ပဥတံဥကဥ ဒီး ကဥစးစတဥ အထံကီႈ စံးကတိၚ၀ဲဘဥဃးဒီးတႈကမၚဒိဥထီဥအါထီဥ တႈမၚသကိးတႈ

ပဥတံဥကဥ ဒီး ကဥစးစတဥ အထံကီႈ စံးကတိၚ၀ဲဘဥဃးဒီးတႈကမၚဒိဥထီဥအါထီဥ တႈမၚသကိးတႈ

ပဥတံဥကဥ ဒီး ကဥစးစတဥ အထံကီႈ ဆဲးလီၚသကိး၀ဲအစုမုႈက်႕ႈ ဘဥဃးဒီးတႈကမၚဒိဥထီဥအါထီဥ တႈမၚသကိးတႈ လ႕တႈကဟ့ဥ လံဏခီကီႈအလံဏအုဥသး/လံဏတႈခြဲးတႈဎဏ လ႕တႈအိဥဆိးလ႕ထံကီႈ တဘ့ဥအပူၚ visas လ႕ ပွၚမၚတႈလ႕ တႈအိဥဖွိဥကရ႕ စီဆွံတဖဥအဂီႈ လ႕ပမၚတႈလ႕ ကီႈကဥစးစတဥ အပူၚန႔ဥလီၚ.

ပဥတံဥကဥအခ႕ဥစး သီခါကရ႕ႈခိဥ Archbishop Paul Richard Gallagher လ႕အမ့ႈ ပဥတံဥကဥ အနဲႈရြဲႈ လ႕အမ့ႈပွၚမၚတႈလ႕ အဘဥဃးဒီးတႈရ့လိဏမုဏလိဏ ဒီး ကဥစးစတဥ Mr. Mukhtar Tileuberdi လ႕အမ့ႈ ထံဂၚကီႈဂၚ အပွၚရ့လိဏမုဏလိဏတႈ ဆဲးလီၚသကိး၀ဲအစုမုႈက်႕ႈလ႕ တႈသးလီၚ ပလိဏအဂီႈန႔ဥလီၚ.

တႈအ႕ဥလီၚဆဲးလီၚစုမုႈက်႕ႈအံၚ ဘဥတႈဆဲးလီၚအီၚဖဲ ပါပါလဲၚဆူ ကီႈကဥစးစတဥ အခါ ဖဲ ဟီဥခိဥဒီဘ့ဥ တႈဘူဥတႈဘါအခိဥနႈ တဖဥအခီကရဲဥ (၇) ဘ်ီတဘ်ီ ဖဲ လါစဲးပထ့ဘ႕ဥ (၁၃) သီ ဖဲ Nur-Sultan န႔ဥလီၚ.

တႈမၚစ႕ၚလ႕ လံဏခီကီႈအလံဏအုဥသး/လံဏတႈခြဲးတႈဎဏ လ႕တႈအိဥဆိးလ႕ထံကီႈ တဘ့ဥအပူၚ လ႕ပွၚမၚတႈ ဘူဥတႈဘါတဖဥအဂီႈ

တႈအ႕ဥလီၚဘဥသး တႈဆဲးလီၚစုမုႈက်႕ႈအသီအံၚ တႈပညိဥမ့ႈ၀ဲလ႕ ကမၚလ႕ပွဲၚထီဥ က့ၚတႈအ႕ဥ လီၚဖဲ ၁၉၉၈ နံဥ အတႈအ႕ဥလီၚ ဒီးကမၚန႔ႈ လံဏခီကီႈအလံဏအုဥသး/လံဏတႈခြဲးတႈဎဏ လ႕တႈအိဥဆိးလ႕ထံကီႈ တဘ့ဥ အပူၚ လ႕ပွၚမၚတႈဘူဥတႈဘါတဖဥအဂီႈ လ႕အဟဲလ႕ထံကီႈအဂၚသ့ဥတဖဥ ဒ္သိးကမၚတႈဖဲ ကီႈကဥစးစတဥ အပူၚ လ႕ ပွၚကဲးသလံးဖိသ့ဥတဖဥ အနီႈသး အဂီႈန႔ဥလီၚ.

တႈကြဲးလ႕အပဏဃုဏ၀ဲ လ႕အမ့ႈ တႈရ့တံၚရ့သကိး ဒီးတႈကမၚသကိးတႈတပူၚဃီအံၚ လ႕ထံကီႈခံဘ့ဥအဘ႕ဥစ႕ၚ န႔ဥလီၚ.

တႈအ႕ဥလီၚလံဏအံၚ ကမ့ႈတႈလ႕ အကမၚဒိဥထီဥအါထီဥတႈရ့လိဏမုဏ တႈပနီဥတခါလ႕ ထံကီႈခံဘ့ဥ ဟ့ဥလီၚ လိဏအသးဎႈခီဎႈခီန႔ဥလီၚ.

Holy See and the Republic of Kazakhstan strengthen collaboration, Vatican News, 14 September 2022