တႈဆဲးကိ်းအဘူဥနံၚတႈကမၚဝဲတႈျပ႕ဖဲကီႈအဲဥဒိဥနံရွါ.(၂၈.၃.၂၀၂၂)

တႈဆဲးကိ်းအဘူဥနံၚတႈကမၚဝဲတႈျပ႕ဖဲကီႈအဲဥဒိဥနံရွါ

ကိးနံဥဒဲးအတီႈပူၚ ဖဲကစႈဎ့ဥရွဴးခရံာ္ က့ၚထီဥဝဲဆူမူခိဥဘီမုဥ အနံၚ လ႕မုႈအိဥဘွံး အနံၚန႔ဥ ကဲးသလဲးတႈအိဥဖွိဥကရ႕စီဆွံ ပာ္လီၚဝဲလ႕ တႈဆဲးက်ိး အဘူဥနံၚန႔ဥလီၚ.  တနံဥညါအံၚမ့ႈဝဲလ႕ ၅၆ ဝီတဝီ တႈဆဲးက်ိးအဘူဥနံၚန႔ဥလီၚ. ကီႈအဲဒိဥနံရွါ သီခါကရ႕ခိဥ လီႈခ႕ဥသး ကမၚဝဲတႈျပ႕ဖဲ လါမ့ၚ ၂၂သီ ၂၀၂၂ နံဥ န႔ဥလီၚ. သီခါကရ႕ခိဥလီႈခ႕ႈသး အနဲဥရြဲဥ သီခါ စတံဖ့ လဥလူဥ ကြဲမုဏဝဲ ပွၚလ႕ အသူဥဆူဥသးဂဲၚဘဥဃးဒီး ပွၚ သူ အဲဥတ႕ၚနဲၚ သ့ဥတဖဥ ဒီး ကမၚဝဲစ့ႈကီး ဒီး တႈစံးတဲၚတဲလီၚန႔ဥလီၚ.

သီခါ စတံဖ့လဥလူဥစံးဝဲဒဥ သီခါကရ႕ခိဥအလီႈခ႕ဥသးစ့ႈကီး တႈလ႕အဘဥဃးဒီး တႈဆဲးက်ိးသ့ဥတဖဥန႔ဥ ကပာ္လီၚဝဲဒီး တႈျပ႕ယ ဒီးဃုထ႕ထီဥ ပါပါျဖဥစ့ဥ အတႈကတိၚတနီၚနီၚ ဒီး ကကြဲးထီဥတႈသး၀ံဥယ ကထူးထီဥ တႈဂီၚမူအဖုဥသ့ဥတဖဥယ ဘဥဃးဒီး တႈကစီဥအတႈရၚလီၚယ ဒီးဒ္သိးပွၚကသူဥအိဥသးအိဥထီဥတႈလ႕ အဘဥဃးဒီ တႈစံးတဲစိၚ သ့ဥတဖဥယ ဒီးကအိဥစ့ႈကီးဒီး ပွၚကြဲျပ႕လံာ္ယ ဒီးလ႕ တႈလုႈမံၚစါအပူၚ ပွၚကဘဥဟ့ဥနီၚလီၚတႈဘဥဃဥဒီး မဲဥဒံဥဎၚ (Media) အဂ့ႈသ့ဥတဖဥ န႔ဥလီၚ.

အတႈပညိဥလ႕ အမၚတႈအံၚ ကမ့ႈဝဲလ႕ ပါပါျဖဥစ့ဥ အကလုႈသ့ဥတဖဥ ပွၚကနာ္ဟူဝဲဒဥ အါဂၚယ ဒီး ဒ္သိးပွၚသါပ့ၚနီဥဝဲ တသ့ဥဘဥအသိးန႔ဥလီၚ. တနံဥညါအံၚ တႈအခိဥတီလ႕ တႈဆဲးက်ိး အဘူဥနံၚန႔ဥ မ့ႈဝဲလ႕ ဒိကနာ္တႈလ႕ သးအပူၚ လ႕အနႈ (Listening with the Ears of the heart) န႔ဥလီၚ.

ပါပါျဖဥစ့ဥစံးဝဲဒဥ တႈလ႕ပဝဲဒဥ ပွၚကညီသ့ဥတဖဥအံၚ ပတအဲဥဒိး ဒိကနာ္ တႈဘဥ မ့ႈလ႕ ပလဲၚပူၚက့ၚပူၚတႈန႔လီၚ. ဒီးပအဲဥဒီး ဒိကနာ္တႈထဲ ပနီႈကစႈဒဥအသးန႔ဥလီၚ. တႈလ႕ဘဥဃးဒီး တႈဒိကနာ္ တႈကူဥဘဥကူဥသ့န႔ဥ ပကဘဥ သိဥလိလ႕ ကစႈဎြၚအအိဥန႔ဥလီၚ. တႈလ႕ကစႈဎြၚန႔ဥ အသူဥတီအသးတီဒီး ပွၚလ႕အဝဲတ့လီၚဝဲ သ့ဥတဖဥန႔ဥလီၚ. ဒီးအဝဲပာ္ကဲဝဲဒဥန႔ဥလီၚ. ပွၚကညီသ့ဥတဖဥ အတႈတဲနါစိၚ ဒီး အတႈကီတႈကဲသ့ဥတဖဥလ႕ အတဲဘဥအီၚန႔ဥ ဒိကနာ္ဝဲထီဘိန႔ဥလီၚ.

ပမ့ႈသ့ဥညါတႈဒိကနာ္န႔ဥ  ပကတူႈဘဥခီဥဘဥဝဲ ကစႈဎြၚတႈအဲဥတႈကြံလီၚ. လ႕တႈန႔ဥအဃိ ကစႈဎြၚန႔ဥ ပာ္လီၚတဲဏကြံဏ အတႈထူးတႈတီၚလ႕မူခိဥဒီး ဟဲလီၚဝဲဆူပအိဥန႔ဥလီၚ. သီခါ လဥလူဥ စ့ဥကီး စံးဝဲဒဥ ဒ္န႔ဥအသိး တႈလ႕ တႈဒိကနာ္တႈန႔ဥ မ့ႈဝဲ တႈပနီဥတမံၚလ႕ တႈအဲဥတႈကြံဒီး တႈစူႈတႈနာ္န႔ဥလီၚ.

ပါပါျဖဥစ့ဥအတႈကတိၚလ႕ အဘဥဃး ဒီးတႈဆဲးက်ိး အဘူဥနံၚန႔ဥ ဒ္သိးဒီး ကလဲၚတုၚဝဲဆူ ပွၚကမ်႕ႈသ့ဥတဖဥအအိဥ ပဘဥမၚဝဲလ႕ က်ဲအါဘိသ့ဥတဖဥန႔ဥလီၚ. လ႕တႈန႔ဥအဃိ ပွၚလ႕အမ့ႈဎြၚအဖိအလံၚမ့ႈဂ့ၚယ ပွၚလ႕အတမ့ႈဘဥမ့ႈဂ့ၚယ ပကကြဲမုဥအဝဲသ့ဥလ႕ ကဟဲပာ္ဖွိဥထီဥအသး တဖ်႕ဥဃီလ႕အဘဥဃးဒီး မဲဥဒံးဎၚ Media တႈကူဥဘဥကူဥသ့ သ့ဥတဖဥ ဒီးတႈသ့ဥတဖဥန႔ဥမ့ႈလ႕ ပကသူဥထီဥ လ႕ပဒီပုႈဝဲႈအသူဥအသး အပူၚန႔ဥလီၚ.

Churches in Ukraine raise their voices for peace