၀့ႈပသံဥသီခါကရ႕ခိဥ တီခိဥရိဏမဲ၀ဲ တႈဟ့ဥနီၚလီၚ တႈအီဥ ဆူပွၚဖွီဥဖိသ့ဥတဖဥအအိဥ

တႈအိဥဖွိဥကရ႕ ၀့ႈပသံဥသီခါကရ႕ခိဥ တီခိဥရိဏမဲ၀ဲ တႈဟ့ဥနီၚလီၚ တႈအီဥ ဆူပွၚဖွီဥဖိသ့ဥတဖဥအအိဥ

၀့ႈပသံဥသီခါကရ႕ခိဥ Bishop John Hsane Hgyi တီခိဥရိဏမဲတႈ ဖဲတႈဟ့ဥနီၚလီၚ ဟုးသးအထ႕ဥ ဒီးသိ ဆူပွၚဖွီဥဖိဎဏဖိသ့ဥတဖဥအအိဥ ဒ္အမ့ႈပွၚလ႕ အတူဥဘဥတႈလ႕တႈဘဥဒိဆါ၀ဲအပူၚ မ့ႈလ႕  Coronavirus တႈဆါ အတႈမၚနးမၚဖွီဥတႈအဃိနဥ့လီၚ’ သီခါကရ႕ခိဥဒိးနဥ့ဘဥ၀ဲ တႈမၚဘူဥသ့ဥတဖဥ ခီဖ်ိအတႈစံဏတဲၚတဲလီၚတႈ လ႕လီတႈကစီဥ (Online) အဖီခိဥ ဒီးအတႈကြႈထံဆိကမိဥတႈလ႕ လံဏတႈသးခုကစီဥအဖီခိဥအဃိနဥ့လီၚ’

လ႕အတႈစံဏတဲၚတဲလီၚတႈသ့ဥတဖဥအက်ါ တဘ်ီ သီခါကရ႕ခိဥပဏဖ်ါထီဥ၀ဲ တႈဂ့ႈလ႕အမ့ႈ၀ဲ အတႈလဲၚအိဥသကိးဒူဥဖိထ႕ဖိတဒူဥ ဖဲဟါလီၚခီအကတီႈ ဒီးသံကြႈ၀ဲလ႕ အ၀ဲသ့ဥအီဥ၀ဲဟါအတႈအီဥ ဒ္လဲဥအဂ့ႈနဥ့လီၚ’

အ၀ဲသ့ဥတအိဥ၀ဲဒီးတႈနီတမံၚ လ႕အဖီအီဥတႈအဂီႈအဂ့ႈ ဒိးနဥ့ဘဥ၀ဲတႈစံးဆ႕နဥ့လီၚ’ ဖဲနဥ့သီခါကရ႕ခိဥဟ့ဥလီၚ၀ဲ ဒူဥဖိထ႕ဖိသ့ဥတဖဥအံၚ စ့ဎဲႈကထိဘး (လ႕အထဲသိးလိဏအသးဒီး USD 5) လ႕ဟါအတႈအီဥအဂီႈနဥ့လီၚ’

ပွၚကီႈပဎီၚဖိအိဥလ႕ကီႈ Malaysia နဥဟူ၀ဲတႈဂ့ႈအံၚ ဒီးဆွ႕လီၚ၀ဲစ့မၚဘူဥ USD 1,000 နဥ့လီၚ’ ဖဲသီခါကရ႕ခိဥစးထီဥဟ့ဥနီၚလီၚ၀ဲ တႈအီဥဒီးတႈမၚစ႕ၚအတႈဖိတႈလံၚအဂုႈအဂၚသ့ဥတဖဥ အကတီႈ ပွၚဆွ႕လီၚအါထီဥကဒီး တႈမၚဘူဥသ့ဥတဖဥနဥ့လီၚ’

Nati Khan Khan လ႕အမ့ႈပွၚမၚစ႕ၚကလီတႈ လ႕အလဲၚဟး၀့ၚ၀ီၚပိဏထြဲဃုဏသီခါကရ႕ခိဥတဂၚ စံး၀ဲလ႕ အစံးဘ်ဳးစံးဖွိဥတႈ မ့ႈလ႕အဒိးနဥ့ဘဥ၀ဲတႈခြဲးတႈဎဏ ဒ္သိးအကမၚဃုဏတႈလ႕ တႈဟ့ဥနီၚလီၚတႈဖိတႈလံၚသ့ဥတဖဥ ဒီးနႈဟူဘဥ၀ဲစ့ႈကီး တႈထုကဖဥဒီးတႈကတိၚစံးဘ်ဳးစံးဖွိဥတႈလ႕ ပွၚနဥ့ဘဥတႈမၚစ႕ၚသ့ဥတဖဥအအိဥ အဃိနဥ့လီၚ’

သီခါသ့ဥတဖဥဒ္အမ့ႈ Father Felix Soe Win (၀့ႈပသံဥလီႈက၀ီၚအသီခါ)ယ ဒီး Fr. Peter Saw Ngwe လ႕အမ့ႈသီခါကရ႕ခိဥအပွၚကြဲးနီႈတႈ ကဲခိဥကဲနဥတႈ ဘဥဃးဒီးတႈဟ့ဥနီၚလီၚ တႈမၚစ႕ၚအတႈဖိတႈလံၚသ့ဥတဖဥ ဆူပွၚဖွီဥဖိဎဏဖိသ့ဥတဖဥအအိဥ စ့ႈကီးနဥ့လီၚ’

အစွၚကတ႕ႈ ပွၚသ၀ီဖိပွၚဖွီဥဖိဎဏဖိအဂၚ ၁ယ၄၄၆ လ႕၀့ႈ Myaungmya, Latbuta ဒီးလ႕၀့ႈပသံဥတႈပ႕အပူၚသ့ဥတဖဥ ဒိးနဥ့ဘဥ၀ဲတႈမၚစ႕ၚနဥ့လီၚ’

Source; RVA News November 20 2020