈသ့ဥတဖဥအဂီႈယ ဒီးကြႈဆ႕ဥမဲဏသကိး သးစႈသ့ဥတဖဥအတႈသံကြႈယ အတႈမိႈနႈ့သးလီတႈ ဒီးအတႈကီတႈခဲသ့ဥတဖဥနဥ့လီၚ’ ဒ္နဥ့ဒီး တႈမၚလၚမၚကပီၚသးစႈအမုႈနံၚ မ့ႈတႈလ႕အႀက႕း၀ဲဘဥ၀ဲ ဒ္အထိဥဟူးထိဥဂဲၚထီဥတႈအိဥဖွိဥကရ႕ ဘဥဃးဒီးအတႈလဲၚဃုဏတႈဒီးသူဥဘီဥသးစႈသ့ဥတဖဥ မ့ႈတႈလ႕အကါဒိဥ၀ဲအဂ့ႈယ ဒီးတူႈလိဏအ၀ဲသ့ဥယ ဒိကနဥအ၀ဲသ့ဥ လ႕တႈသူဥစူၚသးစူၚအပူၚ ဒ္ဎြၚအကလုႈကထါ ဘဥတႈဒုးဟူထီဥသါလီၚအီၚ ဆူအ၀ဲသ့ဥအအိဥ လ႕တႈအဲဥတႈကြံ, ဒီးတႈစိတႈကမီၚအပူၚအဂ့ႈ အိဥဖ်ါ၀ဲလ႕လံဏပရ႕ အတႈဘိးဘဥသ့ဥညါတႈ အပူၚနဥ့လီၚ’

တႈနဲဥက်ဲသ့ဥတဖဥ ကဘဥမ့ႈ၀ဲဒ္ တႈခြဲးတႈဎဏ ဒ္သိးပွၚကရဲဥက်ဲၚတႈလ႕ အဒုးအိဥထီဥတႈအသီသ့၀ဲ ဒီးစးထီဥဖံးမၚသကိးတႈလ႕ အအိဥဒီးတႈကူဥတႈဆးဂ့ၚ၀ဲသ့ဥတဖဥ ဒ္တႈအိဥဖွိဥကရ႕ ကြႈဆိကမိဥလီၚက့ၚ အတႈဖံးတႈမၚ (Mission)လ႕သူဥဘီဥသးစႈသ့ဥတဖဥအဂီႈယ ဒ္ပွၚဘဥဟ့ဥတႈဆ႕ကတီႈယ တႈဂံႈဆူဥဘါဆူဥယ ဒီးတႈစုလီႈခီဥခိဥသ့ဥတဖဥယ ဒီးသူဥဘီဥသးစႈသ့ဥတဖဥ ကဘဥသ့မၚဘဥလိဏအသးဒီး လီႈက၀ီၚတပူၚလႈလႈ လ႕ဟီဥခိဥခ်႕ တႈအိဥအသးသ့ဥတဖဥအပူၚအဂ့ႈ ဘဥတႈပဏဖ်ါထီဥအီၚလ႕ တႈမၚလၚမၚကပီၚသးစႈသ့ဥတဖဥအမုႈနံၚ အတႈနဲဥက်ဲသ့ဥတဖဥအပူၚနဥ့လီၚ’

Vatican offers guidelines for diocesan WYD celebrations

Vatican News 18 May 2021