ဖါအဥ ကဲးသလံးတႈအိဥဖွိဥယ ကညီကီႈစဲဥအပူၚ မၚစ႕ၚ၀ဲဒဥ ပွၚဘဥကီဘဥခဲလ႕ ထံဒိဥအဃိ.

ဖါအဥ ကဲးသလံးတႈအိဥဖွိဥယ ကညီကီႈစဲဥအပူၚ မၚစ႕ၚ၀ဲဒဥ ပွၚဘဥကီဘဥခဲလ႕ ထံဒိဥအဃိ.

ဖဲ ဖါအဥ ကဲးသလံးတႈအိဥယ ကေဥအ့စ့ဥကေံ၀့ႈအပူၚ က၀ီၚ (၆)ယ ကညီကီႈစဲဥ  ဘဥကီဘဥခဲ၀ဲလ႕ ထံဒိဥအဃိလိဥဘဥ၀ဲတႈမၚစ႕ၚအဃိ Hpa An Diocese Karuna Myanmar Social Service Director ဒီး ကေဥအ့စ့ဥကေံ Parish အသီခါ တီခိဥရိဥမဲ၀ဲဒီးမၚစ႕ၚ၀ဲပွၚဘဥကီဘဥခဲလ႕ထံဒိဥ သ့ဥတဖဥန႔ဥလီၚ.

သီခါ Fr. Edward Aye Min Tun စံး၀ဲလ႕ သါဟံန႔ႈတႈကစီဥလ႕ ပွၚမၚစ႕ၚတႈ (Volunteers) တဖဥအိဥဒီး သါလဲၚမၚစ႕ၚ၀ဲဒဥန႔ဥလီၚ. တႈမၚစ႕ၚအံၚ မ့ႈ၀ဲလ႕ Lentan collection တႈမၚဘူဥတဖဥ ဒီး မၚစ႕ၚအီၚတန႔ႈခဲလ႕ဏဘဥ.

ကေဥအ့စ့ဥကေံ က၀ီၚ (၆)န႔ဥ ပွၚဟံဥနီဥဂံႈအိဥ၀ဲဒဥ ၁၂၀ ဒီးလ႕အက်ါန႔ဥ ပမၚစ႕ၚန႔ႈဒဥထဲ ဟံဥခိဥ (၉၀)လီၚ. ဒီး လ႕ ၉၀ အက်ါန႔ဥ ကဲးသလံး ပဏ၀ဲဒဥတဒူဥလီၚ. က၀ီၚ (၆) န႔ဥမ့ႈစ့ႈကီးပွၚလ႕ အဖွီဥသ့ဥတဖဥ အိဥဆိး၀ဲအလီႈန႔ဥလီၚ.

တႈအရ့ဒိဥလ႕ အမၚစ႕ၚ၀ဲတဖဥန႔ဥ မ့ႈ၀ဲ ဟုသးယ အံသဥ သိသ့ဥတဖဥန႔ဥလီၚ. က၀ီၚ ၆ န႔ဥခဲအံၚမ့ႈလ႕ Covid ကဲထီဥသ႕ဘ်ီတဘ်ီအဃိ တႈမၚ၀ဲ Lock Down ဒီးအ၀ဲသ့ဥလဲၚက့ၚတသ့အဃိ ဘဥကီဘဥခဲ၀ဲလ႕ တႈအီဥတႈအီန႔ဥလီၚ. 

Fr. Aye Min Tun စံး၀ဲလ႕ တနံဥညါအံၚ အ၀ဲသ့ဥဘဥကီဘဥခဲ ဒိဥအါန႔ႈဒ္နံဥလ႕အပူၚကြံဏန႔ဥလီၚ. Covid-19 တႈဆါဟဲအါထီဥအဃိယ ထံရူႈကီႈသဲး တႈအိဥသးအဃိယ ဒီးခဲအံၚထံဒိဥကဒီးအဃိ အ၀ဲသ့ဥ လဲၚဖံးမၚတသ့ယ တႈဖံးတႈမၚတအိဥလ႕ၚအဃိ ဘဥကီဘဥခဲ၀ဲဒိဥအါန႔ဥလီၚ.

ပွၚခိဥပွၚနႈလ႕အမူဒါအိဥဖဲန႔ဥသ့ဥတဖဥ အ၀ဲသ့ဥသးအိဥဂုဏက်ဲးစ႕ၚ မၚစ႕ၚ၀ဲပွၚ အဘဥကူဘဥဂဏ တႈဆါတဖဥဒီး တကနဥဃုဏ၀ဲပွၚလ႕ အဘဥနးဘဥဖွီဥလ႕ ထံဒိဥတဖဥဘဥန႔ဥ ပွၚသးစႈမၚစ႕ၚတႈ တူပံဥ စံး၀ဲဒဥန႔ဥလီၚ.

ထံက်ိအထံတဖဥ ဒိဥထီဥ၀ဲခီဖ်ိလ႕မူခိဥစူၚဖးဒိဥအဃိ ပွၚအိဥဖဲန႔ဥတဖဥ သူဥကိႈသးဂီၚ၀ဲဒဥန႔ဥလီၚ. တႈလီၚမုႈလီၚဖးစ့ႈကီးအိိဥ၀ဲလ႕ ပွၚတီခိဥရိဥမဲတဖဥအက်ါ ပွၚလ႕ အမၚ CDM ဒီးပွၚလ႕ အအဲဥဒိးမၚစ႕ၚ သုးပဒိဥတဖဥန႔ဥလီၚ. တႈအိဥသး တဂ့ၚဘဥခီဖ်ိလ႕ တႈလီၚမုႈလီၚဖးအဃိ အ၀ဲသ့ဥတမၚသကိးတႈလ႕ၚဘဥန႔ဥလီၚ. ပွၚတနီၚနီၚ ဟံးန႔ႈတႈခြဲးတႈဎဏလ႕ တႈအိဥသးအဖီခိဥ တမ့ႈလ႕ ကမၚစ႕ၚ လ႕တႈသူဥအိဥသးအိဥဘဥ န႔ဥ ပွၚသးစႈမၚစ႕ၚတႈတဂၚစံး၀ဲဒဥန႔ဥလီၚ.

ခီဖ်ိလ႕ မူခိဥစူၚဖးဒိဥအဃိ လ႕ကီႈပဎီၚပူၚ ကညီကီႈစဲဥဒီး မိဥကီႈစဲဥတႈလီႈတဖဥ ဖဲလါဎူၚလံၚအပူၚယ ထံက်ိလ႕ တႈလီႈတဖဥအံၚအပူၚ ထံဒိဥတလ႕ဒီး ပွၚလ႕ အိဥတႈလီႈအံၚသ့ဥတဖဥ တႈအိဥဆိးလီႈဟးဂီၚ ဒီးဘဥကီဘဥခဲ၀ဲဒဥန႔ဥလီၚ. ပွၚလ႕အိဥဖဲတႈလီႈအံၚသ့ဥတဖဥ မ့ႈပွၚလ႕ အဖွီဥတဖဥဒီး လုႈအီဥအသးသမူလ႕ တနံၚဒီးတနံၚ တႈဖံးတႈမၚအဖီခိဥန႔ဥလီၚ.