ကီႈအဲဥဒံးဎၚ - Pilar တႈကရ႕ကရိဃုထ႕ထီဥဝဲအခိဥအနႈအသီ

ကီႈအဲဥဒံးဎၚ - Pilar တႈကရ႕ကရိဃုထ႕ထီဥဝဲအခိဥအနႈအသီ

The Pilar Society လ႕ပွၚသ့ဥညါဝဲဒဥလ႕ ပွၚစီဆွံစီၚ ျဖဥစ့ဥ စ့ဘဎါ ပွၚမၚတႈသးခုကစီဥတႈကရ႕ကရိ ဃုထ႕ထီဥက့ၚဝဲ သီခါ Nazareth Rosario Fernandes လ႕ပွၚကကဲခိဥကဲနႈလ႕အဝဲအသ့ဥအတႈကရ႕ကရိအဂီႈန႔ဥလီၚ.

တႈဃုထ႕ထီဥခိဥနႈန႔ဥအဝဲသ့ဥမၚဝဲဒဥဖဲ လါ အိးကူး ၆သီ လ႕အဝဲသ့ဥအတႈကရ႕ကရိမၚတႈအိဥဖွိဥ လ႕ ကီဥအဥ ကီႈရ႔ဥ ကီႈအဲဥဒံးဎၚမုဥထီဥန႔ဥလီၚ.

သီခါ Steevan D'Souza လ႕အိဥဝဲလ႕ Udupiန႔ဥပွၚဃုထ႕ထီဥအီဥလ႕ Vicar Generalယ သီခါ Anthony Joseph Fernandes,သီခါ Saturnino Almeida ဒီး သီခါ Maria Michael သ့ဥတဖဥပွၚဃုထ႕ထီဥအဝဲသ့ဥလ႕ အကကဲထီဥဝဲ Councilors ဒီး သီခါ Derick Rodrigues န႔ဥပွၚဃုထ႕ထီဥအီၚလ႕ အကမ့ႈဝဲပွၚပ႕ၚစ့လ႕တႈကရ႕ကရိအဂီႈန႔ဥလီၚ.

တႈအိဥဖွိဥဖးဒိဥ (The General Chapter) န႔ဥအဝဲသ့ဥမၚဝဲ ဖဲ လါဎူၚလံဥ ၃၁ သီလ႕ အခိဥတႈမ့ႈဝဲဒဥလ႕ "ပပာ္တႈမုႈလႈလ႕အဝဲဒဥအအိဥခဲလ႕ာ္" န႔ဥလီၚ.

သီခါ Santosh Mendonca လ႕အမ့ႈဝဲ တႈအိဥဖွိဥဖးဒိဥ အပွၚဘဥမူဘဥဒါ အနဲႈရြဲဥ စံးဝဲဒဥ တႈသ့တႈဘဥလ႕ ပအိဥဃူအိဥဖိး လိာ္သးလ႕ ခရံာ္အပူၚန႔ဥ မ့ႈတႈတခါလ႕ ပကဘဥဘွီသီထီဥက့ၚတႈခဲလ႕ာ္ဒီးပတႈဖံးတႈမၚလ႕ ပကစိဏတႈသးခူကစီဥန႔ဥလီၚ.

ဒီးအဝဲဒဥစံးကဒီးဝဲဒဥ ပပာ္ပသးတဖ်႕ဥဃီလ႕ခရံာ္အဃိသတးဒီးပသူဥပသးန႔ဥကလီၚဂဏဒ္ကစႈဎ့ဥရႉးခရံာ္ အသိးဒီးပဝဲဒဥ တဂၚဘဥတဂၚန႔ဥပကကဲထီဥပွၚသ့ဥတဖဥလ႕ ပွၚခဲလ႕ာ္အဂီႈန႔ဥလီၚ. ဘဥဃးလ႕ တႈသံသႀတိာ္တႈဆါအ႕ Covid 19 ဒီး ထံကီႈအတႈဟဲကဲထီဥတဂ့ၚတဘဥသ့ဥတဖဥ အဃိ တႈအိဥဖွိဥသ့ဥတဖဥအိဥထီဥဝဲဒီးတႈပ်ံၚတႈဖုး ဒီး တႈကရ႕ကရိသ့ဥတဖဥ အတႈဘဥဎီဏဘဥဘွီသ့ဥတဖဥဆွ႕ပွၚဆူပကဘဥမုႈလႈတႈလ႕ ဎြၚအအိဥဒ္သိးဒီး ပတႈအိဥဖွီဥ ဖးဒိဥ အခိဥတီအသိးန႔ဥလီၚ.

အဝဲဒဥစံးဝဲဒဥဖဲ တႈအိဥဖွိဥဖးဒိဥအပူၚတႈစံးတဲၚတဲလီၚတႈအခါန႔ဥ စံးဝဲဒဥ ဎကမ့ႈပွၚလ႕ တအိဥဘဥဒီးတႈကူဥဘဥကူဥသ့အါအါဘဥ သနဏက့ ခါဆူညါဎကမၚဎဲ ခ့ပွၚတႈမၚလ႕ တႈကရ႕ကရိအဂီႈန႔ဥလီၚ.

အဝဲဒဥန႔ဥအဒီပုႈဝဲႈအိဥဝဲဒဥ လြံႈဂၚ ဒီး မ့ႈဝဲဒဥလ႕ Joaquim Manuel Fernandes ဒီး Maria Joaquina Fernandes အဖိခြါန႔ဥလီၚ.

အဝဲဒဥမၚန႔ဥဝဲ Licentiate လ႕ တႈအိဥဖွိဥတႈစံးစိၚတဲစိၚ ဒီး အန႔ႈဘဥဝဲလ႕ the Gregorian University လ႕၀့ႈရိမ့ၚ န႔ဥလီၚ.

အဝဲဒဥန႔ဥကဲဝဲဒဥဒ္သိးဒီး the General Cuncial ခံဘ်ီ ဒီး အကဲဝဲဒဥလ႕ the Pilar တႈကရ႕ကရိ vicar General လ႕အပူၚကြံဏ ဎဲႈနံဥ န႔ဥလီၚ.

တႈထ႕ရ့ထီဥ၀ံၚ မၚဒီးအသီတနံၚ ဖဲ လါ အိးကူး ၇ သီအခါန႔ဥ သီခါ Nazareth လုႈထီဥတႈလုႈမံၚဆါဖဲ ပံဥလၚ အတႈဘါဎြၚသရိာ္ (The Pilar Monastery Church )အပူၚန႔ဥလီၚ.

ဖဲအဝဲဒဥတႈစံးတဲၚတဲလီၚအပူၚစံးဝဲဒဥ ဎကပာ္ထီဥ ထီဥထီ  ပံဥလၚတႈကရ႕ကရိအတႈဖံးတႈမၚ ဒီး အတႈစံးစိၚတဲစိၚဒီးခါဆူညါဎကအုဥဎသး လ႕ ခရံာ္အဂီႈလ႕ ဎကစိဏခရံာ္အတႈသးခုကစီဥဆူပွၚသ့ဥတဖဥလ႕ တသ့ဥညါဒ္ဘဥ အီၚသ့ဥတဖဥန႔ဥလီၚ.

တႈရဲဥလီၚက်ဲၚလီၚတခါအံၚမ့ႈဝဲလ႕ ပွၚမၚလၚကပီၚ ပွၚအသီသ့ဥတဖဥလ႕ အကဲထီဥဝဲအခိဥအနႈလ႕ တႈကရ႕ကရိအပူၚန႔ဥလီၚ. လ႕ သီခါ Nazareth အတႈကတိၚလ႕ခံန႔ဥ အဝဲစံးဘ်ဴးဘဥပွၚကိးဂၚလ႕ အမၚတႈကရ႕ကရိတႈမၚလ႕ညါ လ႕အပူၚကြံဏသ့ဥတဖဥ န႔ဥဒီး အဝဲသ့ဥအတႈထုးဂံႈထုးဘါ ဒီးအတႈကြႈထြဲလ႕ တႈကရ႕ကရိအဂီႈသ့ဥတဖဥန႔ဥလီၚ.

သီခါ အါန႔ႈ အဂၚ ၃၅၀ ဒီး သပဠၚဒိဥစွၚဂၚသ့ဥတဖဥ မၚဝဲကစႈဎြၚအခ့အပွၚတႈမၚ လ႕ Delhi, Goa, Kolkata, Mumbai ဒီး the Agnel တႈလီႈသ့ဥတဖဥန႔ဥလီၚ.

တႈကရ႕ကရိတခါအံၚ မ့ႈလ႕ အမၚကဲဒိဥထီဥဒီး သူဥထီဥပွၚကညီသ့ဥတဖဥအတႈအိဥသးန႔ဥလီၚ. အဝဲသ့ဥတကြႈဘဥဝဲလ႕ ပွၚကညီအတႈစူႈတႈနဏယ အတႈဆဲးတႈလၚယ ဒီးအဝဲသ့ဥအကလုာ္ဒိဥသ့ဥတဖဥ ဘဥန႔ဥလီၚ. အဝဲသ့ဥအတႈကရ႕ကရိဖိသ့ဥတဖဥန႔ဥမၚဝဲတႈလ႕ Goa, Karnataka, Tamil Nadu, the union Terrirories of Andaman, Nicobar Islands, Daman, Diu ဒီး Nagar-Haveliတႈလီႈသ့ဥတဖဥန႔ဥလီၚ.

ဒီးအဝဲသ့ဥမၚအါထီဥဝဲဒဥ သီခါသ့ဥတဖဥ အိဥတႈလီႈ ဒီး အစိဏတႈသးခုကစီဥ တႈလီႈလ႕ထံကီႈသ့ဥတဖဥ လ႕ Nepal, England, the united states, Germany, Italy ဒီး Mauritania ကီႈသ့ဥတဖဥန႔ဥလီၚ.

India: Pilar Society elects new superior general