ကစႈခရံဏန႔ဥအဲဥဒီးအိဥဒီးပွၚထီဘိ ဖဲပလဲၚခီဖ်ိတႈ သူဥအုးသးအုးဆ႕ကတီႈအခါ တႈကစီဥ၂၇’၄’၂၀၂၀

ကစႈခရံဏန႔ဥအဲဥဒီးအိဥဒီးပွၚထီဘိ ဖဲပလဲၚခီဖ်ိတႈ သူဥအုးသးအုးဆ႕ကတီႈအခါန႔ဥလီၚ.

ပါပါ ျဖဥစ့ဥ လုႈထီဥ၀ဲဒဥမ့ဆါတႈလုႈစီဆွံ ဖဲ ကၚစၚ စၚတၚ မၚရ္တၚ Casa Santa Marta တႈဘါဎြၚကေိဖိ ဒီးထုကဖဥန႔ဥပွၚလ႕အသူဥအုးသးအုးတဖဥအဂီႈန႔ဥလီၚ. လ႕ပါပါအတႈစံဥတဲၚတဲလီၚအပူၚန႔ဥ ဟ့ဥပလီႈ၀ဲပွၚလ႕ ကစႈခရံဏန႔ဥအိဥဘူးဒီးပွၚထီဘိ ဖဲပသးဘဥဒိ အခါ ဖဲလ႕ လဲၚခီဖ်ိတႈတႈသူဥတမံသးတမုဏ တႈသူဥအုးသးအုးဆ႕ကတီႈအခါန႔ဥလီၚ.

လ႕မံဆါတႈလုႈစီဆွံအပူၚန႔ဥ ပဃ့ထုကဖဥန႔ဥပွၚခဲလ႕ဏ လ႕အတူႈဘဥ၀ဲဒဥ တႈသူဥအုးသးအုးတဖဥ ခီဖ်ိလ႕အ၀ဲသ့ဥ ဘဥအိဥထဲတဂၚဧိၚ ဒီးလ႕အ၀ဲသ့ဥ ကပဏအတႈမုႈလႈဆူညါ အဂီႈတသ့ဥညါ၀ဲဘဥတဖဥန႔ဥလီၚ. တႈအံၚမ့ႈ၀ဲဒဥ ပါပါ ျဖဥစ့ဥ လုႈထီဥ၀ဲဒဥမ့ဆါတႈလုႈစီဆွံ ဖဲ မုႈအိဥဘွံၚ ဖဲကၚစၚ စၚတၚ မၚရ္တၚ Casa Santa Marta တႈဘါဎြၚကေိဖိ အပူၚ အတႈပညိဥန႔ဥလီၚ.

ဒီးဖဲန႔ဥ အ၀ဲတဲဖ်ါထီဥ၀ဲ ဟံဥဖိဃီဖိ အအိဥဒီးက်ိဥစ့တႈကီတႈခဲတဖဥ ဒီး ဘဥသ့ဥသ့ဥပွၚလ႕တႈမၚ တအိဥလ႕ၚဘဥတဖဥန႔ဥလီၚ.

ပါပါအတႈစံဥတဲၚတဲလီၚအံၚ ဒီးသန႔ၚထီဥ၀ဲလ႕ လံဏတႈသးခုကစီဥ ဖဲ လံဏလူၚကဥ ၂၄း၁၃-၃၅ အပူၚန႔ဥလီၚ. တႈအံၚကြဲးဖ်ါထီဥ၀ဲ လ႕ကစႈခရံဏလဲၚတႈဒီးပွၚတႈမ႕ဖိခံဂၚလ႕ အတႈလဲၚက်ဲဆူ သ၀ီ အ့းမၚအူ အခါန႔ဥလီၚ.

ပါပါတဲဖ်ါထီဥအတႈစံဥတဲၚတဲလီၚအခီဥထံး လ႕အဘဥဃးဒီး ပွၚခရံဏဖိတဖဥန႔ဥလီၚ. ပွၚတဂၚလ႕အမ့ႈပွၚခရံဏဖိန႔ဥ မ့ႈပွၚလ႕အထံဥလိဏသးဒီၚ ကစႈခရံဏ ဒီးမ့ႈစ့ႈကိးပွၚလ႕အပ်ဲ ကစႈခရံဏတိနီဥထံဥဒီးအီၚန႔ဥလီၚ. ဒ္အလဲၚတႈဒီးပွၚတႈမ႕ဖိခံဂၚဆူ အ့းမၚအူအသိး ဒ္န႔ဥအသိး ကစႈခရံဏစ့ႈကိး လဲၚတႈဒီးပွၚလ႕ပတႈအိဥမူပူၚန႔ဥစ့ႈကီးလီၚ.

Fr. Augustine Shwe

Credit: Vatican News