Msgr Maurice Nyunt Wai ကဲထီဥသီခါကရ႕ခိဥလ႕ Mawlamyine တလးပ႕လီႈက၀ီၚအဂီႈ

Msgr Maurice Nyunt Wai ကဲထီဥသီခါကရ႕ခိဥလ႕ Mawlamyine တလးပ႕လီႈက၀ီၚအဂီႈ

တႈပဏထီဥ Msgr Maurice Nyunt Wai ဆူသီခါကရ႕ခိဥအလီႈအလၚ လ႕အကမ့ႈ၀ဲ တလးပ႕မၚစ႕ၚတႈလ႕ Mawlamyine သီခါကရ႕ခိဥလီႈက၀ီၚအဂီႈ မ့ႈ၀ဲလ႕ ဒူဥဖိထ႕ဖိလ႕အစီဆွံ၀ဲ တႈဘါသရိဏဖးဒိဥ လ႕၀့ႈ Mawlamyine ဖဲ ၂၀၂၂ လါအ့ျဖ့ဥ ၂၄ သီ (Divine Mercy Sunday) နဥ့လီၚ’္

ဖဲအတႈစံဥတဲၚတဲလီၚတႈအပူၚ ၀့ႈတကူဥသီခါကရ႕ခိဥက်႕ဥ ကဥဒံဥနဲဥခေ္္လ္စ္ဘိဥ ပဏဖ်ါထီဥ၀ဲလီႈက၀ီၚအံၚအဂ့ႈ ဒီးစံး၀ဲလ႕ တႈအိဥဖွိဥရိဖွိဥသကိးလ႕ မုႈတနံၚအံၚ လီၚဂဏဒ္ ပလဲၚတုၚသကိးဆူ ကစ႕ႈသံးနး ဒ္ပစံးတႈအသိး မီဥလမေဲဥအကစ႕ႈသံးနး နဥ့လီၚ’ သီခါကရ႕ခိဥ Raymond Saw Po Ray မ့ႈပွၚလ႕အလီၚဂဏဒ္ စီၚမိၚရွ့ လ႕အဘဥတႈမ႕လီၚအီၚဆူ တႈလီႈအံၚဖဲ ၁၉၉၃ ဒ္သိးအကမ့ႈ၀ဲ သီခါကရ႕ခိဥ ဖဲတႈလီႈအံၚအဂီႈနဥ့လီၚ’ ဖဲအပူၚကြံဏအနံဥ ၃၀ အတီႈပူၚယ ကဲခိဥကဲနႈ၀ဲ ပွၚကမ်႕ႈဖိ ဖဲလီႈက၀ီၚအံၚအပူၚသ့ဥတဖဥ လ႕တႈသူဥဒူသးဒူအပူၚနဥ့လီၚ’ ဒ္စီၚမိၚရွ့အသိး ဖဲအဒိးနႈ့မူဒါလံၚလံၚ ဘဥခီဖ်ိထံဥဘဥ၀ဲ တႈဖွီဥတႈဎဏယ တႈဖ့ႈဆ႕လ႕အကတ႕ႈတအိဥ၀ဲသ့ဥတဖဥယ ပွၚတအိဥလ႕ၚဒီးတႈလီႈတႈက်ဲယ သူဥဘီဥသးစႈသ့ဥတဖဥ ဘဥတႈမ႕ဆူဥအီၚ ဒ္သိးအကသုးလီႈသုးက်ဲယ ဒီးပွၚစိဏဆွ႕ဆါပွၚ့ပွၚကူပွၚကညီသ့ဥတဖဥ နဥ့လီၚ’

ပွၚကညီသ့ဥတဖဥအတႈသ့တႈဘဥ အဂံႈခီဥထံးယ က်ိဏစ့တႈစုလီႈခီဥခိဥ အဂံႈခီဥထံး သ့ဥတဖဥ မ့ႈတႈလ႕အအိဥစွၚကိဏဖိနဥ့လီၚ’ ကဲခိဥကဲနႈ၀ဲ တလးပ႕လီႈက၀ီၚအံၚ လ႕တႈပဏသူဥပဏသးဒိဥ၀ဲယ ဒီးတကဒူးကဒ့ဥတႈနီတဘ်ီယ ဒီးဘိပဏလီၚဒဥအသးလ႕ အကမၚတႈလ႕ တႈအိဥဖွိဥကရ႕အဂီႈနဥ့လီၚ’ ဒ္ကစႈဎ့ဥရွဴးခရံဏ ထုကဖဥ၀ဲလ႕ တႈဃူတႈဖိးအဂီႈအသိး လီႈက၀ီၚအံၚ မ့ႈ၀ဲတႈလီႈဖဲ ပွၚကဲးသလံးဖိ ဒီးဘ်႕ထံခရံဏဖိသ့ဥတဖဥ ဖံးဃုဏမၚဃုဏသကိးတႈ လ႕တႈဃုထံဥနႈ့က်ဲလ႕ ပွၚခဲလ႕ဏအတႈဂ့ႈသ့ဥတဖဥအဂီႈနဥ့လီၚ’

အိဥ၀ဲဒီးတႈအိဥဆူဥအိဥခ့်အတႈဂ့ႈကီ ဒီးတႈတလ႕တပွဲၚလ႕ လီႈက၀ီၚအံၚအပူၚသ့ဥတဖဥ ဘဥဆဥ ပဏဖ်ါထီဥ၀ဲ အတႈသူဥဆူဥသးဂဲၚလ႕ တႈလီၚဘွံးလီၚတီၚတအိဥ၀ဲအပူၚ ဒ္သိးအကလဲၚတုၚ၀ဲဆူ တႈလီႈအန႕ႈအစ့ၚခဲလ႕ဏ လ႕ကီႈပဎီၚ ကလံၚထံးတႈလီႈ ဖဲတမ်ိၚတမ်ဥ ဒီး တႈမၚဆူဥမၚစိးတႈ အိဥအါ၀ဲတႈလီႈသ့ဥတဖဥ အပူၚနဥ့လီၚ’ တုၚဒဥလဲဥမုႈတနံၚအံၚ တႈလဲၚတႈက့ၚ ကီ၀ဲခဲ၀ဲနဥ့လီၚ’ ဘဥဆဥ အိဥ၀ဲဂ႕ႈဂ႕ႈက်႕ၚက်႕ၚ ဒ္ပွၚကြႈသိ လ႕အက်ဲးစ႕ၚလဲၚဃုထံဥနႈ့အသိ တဂၚအသိးနဥ့လီၚ’

အတႈဆီဥထြဲမၚစ႕ၚ ပွၚကမ်႕ႈဖိသ့ဥတဖဥ မ့ႈတႈလ႕ ပွၚထိဥအီၚဒြးအီၚတသ့၀ဲဘဥနဥ့လီၚ’ မၚတ့ႈတႈလ႕ ကီႈပဎီၚသီခါကရ႕ခိဥသ့ဥတဖဥ အ၀ဲၚလီႈခိဥသ့ဥ (CBCM) ဒီး မၚဆူဥထီဥ၀ဲ တႈတီတႈလိၚဒီးတႈမုဏတႈခုဥ အခီမံဥရွ႕ဥ လ႕တႈအိဥဖွိဥကရ႕အဂီႈ စ့ႈကီးနဥ့လီၚ’

ကဥဒံဥနဲဥဃဥကဒါအသးဆူ Msgr Maurice အအိဥ ဒီးစံး၀ဲလ႕ သီခါအံၚ မ့ႈပွၚလ႕အအိဥမူ ခီဖ်ိဘဥ၀ဲ ပွၚကညီကလုဏသ့ဥတဖဥ အတႈသူဥဖွံသးညီ ဃုဏဒီးတႈသူဥအုးသးအုးယ တႈသူဥကိႈသးဂီၚဒီး အတႈမုႈလႈသ့ဥတဖဥနဥ့လီၚ’ သ့ဥညါနႈပ႕ႈ၀ဲ ပွၚသ့ဥတဖဥအံၚ အမဲဏထံမဲဏနိယ အတႈမံမီဥသ့ဥတဖဥ ခီဖ်ိ အတႈမၚတႈဒ္ ပွၚကြႈသိလ႕ ပွၚကညီအိဥအါ၀ဲ သီခါလီႈက၀ီၚသ့ဥတဖဥအပူၚနဥ့လီၚ’ မ့ႈစ့ႈကီးသရဥသိဥလိတႈလ႕ အအိဥဒီးတႈကူဥသ့ယ မ့ႈတ့ႈလံ၀ဲသရဥသိလိတႈလ႕ တႈသိဥလိဒုးကဲထီဥသီခါကေိယ မ့ႈစ့ႈကီးပွၚထုးစုနဲဥက်ဲတႈလ႕ တလးပ႕လီႈက၀ီၚအပူၚ ဒီးလ႕ထံကီႈဒီဘ့ဥအပတီႈယ မ့ႈစ့ႈကီး တံၚသကိးလ႕ တႈဘူဥတႈဘါအဂုႈအဂၚ အကရ႕ဖိသ့ဥတဖဥအဂီႈအဂ့ႈ စံး၀ဲနဥ့လီၚ’ အတႈအိဥမူအိဥဂဲၚ အိဥ၀ဲဒီးတႈအလုႈအပွၚ့သ့ဥတဖဥ ဒ္အမ့ႈ၀ဲ တႈစူႈတႈနဏလ႕အဂ႕ႈအက်႕ၚယ အိဥ၀ဲဒီးတႈသူဥစူၚသးစူၚ နဥ့လီၚ’

ဒ္ပႈပါဖရဥစ့းစံး၀ဲလ႕ ပွၚကဘဥလဲၚဆူသိသ့ဥတဖဥအအိဥ ဒီးဟဲက့ၚန႕ဃုဏဒီးသိသ့ဥတဖဥအစိအသိး သီခါကရ႕ခိဥအသီအံၚ မ့ႈပွၚလ႕အစံဥတဲၚတဲလီၚတႈ ထိဥဟူးထိဥဂဲၚထီဥပွၚအဂၚ ခီဖ်ိအတႈအိဥမူအိဥဂဲၚ ဒီးအတႈဒုးဟူထီဥသါလီၚတႈသ့ဥတဖဥနဥ့လီၚ’ သီခါကရ႕ခိဥသ့ဥတဖဥ ကဘဥမ့ႈဒဥ၀ဲထဲ တႈမၚခ့ပွၚအတႈမၚ ဒီးအသုတဘဥမ့ႈ၀ဲ တႈဒိဥစိဒိဥကမီၚ လ႕ပွၚဂၚအဖီခိဥ လ႕တႈဒိးနႈ့တႈလၚတႈကပီၚဘဥအဂ့ႈ ပႈပါဖရဥစ့းစံး၀ဲနဥ့လီၚ’

သီခါကရ႕ခိဥအသီအံၚ အတႈတိႈထူမ့ႈ၀ဲ ဒ္လ႕ကစႈဎ့ဥရွဴးခရံဏအတႈထုကဖဥအပူၚအသိး ဒ္သိးအ၀ဲသ့ဥကမ့ႈ၀ဲတႈတမံၚဃီအဂီႈ နဥ့လီၚ’ အအံၚ ကမ့ႈ၀ဲတႈခီဥတႈရီဥတႈအဆိကတ႕ႈတခါ လ႕သီခါကရ႕ခိဥအသီ ကဘဥကြႈဆ႕ဥမဲဏ၀ဲအဂီႈအဂ့ႈ ကဥဒံဥနဲဥစံး၀ဲနဥ့လီၚ’

Episcopal Ordination of Msgr Maurice in Karen