Vatican အတႈကရ႕ကရိ ပဏဖ်ါထီဥ၀ဲဒဥ ပွၚမၚတႈသးခုကစီဥ အနီဥဂံႈ လ႕အဘဥတႈမၚသံအီၚလ႕ ဟီဥခိဥဒီဘ့ဥ ဖဲ ၂၀၂၁ နံဥအပူၚ

Vatican အတႈကရ႕ကရိ ပဏဖ်ါထီဥ၀ဲဒဥ ပွၚမၚတႈသးခုကစီဥ အနီဥဂံႈ လ႕အဘဥတႈမၚသံအီၚလ႕ ဟီဥခိဥဒီဘ့ဥ ဖဲ ၂၀၂၁ နံဥအပူၚ

ဒ္တႈကစီဥ Fides News Agency ပဏဖ်ါထီဥ၀ဲ Vatican Press Office အသိး ကဲးသလံးပွၚမၚ တႈသး ခုကစီဥလ႕ ဟီဥခိဥဒီဘ့ဥဖဲ ၂၀၂၁ နံဥအပူၚ ဘဥတႈမၚသံအီၚ ၂၂ ဂၚ ဒီးလ႕အက်ါတ၀ဏန႔ဥ မ့ႈ၀ဲဒဥ ပွၚလ႕ Africa န႔ဥလီၚ.

Fides တႈကစီဥအကရ႕ လ႕အမ့ႈ Congregation for the Evangelization of Peoples ပဏဖ်ါထီဥ၀ဲ ကဲးသလံးပွၚမၚ တႈသးခုကစီဥလ႕ ဟီဥခိဥဒီဘ့ဥဖဲ ၂၀၂၁ နံဥအပူၚ ဘဥတႈမၚသံအီၚ ၂၂ ဂၚ ဒီးလ႕အက်ါ ၁၃ ဂၚန႔ဥ မ့ႈ၀ဲဒဥ သီခါယ ဒီးခံဂၚန႔ဥ မ့ႈ၀ဲဒဥ ဖံ၀ါယ တပြဲ၀ါတဂၚ ဒီး ဃုဂၚန႔ဥမ့ႈ၀ဲပွၚမၚတႈသးခုကစီဥပွၚ ဎိဎိ န႔ဥလီၚ. ပွၚတ၀ဏန႔ဥမ့ႈ၀ဲပွၚ Africa ဖိ သီခါႏြံဂၚယ ဖံ၀ါခံဂၚ ဒီးပွၚဎိဎိဖိခံဂၚန႔ဥလီၚ.

လ႕တႈကစီဥတႈပဏဖ်ါအပူၚ စံး၀ဲလ႕ ပွၚနီဥဂံႈအံၚ တပဏဃုဏဒီးပွၚကဲးသလံးခရံဏဖိလ႕ အမၚတႈသးခု ကစီဥလ႕အနီႈကစႈအက်ိၚအက်ဲဒဥ၀ဲလ႕ တႈမၚသံအီၚတဖဥန႔ဥ တပဏဃုဏ၀ဲဒဥဘဥန႔ဥလီၚ.

ဒ္တႈကစီဥပဏဖ်ါ၀ဲအသိး ပွၚမၚတႈသးခုကစီဥ ႏြံဂၚဘဥတႈမၚသံအီၚဖဲ Latin America, သ႕ဂၚလ႕ ကီႈအ့ရွ႕ဥအပူၚ ဒီးတဂၚန႔ဥလ႕ Europe အပူၚန႔ဥလီၚ.

ဖဲနံဥအပူၚကြံဏန႔ဥ ကီႈ Africa ဒီး Latin America မ့ႈထံကီႈတဖဥ လ႕တႈမၚသံပွၚမၚတႈသးခု ကစီဥအအါ ကတ႕ႈခံဘ့ဥန႔ဥလီၚ. စးထီဥလ႕ ၂၀၀၀ နံဥတုၚလ႕ ၂၀၂၀ န႔ဥ ဒ္တႈကစီဥဃုထ႕ပဏဖွိဥ ဒီးပဏဖ်ါထီဥ၀ဲအသိး တႈမၚသံပွၚမၚတႈသးခုကစီဥတဖဥအိဥ၀ဲ အဂၚ ၅၃၆ ဂၚန႔ဥလီၚ.

ဒ္တႈမၚနီဥမၚဃါ အသိး တႈမၚသံပွၚမၚတႈသးခုကစီဥလ႕တႈအိဥသး အကလုဏကလုဏတဖဥအဖီခိဥမ့ႈ၀ဲဒဥ သီခါလ႕အပ႕တႈလီႈတဖဥ ဘဥတႈမၚသံအီၚလ႕ တႈကရ႕ကရိအပူၚယ လ႕ Africa ဒီး Americas, တႈမၚအ႕မၚနးလ႕အဆူဥအဆွိးယ သါခါလ႕အမၚတႈလ႕ ပွၚတ၀႕တႈဖံးတႈမၚတဖဥ တႈမၚသံအီၚဒ္သိး အတႈမၚကကတ႕ႈကြံဏ၀ဲယ တုၚဒဥလဲဥ ဘဥတႈမၚသံအ၀ဲသ့ဥလ႕ ပွၚလ႕အမၚစ႕ၚ၀ဲသ့ဥတဖဥယ ဒ္သိးဒီး ကီႈ France မ့ႈတမ့ႈ Venezuela တႈလီႈတဖဥ တႈဘ်ဥမၚသံ၀ဲသီခါတဖဥ ဖဲအသိဥလိတႈလ႕ ကေိပူၚအခါန႔ဥလီၚ.

လ႕ Sudan ကလံၚစိးတကပၚ ဖံ၀ါတဖဥ ဘဥတႈမၚသံအီၚ လ႕တႈဘ်ဥတဖဥန႔ဥလီၚ. ဒီးဖဲန႔ဥစ့ႈကိး တႈအိဥဖွိဥသရဥတဖဥယ ပွၚမၚတႈသးခုကစီဥပွၚဎိဎိ တဖဥဘဥတႈမၚသံအီၚလ႕ ပွၚဖီဥစုက၀ဲၚတဖဥ ဒီးပွၚသးစႈလ႕ကီႈပဎီၚပူၚတဖဥ လ႕အဆွ႕မၚစ႕ၚတႈအီဥတႈအီလ႕ ပွၚဘဥကီဘဥခဲတဖဥအဂီႈအခါ ဘဥတႈခးသံအီၚလ႕က်ိ snipers ဒီးလ႕ Peru န႔ဥ ပွၚမၚတႈသးခုကစီဥအပိဏမုဏတဖဥ ဘဥတႈဟံဂုဏန႔ႈအ cellphone ဒီးမၚသံအီၚန႔ဥလီၚ.

Fides အတႈကစီဥတႈပဏဖ်ါ လ႕ကီႈ Africa ဒီးလ႕ ကီႈ Nigeria အပူၚန႔ဥ အ၀ဲသ့ဥ သီခါလ႕တႈဘဥမၚသံအီၚလ႕ Islamist တဖဥ တႈတပဏဖ်ါထီဥအီၚဘဥ. အ၀ဲသ့ဥပဏဖ်ါ၀ဲလ႕ ပွၚဖီဥစုက၀ဲၚအကရူႈတဖဥ မၚသံအီၚန႔ဥလီၚ. တပဏဖ်ါထီဥ၀ဲလ႕ အမ့ႈ Islamist လ႕အအိဥလ႕ Africa ဒ္ Boko Haram န႔ဥဘဥလီၚ.

ဒ္ Fides ဃုထ႕ပဏဖွိဥ၀ဲအသိး ပွၚလ႕တႈတပဏဖ်ါထီဥအီၚလ႕တႈမၚသံအီၚတဖဥန႔ဥ အိဥအါမးဒံးလီၚ. ပတသ့ဥညါအမံၚလ႕ပကထ႕ႏုဏအီၚလ႕ စရီအပူၚဘဥလ႕အဟ့ဥလီၚအသးလ႕ ခရံဏအဂီႈတဖဥန႔ဥလီၚ.

Vatican agency reveals number of missionaries murdered around the world during 2021, RVA News, 31 December, 2021