တႈဂီၚမူလ႕သီခါတပါထုးထီဥအီၚတခါ ဒိးနႈ့ဘဥ၀ဲတႈဟ့ဥဘ်ဳးမၚလၚကပီၚအီၚခံခါ တႈကစီဥ

တႈဂီၚမူလ႕သီခါတပါထုးထီဥအီၚတခါ ဒိးနႈ့ဘဥ၀ဲတႈဟ့ဥဘ်ဳးမၚလၚကပီၚအီၚခံခါ တႈကစီဥ

တႈဂီၚမူတခါလ႕အမံၚမ့ႈ၀ဲ Carloယ ဘဥတႈထုးထီဥအီၚလ႕ကီႈ India အသီခါတဂၚ ဒိးနႈ့ဘဥ၀ဲ တႈဟ့ဥဘ်ဳးမၚလၚကပီၚအီၚအခိဥဖး ခံခါ ဖဲတႈဂီၚမူအမူး (International film festival) လ႕၀့ႈ Agraယ အိဥလ႕ကီႈ India, Uttar Pradesh ကီႈစဲႈ ဖဲလါနိ၀့ဘ႕ဥ ၁၇ သီနဥ့လီၚ’

တႈဂီၚမူအံၚ ဒိးနႈ့ဘဥ၀ဲခိဥဖးလ႕အမ့ႈ၀ဲ Best Short Film Award ဒီး Best Line Producer Award အဂ့ႈ Father Leslie Bosco Rego လ႕အမ့ႈပွၚထုးစုနဲဥက်ဲ တႈဂီၚမူ Carlo အဂီႈစံး၀ဲနဥ့လီၚ’

တႈဒိးနႈ့ဘဥ တႈဟ့ဥဘ်ဳးအံၚ မ့ႈတႈလ႕အလီၚသူဥပိႈသး၀းဒီးသူဥဖွံသးညီအဂ့ႈ Father Rego လ႕အမ့ႈသီခါလ႕ Goa တလးပ႕လီႈက၀ီၚ စံး၀ဲနဥ့လီၚ’ တႈဂီၚမူအံၚ ဘဥတႈပေးအီၚလ႕ပွၚအါဂၚအမဲဏညါ ဖဲလါနိ၀့ဘ႕ဥ ၁၂ သီအမုႈနံၚ ဖဲလ႕တႈဂီၚမူအမူးဖးဒိဥ အကတီႈနဥ့လီၚ’

တႈဂီၚမူအံၚဘဥတႈဒိအီၚဒီးထုးထီဥရၚလီၚအီၚ ဘဥဃးဒီးပွၚလ႕အဘဥဆိဥဂ့ၚ Carlo Acutis အတႈအိဥမူအဂ့ႈအက်ိၚယ မ့ႈ၀ဲပွၚကီႈအံဥတလံဥ တႈအိဥဖွိဥကရ႕ဖိအပွၚသးစႈတဂၚ ဒီးမ့ႈ၀ဲပွၚကူဥသ့ကူဥဘဥ ဘဥဃးဒီး Computer ဒီး Internet နဥ့လီၚ’

မ့ႈပွၚလ႕အဒုးနဲဥပွၚ က်ဲလ႕ခ့ခါခဲအံၚ ဘဥဃးဒီး တႈစံဥတဲၚတဲလီၤၚခရံဏကစႈအဂ့ႈ Father Rogo စံး၀ဲနဥ့လီၚ’ အမိႈအပႈသ့ဥတဖဥ တမ့ႈပွၚလ႕အအဲဥထူအဲဥဎြၚထဲနဥ့ဘဥဆဥ သးစႈအံၚ မ့ႈပွၚလ႕အအဲဥထူအဲဥဎြၚ လီၚလီၚဆီဆီနဥ့လီၚ’

သးစႈအံၚ မ့ႈပွၚလ႕အတ့ထီဥ၀ဲ လီတႈကစီဥအကဘ်ံးပၚ (Website) ဒီးမၚဒိဥထီဥထီထီဥ၀ဲ တႈဒုးသ့ဥညါပွၚလ႕ ကိဥဘူဥစီဆွံအတႈလီၚလိဏလီၚလးသ့ဥတဖဥနဥ့လီၚ’ ဘဥတႈသ့ဥညါအီၚဒ္ အမ့ႈပွၚလ႕ အကဟုကဎဏဖိဒံဖိသဥ လီၚဆီဒဥတႈ ဖိသဥလ႕အတသ့နႈ့အိဥနႈ့၀ဲသ့ဥတဖဥနဥ့လီၚ’ သးစႈအံၚ ဖဲအနီႈဆံးအခါလံၚလံၚ ပွၚထံဥနႈ့၀ဲ Leukemia အတႈဆါလ႕အအိဥနဥ့လီၚ’

အိဥဖ်ဲဥထီဥ၀ဲလ႕၀့ႈ London, ကီႈ UK ဖဲလါမ့ၚ ၃ သီ ၁၉၉၁ ဒီးသံ၀ဲဖဲ ၂၀၀၆ လါဒံဥစ့ဘ႕ဥ ၁၂ သီအမုႈနံၚလ႕ Monza ကီႈအံဥတလံဥနဥ့လီၚ’ ဘဥတႈပဏထီဥအီၚဆူ ပွၚလ႕အဘဥဆိဥဂ့ၚအလီႈဖဲ ၂၀၂၀ လါအီးကထိဘ႕ဥ ၁၀ သီအမုႈနံၚနဥ့လီၚ’ မ့ႈ၀ဲပွၚစီဆွံလ႕အကြႈထြဲမၚစ႕ၚ ပွၚသးစႈဒီး ပွၚလ႕အဖံးတႈမၚတႈဒီး Computer အတႈမၚသ့ဥတဖဥနဥ့လီၚ’

ပွၚဒိတႈဂီၚမူ ဘဥဃးဒီးသးစႈတဂၚအံၚအဂ့ႈ တမ့ႈတႈလ႕အညီ၀ဲဘဥဆဥ လ႕ခံကတ႕ႈ တႈခဲလ႕ဏ ၀ံၚ၀ဲဂ့ၚဂ့ၚဘဥဘဥနဥ့လီၚ’

Father Rego စံး၀ဲလ႕ အစံးဘ်ဳးစံဖွိဥဎြၚ မ့ႈလ႕အလဲၚတႈဒီးအ၀ဲသ့ဥထီဘိ ဒီးမ့ႈလ႕ဎြၚအတႈဆိဥဂ့ၚအဃိ ပွၚသ့မၚကဲထီဥတႈတမံၚ လ႕အဂီႈ ခီဖ်ိတႈပဏဖ်ါထီဥသးစႈတဂၚ လ႕အအဲဥထူအဲဥဎြၚတဂၚအါနဥ့တႈအဂုႈအဂၚ ဖဲခ့ခါခဲအံၚနဥ့လီၚ’

တႈဂီၚမူအံၚ ဘဥတႈထုးထီဥအီၚလ႕ ခ့ခါခဲအံၚသူဥဘီဥသးစႈသ့ဥတဖဥ ဒီး ဖိသဥသ့ဥတဖဥအဂီႈ ဒ္သိးအကမ့ႈ၀ဲတႈမၚလိလ႕ အကဘဥသူ၀ဲတႈဖိတႈလံၚလ႕ခ့ခါခဲအံၚ (Modern Technology) သ့ဥတဖဥ အဂီႈနဥ့လီၚ’

Carlo မ့ႈ၀ဲဒိဂ့ၚတဲႈဘဥလ႕လ႕ပွဲၚပွဲၚ လ႕သူဥဘီဥသးစႈသ့ဥတဖဥအဂီႈယ ဒ္အပဏဖ်ါထီဥ၀ဲ ပွၚကဘဥသူ၀ဲ Internet ဒီးတႈအပီးအလီလ႕အဘဥထြဲလိဏအသးသ့ဥတဖဥ သ့သ့ဘဥဘဥအဂီႈအဂ့ႈ Father Rego စံး၀ဲနဥ့လီၚ’

ဖဲလ႕တႈဂီၚမူအမူးဖးဒိဥအံၚအပူၚ တႈဂီၚမူအါနဥ့အခါ ၁၀၀ လ႕ထံကီႈအဘ့ဥ ၁၀ သ့ဥတဖဥ ဘဥတႈဆွ႕လီၚအီၚအက်ါ တႈဂီၚမူ ၃၅ ခါသ့ဥတဖဥ ဘဥတႈဃုထ႕ထီဥအီၚ ဒီးမ့ႈ၀ဲလ႕ ကီႈ India, UK, Germany, US, Denmark, Nepal ဒီးလ႕ကီႈ Egypt နဥ့လီၚ’

Indian Catholic Priest’s short film wins two awards

RVA News / November 19 2022