ကီႈပိဥလၚ တႈအဲဥတႈကြံ အသန႕ႈဆီဥထြဲမၚစ႕ၚက့ၚဒံး၀ဲ တႈလ႕ ကီႈဎူဥကရ့ လိဥဘဥ၀ဲလ႕ သ့ဥတဖဥ 22 March 2022,

ကီႈပိဥလၚ တႈအဲဥတႈကြံ အသန႕ႈဆီဥထြဲမၚစ႕ၚက့ၚဒံး၀ဲ တႈလ႕ ကီႈဎူဥကရ့ လိဥဘဥ၀ဲလ႕ သ့ဥတဖဥ

ကီႈပိဥလၚ တႈအဲဥတႈကြံ အသန႕ႈဆီဥထြဲမၚစ႕ၚက့ၚဒံး၀ဲ တႈလ႕အလိဥဘဥ၀ဲလ႕ ကီႈဎူဥကရ့ ဒီးစံးဘ်ဴးဘဥပွၚလ႕အမၚစ႕ႈဟ့ဥလီၚ စ့သ့ဥတဖဥန႔ဥလီၚ.

စံးဘ်ဴးဘဥပွၚလ႕ အတႈသူဥအိဥသးအိဥဟ့ဥတႈမၚ ဘူဥသ့ဥတဖဥန႔ဥလီၚ. ကီႈပိဥလၚ တႈအဲဥတႈကြံ အသန႕ႈဆီဥထြဲမၚစ႕ၚက့ၚဒံး၀ဲ တႈလ႕အလိာ္ဘဥ၀ဲလ႕ ကီႈဎူဥကရ့ အပူၚလ႕ပွၚဘဥစံဏမုႈဟးဖ်ိသ့ဥတဖဥ အဂီႈဒီး မၚစ႕ၚ၀ဲစ့ႈကီး ပွၚသ့ဥတဖဥလ႕ တူႈဘဥခီဥဘဥ တႈဒုးတႈဎၚ လ႕ ကီႈပူၚလ႕ အတႈလဲၚတႈက့ၚ တႈသ့ဥတဖဥန႔ဥလီၚ.

ဖဲကီႈ ရ႕ရွါ အဟဲဒုးတႈလ႕ ကီႈဎူၚကရ့ အပူၚကြံဏ တလါအတီႈပူၚန႔ဥ ကီႈပိဥလၚ မၚစ႕ၚကဒီး၀ဲ ပွၚသ့ဥတဖဥလ႕ အမ့ႈပွၚဘဥကီဘဥခဲ လ႕ ဘဥဃ့ဥမွံဟးဖ်ိးသ့ဥတဖဥန႔ဥလီၚ.

စံးဘ်ဴးဘဥပွၚလ႕ အမၚစ႕ၚတႈလ႕ အသူဥအိဥအသးအိဥ ဟ့ဥတႈသ့ဥတဖဥန႔ဥလီၚ. တႈအဲဥတႈကြံအဒူဥအထ႕ ၁၃၀ သ့ဥတဖဥ ဟ့ဥ၀ဲတႈမၚစ႕ၚလ႕ တႈအီဥတႈအီအဂီႈ လ႕ ၄၇ ကထိ တႈအီဥလ႕ တနံဥဂီႈန႔ဥလီၚ.

ပွၚအကဎၚ လ႕အကထိဘဥသ့ဥတဖဥ ဘဥဟးထီဥကြံႈ၀ဲလ႕ ကီႈဎူၚကရ့ အပူၚထဲ တႈကူတႈသိး အထ႕ဥတဖ်ႈန႔ဥအဃိ ပွၚတႈအဲဥတႈကြံ ပွၚမၚစ႕ၚတႈသ့ဥတဖဥ ဘဥဟ့ဥတႈမၚစ႕ၚလ႕ အ၀ဲသ့ဥအတႈလိဥဘဥသ့ဥတဖဥလ႕ အမ့ႈ၀ဲ တႈအီဥတႈအီယ ထံယ တႈကူတႈသိးယ ဎဥယ ခိဥသခ႕ဥ ဒီး လီႈမံဒါသ့ဥတဖဥန႔ဥလီၚ.

တႈမၚစ႕ၚလ႕ ဎူၚကရ့ကီႈအပူၚ

ဒ္တႈဘဥကီဘဥခဲဟဲကဲထီဥ၀ဲလ႕ ကီႈဎူၚကရ့ အပူၚန႔ဥ တႈလီႈတနီၚနီၚ ဘဥဃး ဒီးအ၀ဲသ့ဥ အတႈလိဥဘဥလ႕ ကအိဥမူအဂီႈ သ့ဥတဖဥ တအိဥ၀ဲလ႕ႈဘဥန႔ဥလီၚ ဘဥမႏူၚအဃိလဲၚန႔ဥ တႈလိဥဘဥလ႕ တႈလဲၚတႈက့ၚန႔ဥ မ့ႈလ႕အလိဥဘဥ၀ဲအါအါကလဲဏန႔ဥလီၚ.

ကီႈ ပိဥလၚ တႈအဲဥတႈကြံ အကရ႕ ပာ္ဖွိဥထီဥ ပွၚသ့ဥတဖဥလ႕ ဘဥဃးဒီး တႈလဲၚတႈက့ၚ လ႕ ကီႈဎူကရ့ အပူၚ စးထီဥဖဲ တႈဒုးတႈဎၚ ဟဲအိဥထီဥ၀ဲအခါန႔ဥလီၚ. တႈအဲဥတႈကြံ အကရ႕ သ့ဥတဖဥ လ႕အမ့ႈသီခါကရ႕ခိဥ အတႈပ႕လ႕အအိဥ၀ဲလ႕ ကီႈပူၚန႔ဥဆွ႕န႔ဥ၀ဲ သိလ့ဥ အဘ့ဥ ၅၀၀ လ႕ ကမၚစ႕ၚပွၚလ႕ အတႈလဲၚတႈက့ၚအဂီႈလ႕ ၇၃၀၀ တဥ (7300 tons) န႔ဥလီၚ.

တႈမၚစ႕ၚတႈလီၚတႈက်ဲ

ဒ္ပွၚဘဥဃ့ႈမွံဟးဖ်ိး ခီဂဏထံဆ႕ကီႈဆ႕ဆူ ကီႈပိဥလၚ အပူၚအဃိ ပွၚမၚစ႕ၚတႈသ့ဥတဖဥ ဘဥမၚစ႕ၚ၀ဲဒဥ အခဲအံၚ န႔ဥလီၚ.

တႈအဲဥတႈကြံအကရ႕ ပွၚဟ့ဥလီၚသးသ့ဥတဖဥ ပာ္လီၚ၀ဲတႈလီႈလ႕ အမၚစ႕ၚတႈ အိဥ၀ဲ ၂၆ ခါန႔ဥလီၚ. ဒီးလ႕ ပွၚကညီ အဂၚ ၈ ကထိအဂီႈ အတႈလိဥဘဥလ႕ တႈအီဥတႈအီယ ထံယ ထ႕ဥယ လီႈမံဒါသ့ဥတဖဥလ႕ အပူၚကြံ အႏြံအါသ့ဥတဖဥ အပူၚတ့ႈလံန႔ဥလီၚ.

ဖဲလ့ဥမ့ႈအူ အိဥကတီႈတႈလီၚလ႕ ပာ္ဇံဥမ့ႈဆံဥ (Przemysi) န႔ဥ ပွၚတႈအဲဥတႈကြံအကရ႕ သ့ဥတဖဥ သူဥလီၚ၀ဲတႈသူဥထီဥလ႕ ပွၚပိဥမုဥဒီးပွၚဖိသဥသ့ဥတဖဥလ႕ အဟဲ၀ဲလ႕ တႈကီတႈခဲ က်ဲသ့ဥတဖဥ ကအိဥဘွံး၀ဲအဂီႈန႔ဥလီၚ. တႈလီႈတခါအံၚ ဒ္သိးဒီးကဟ့ဥထီဥအ၀ဲသ့ဥ တႈဂံႈတႈဘါလ႕ ကလဲကဒါက့ၚ၀ဲဆူ ကီႈပိဥလဥအပူၚန႔ဥလီၚ. ကီႈအပူၚတႈအဲဥတႈကြံအကရ႕ သ့ဥတဖဥ မၚစ႕ၚ၀ဲပွၚကညီ ၈၆၀၀ ဂၚ ဒီးဖဲန႔ဥအက်ါ ပွၚဖိသဥ ပာ္ဃုဥ၀ဲ အဂၚ ၄၇၀၀ န႔ဥလီၚ.

ဒီးအ၀ဲသ့ဥမၚစ႕ၚ၀ဲစ့ႈကီး ပွၚအဂၚ ၃၀ ကထိဂၚလ႕ ပွၚပိဥလၚ အဟံဥဖိဃီဖိသ့ဥတဖဥ ကိးအိဥ၀ဲလ႕ အ၀ဲသ့ဥအဟံဥသ့ဥတဖဥန႔ဥလီၚ.

တႈဘိဥသ့ဥတဖဥလ႕ ကူဥပာ္စ႕ၚတႈလ႕ ကီႈဎူၚကရ့အဂီႈ

တႈအဲဥတႈကြံအကရ႕လ႕ ကီႈပိဥလၚ အပူၚ အ၀ဲသ့ဥ ကူဥပာ္စ႕ၚတႈလ႕  ထံကီႈသ့ဥတဖဥလ႕ ဘဥတႈကီတႈခဲလ႕ တႈဒုးတႈဎၚ ဒီး ကီႈဎူကရ့ အဂီႈ လ႕ ကဟဲအိဥ၀ဲလ႕ ကီႈပိဥလၚအပူၚ န႔ဥလီၚ.

တႈဘိဥအိဥ၀ဲ ၂၀၀ ကထိန႔ဥ ကဘဥဟ့ဥနီၚလီၚ၀ဲအိဥ ပဏလံ၀ဲန႔ဥလီၚ.

တႈကြႈထြဲမၚစ႕ၚဖိသဥသ့ဥတဖဥ

တႈကဲထီဥလ႕ တႈဒုးတႈဎၚအဃိိ ပွၚဖိသဥသ့ဥတဖဥ ဘဥတူႈဘဥ၀ဲတႈအါမးန႔ဥလီၚ. အ၀ဲသ့ဥတဖဥ ဘဥဃ့ႈပူၚ၀ဲဒီး တနီၚနီၚတုႈလ႕ အမိႈအပႈတအိဥ၀ဲလ႕ႈဘဥန႔ဥလီၚ.

တႈအဲဥတႈကြံအသန႕ႈလ႕ ကီႈပိဥလၚ သူဥထီဥပာ္လီၚ၀ဲဒဥ လ႕ တႈလီႈ ၂၅၀၀ လ႕ အဒိဥ ဒီး အဆံးသ့ဥတဖဥအတႈကရ႕ လ႕ ပွၚဖိသဥသ့ဥတဖဥလ႕ ကီႈဎူၚကရ့အပူၚလ႕ အအိဥ၀ဲလ႕ သ၀ီသ့ဥတဖဥဒီး ပွၚလ႕အမိႈအပႈ တအိဥဘဥသ့ဥတဖဥန႔ဥလီၚ. ဖိသဥ အဂၚ ၈၀၀ ဒီးပွၚလ႕ အကကြႈဖိသဥသ့ဥတဖဥ ဒုးအိဥ၀ဲလ႕ သီခါသ့ဥအကေိကရ႕ႈယ တႈကီၚသူဥကီၚသး အတႈလီႈယ ဒီးပွၚအိဥတႈလီႈလ႕ အန႔ဥ၀ဲနံဥသဘ်႔အခါ တႈအိဥလီၚသ့ဥတဖဥန႔ဥ စ့ႈကီးလံန႔ဥလီၚ. ပွၚဖိသဥအါဂၚသ့ဥတဖဥန႔ဥမ့ႈ၀ဲပွၚလ႕ အဖံးတႈမၚတႈ လဲၚတႈက့ၚတႈ တသ့ဥဘဥသ့ဥတဖဥန႔ဥလီၚ.

ပွၚဖိသဥလ႕ အအါကတ႕ႈသ့ဥတဖဥန႔ဥ ပာ္လီၚဆီ၀ဲလ႕ အိဥပိဥလံဥ သီခါကရ႕ခိဥတႈလီႈယ ဘဲဥလစကိဥ ဇ၀ံဥသီခါကရ႕ခိဥတႈလီၚယ စံဥဇဲဥစတိဆိဥ၀ဥ သီခါကရ႕ခိဥတႈလီၚဒီး ကရကိး သီခါကရ႕ခိဥတႈလီႈသ့ဥတဖဥန႔ဥလီၚ.

ပွၚလ႕တမ့ႈဘဥပွၚဎူၚကရ့အထံဖိကီႈဖိသ့ဥတဖဥ

ပွၚဎူၚကရ့ သ့ဥတဖဥဒီး ပွၚလ႕ထံကီႈအါဘ့ဥသ့ဥတဖဥလ႕ အဟဲအိဥ၀ဲလ႕ကီႈဎူကရ့န႔ဥစ့ႈကီး အဟဲ၀ဲဆူကီႈပိဥလၚအပူၚန႔ဥလီၚ.

အ၀ဲသ့ဥစ့ႈကီး န႔ဥဘဥ၀ဲတႈမၚစ႕ၚ လ႕ တႈအဲဥတႈကြံအကရ႕ ပာ္ထြဲ၀ဲလ႕ နီႈသးအတႈမၚစ႕ၚ ဒီး ပွၚလ႕ အကဆီတလဲတႈဆူ က်ိာ္အဂၚသ့ဥတဖဥန႔ဥလီၚ.

မ့မ့ႈတႈဒုးတႈဎၚမ့ႈအိဥ၀ဲဒံးဒီး တႈအဲဥတႈကြံအကရ႕လ႕ ကီႈပိဥလၚဒီး ထံကီႈပူၚ တႈအဲဥတႈကြံအသန႕ႈသ့ဥတဖဥ အိဥပာ္၀ဲဒဥစ့ႈကီးလ႕ ကမၚစ႕ၚပွၚလ႕ အတႈလိဥဘဥစးထီဥဖဲ ကီႈဎူရ႔သ့ဥတဖဥ တႈဒုးတႈဎၚဖးဒိဥ ခံ၀ီတ၀ီအခါန႔ဥလံလီၚ.

Vatican news

22 March 2022, 13:30