ဟီဥခိဥညဥထ့ဥအမုႈနံၚ ဒံဥစ့ဘ႕ဥ ၅ သီ

ဟီဥခိဥညဥထ့ဥအမုႈနံၚ

ဒံဥစ့ဘ႕ဥ ၅ သီ

လါဒံဥစ့ဘ႕ဥ ၅ သီ ဘဥတႈဃုထ႕ထီဥအီၚဒ္ ဟီဥခိဥညဥထ့ဥအမုႈနံၚ မ့ႈလ႕မုႈနံၚအံၚအတႈဂ့ႈမိႈပွႈ ဘဥထြဲလိဏအသးဒီး ကီႈကေီႈတဲႈအစီၚပၚ H.M King Bhmibol Adulyadej အိဥဖ်ဲဥထီဥအမုႈနံၚယ မ့ႈလ႕စီၚပၚအံၚ မ့ႈပွၚတဂၚလ႕အတိစ႕ၚမၚစ႕ၚတႈလ႕ တႈကူဥတႈဆးလ႕ပွၚကစးထီဥမၚတႈ ဘဥဃးဒီး ဟီဥခိဥညဥထ့ဥအမုႈနံၚအဂီႈနဥ့လီၚ’

ဟီဥခိဥညဥထ့ဥအမုႈနံၚအံၚ ဘဥတႈအိဥသ့ဥနီဥထီဥမၚလၚကပီၚအီၚ ဒ္သိးပွၚကဒီသူဥပဏသး သ့ဥညါနႈပ႕ႈသကိး၀ဲလ႕ ဟီဥခိဥညဥထ့ဥအကါဒိဥ၀ဲအဂ့ႈယ ဒီးဒ္သိးပွၚကတိစ႕ၚမၚစ႕ၚတႈကြႈထြဲကဟုကဎဏ တႈစုလီႈခီဥခိဥလ႕ ပွၚကဒိးနဥ့ဘဥ ဟီဥခိဥညဥထ့ဥအဂီႈနဥ့လီၚ’ ၂၀၂၀ ဟီဥခိဥညဥထ့ဥအမုႈနံၚ အတႈဂ့ႈမိႈပွႈမ့ႈ၀ဲ ပဏမူပဏဂဲၚဟီဥခိဥညဥထ့ဥ ဒီးကြႈထြဲသကိးတႈမူတႈမဲအကလုဏကလုဏ (Keep soil alive, Protect soil biodiversity) နဥ့လီၚ’

တႈအိဥသ့ဥနီဥထီဥမုႈနံၚအံၚ အတႈပညိဏမ့ႈ၀ဲ ဒ္သိးပွၚကဒီသူဥပဏသး ဟီဥခိဥညဥထ့ဥမ့ႈတႈလ႕အလုႈအပွၚ့ဒိဥ၀ဲ ဒီးဒ္သိးပွၚကကြႈထြဲပ႕ဆွ႕ကဟုကဎဏ တႈမူတ၀႕ ဒီးတႈနႈ့ဘ်ဳးနႈ့ဖွိဥလ႕ ပွၚခဲလ႕ဏသ့ဥတဖဥအဂီႈ ခီဖ်ိတႈပဏဖ်ါထီဥတႈခီဥတႈရီဏတႈလ႕ ပွၚဘဥကြႈဆ႕ဥမဲဏအီၚ ဘဥဃးဒီးတႈပ႕ဆွ႕ရဲဥက်ဲၚဟီဥခိဥညဥထ့ဥယ တႈဂဲၚပ်ဳႈက်ဲးစ႕ၚႀတီဆ႕ တႈမူတႈမဲအကလုႈကလုႈသ့ဥတဖဥအတႈလီၚမဥကြံဏ၀ဲယ တႈမၚဆူဥထီဥတႈဒီသူဥပဏသး ဘဥဃးဒီးဟီဥခိဥညဥထ့ဥယ တႈဟ့ဥဂံႈဟ့ဥဘါထံကီႈပဒိဥသ့ဥတဖဥယ ကရ႕ကရိသ့ဥတဖဥယ ပွၚတဂၚဘဥတဂၚသ့ဥတဖဥ လ႕ဟီဥခိဥခ်႕ ဒ္သိးအကအ႕ဥလီၚသကိးအသး ဘဥဃးဒီးတႈမၚဆူဥထီဥ ဟီဥခိဥညဥထ့ဥအတႈအိဥဆူဥအိဥခ့်အဂီႈနဥ့လီၚ’

တႈကြႈထြဲပ႕ဆွ႕ဟီဥခိဥညဥထ့ဥႀက႕းႀက႕းဘဥဘဥ ကကဲထီဥ၀ဲတႈနႈ့ဘ်ဳးနႈ့ဖွိဥ လ႕ပွၚထူစံဥမၚခုဥ ပွၚသူဥအီဥဖ်းအီဥတႈသ့ဥတဖဥအဂီႈ မ့ႈလ႕ပွၚသ့ဥတဖဥအံၚလိဏဘဥ၀ဲ ဟီဥခိဥညဥထ့ဥလ႕အအိဥဆူဥအိဥခ့် အိဥ၀ဲဒီးတႈအထုးအစီလ႕လ႕ပွဲၚပွဲၚ သ့ဥတဖဥနဥ့လီၚ’

ဘဥဃးဒီးတႈသူဥအီဥဖ်းအီဥတႈအတႈအိဥအသးအပူၚ ဟီဥခိဥညဥထ့ဥ မ့ႈတႈလ႕အလီႈအိဥ၀ဲသပွႈကတ႕ႈလ႕ တႈထုးထီဥတႈသူဥအီဥဖ်းအီဥအတႈဖိတႈလံၚ ဒီးတႈကြႈထြဲတႈစုလီႈခီဥခိဥလ႕ တႈအခိဥအဃ႕ၚအပူၚနဥ့လီၚ’ ဟီဥခိဥညဥထ့ဥလ႕အအိဥလ႕ပွဲၚဒီးအထုးအစီ ဆီဥထြဲမၚစ႕ၚတႈလ႕ တႈထူဥတႈဘိကဒိဥထီဥထီထီဥ၀ဲအဂီႈယ ဒီးတႈက်ဲၚဘဥက့ၚထံ ဒီးကလံၚသီဥဂီၚအတႈအိဥအသးသ့ဥတဖဥနဥ့လီၚ’

ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ ႀတီဃဥ၀ဲပတႈအိဥအသး ဒ္သိးပကဒိဥထီဥထီထီဥ၀ဲလ႕ တႈအီဥတႈအီလ႕အနႈ့ဂံႈနႈ့ဘါ၀ဲသ့ဥတဖဥအပူၚနဥ့လီၚ’ ဟီဥခိဥညဥထ့ဥအတႈဟးဂီၚကြံဏ၀ဲ ပွၚစွၚလီၚ၀ဲတႈထုးထီဥတႈခ်ံတႈသဥနဥ့လီၚ’ တႈထူဥတႈဘိလ႕အဟဲမဲထီဥ၀ဲသ့ဥတဖဥဒဥလဲဥ တအိဥ၀ဲဒီးတႈအကံႈအစီ ဒ္သိးအကဘဥအိဥ၀ဲဘဥဒီး တႈဖိတႈလံၚလ႕ပွၚထုးထီဥအီၚ တအိဥ၀ဲဒီးတႈအကံႈအစီလ႕လ႕ပွဲၚပွဲၚသ့ဥတဖဥ ကဲထီဥ၀ဲတႈတနဥ့ဘ်ဳးနဥ့ဖွိဥ တမ့ႈထဲလ႕ ပွၚထူစံဥမၚခုးဖိသ့ဥတဖဥအဂီႈဘဥဒီး ကဲထီဥ၀ဲတႈဂ့ႈကီလ႕ ပွၚလ႕အပွၚ့အီဥတႈဖိတႈလံၚသ့ဥတဖဥအံၚ အဃိနဥ့လီၚ’

ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ ဒုးအိဥထီဥ၀ဲတႈမူတ၀႕ အတႈဟးဂီၚနးထီဥဒီးနးထီဥ၀ဲနဥ့လီၚ’ မ့ႈ၀ဲတႈမၚဟးဂီၚ မၚလီၚမဥကြံဏ ဟီဥခိဥညဥထ့ဥလ႕အအိဥ၀ဲလ႕ ဟီဥခိဥညဥအဖီခိဥသ့ဥတဖဥနဥ့လီၚ’

ဟီဥခိဥညဥထ့ဥအတႈဟးဂီၚ၀ဲ ကဲထီဥတႈဘဥဒိဘဥထံးလ႕ ပွၚကမၚနႈ့ထံလ႕လ႕ပွဲၚပွဲၚအဂီႈနဥ့လီၚ’ ဟီဥခိဥညဥထ့ဥ ဖီဥဃဥ၀ဲယ ဒ႕ဃဥ၀ဲယ မၚကဆွဲကဆွီထီဥ၀ဲထံအဃိ ဖဲအဟးဂီၚကြံဏ၀ဲအခါ ထံအတႈလဲၚခီဖ်ိဟီဥခိဥညဥထ့ဥစွၚလီၚကြံဏ၀ဲနဥ့လီၚ’ ဟီဥခိဥညဥထ့ဥမ့ႈတအိဥ ထံအီအကံႈအစီကစွလီၚကြံဏ၀ဲယ မ့ႈလ႕ထံ တဘဥတႈမၚကဆွဲကဆွီအီၚလ႕ ဟီဥခိဥညဥထ့ဥအဃိလ႕ၚဘဥနဥ့လီၚ’ မ့ႈလ႕ဟီဥခိဥညဥထ့ဥတအိဥလ႕အိဥပွဲၚ၀ဲအဃိ မူခိဥစူၚတလ႕ကြံဏအခ႕းယ ထံလုႈဘ႕တႈတလ႕ကြံဏအခ႕း ကဲထီဥသ့၀ဲခဲအံၚခဲအံၚနဥ့လီၚ’

ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ ဒုးအိဥထီဥ၀ဲ သနိဂံႈထံးဒီးတႈဖံးတႈမၚတဖဥလ႕ထံကီႈအဂီႈ အတႈဟးဂီၚ၀ဲ နဥ့လီၚ’ ဖဲ ဟီဥခိဥညဥထ့ဥ တဘဥတႈဖီဥဂ႕ႈဃဥအီၚလ႕ တႈထူဥတႈဘိအဂံႈသ့ဥတဖဥအခါ ကဘဥတႈမၚလီၚမဥကြံဏအီၚလ႕ကလံၚဒီးထံသ့ဥတဖဥနဥ့လီၚ’ လ႕တႈအံၚအဃိ ထံလုႈဘ႕တႈယ ဟီဥခိဥလီၚပွီဥ၀ဲ ဒီးကလံၚမုႈသီဥဂီၚမုႈသ့ဥတဖဥ ကမ့ႈ၀ဲတႈပိဏထြဲလ႕အမၚဘဥဒိတႈဆူဥ၀ဲသ့ဥတဖဥနဥ့လီၚ’

ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ ဆီဥထြဲ၀ဲတႈဖွီဥတႈဎဏ ဒီးကဲထီဥတႈဂ့ႈလ႕ ပွၚကဘဥသုးလီႈသုးက်ဲအဂီႈနဥ့လီၚ’ ပွၚအကကြဲႈဒီးအကကြဲႈသ့ဥတဖဥ ဘဥပဏတ့ႈကြံဏအထံလီႈကီႈပူၚ ဘဥသုးလီႈသုးက်ဲ မ့ႈလ႕မူခိဥကလံၚသီဥဂီၚအတႈလဲလိဏကြံဏအသးအဃိနဥ့လီၚ’ ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ မၚဆူဥထီဥ၀ဲမူခိဥကလံၚသီဥဂီၚ အတႈလဲလိဏကြံဏအသးစ့ႈကီးနဥ့လီၚ’ ဒီးပွၚကညီအတႈအိဥမူအိဥဂဲၚ တဘီဥတညီလ႕ၚ၀ဲယ ပွၚဘဥသုးလီႈသုးက်ဲ မ့ႈ၀ဲတႈပိဏထြဲလ႕ အကဲထီဥတႈဘဥဒိလ႕ ပွၚကညီသ့ဥတဖဥအတႈအိဥမူအိဥဂဲၚအဂီႈနဥ့လီၚ’

မူဒါအိဥ၀ဲလ႕ပွၚကိးဂၚဒဲးအဖီခိဥ ဒ္သိးအကကြႈထြဲကဟုကဎဏဟီဥခိဥညဥထ့ဥနဥ့လီၚ’ ပွၚထူစံဥမၚခုးဖိသ့ဥတဖဥယ ပွၚစဲအ့ဥဖိသ့ဥတဖဥယ ပွၚလ႕အဒုးအိဥထီဥတႈသိဥတႈသီသ့ဥတဖဥ သ့ပဏလီၚ၀ဲတႈသိဥတႈဘ်႕ ဒီးတႈရဲဥလီၚက်ဲၚလီၚသ့ဥတဖဥ ဒ္သိးပကႀတီဆ႕ ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ အဂီႈနဥ့လီၚ’ တႈဆိဥကတီႈကြံဏ ဟီဥခိဥညဥထ့ဥအတႈဟးဂီၚကြံဏ၀ဲသ့ဥတဖဥ မ့ႈတႈဂ့ႈလ႕ ပွၚကဘဥမၚအီၚ လ႕အခ့်နဥ့လီၚ’

World Soil Day (December 5)

RVA News  December 5, 2020