Church in Need ပာ္ဖ်ါထီဥဝဲလ႕ ကမၚစ႕ၚဝဲ ဒဥ သံဥရံးလဲၚကဥ တႈအိဥဖွိဥလ႕ စ့ဎူၚရိဥ ၄၆၅ယ၀၀၀ တႈကစီဥ

Church in Need ပာ္ဖ်ါထီဥဝဲလ႕ ကမၚစ႕ၚဝဲ ဒဥ သံဥရံးလဲၚကဥ တႈအိဥဖွိဥလ႕ စ့ဎူၚရိဥ ၄၆၅ယ၀၀၀ တႈကစီဥ

ကဲးသလံး တႈအိဥဖွိဥလ႕ ဘဥဃးဒီးတႈအဲဥတႈကြံ တႈကရ႕ကရိလ႕ အမ့ႈဝဲ (The Catholic Charity Aid to Church in Need) ပာ္ဖ်ါထီဥဝဲလ႕ ကမၚစ႕ၚဝဲဒဥ စံဎူၚရိဥ ၄၆၅ယ၀၀၀ ဆူသီခါယဖံဝါဒီး ပွၚမၚတႈသးခုကစီဥသ့ဥတဖဥလ႕ ဆူညါအဝဲသ့ဥကမၚဝဲဒဥ တႈအိဥဖွိဥတႈမၚလ႕ တႈကီတႈခဲအက်ါဖဲ ကီႈ သံဥရံးလဲၚကဥ အကီႈအပူၚန႔ဥလီၚ.

သီခါသ့ဥတဖဥကန႔ႈဘဥဝဲ တႈလုႈမံဆါ Mass Stipends ဒီးတႈအိဥဖွိဥသရဥသ့ဥတဖဥ ဒီး ပွၚမၚတႈအိဥဖွိဥတႈမၚသ့ဥတဖဥ ဒ္သိးဒီး ကမၚဝဲဆူညါဘဥဃးဒီး တႈအိဥဖွိဥ တႈရဲဥတႈက်ဲၚသ့ဥတဖဥ လ႕ ကီႈ သံဥရံးလဲၚကဥ အပူၚ န႔ဥကန႔ႈဘဥဝဲတႈမၚစ႕ၚန႔ဥလီၚ.

ဘဥဃးလ႕ ထံကီႈ က်ိဥစ့သ့ဥတဖဥအတႈတီခိဥရိဥမဲဟးဂီၚဝဲဒဥအဃိဒီးထံကီႈဒီဘ့ဥ တႈတီတႈလိၚသ့ဥတဖဥတအိဥဝဲဘဥအဃိယ လ႕ ကီႈအ့ရွဥအပူၚ အကမႈအိဥထီဥဝဲဒီး မ့ႈအူအဆဥ သိ(fuel)သ့ဥတဖဥ တအိဥဝဲဘဥဒီး တႈအီဥတႈအီ ဒီး ကသံဥဖီဥသ့ဥတဖဥ စွၚလီၚဝဲအဃိဘဥဒိဝဲဒဥ ပွၚကမ်႕ႈအါမးဒီး အတႈလိာ္ဘဥအိဥထီဥဝဲဒဥအါမးန႔ဥလီၚ.

သီခါကရ႕ခိဥ Valence Mendis လ႕အအိဥဝဲလ႕ Kandyစံးဝဲဒဥဆူ ACN တႈကစီဥန႔ဥစံးဝဲဒဥ  တႈအိဥဖွိဥ န႔ဥအခဲအံၚခီဥဘဥဝဲဒဥ က်ိဥစ့တႈလီႈတူႈလီႈကဥန႔ဥဒီး ပွၚသ့ဥတဖဥလ႕ ဘဥတႈကီတႈခဲသ့ဥတဖဥလ႕ အဟဲဃ့တႈမၚစ႕ၚဆူတႈအိဥဖွိဥအပူၚသ့ဥတဖဥ အဂီႈ အဝဲသ့ဥကဟ့ဥနီၚလီၚဝဲတအိဥဘဥန႔ဥလီၚ.

သီခါကရ႕ခိဥ Valence စံးကဒီးဝဲ တႈကီတႈခဲတခါအံၚ မၚဘဥဒိဃုာ္ဝဲဒဥဒီး သီခါသ့ဥတဖဥဒီး ပွၚမၚတႈအိဥဖွိဥတႈမၚသ့ဥတဖဥစ့ႈကီးန႔ဥလီၚ.

သီခါကရ႕ခိဥစံးကဒီးဝဲ ပွၚလ႕ အကထိသ့ဥတဖဥ ရဲဥလီၚသး လ႕ ကပ့ွၚဝဲ မ့ႈအူဆဥ သိယ Gas, Milk Powder , အံသးဆ႕ယ ဘု ဒီးကသံဥဖီး သ့ဥတဖဥန႔ဥလီၚ ဒီးပွၚအါဂၚ အတႈဖံးတႈမၚတအိဥဝဲဘဥ ဒီး တႈဖိတႈလံၚအပ့ွၚသ့ဥတဖဥ ဟဲအါထီဥန႔ဥလီၚ.

သံဥရံးလဲၚကဥ တႈအီဥတႈအီ အပ့ွၚသ့ဥတဖဥ ဟဲအါထီဥဝဲ ၈၀ ပဥစဲ အါန႔ဥ အပူၚကြံႈတနံဥန႔ဥဒီး ဖဲအပူၚကြံႈ တလါညါန႔ဥ တႈဖိတႈလံၚ အပ့ွၚသ့တဖဥ ဟဲအါထီဥဝဲ ၄၅ ပာ္စဲန႔ဥလီၚ. ခါဆူညါဒ္သိးဒီး လီႈခ႕ဥသး ဘၚ (Bank)အတႈစံးဝဲအသိး တႈပ့ွၚတႈအလ႕ဏသ့ဥတဖဥ ကဟဲအါထီဥဝဲဒ္ ၇၀ ပာ္စဲန႔ဥလီၚ.

ဖဲမုႈအိဥဘွံးန႔ဥပါပါျဖဥစ့ဥ မၚဝဲ အဥကေးလူ တႈထုကဖဥအခါ အဝဲပာ္ဖွိဥအသးဒီး ကီႈသံဥရံးလဲၚကၚ တႈဘူဥတႈဘါအခိဥအနႈသ့ဥတဖဥ လ႕ကစံးတဲၚတဲလိာ္သကိးအသးလ႕ ဘဥဃးဒီး ပွၚခဲလ႕ဏကဟဲဂ့ၚထီဥက့ၚဝဲဒီး ပာ္ထီဥအသးဒီး ကီႈသံဥရံးလဲၚကဥ တဖ်႕ႈဃီန႔ဥလီၚ.

Church-in-Need announces 465,000 Euros aid to the Sri Lankan Church, RVA News | July 21, 2022