ကရ႕ကရိ ဘဥဃးဒီးတႈရၚလီၚတႈသးခုကစီဥ ကတဲႈကတီၚ၀ဲတႈမၚလၚမၚကပီၚ အနံဥ ၂၀၀ နံဥဆဲးဆ႕

ကရ႕ကရိ ဘဥဃးဒီးတႈရၚလီၚတႈသးခုကစီဥ ကတဲႈကတီၚ၀ဲတႈမၚလၚမၚကပီၚ အနံဥ ၂၀၀ နံဥဆဲးဆ႕

တႈအိဥဖွိဥကရ႕ အတႈကရ႕ကရိ ဘဥဃးဒီးတႈလီၚတႈသးခုကစီဥ (Pontifical Mission Society-PMS) အိဥကတဲႈကတီၚအသး ဒ္သိးအကမၚလၚမၚကပီၚ၀ဲ ကရ႕အံၚဘဥတႈသူဥထီဥအီၚ ပွဲၚထီဥအနံဥ ၂၀၀ ဒီးတႈမၚလၚမၚကပီၚတႈအံၚ ကမ့ႈ၀ဲဖဲ ၂၀၂၂ လါမ့ၚ ၃ သီအမုႈနံၚနဥ့လီၚ’ တႈကရ႕ကရိအံၚ အိဥသ့ဥနီဥထီဥ၀ဲ ပွၚလ႕အဒုးအိဥထီဥတႈတဂၚ အကံႈစီတၚလဥလ႕အထုးနဥ့ပွၚသးသ့ဥတဖဥ ဒီးပွၚဒုးအိဥထီဥတႈကရ႕ကရိအံၚ မ့ႈ၀ဲပိဏမုဥတဂၚလ႕အမံၚမ့ႈ၀ဲ Pauline Jaricot နဥ့လီၚ’ ပိဏမုဥအံၚအိဥဖ်ဲဥထီဥ၀ဲဖဲ ၁၇၉၉ လါဎူလံဥ ၂၂ သီ လ႕ကီႈ France နဥ့လီၚ’ လ႕ပွၚပတီႈမုႈဖိသ့ဥတဖဥ အတႈမၚဃုဏတႈဒီးအီၚအပူၚ ဒုးအိဥထီဥ၀ဲကရ႕ကရိတခါ ဖဲ ၁၈၂၂ လါမ့ၚ ၃ သီအမုႈနံၚ လ႕အမံၚမ့ႈ၀ဲလ႕ကိၚလၚ၀ါအက်ိဏ Propagation of Faith ဒီးအခီပညီမ့ႈ၀ဲ တႈရၚလီၚတႈသးခုကစီဥအကရ႕ယ ဒီးဘဥတႈပဏဂ႕ႈပဏက်႕ၚအီၚလ႕ ပႈပါပံဥအူႏြံဂၚတဂၚ ဖဲ ၁၈၂၃ အနံဥနဥ့လီၚ’

Pauline ဟ့ဥလီၚမူႈဟ့ဥလီၚနီႈအသး လ႕အဂ့ၚကဲဥဆိး၀ဲအပူၚ လ႕တႈမၚတႈခ့တႈပွၚအတႈမၚလ႕ ပွၚဖွီဥဖိဎဏဖိယ ပွၚဆူးပွၚဆါသ့ဥတဖဥအဂီႈ ခီဖ်ိအတႈလဲၚအိဥသကိးပွၚလ႕ တႈဆါဟံဥသ့ဥတဖဥ လ႕ကိးမုႈနံၚဒဲးအတႈအိဥမူအပူၚနဥ့လီၚ’

တႈမၚစ႕ၚအတႈဖိတႈလံၚ လ႕အလဲၚစိဏ၀ဲဆူ ပွၚလ႕အလိဏဘဥတႈသ့ဥတဖဥအအိဥ မ့ႈ၀ဲဃုဏဒီးအတႈထုကဖဥတႈဆူဥဆူဥကလဲဏ ခီဖ်ိအတႈဒိးနႈ့၀ဲကိဥဘူဥစီဆွံကိးမုႈနံၚဒဲးယ အတႈထုကဖဥနႈ့တႈလ႕ ပွၚဒဲးဘးဖိသ့ဥတဖဥ အတႈလဲလိဏကြံဏအသးအဂီႈယ ဒီးတႈရၚလီၚတႈသးခုကစီဥလ႕ ဟီဥခိဥခ်႕အဂီႈနဥ့လီၚ’

သံတ့ႈ၀ဲလ႕ တႈဖွီဥတႈဎဏအပူၚ ဖဲ ၁၈၆၂ လါဎႏူၚအါရံၚ ၉ သီအမုႈနံၚနဥ့လီၚ’ ဘဥတႈဒုးဟူထီဥသါလီၚအီၚ ဒ္အမ့ႈပွၚလ႕အႀက႕းဒီးတႈဎူးဎီဥပဏကဲ (Venerable) လ႕ပႈပါ ဎိၚဟဥ ၂၃ ဂၚတဂၚနဥ့လီၚ’ ဖဲ ၂၀၂၀ လါမ့ၚ ၂၆ သီအမုႈနံၚ ပႈပါဖရဥစ့းအ႕ဥလီၚတူႈလိဏ၀ဲ တႈလီၚလးဟဲအိဥထီဥအသး ခီဖ်ိတႈသနၚ့သးလ႕ပိဏမုဥအံၚ အတႈဃ့ကညးစ႕ၚတႈအပူၚယ ဒီးတႈဂ့ႈအံၚ ဒုးအိဥထီဥက်ဲလ႕ အကဘဥတႈပဏထီဥအီၚဒ္ ပွၚလ႕အဘဥဆိဥဂ့ၚတဂၚ (Beatification) အဂီႈနဥ့လီၚ’

တႈကရ႕ကရိလ႕အမ့ႈ Pontifical Mission Society အံၚ ဖံးတႈမၚတႈလ႕ ထံကီႈ ၁၃၀ သ့ဥတဖဥယ ဖဲပွၚမၚတႈလ႕တႈသးခုကစီဥ ၃၅၄ယ၀၀၀ယ တႈအိဥဖွိဥသရဥ/သရဥမုဥ ၃ ကကကြဲႈသ့ဥတဖဥ အတႈမၚဃုဏတႈအပူၚနဥ့လီၚ’

ဒ္ Covid-19 အိဥသလဏလီၚအသး ဖဲ ၂၀၂၀ အနံဥအပူၚအသိး ပႈပါဖရဥစ့း ဒုးအိဥထီဥ၀ဲ က်ိဏစ့အ၀ဲက်ိၚတမံၚလ႕အမံၚမ့ႈ၀ဲ Emergency Fund လ႕ထံကီႈလ႕အတူႈဘဥ၀ဲ Coronavirus နးနးကလဲဏသ့ဥတဖဥအဂီႈ ဒီးတႈစးထီဥစ့မၚဘူဥမ့ႈ၀ဲ ဒီဥလဥ ၇၅၀ယ၀၀၀ နဥ့လီၚ’  ပႈပါကတိၚသ့ဥနီဥထီဥ၀ဲ ပွၚမၚစ႕ၚသးကညီၚတႈအကရ႕လ႕အမ့ႈ၀ဲ Missio ဒီးစံး၀ဲလ႕ တႈဖံးတႈမၚ (Mission) မ့ႈ၀ဲသးစီဆွံအတႈဆိဥဂ့ၚတမံၚလ႕ ပဒိးနႈ့ဘဥကလီအီၚယ ဒီးပမ့ႈ၀ဲပွၚလ႕အရၚလီၚတႈသးခုကစီဥ (Missionary)အခီပညီမ့ႈ၀ဲ တႈကြႈထံဆိကမိဥလီၚက့ၚ တႈဘ်ဳးတႈဖွိဥလ႕ ပဒိးနႈ့ဘဥတ့ႈလံအီၚသ့ဥတဖဥအဂ့ႈနဥ့လီၚ’

Pontifical Mission Societies prepares for 200^th anniversary Celebration

Vatican News May 5 2021