ဖံ၀ါလ႕ကီႈ France ကဲထီဥပွၚအသးပွႈကတ႕ႈ လ႕ဟီဥခိဥဒီဘ့ဥ

ဖံ၀ါလ႕ကီႈ France ကဲထီဥပွၚအသးပွႈကတ႕ႈ လ႕ဟီဥခိဥဒီဘ့ဥ

ဖဲ ၂၀၂၂ လါအ့ျဖ့ဥ ၂၅ သီအမုႈနံၚယ တႈကြဲးနီဥကြဲးဃါတမံၚလ႕အမ့ႈ၀ဲ Guinness World Record စံး၀ဲလ႕ ဖံ၀ါ Sister Andre မ့ႈ၀ဲပွၚအသးပွႈကတ႕ႈ လ႕အအိဥမူဒ္၀ဲအဖ႕မုႈ လ႕ဟီဥခိဥဒီဘ့ဥနဥ့လီၚ’

ဖံ၀ါ Sr Andre Lucile Randon အိဥဖ်ဲဥထီဥ၀ဲလ႕ ကလံၚထံးကီႈ France တႈလီႈလ႕အမံၚမ့ႈ၀ဲ Ales အပူၚယ ဖဲ ၁၉၀၄ လါဖ့ႀဘဴၚအါရံၚ ၁၁ သီယ တခ်ဳးလ႕တႈဒုးဖးဒိဥတ႕တဘ်ီအိဥထီဥဒ္၀ဲ အနံဥ ၁၀ အကတီႈနဥ့လီၚ’

အိဥဖ်ဲဥထီဥ၀ဲလ႕ Protestant ဒူဥဖိထ႕ဖိတခါအပူၚ ဒီးအဖုမ့ႈ၀ဲ Pastor နဥ့လီၚ’ ဖဲအသးအိဥ၀ဲ ၁၉ နံဥအကတီႈ တူႈလိဏ၀ဲ ကဲးသလံးတႈအိဥဖွိဥကရ႕အတႈစူႈတႈနဏ နဥ့လီၚ’ ႏုဏလီၚ၀ဲဆူ ဖံ၀ါအကရ႕လ႕အမံၚမ့ႈ၀ဲ Congregation of Daughter of Charity ဒီးကရ႕အံၚ ဘဥတႈသ့ဥညါအီၚဒ္အမ့ႈ၀ဲ Sisters of Charity of Saint Vincent De Paul နဥ့လီၚ’ ဒိးနႈ့၀ဲအမံၚဒ္အမ့ႈ Sister Andre ဒီးမ့ႈ၀ဲအဒီပုႈ၀ဲႈပိဏခြါလ႕အသံတ့ႈလံ၀ဲတဂၚ အမံၚနဥ့လီၚ’

မၚတ့ႈတႈဖဲ တႈကြႈထြဲဖိဥဃဲ ဒီးပွၚသးပွႈသ့ဥတဖဥ ဖဲလ႕တႈဆါဟံဥတဖ်႕ဥအပူၚ ဒီးဎံဥ၀ဲ ၂၈ နံဥ၀ံၚအလီႈခံ သုးကဒီးအလီႈဆူ တႈဆါဟံဥအဂၚတဖ်႕ဥ လ႕တႈကြႈထြဲမၚစ႕ၚ ပွၚဆူးပွၚဆါသ့ဥတဖဥအဂီႈနဥ့လီၚ’

ဖံ၀ါအံၚ အိဥဘွံး၀ဲလ႕တႈမၚလီႈ ဖဲ ၁၉၇၉ ဖဲအသးအိဥ၀ဲ ၇၅ နံဥအကတီႈနဥ့လီၚ’

ဖံ၀ါအံၚစံး၀ဲလ႕ ပွၚအါဒံအါဂၚသ့ဥတဖဥစံး၀ဲလ႕ တႈဖံးတႈမၚ မၚသံကြံဏပွၚဘဥဆဥ လ႕ဎဂီႈ တႈဖံးတႈမၚ မ့ႈတႈလ႕အဒုးမူဎၚ ဒီးဎမၚတႈတုၚဎသးအိဥ ၁၀၈ နံဥ အဂ့ႈ စံး၀ဲနဥ့လီၚ’ လ႕တႈသူဥဟ့သးဟ့ပွၚဂၚအလီႈ ပွၚကဘဥမၚစ႕ၚလိဏသးယ ဒီးပွၚမ့ႈဟ့ဥနီၚလီၚသကိးလိဏသးလ႕ တႈကိးမံၚဒဲးသ့ဥတဖဥဒီး တႈခဲလ႕ဏသ့ဥတဖဥ ကကဲထီဥ၀ဲလ႕အဂ့ၚအဂ့ႈ ဖံ၀ါအံၚ စံး၀ဲနဥ့လီၚ’

French nun becomes world’s oldest person – RVA News – April 28 2022