ပႈပါဖရဥစ့းပဏထီဥ၀ဲ ပွၚအဂၚ ၁၀ ဆူပွၚစီဆွံအလီႈအလၚ

ပႈပါဖရဥစ့းပဏထီဥ၀ဲ ပွၚအဂၚ ၁၀ ဆူပွၚစီဆွံအလီႈအလၚ

ဖဲလါမ့ၚ ၁၅ သီ မုႈဒဲးနံၚအပူၚ ပႈပါဖရဥစ့း ပဏထီဥ၀ဲ ပွၚအဂၚ ၁၀ သ့ဥတဖဥ ဆူပွၚစီဆွံအလီႈ လ႕တႈအိဥဖွိဥကရ႕အပူၚ ဖဲတႈလုႈမံးဆါလ႕ စီၚပ့းတရူးတႈလီၚပ်ီအပူၚ နဥ့လီၚ’

တႈပဏထီဥပွၚဆူ ပွၚစီဆွံအလီႈ ဖဲ ၂၀၁၉ လါအီးကထိဘ႕ဥအပူၚ ၀ံၚအလီႈခံ အအံၚ မ့ႈကဒီး၀ဲအဆိကတ႕ႈတဘ်ီနဥ့လီၚ’

ပိဏမုဥပိဏခြါလ႕အပဏစီဆွံအသးယ သီဘူဥသီခါ ဒီးပွၚဎိဎိသ့ဥတဖဥ မ့ႈ၀ဲဖဲပွၚအဂၚ ၁၀ သ့ဥတဖဥအံၚအက်ါ ဒ္အဘဥတႈအ႕ဥလီၚတူႈလိဏအီၚ ဒ္ပွၚသ့ဥတဖဥလ႕ အအိဥလံ၀ဲလ႕ မူခိဥဘီမုႈ ဒ္အ၀ဲသ့ဥ အိဥမူတ့ႈလံ၀ဲလ႕ တႈစီတႈဆွံအဒိဂ့ၚတဲႈဘဥအပူၚ လ႕ဟီဥခိဥခ်႕အံၚ ၀ံၚအလီႈခံနဥ့လီၚ’

ဖဲအတႈစံဥတဲၚတဲလီၚတႈလ႕ တႈလုႈမံးဆါအပူၚအကတီႈ ပႈပါဖရဥစ့းစံး၀ဲလ႕ တႈစီတႈဆွံ တမ့ႈတႈလ႕အအိဥဖ်ါ၀ဲထဲလ႕ တႈဟူးဂဲၚဖံးမၚတႈ လ႕အဘဥထြဲဒီးပွၚဒူပွၚဃိၚသ့ဥတဖဥဘဥဒီး မ့ႈတႈလ႕အဘဥထြဲ၀ဲဒီး ကိးမုႈနံၚဒဲး တႈဖံးတႈမၚလ႕အဆံး၀ဲ လ႕အအိဥလ႕ပွဲၚဒီး တႈအဲဥတႈကြံအပူၚ သ့ဥတဖဥစ့ႈကီးနဥ့လီၚ’

တႈလုႈမံးဆါ ဘဥတႈစးထီဥအီၚ ဒ္တႈပဏထီဥပွၚဆူ ပွၚစီဆွံအလီႈ အတႈရဲဥလီၚက်ဲၚလီၚအိဥ၀ဲအသိး လ႕အမ့ႈ၀ဲဃုဏဒီးတႈဖးဖ်ါထီဥ ပွၚလ႕အဘဥဆိဥဂ့ၚသ့ဥတဖဥ အတႈအိဥမူအိဥဂဲၚအဂ့ႈအက်ိၚ နဥ့လီၚ’

လ႕တႈမၚတႈခ့တႈပွၚအတႈမၚ လ႕တႈသးခုကစီဥ ဒီးလ႕ပဒီပုႈ၀ဲႈမုဥ/ခြါသ့ဥတဖဥအဂီႈ တႈဟ့ဥလီၚပသးလ႕ တႈကြႈစိမုႈလႈတႈလ႕ ပကဒိးနႈ့ဘဥကဒါက့ၚတႈ တအိဥ၀ဲနီတမံၚအပူၚ မ့တမ့ႈ လ႕တႈဆ႕ဒိးနႈ့ဘဥ ဟီဥခိဥခ်႕အတႈလၚတႈကပီၚ တအိဥ၀ဲနီတမံၚအပူၚအံၚ မ့ႈ၀ဲဎြၚအတႈကိးပွၚယယ ဒီးအအံၚမ့ႈ၀ဲ ပွၚလ႕အဘဥတႈပဏစီဆွံအီၚသ့ဥတဖဥအံၚ အိဥမူတ့ႈလံ၀ဲ လ႕တႈစီတႈဆွံအပူၚအဂ့ႈ ပႈပါဖရဥစ့းစံး၀ဲနဥ့လီၚ’

ခီဖ်ိ တႈတူႈလိဏဟံးဃဥ ပွၚသ့ဥတဖဥအံၚ အတႈဒိဂ့ၚတဲႈဘဥ ဒ္သီခါ ဒီး ပိဏမုဥလ႕အပဏစီဆွံအသး ဒီးဒ္ပွၚဎိဎိတဂၚအသိးယ ဒ္အ၀ဲ့သ့ဥ ဟ့ဥလီၚအသးလ႕ တႈသးခုကစီဥအဂီႈအသိးယ ထံဥနႈ့ဘဥသကိး၀ဲ တႈသူဥဖံွသးညီလ႕ ပထိဥသႀတီၚအီၚတသ့၀ဲ ဒီးမ့ႈ၀ဲပွၚသ့ဥတဖဥလ႕ အပဏဖ်ါထီဥ တႈစံဥစိၚတဲစိၚအဎြၚအဂ့ႈအက်ိၚ လ႕တႈလီၚတံႈလီၚဆဲးအပူၚအဂ့ႈ ပႈပါစံး၀ဲနဥ့လီၚ’

ဒ္သိးပွၚကဂဲၚပ်ဳႈက်ဲးစ႕ၚသကိးဒ္နဥ့အသိးယ မ့ႈလ႕တႈစီတႈဆွံအတႈလဲၚက်ဲအံၚ တကးတံႈဃဥအသးဘဥဒီး မ့ႈ၀ဲလ႕ပွၚခဲလ႕ဏအဂီႈ ဒီးမ့ႈတႈလ႕အစးထီဥ၀ဲလ႕ တႈသ့စီအကတီႈယ ဒီးမ့ႈလ႕ပ၀ဲသ့ဥကိးဂၚဒဲး ပဘဥတႈကိးပွၚဆူ တႈစီတႈဆွံအပူၚ အဂ့ႈ စံး၀ဲနဥ့လီၚ’

ဖဲတႈပဏထီဥပွၚဆူပွၚစီဆွံအလီႈ တႈလုႈမံးဆါအပူၚ ပွၚအဂၚလြံဥကလးဎဲႈကထိ (၄၅ယ၀၀၀) သ့ဥတဖဥ လဲၚဘူဥဘါဃုဏသကိးတႈယ ဒီးအါတက့ႈ မ့ႈ၀ဲပွၚသ့ဥတဖဥလ႕ အအိဥလဲၚ၀ဲလ႕ ကီႈအံဥတလံဥအခ်႕ နဥ့လီၚ’

ကီႈအံဥတလံဥအထံကီႈခိဥနႈယ ကိတိဥလ႕ကီႈ France, ကိတိဥလ႕ကီႈ Dutchယ ကိတိဥလ႕ကီႈ India ဒီး Islamic Committee လ႕ကီႈ Algeria သ့ဥတဖဥ မၚလၚကပီၚဃုဏတႈ ဖဲတႈမၚအသးအံၚအပူၚနဥ့လီၚ’

ပွၚစီဆွံအသီသ့ဥတဖဥမ့ႈ၀ဲ

Charles de Foucauld:               :  ပွၚသုးဖိလ႕ကီႈ Franceယ လ႕ခံကဲထီဥ၀ဲရသ့းယ စိဏဆွ႕တႈသးခုကစီဥဆူ ပွၚမူစလ့ဥဖိသ့ဥတဖဥအအိဥယ ဒီးဘဥတႈသ့ဥညါအီၚလ႕အမ့ႈ၀ဲ Charles de Jesus, ဘဥတႈမၚသံအီၚဖဲ ၁၉၁၆ ဖဲအသးအိဥ၀ဲ ၅၈ နံဥအကတီႈ”

Titus Brandsma        :                : မ့ႈ၀ဲသီခါလ႕ Dutchယ မ့ႈစ့ႈကီးသရဥသိဥလိတႈ ဒီးပွၚကြဲးလံဏတႈကစီဥ လ႕အထီဒါ၀ဲ Nazi အတႈရၚလီၚ၀ဲ အတႈသိဥတႈသီတဖဥလ႕ တႈအိဥဖွိဥကရ႕အလံဏတႈကစီဥသ့ဥတဖဥအပူၚယ ဒီးဘဥတႈမၚသံအီၚခီဖ်ိ တႈဆဲးသံအီၚလ႕ကသံဥလ႕ Dachau ဖဲ ၁၉၄၂ အနံဥ”

Devasahayam Pillai:                 : မ့ႈ၀ဲပွၚဎိဎိတဂၚလ႕ကီႈ India, ဘဥတႈမၚအ႕မၚနးအီၚ ဒီးတူႈသံအသးလ႕ ဖဲအပဏတ့ႈကြံဏ Hindu အတႈစူႈတႈနဏ ဒီးတူႈလိဏ၀ဲတႈအိဥဖွိဥကရ႕ အတႈစူႈတႈနဏ ဖဲနံဥကဎၚဖွိဥ ၁၈ အပူၚ”

Marie Rivier :                            : မ့ႈ၀ဲပွၚဒုးအိဥထီဥ ဖံ၀ါအကရ႕တခါလ႕အမံၚမ့ႈ၀ဲ Sisters of the Presentation နဥ့လီၚ’ ဒုးအိဥထီဥ၀ဲကရ႕အံၚ ဖဲ ၁၇၉၅ အနံဥ ဖဲအသးအိဥ၀ဲ ၂၈ နံဥနဥ့လီၚ’

Maria Francesca of Jesus :        : မ့ႈ၀ဲပွၚလဲၚခီဖ်ိပိဏလဲဥဖးဒိဥ (Atlantic Ocean) ႏြံဘ်ီလခ်ံ ဒ္သိးအကဒုးအိဥထီဥ၀ဲ ကရ႕တခါလ႕အမံၚမ့ႈ၀ဲ Capuchin Sisters လ႕ Urugyay, Argentina ဒီးလ႕ကီႈ Brazil နဥ့လီၚ’

Maria Domenica Mantovani:   :  မ့ႈ၀ဲကရ႕လ႕အမ့ႈ၀ဲ Little Sisters of the Holy Family အခိဥအနႈအဆိကတ႕ႈတဂၚ လ႕တႈဖံးတႈမၚတႈလ႕ ပွၚဖွီဥဖိဎဏဖိသ့ဥတဖဥယ ဖိဥဃဲသ့ဥတဖဥ ဒီးပွၚဆူးပွၚဆါသ့ဥတဖဥအဂီႈ လ႕ကီႈအံဥတလံဥ ဖဲ ၁၈၉၂ အနံဥနဥ့လီၚ’

Maria of Jesus Santocanale:     : မ့ႈ၀ဲပွၚဒုးအိဥထီဥ ဖံ၀ါအကရ႕လ႕အမံၚမ့ႈ၀ဲ The Capuchin Sisters of Immaculate Mary of Lourdes in Sicily ဖဲ ၁၉၁၀ အနံဥနဥ့လီၚ’ သူ၀ဲအတႈဆ႕ကတီႈအါ၀ဲ လ႕မုႈဆါဆဲးလ႕မုႈနၚ လ႕ကိဥဘူဥစီဆွံအမဲဏညါနဥ့လီၚ’

Cesar de Bus    :                         : မ့ႈ၀ဲသီခါလ႕ကီႈ France ဒီးမ့ႈပွၚလ႕အဒုးအိဥထီဥ၀ဲ ကရခံခါ ဖဲနံဥကဎၚဖွိဥ ၁၆ အကတီႈယ မ့ႈပွၚလ႕အစံဥတဲၚတဲလီၚတႈလ႕ တႈသူဥဆူဥသးဂဲၚအပူၚ ဒီးမၚစ့ႈကီး၀ဲ တႈသးကညီၚမၚစ႕ၚတႈ အတႈဖံးတႈမၚ အါအါကလဲဏနဥ့လီၚ’  

Luigi Maria Palazzolo :            : မ့ႈ၀ဲသီခါလ႕ကီႈအံဥတလံဥ ဒီးမ့ႈစ့ႈကီးပွၚဒုးအိဥထီဥဖံ၀ါကရ႕ Sisters of the Poor ဒီးအိးထီဥ၀ဲ ဖိဥဃဲသ့ဥတဖဥ အတႈအိဥတႈဆိးအလီႈ ဒီးမၚတႈလ႕ ပွၚဖွီဥဖိဎဏဖိအဂီႈနဥ့လီၚ’

Giustino Maria Russolillo :      : မ့ႈ၀ဲပွၚဒုးအိဥထီဥ ကရ႕ကရိသ့ဥတဖဥလ႕အမ့ႈ၀ဲ The Vocationist Fathers, The Vocationist Sisters ဒီး Secular Institute of the Apostles of Universal Sanctication လ႕ကီႈအံဥတလံဥနဥ့လီၚ’ ဟ့ဥလီၚစ့ႈကီးအသးလ႕ သူဥဘီဥသးစႈသ့ဥတဖဥ အတႈကူဥဘဥကူဥသ့အဂီႈ ဒီးလ႕တဆီဥထြဲမၚစ႕ၚအ၀ဲသ့ဥ အတႈအိဥမူအတႈဒိဥထီဥထီထီဥအဂီႈနဥ့လီၚ’

Pope francis canonizes 10 saints of the Catholic Church

RVA News/  May 16 2022

Add new comment

3 + 10 =