သီခါကရ႕ႈခိဥ စံး၀ဲလ႕ မ္ပွၚသုတမၚ ခရံဏအိဥဖ်ဲဥအမူးအပြဲ ဒီးတႈကဎ႕ကဎဲဘဥအဂ့ႈ

သီခါကရ႕ခိဥဖးဒိဥစံဏတဲၚတဲလီၚ၀ဲဆူ ပွၚဘါဎြၚဖိသ့ဥအအိဥဒ္သိးဒီးအတဘဥမၚ၀ဲဘဥ တႈမူးတႈပြဲဘဥဒီး တဘဥမၚ၀ဲဒဥတႈကဎ႕ကဎဲသ့ဥတဖဥဖဲခရံာ္အိဥဖ်ဲဥအဆ႕ကတီႈန႔ဥလီၚ.

ပွၚကဲးသလဲးဖိသ့ဥတဖဥဘဥတႈ မ႕အီၚလ႕အဘဥပာ္ဖ်ါထီဥ၀ဲအသးတဖ်႕ဥဃီဒီး ပွၚကီႈပဎီႈဖိသ့ဥတဖဥလ႕ အဘဥတုႈတႈနးတႈဖွီဥသ့ဥန႔ဥလီၚ. ပွၚကီႈပဎီႈဖိသ့ဥတဖဥ ဘဥထံဥကြႈဆ႕မဲာ္၀ဲဒီးတႈသူဥတမုဏ သးတမုဏ ဘဥစးထီဥလ႕ သုးမီၚစိရိၚဟံန႔ဥ၀ဲဒဥထံကီႈတႈစိတႈကမီၚဖဲ ၁သီလါဖ့ၚဖီၚ၀ၚရံၚ ၂၀၂၁ န႔ဥလီၚ. ထံကီႈ ပွၚကမ်႕ႈသ့ဥတဖဥအတႈအိဥမူလ႕အဘဥဃးဒီးက်ိဥစ့သ့ဥတဖဥဘဥထံဥကြႈဆ႕မဲာ္၀ဲဒီးတႈကီတႈခဲခီဖ်ိလ႕ ပွၚထီဒါထီဥ သုးမီၚစိရိၚယ တႈဒုးတႈဎဏလ႕ကီႈဆ႕ ဖဲတႈသံသၾတိာ္တႈဆါအဆ႕ကတီႈအခါန႔ဥလီၚ.

သီခါကရ႕ခိဥ Archbishop Marco Tin Win လ႕အအိဥလ႕ Mandalay သီခါကရ႕ခိဥအတႈပ႕ ဃ့တႈ သးကညီလ႕ ပွၚတဘဥမၚ၀ဲဘဥ တႈမူးတႈပြဲဒီးတဘဥကဎ႕တႈလ႕ ခရံာ္အိဥဖ်ဲဥ အဆ႕ကတီႈ အံၚဒ္သိး တႈသိတႈသီလ႕ Covid 19 အတႈနဲဥလီၚန႔ဥလီၚ. သီခါကရ႕ခိဥ ဟ့ဥသဆဥထီဥ၀ဲဒဥဆူပွၚကဲးသလဲး သ့ဥတဖဥ ကဃ့ထုကဖဥ တႈလ႕ တႈအဲဥတႈကြံဒီးပွၚလ႕ အတႈလိာ္ဘဥသ့ဥတဖဥန႔ဥလီၚ.

တႈဆ႕ကတီႈအခဲအံၚပွၚကီႈပဎီႈဖိသ့ဥတဖဥ ထံဥဒီးဘဥကြႈဆ႕မဲာ္၀ဲလ႕ သုးမီၚစိရိၚဟံန႔ႈ၀ဲတႈစိတႈကမီၚ န႔ဥလီၚ. ပွၚအါဂၚအတႈဖံးတႈမၚတအိဥ၀ဲဘဥယ ပွၚကမ်႕ႈသ့ဥတဖဥ ပာ္ဃုဏအသးဆူ တႈဒိကနာ္ဆူတႈဖံး တႈမၚလ႕ပဒိဥအဂီႈတအိဥဘဥ Civil Disobedience Movement (CDM)  ဒ္သိးဒီးပာ္ဖ်ါထီဥ အတႈ ထီဒါဆူ ပွၚပ႕တႈအခဲအံၚသ့ဥတဖဥန႔ဥလီၚ. တႈအပွ႔ၚအကလံၚသ့ဥတဖဥလ႕ ပွၚကညီအတႈလိာ္ဘဥ သ့ဥတ ဖဥယ တႈအီဥတႈအီသ့ဥတဖဥဒီး မ့ႈအူအဆဥသ့ဥတဖဥ အပွ႔ၚဟဲအိဥထီဥ၀ဲဒဥ ခံဆး န႔ဥလီၚ.

လံာ္ပရ႕လ႕အပာ္ဖ်ါထီဥ၀ဲအံၚမ့ႈလ႕  ပွၚကဲးသလဲးကမ်႕ႈဖိယ သီခါသ့ဥတဖဥယ ပွၚလ႕အိဥလ႕သီခါဟီဥက၀ီၚပူၚ အတႈကရ႕ကရိသ့ဥတဖဥ ဒီး ဖံ၀ါသ့ဥတဖဥလ႕လ႕အိဥလ႕ မါဒလ့ သီခါကရ႕ခိဥ အတႈပ႕ အပူၚဖဲ ၂၆ သီလါ နိၚ၀ဲၚဘ႕ၚန႔ဥလီၚ. ဒီးသီခါကရ႕ခိဥစံးကဒီး၀ဲ ခရံာ္အိဥဖ်ဲဥတႈလုႈမံၚဆါ သ့ဥတဖဥကဘဥမၚအီၚဒ္သိးဒီး Covid 19 တႈသိဥတႈသီပာ္လီၚ၀ဲအသိးန႔ဥလီၚ.

သီခါကရ႕ခိဥ စံးကဒီး၀ဲ ပတဘဥဒိကနာ္ခရံာ္အိဥဖ်ဲဥတႈသး၀ံဥလ႕ Loud speakers ဘဥဒီး ပတဘဥဟး သး၀ံဥတႈဘဥန႔ဥလီၚ. ဒီးပွၚကဲးသလဲးဖိသ့ဥတဖဥ တဘဥမၚ၀ဲခရံာ္အိဥဖ်ဲဥတႈမူးတႈပြဲသ့ဥတဖဥဒီး တဘဥ အီဥအီလ႕ခရံာ္အိဥဖ်ဲဥအဃိဘဥန႔ဥလီၚ.

ပွတနီၚနီၚကအိဥမူအိဥဂဲၚအဂီႈတႈအီဥတႈအီတအိဥ၀ဲဘဥလ႕အလ႕အပွဲၚဘဥန႔ဥလီၚ. သုးမီၚစိရိၚသ့ဥတဖဥ ဒြဲဥကဲၚထီဥမ့ဥအူလ႕ Sagay Division, Chin ဒီး Kaya state န႔ဥလီၚ. ဒီး ဖဲ၀့ႈ Thantalan အပူၚ ဟံဥအဖ်႕ဥ ၃၄၆ ဒီးတႈဘါဎြၚသရိာ္ ၂၂ ဖ်႕ဥဘဥတႈဒြဲဥအီၚစ့ႈကီႈလ႕မ့ဥအူန႔ဥဒီးဖဲန႔ဥအက်ါပာ္ဃုဥ၀ဲဒီး ပွၚကဲးသလဲးဖိအတႈဘါဎြၚသရိာ္န႔ဥလီၚ.

သီခါသ့ဥတဖဥဒီးဖံ၀ါသ့ဥတဖဥစ့ႈကီး ဘဥတႈမ႕အ၀ဲသ့ဥလ႕ တဘဥကဎ႕ထီဥတႈလ႕ ခရံာ္အိဥဖ်ဲဥ အဆ႕ ကတီႈအံၚလ႕အ၀ဲသ့ဥအကေိဒီး အကေိကရ႕ႈသ့ဥတဖဥန႔ဥလီၚ.

သ၀ီအါဖ်႕ဥအပူၚ ပွၚဖိသဥယ ပွၚသးပွႈဒီးပွၚပိဏမုဥလ႕အအိဥဒီး အဟုးသးသ့ဥတဖဥဘဥဃ့ႈ၀ဲလ႕ အပ်ံၚ ပွၚသုးဖိသ့ဥတဖဥန႔ဥလီၚ. သုးမီၚစိရိၚသ့ဥတဖဥ ခးတႈအိဥ၀ဲဒဥတႈလီႈကိး တီၚဒဲးဒီးတုၚလ႕အတ့ႈလီၚ မ့ဥပိႈ လ႕၀့ႈပူၚသ့ဥတဖဥန႔ဥလီၚ. ပွၚကမ်႕ႈသ့ဥတဖဥဘဥအိဥ၀ဲလ႕တႈတဒ႕အပူၚလ႕ ပွၚဘဥကီဘဥခဲ အတႈလီႈ လ႕ထံကီႈအပူၚန႔ဥလီၚ. ပွၚသးစႈသ့ဥတဖဥလဲၚပာ္ဃုးအသးဒီးပွၚဖီဥစုက၀ဲသ့ဥတဖဥလ႕ အမ့ႈ၀ဲ People Defense Forc (PDF) သ့ဥန႔ဥလီၚ

သီခါကရ႕ခိဥစံးကဒီး၀ဲ တဘဥပာ္ဖ်ါထီဥ ဟံဥဖိဃီဖိသ့ဥတဖဥ အတႈဂီၚလ႕ Social Media အပူၚလ႕ အဘဥဃးဒီးခရံာ္အိဥဖ်ဲဥ အဆ႕ကတီႈအခါအံၚန႔ဥလ႕အါအါဘဥန႔ဥလီၚ.

သီခါကရ႕ခိဥ Archbishop Marco Tin Win ဟ့ဥသဆဥထီဥပွၚကဲးသလဲးဖိသ့ဥတဖဥလ႕ ကဒိးန႔ဥ၀ဲ တႈပ်ႈတႈကမဥ တႈပနီႈစီဆွံယ ကလဲၚဒိကနာ္တႈလုႈမံၚဆါစီဆွံယ ကဃ့ထုကဖဥတႈအါအါ ဒီး ကဃ့ထုကဖဥ ဂံႈဖဲစီဆံွသ့ဥတဖဥန႔ဥလီၚ. ဒီးအ၀ဲဃ့တႈသးကညီလ႕ကမၚစ႕ၚ၀ဲပွၚဖွီဥဖိဎာ္ဖိဒီးပွၚလ႕အလိာ္ဘဥတႈသ့ဥတဖဥန႔ဥလီၚ.

ပွၚခရံာ္ဖိတႈဘါဎြၚသရိာ္သ့ဥတဖဥလ႕ Kayah ဒီး Chin state သ့ဥတဖဥဘဥတႈဒြဲဥထီဥအီၚလ႕မ့ဥအူဒီး ဘဥတႈမၚဟးဂီၚ၀ဲလ႕ မ့ဥပိႈသ့ဥတဖဥပိႈထီဥ၀ဲအဃိန႔ဥလီၚ.

ဖဲ၂၇ သီ လါ နိၚ၀့ဘ႕ဥန႔ဥ Assistance Association for political Prisoners (AAPP) ပာ္ဖ်ါထီဥ၀ဲ ပွၚကညီ ၁၂၉၅ ဂၚသ့ဥတဖဥဘဥတႈမၚသံအီၚလ႕ သုးမီၚစိရိၚန႔ဥလီၚ. မ့ႈလ႕အနီႈကီႈတခီ န႔ဥပွၚဘဥ တႈမၚသံအီၚကအါန႔ဥဒ္အ၀ဲသ့ဥအတႈပာ္ဖ်ါထီဥန႔ဥလီၚ. ပွၚအဂၚ ၇၅၉၅ ဂၚတဖဥ ဘဥတႈ ဖီဥဃဥ အီၚအိဥ၀ဲဒဥန႔ဥလီၚ. ပွၚအဂၚ ၃၄၁ဂၚန႔ဥဘဥတႈဆွ႕အီၚဆူ ထီဥပူၚ၀ံၚလံန႔ဥလီၚ. ဒီးလ႕အ၀ဲသ့ဥအက်ါ ပွၚ ၃၄ ဂၚဘဥတႈ ဆွ႕အီၚဆူတႈဘဥမၚသံအီၚန႔ဥလီၚ. ဖဲတႈအက်ါန႔ဥပာ္ထြဲ၀ဲဒီး ပွၚ ဖိသဥ ခံဂၚန႔ဥလီၚ.

Archbishop advices faithful to avoid Christmas parties, decorations, RVA News, 30 Nov 2021