သီခါကရ႕ခိဥ Bishop Roberto Mallari အတႈစံဏတဲၚတဲလီၚတႈ

တႈရိဥဖွိဥဃူဖိးဒီးကီႈပဎီၚထံဖိကီႈဖိသ့ဥတဖဥ အတႈလုႈမံးဆါ

သီခါကရ႕ခိဥ Bishop Roberto Mallari အတႈစံဏတဲၚတဲလီၚတႈ

သီဘူဥသီခါလ႕ ကြဲၚလ့လိဏတႈမၚလီႈ ဒီးပွၚလ႕အဘူဥဘါဃုဏတႈ ခီဖ်ိလီတဲစိ Live Streaming လ႕အသးအိဥပဏဖ်ါထီဥအတႈရိဏဖွိဥဃူဖိးဒီး ပဒီပုႈ၀ဲႈလ႕ အခီဖ်ိထံဥဘဥ ထံရူႈကီႈသဲး အတႈတဂ႕ႈတက်႕ၚ၀ဲ လ႕ကီႈပဎီၚအပူၚသ့ဥတဖဥဧ႕”

မုႈတနံၚအံၚ လံဏဖးလ႕ပတႈဘူဥထီဥဘါထီဥအပူၚသ့ဥတဖဥ ဒုးသ့ဥနီဥထီဥပွၚလ႕ တႈဒဲးဘးဒီးတႈအ႕တႈသီ သ့စြါႏုဏလီၚ၀ဲဆူ ပတႈရဲဥတႈက်ဲၚအပူၚ ဒီးအစိကမီၚ တုၚလီၚ၀ဲဆူပွၚအါဂၚအအိဥ ဒ္သိးအကဒုးတုၚပွၚဆူ တႈဟးဂုဏဟးဂီၚနဥ့လီၚ’ ဖဲတႈဆါသံသႀတိဏအံၚ အကတီႈ ပတသ့ပ်ဲ၀ဲ တႈမုႈလႈတအိဥလ႕ၚ၀ဲ ဒီးတႈပ်ံၚတႈဖုးအက်ဲ ဒ္သိးအကမၚန႕ၚကြံဏပွၚယ မ့ႈလ႕ပဘဥဒိဘဥထံးအါ၀ဲလ႕ ပွၚအ႕ပွၚသီသ့ဥတဖဥ အတႈဒိဥစိဒိဥကမီၚ၀ဲအဃိနဥ့လီၚ’

လ႕လံဏတႈသးခုကစီဥအပူၚ ပွၚတႈမ႕ဖိသ့ဥတဖဥ ခီဖ်ိထံဥဘဥ၀ဲ အတႈသးပ့ၚနီဥကြံဏကိဥ လ႕တႈလဲၚက်ဲအဂီႈအဃိ တႈသူဥကိႈသးဂီၚအိဥထီဥ၀ဲဒီး အ၀ဲသ့ဥနဥ့လီၚ’ လ႕တႈလီၚကမ႕ကမဥအပူၚ ခရံဏလုႈအီၚ၀ဲ ပွၚဎဲႈကထိသ့ဥတဖဥ (Mk 6:41-44, Matt 14:17-21) ဒီးတႈမၚအသးအဂၚတမံၚမ့ႈ၀ဲ အတႈလုႈအီဥ ပွၚလြံဥကထိ (Mk 8:1-10, Mt 15: 34-38) နဥ့လီၚ’

တႈလ႕ဎြၚမၚတ့ႈလံ၀ဲ လ႕ပဂီႈသ့ဥတဖဥ ဒီး တႈအိဥဒီးတႈသူဥဒ့ဒီးသးဒ့ဒီ လ႕အတႈအ႕ဥလီၚအီလီၚလ႕ အကမၚနႈ့ပွၚတႈ လ႕ခါဆူညါသ့ဥတဖဥ  ပကသးပ့ၚနီဥကြံဏအီၚအဂီႈညီ၀ဲနဥ့လီၚ’ လံဏစီဆွံစံး၀ဲလ႕ တႈပ်ံၚတႈဖုးတအိဥဘဥလ႕ တႈအဲဥတႈကြံအပူၚဘဥ’(1 John 4:18)’ မ္ပကဃ့ကညးခရံဏပကစႈ ဒ္သိးအကမၚလ႕ပွဲၚပသူဥပသးဒီးတႈအဲဥ ဒီး ကမၚဆူဥထီဥပတႈစူႈတႈနဏ လ႕အတႈကြႈထြဲကဟုကဎဏပွၚအပူၚနဥ့တက့ႈ’

ဆ႕ကတီႈသ့ဥတဖဥအံၚ မ့ႈ၀ဲဒ္သိးပကဂံႈထီဥဒြးထီဥ တႈဆိဥဂ့ၚသ့ဥတဖဥ ဒီး သ့ဥညါနႈပ႕ႈဎြၚအတႈသူဥတီသးလိၚ ဒီးအတႈအဲဥ လ႕ပတႈအိဥမူအပူၚနဥ့လီၚ’ ပကဘဥဃ့ကညး ခရံဏကစႈ ဒ္သိးအကမၚပွဲၚပသူဥပသးဒီးအတႈအဲဥ ဒီးကမၚဆူဥထီဥပတႈစူႈတႈနဏ လ႕အတႈကဟုကဎဏပွၚအပူၚနဥ့လီၚ’

ခရံဏကစႈကတိၚပလီႈပွၚ ဒ္သိးပကပလီႈသူဥပလီႈသး ဘဥဃးဒီးကိဥမံဥ လ႕အမၚဟးဂီၚပနီႈခိနီႈသး နဥ့လီၚ’ ခရံဏကစႈကတိၚပလီႈ၀ဲအပ်ဲဥအဘီဥသ့ဥတဖဥ ဒ္သိးအကအိဥဒီး တႈပလီႈအသး ဘဥဃးဒီးပွၚဖဥရံဥရွဲသ့ဥတဖဥအကိဥမံဥနဥ့လီၚ’

ခရံဏကတိၚပလီႈ၀ဲအပ်ဲဥအဘီဥသ့ဥတဖဥ ဒ္သိးအကဟးဆွဲး ပွၚဖဥရံဥရွဲဒီးစးဒူးကဲသ့ဥတဖဥအက်ဲ လ႕အဃုထံဥနဥ့ဒဥထဲတႈဘဥအသး ဒီးတမ့ႈတႈဘဥဎြၚအသးဘဥနဥ့လီၚ’ အ၀ဲသ့ဥအမဲဏဘ်ီဥ၀ဲ ခီဖ်ိအကစႈဒဥ၀ဲ အတႈဆိကမိဥဒိဥလီၚအသး ဒီးတသ့ထံဥသ့ဥညါ၀ဲတႈမ့ႈတႈတီ ဒီးတႈကူဥသ့ လ႕ခရံဏကစႈစံးကတိၚ၀ဲ လ႕ပႈကစႈဎြၚအမံၚအပူၚဘဥနဥ့လီၚ’

ကိဥမံဥမႏုတမံၚ (လ႕နီႈသးအဂီႈယလ႕သကဲးပ၀ဏအဂီႈယလ႕တႈသ့ဥညါနႈပ႕ႈတႈအဂီႈ) မ့ႈပပ်ဲအီၚ ဒ္သိးအကလုႈဘ႕စိကမီၚ ပတႈဆိကမိဥဒီးပတႈအိဥမူနဥ့လဲဥ’ ခရံဏကစႈ ထိဥသႀတီၚ၀ဲ ကိဥဒီးကိဥမံဥ လ႕အဒုးမၚနႈ့ပွၚသးသမူယ လီၚဆီဒဥတႈ တႈမူအါအါဂီႈဂီႈ လ႕ဎြၚဒုးမၚနႈ့ပွၚ ခီဖ်ိခရံဏကစႈယ လ႕အမ့ႈကိဥလ႕မူခိဥ ဒီးကိဥဒီးကိဥမံဥလ႕ အမၚဟးဂီၚပနီႈခိဒီးပသူဥပသးနဥ့လီၚ’

အအံၚ မ့ႈ၀ဲဒ္ကဥဒံဥနဲဥခေါလ္စ္ဘိဥ အတႈဘိးဘဥသ့ဥညါတႈဆူ ကီႈအ့ရွ႕ဥသီခါကရ႕ခိဥသ့ဥတဖဥအကရ႕အအိဥနဥ့လီၚ’ စံး၀ဲလ႕” ပလဲၚတႈ ခီဖ်ိတႈစံဥစိၚတဲစိၚအဆ႕ကတီႈသ့ဥတဖဥလ႕ အအိဥဒီးတႈခီဥတႈရီဏတႈသ့ဥတဖဥနဥ့လီၚ’ စံး၀ဲလ႕ အကြဲး၀ဲလံဏပရ႕အံၚဆူပွၚခဲလ႕ဏသ့ဥတဖဥအအိဥ လ႕တႈဃုထံဥနႈ့က်ဲယ ဒီးထုကဖဥသကိး ဒ္သိးတႈခံတႈနၚတမံၚအံၚကကတ႕ႈ၀ဲအဂီႈ လ႕အဖ႕ဘ႕၀ဲပထံပကီႈနဥ့လီၚ’

ဖဲအကတိၚတႈဆူ ကီႈပဎီၚထံဖိကီႈဖိသ့ဥတဖဥအအိဥအပူၚ ကဥဒံဥန႕ဥစံး၀ဲလ႕ယ”အဃ့ကညးပွၚကိးဂၚဒဲး ဒ္သိးအကအိဥဘွဥ့ကလဏယ ဒီးအသုတဘဥတူဥဘဥတႈလ႕ တႈမၚဆူဥမၚစိးသ့ဥတဖဥအဃိဘဥနဥ့လီၚ’ တႈဂဏသြံဥဂဏစီဥအါတ့ႈလံ၀ဲလံ’ မ္တႈဂဏသြံဥဂဏစီဥအသုတအိဥလ႕ၚလ႕ပထံပကီႈအပူၚလ႕ၚတဂ့ၚ’ ဖဲဆ႕ကတီႈလ႕အကီ၀ဲခဲ၀ဲအံၚအကတီႈဒဥလဲဥယ စူႈနဏ၀ဲလ႕ တႈမုဏတႈခုဥ မ့ႈဒဥထဲက်ဲတဘိဧိၚယဒီးအိဥထီဥသ့၀ဲနဥ့လီၚ’ လ႕တႈပဏဖ်ါထီဥတႈအိဥလ႕ပသးပူၚအဂီႈ က်ဲလ႕အအိဥပူၚဖ်ဲးဒီးတႈမၚဆူဥမၚစိး အိဥ၀ဲအါဘိနဥ့လီၚ’ တႈဟဲကဲထီဥအသးအံၚ မ့ႈ၀ဲတႈစံးကတိၚတ႕ႈပီဥလိဏသးယ တႈဆဲးက်႕လိဏသးတအိဥ၀ဲယ မ့ႈ၀ဲတႈစံးအါကတိၚအါလိဏသးလ႕ တႈထံဥအလီၚဆီ၀ဲသ့ဥတဖဥ အဖီခိဥနဥ့လီၚ’ မ္ပွၚသုတပ်ဲကဒီးတႈသူဥဟ့သးဟ့ ဖဲဆ႕ကတီႈအံၚအပူၚ ဖဲပွၚက်ဲးစ႕ၚသကိး၀ဲလ႕ သူးသ့ဥလၚကပီၚဒီးတႈမ့ႈတႈတီအဂီႈလ႕ၚတဂ့ၚ’ မ္တႈဘူဥတႈဘါဒီးကရ႕ကရိခိဥနႈသ့ဥတဖဥ ကထုကဖဥတႈယ ဒီးကမၚမူထီဥသကိးကရ႕ကရိသ့ဥတဖဥ လ႕တႈစံးဆ႕က့ၚတႈလ႕တႈမုဏတႈခုဥအပူၚ အဂီႈနဥ့တက့ႈ’ ထုကဖဥလ႕ပွၚကိးဂၚဒဲးအဂီႈယ လ႕တႈကိးမံၚဒဲးအဂီႈ ဒီးဟးဆွဲးတႈမၚအသးလ႕ တႈမၚဆူဥထီဥတႈတ႕ထီဥတ႕လီၚနဥ့တက့ႈ’

ဆူသုးခိဥသုးနႈဒီးပွၚကမ်႕ဥဖိခိဥနႈသ့ဥတဖဥအအိဥ ကဥဒံဥန႕ႈဃ့ကညး၀ဲ ဒ္သိးအကမၚသကိး၀ဲ တႈစံးကတိၚတ႕ႈပီဥလိဏသး ဒီးမၚဃုဏသကိးတႈလ႕ တႈမုဏတႈခုဥအဂီႈနဥ့တက့ႈ’ ဃ့ကညး၀ဲဒ္သိး တႈမၚဆူဥမၚစိး ဒီးတႈဂႈသြံဥဂႈစီဥအသုတအိဥ၀ဲတဂ့ၚနဥ့လီၚ’

ဆူထံကီႈအါဘ့ဥသ့ဥတဖဥအအိဥ ကဥဒံဥနဲဥစံး၀ဲလ႕” ပဃ့ကညးဘဥသု ဒ္သိးပွၚသုတမ႕ဆူဥပွၚလ႕အဘဥဃးဒီး တႈမၚအသးအံၚသ့ဥတဖဥ ဆူတႈမၚဟးဂီၚကြံဏ တႈပ႕လီၚပကစႈဒဥ၀ဲပထံပကီႈတဂ့ၚ’ ထံကီႈသ့ဥတဖဥအကရ႕ကရိ ကဘဥနႈပ႕ႈ၀ဲ ပထံပကီႈအတႈစံဥစိၚတဲစိၚ ဒီးမုႈက်ိၚ၀ဲၚကြႈလ႕အဘဥဃးဒီးထံရူႈကီႈသဲးနဥ့လီၚ’ တႈဖီဥဃံးတႈသ့ဥတဖဥ မ့ႈတႈလ႕အမၚလီၚပွီႈကြံဏ မုႈက်ိၚ၀ဲၚကြႈယ ဒီးဒုးလဲၚတုၚ၀ဲပွၚအကကြဲဥဒီးအကကြဲဥသ့ဥတဖဥ ဆူတႈဖွီဥတႈဎဏအပူၚနဥ့လီၚ’ တႈမၚဃူလိဏဖိးလိဏက့ၚတႈ မ့ႈဒဥထဲက်ဲတဘိဧိၚအဂ့ႈ စံး၀ဲနဥ့လီၚ’

သီခါကရ႕ခိဥ Bishop Mallari စံး၀ဲယ ဒ္ပပဏဖွိဥပသးဒီး ကီႈပဎီၚထံဖိကီႈဖိသ့ဥတဖဥအသိးယ လ႕ဎြၚအမဲဏညါ မ္ပကသ့ဥညါနႈပ႕ႈသကိးလ႕ ဆ႕ကတီႈအခဲအံၚ ပဘဥဒိဘဥထံး၀ဲလ႕တႈဒဲးဘး အတႈလုႈဘ႕ဒိဥစိဒိဥကမီၚတႈအဃိ ဒီးမ္ပကပ်ဲ၀ဲ ဎြၚအတႈအဲဥယ အတႈမုဏတႈခုဥ အတႈဃူတႈဖိး ကမၚပွဲၚပွၚ ခီဖ်ိသးစီဆွံအစိကမီၚယ ဒ္ပစူႈနဏသကိး၀ဲလ႕ တႈကိးမံၚဒဲးလ႕ပမုႈလႈအီၚသ့ဥတဖဥ ကဲထီဥသ့၀ဲ ဃုဏဒီးဎြၚနဥ့လီၚ’

ဎြၚမ့ႈအိဥဒီးပွၚယ ဎြၚမ့ႈအိဥလ႕ပဂီႈဒီး ပတၚတဂၚထီဒါပွၚကသ့၀ဲနဥ့လဲဥ’ ပပဏလီၚပသးသမူသ့ဥတဖဥ လ႕ဎြၚစုပူၚ ဖဲတႈဆါသံသႀတိဏအကတီႈအံၚယ ဒီးကီႈပဎီၚထံဖိကီႈဖိသ့ဥတဖဥစ့ႈကီး ဒ္အ၀ဲသ့ဥ လဲၚခီဖ်ိ၀ဲတႈကတီႈလ႕အအိဥဒီးတႈခီဥတႈရီဏတႈ လ႕ထံကီႈအတႈစံဥစိၚတဲစိၚအပူၚနဥ့လီၚ’

Homily of Bishop Roberto Mallari of San Jose, chairman of the Office of Social Communication of the Federation of Asian Bishops' Conferences, during the Solidarity Mass with the People of Myanmar for Radio Veritas Asia on February 16, 2021.