ပၚပါ (ျဖဥစ့ဥ) ဆိဥဂ့ၚ၀ဲဒဥ (ကီႈအ့ၚကကလဲၚန္ ဒီး ကီႈအဲၚဎၚလၚန္)ဖဲလ႕အပူၚကြံႈ တႈကစီဥ

ပၚပါ(ျဖဥစ့ဥ) န႔ဥ ဒ္ကိးမုႈနံဥဒဲးအသိး လ႕ကီႈ အ့ၚကလဲၚန္ ဒီး ကီႈအဲၚဎၚလၚန္ အပူၚ အပွၚစုႈနာ္တႈဖိသ့ဥတဖဥအဂီႈ မၚလၚကပီၚ၀ဲဒဥ(သးသမူ) အမုႈနံၚ ကိးမုႈနံဥဒဲးန႔ဥလီၚ. ဒီးအ၀ဲဟ့ဥသဆဥထီဥစ့ႈကီး၀ဲလ႕ တႈကပ႕ၚဃာ္ သးသမူ ဒီးပွၚဂၚအသူးအသ့ဥအလၚကပီၚအဂီႈန့ဥလီၚ.

အတႈဂ့ႈခိဥတီလ႕ တနံဥညါအံၚန႔ဥမ့ႈ၀ဲဒဥ တႈကဘဥဃုထ႕၀ဲဒဥသးသမူ န႔ဥလီၚ တႈဟူးတႈဂဲၚအ၀ဲအံၚန့ဥမ့ႈ အ့ၚကလဲၚန္ ဒီး၀့လ္၊ စကီဥတလၚန္ ဒီး အဲၚဎၚလၚန္ အထံကီႈပူၚ ကဲးသလံး သီခါကရ႕ခိဥပ႕တႈသ့ဥတဖဥ ပာ္ဖွိဥထီဥအသးဒီး မၚလၚကပီၚသကိး၀ဲဒဥန့ဥလီၚ

လ႕ပတႈအိဥဖွိဥကရ႕စီဆွံအံၚအပူၚ ပွၚသးသမူသ့ဥတဖဥကဒိဥထီဥထီထီဥ၀ဲဒဥ စးထီဥလ႕ ဘဥတႈဒ႕အီၚအခါဒီး တုၚလ႕အသံတစု ကလ႕ပွဲၚဒီးတႈလဲၚထီဥလဲၚထီအဂီႈ သိဥလီၚသီလီၚ၀ဲဒ္သိးပကပ႕ၚဃာ္အီၚအဂီႈန႔ဥလီၚ လ႕တႈရဲဥတႈက်ဲၚအံၚအဂီႈ ပၚပါ(ျဖဥစ့ဥ)ဆွ႕လီၚ၀ဲဒဥ အတႈကတိၚတႈသိဥတႈသီသ့ဥတဖဥ ဒီး ကဃ့ဘါထုကဖဥန့ႈတႈလ႕ ပွၚလ႕အမၚတႈဘဥဃး တႈပ႕ၚဃာ္ပွၚအသးသမူ အလုႈအပွ႔ၚ အလၚကပီၚသ့ဥတဖဥအဂီႈယ ဒီးဆ႕ကတီႈခဲအံၚတႈဆါအ႕ဖးဒိဥအ၀ဲအံၚဒ္သိးအသုတမၚဘဥဒိဘဥထံးဖိသဥသ့ဥတဖဥတဂ့ၚအဂီႈ ၾက႕းလ႕ပကဘဥၾတီဆ႕ဒီသဒ႕အီၚအဂ့ႈ အ၀ဲဟ့ဥဒုးသ့ဥညါတဲလီၚ၀ဲဒဥန့ဥလီၚ

တနံဥအံၚန႔ဥ ပၚပါ(ကေိၚပီလ္ (II)) အလံာ္တႈကြဲးလ႕အမ့ႈ "Evangelium Vitae" အနံဥဆဲးဆ႕ပွၚထီဥ(၂၅)၀ီတ၀ီ န႔ဥလီၚ အလံာ္ဒီဘ့ဥအပူၚ ကြဲး၀ဲဘဥဃး ပွၚအသးသမူန့ဥတႈမၚဟးဂီၚအီၚတန့ႈနီတမံၚဘဥ ဒီး အတႈကြဲးအပူၚအါတက့ႈပဥဃုာ္၀ဲဒဥဒီး သးသမူအလုႈအပွ့ၚအအါကတ႕ႈန႔ဥလီၚ

(ကၚဒံၚန႕ၚ)စ့ႈကီးဃ့ဘါထုကဖဥန့ႈတႈလ႕ ပွၚလ႕အမၚစ႕ၚတႈလ႕ ပွၚဘဥ Covid-19 သ့ဥတဖဥ ဒီး အဟံဥဖိဃီဖိယပွၚဘဥဖွီဥဘဥနးသ့ဥတဖဥ ဒီးပကဃဘါထုကဖဥန႔ႈလ႕ ပွၚတအိဥဒီးတႈဖံးတႈမၚသ့ဥတဖဥလ႕အတႈကီတႈခဲအဃိအသူးအသ့ဥလီၚမႈကြံာ္သ့ဥတဖဥအဂီႈန႔ဥလီၚ.

ဆ႕ကတီႈတဆါအ႕အ၀ဲအံၚအပူၚ ပကမၚဒိဥထီဥထီထီဥမၚဂ့ၚထီဥ ပွၚအလုႈအလႈဒီး တႈပာ္လုႈပာ္ပွၚသးသမူယတႈၾတီဆ႕ဒီသဒ႕ယတႈမၚလဲၚထီဥလဲၚထီတႈ ဒီး ပကက်ဲးစ႕းဒုးဒိဥထီဥထီထီဥ၀ဲဒဥတႈဆဲးတႈလၚသ့ဥတဖဥန႔ဥလီၚ အ၀ဲက့ၚတဲလီၚကဒီး၀ဲဒဥ ပၚပါ အတႈသိဥတႈသီတႈကတိၚလ႕အမ့ႈ-တႈလ႕ပွၚအသးသမူအံၚန႔ဥ ဘဥဃး၀ဲဒဥဒီး နၚဎၚ ပ၀ဲဎြၚဖိဎြၚလံၚသ့ဥတဖဥန႔ဥလီၚ.

Bishop Sherrington စံး၀ဲလ႕ ပၚပါ(ျဖဥစ့ဥ) အတႈကတိၚဟ့ဥဂံႈဟ့ဥဘါအံၚန႔ဥ ဒုးအိဥထီဥ၀ဲဒဥပွၚဂၚအတႈမုႈလႈ ဒီး ပကဒီသဒ႕ဘဥဃး ပွၚအသးသမူလ႕အဒိဥအဎိာ္အံၚယဒ္သိးပွၚဂၚကနႈပ႕ႈ ဒီး ပာ္ဖွိဥမၚသကိးတႈအဂီႈယအတႈကတိၚအံၚန့ဥဟ့ဥပွၚတႈသ့ဥညါနႈပ႕ႈ ဒ္သိးပကဒီသဒ႕ဖိသဥလ႕အအိဥလ႕ မိႈအဟ႕ဖ႕ပူၚသ့ဥတဖဥအဂီႈန႔ဥလီၚ.

ဒ္သိးအ၀ဲသ့ဥထံကီီႈလြံႈဘ့ဥအသီခါကရ႕ခိဥသ့ဥတဖဥက်ဲးစ႕းမၚ၀ဲအသိး ပွွၚအဂၚသ့ဥတဖဥကသ့ဥညါနႈပ႕ႈအီၚဒီး ကဖံးမၚသကိးတႈအဂီီႈ ဒီးပွၚလ႕အဖံးတႈမၚတႈတအိဥဒီးတႈကအုကစြါနီတစဲးဘဥသ့ဥတဖဥပကဃ့ဘါထုကဖဥတႈလ႕အ၀ဲသ့ဥအဂီႈယတႈမၚလီၚတဲာ္ဟုးသးမၚဟးဂီၚဖိသဥသ့ဥတဖဥ ၾက႕းလ႕တႈကဘဥစံဥညီဥဆ႕တဲာ္အီၚလီၚတံႈလီၚဆဲး ဖီဥတႈဘ်႕ဃံးဃံးန့ဥလီၚ ဒီးလ႕ထံကီႈလြံႈဘ့ဥသီခါကရ႕ခိဥသ့ဥတဖဥ အတႈဆွ႕လီၚ အတႈသိဥတႈသီယအတႈထုကဖဥသ့ဥတဖဥဒီးတႈဟ့ဥတႈဆိဥဂ့ၚသ့ဥတဖဥအဃိ အ၀ဲစံးဘ်ဳးဘဥ၀ဲဒဥဒိဥမးလီၚ.

                                ဘဥတႈဟံးန႔ႈအီၚလ႕-Fr.ကလဲမ့အါတဲၚအလံာ္က်ိာ္ထံ

Pope Francis issues decree to ensure transparency in Vatican contracts