ပမ့ႈ၀ဲပွၚသ့ဥတဖဥလ႕ အဒိးနႈ့ဘဥ ဎြၚအတႈကြဲမုဏပွၚ ဆူမူခိဥဘီမုႈအမူးဖးဒိဥအပူၚ အဂ့ႈ ပကဘဥသ့ဥနီဥထီဥ၀ဲထီဘိ

Homily of the 22^nd Sunday on Aug 28 2022 in Sgaw Karen

Lk 14: 1, 7-17

တႈဆီဥလီၚသူဥဆီဥလီၚသး မ့ႈတႈတမံၚလ႕ ပကဘဥက်ဲးစ႕ၚ ဒုးအိဥထီဥအီၚလ႕ ပလုႈပလႈအပူၚ ဒ္လ႕နီႈတဂၚအဂီႈမ့ႈဂ့ၚ လ႕ကရ႕ကရိအပူၚမ့ႈဂ့ၚ နဥ့လီၚ’ တႈဆီဥလီၚသူဥဆီဥလီၚသးအခီပညီ ကဎဲႈတႈလ႕အအိဥဒီးပွၚ ကိးမံၚဒဲးသ့ဥတဖဥ မ့ႈတႈလ႕အဟဲ၀ဲလ႕ဎြၚအအိဥယ ဒီးလ႕ပကပဏထီဥထီပသးအဂီႈ တႈဂ့ႈတအိဥ၀ဲနီတမံၚဘဥဒီး မ့ႈ၀ဲပတႈထံဥလီၚက့ၚပသး ဒ္တႈအိဥဒီးပွၚအမ့ႈအတီအသိးနဥ့လီၚ’ ပသုတဘဥသူ၀ဲ ပတႈသ့တႈဘဥ ဒီးတႈလ႕အအိဥဒီးပွၚသ့ဥတဖဥ လ႕တႈဆီဥသနံးမၚန႕ၚပွၚဂၚအဂီႈဘဥ နဥ့လီၚ’ တႈဆီဥလီၚသူဥဆီဥလီၚသးအခီပညီ မ့ႈ၀ဲ ပတႈသ့ဥညါလီၚက့ၚ ပတႈလုႈတႈပွၚ့လ႕အအိဥဒီးပွၚ ဒ္ပႀက႕းသ့ဥညါလီၚက့ၚအီၚ အသိးနဥ့လီၚ’ တမ့ႈတႈလ႕ ပကဘဥဆိကမိဥဒိဥလီၚပသးဘဥဒီး မ့ႈစ့ႈကီးတႈဂ့ႈလ႕ ပသုတဘဥဆိကမိဥဆံးလီၚက့ၚပသးဘဥ နဥ့လီၚ’

ပသုတဘဥဆိကမိဥဆံးလီၚက့ၚပသး ပသုတဘဥအိဥဒီးတႈသူဥဆံးသးဆံး တုၚဒဥလဲဥ ပပဏလီၚပသးဒ္ ပွၚသူပွၚတသ့လ႕ၚနီတမံၚ ” အသုတဘဥမ့ႈ၀ဲဒ္နဥ့ဘဥ နဥ့လီၚ’ မ့ႈ၀ဲပတႈသ့ဥညါ ပဏလုႈပဏပွၚ့လီၚက့ၚပသး ဒ္တႈမ့ႈတႈတီအိဥ၀ဲအသိးနဥ့လီၚ’ မ့ႈ၀ဲပတႈအ႕ဥလီၚတူႈလိဏလီၚက့ၚပသး ဒ္တႈအိဥဒီးပွၚ အိဥ၀ဲအသိးနဥ့လီၚ’ ဎတသ့ဥညါဎဲတႈ ခဲလ႕ဏခဲဆ့ဘဥ ဒီး ဎတသ့မၚတႈခဲလ႕ဏခဲဆ့စ့ႈကီးဘဥနဥ့လီၚ’ ဎမ့ႈပွၚတႈဒဲးဘးဖိ လ႕အတလ႕တပွဲၚ၀ဲတဂၚနဥ့လီၚ’ ဘဥဆဥ ဎမ့ႈပွၚလ႕ အဘဥတႈတ့လီၚပဏလီၚဎၚ အိဥ၀ဲဒီးဎြၚအက့ႈအဂီၚအဂ့ႈ ဎကဘဥသ့ဥညါ နႈပ႕ႈ ဒီးတူႈလိဏဎဲ တႈမ့ႈတႈတီအံၚနဥ့လီၚ’

ဎကဘဥသူဎဲတႈဆိဥဂ့ၚ လ႕အအိဥဒီးဎၚသ့ဥတဖဥ ဒီးဎကဘဥမၚဃုဏတႈလ႕ တႈတ့ဘွီထီဥ ဎြၚအဘီအမုႈအဂီႈနဥ့လီၚ’ ပမ့ႈပွၚသ့ဥတဖဥလ႕ အဘဥတႈအုဥက့ၚခီဥက့ၚအီၚလ႕ ဎြၚအဖိခြါတဂၚဃီအဃိ ပ၀ဲသ့ဥခဲလ႕ဏ ပမ့ႈပွၚသ့ဥတဖဥလ႕ အဒိးနႈ့ဘဥ ဎြၚအတႈအဲဥတႈကြံသ့ဥတဖဥနဥ့လီၚ’

တႈဆီဥလီၚသူဥဆီဥလီၚသး လ႕ကစႈဎ့ဥရွဴးခရံဏသိဥလိပွၚ မ့ႈတႈတမံၚလ႕ အဘဥထြဲလိဏအသးဒီး ပွၚဂ့ႈ၀ီ ကရ႕ကရိစ့ႈကီးနဥ့လီၚ’ မ့ႈ၀ဲဒ္သိး ပကဘဥရ့လိဏပသးဒီး ပွၚလ႕အတႈအိဥအသး တလ႕တပွဲၚ၀ဲသ့ဥတဖဥယ ပကဘဥရ့တံၚရ့သကိးဒီး ပွၚလ႕အဘဥတႈပဏကပၚကြံဏအီၚ ဘဥတႈတကနဏဃုဏအီၚသ့ဥတဖဥ နဥ့လီၚ’ ဒ္သိးပကသ့ဥနီဥထီဥ ရ့တံၚရ့သကိးဒီး ပွၚလ႕အတႈအိဥတႈဆိးအလီႈတအိဥလ႕ၚ၀ဲသ့ဥတဖဥယ ပွၚလ႕အတသ့နႈ့အိဥနႈ့၀ဲသ့ဥတဖဥယ ပွၚလ႕အသးပွႈလံ၀ဲသ့ဥတဖဥယ ပွၚလ႕အတကူတလ႕၀ဲသ့ဥတဖဥယ ပွၚလ႕အတသ့မၚဘ်ဳးဆ႕က့ၚပွၚနီတမံၚသ့ဥတဖဥအဂီႈ မ့ႈ၀ဲပကစႈ အတႈကြဲမုဏပွၚနဥ့လီၚ’

ပမ့ႈ၀ဲပွၚသ့ဥတဖဥလ႕ အဒိးနႈ့ဘဥ ဎြၚအတႈကြဲမုဏပွၚ ဆူမူခိဥဘီမုႈအမူးဖးဒိဥအပူၚ အဂ့ႈ ပကဘဥသ့ဥနီဥထီဥ၀ဲထီဘိနဥ့လီၚ’ ဖဲပဘူဥဘါဃုဏတႈလ႕ တႈလုႈမံးဆါအပူၚ တဘ်ီလႈလႈ မ့ႈ၀ဲပတႈမၚဃုဏဆိပဏစ႕ၚ တႈအီဥမူးလ႕ မူခိဥဘီမုႈနဥ့လီၚ’ ဖဲတႈဂ့ႈလ႕အဘဥဃးဒီးပနီႈသး အတႈအိဥအသးအခါ ပ၀ဲသ့ဥတဖဥ ပမ့ႈ၀ဲပွၚဖွီဥဖိဎဏဖိသ့ဥတဖဥယ ပွၚလ႕အတသ့နႈ့အိဥနႈ့၀ဲသ့ဥတဖဥအဃိ ပမ့ႈပွၚသ့ဥတဖဥလ႕ အလိဏဘဥ၀ဲဎြၚအတႈဘ်ဳးတႈဖွိဥ ဎြၚအတႈမၚစ႕ၚသ့ဥတဖဥနဥ့လီၚ’ ဒ္သိးပကသ့လဲၚတႈဆူညါ ဘ်႕ဘ်႕လိၚလိၚအဂီႈယ ဒ္သိးပကသ့လဲၚတႈ ဒ္ပတႈစူႈတႈနဏအိဥ၀ဲအသိး ဂ႕ႈဂ႕ႈက်႕ၚက်႕ၚအဂီႈ ပလိဏဘဥဎြၚအတႈမၚစ႕ၚပွၚနဥ့လီၚ’ ဘဥဃးဒီးပတႈစူႈတႈနဏအခါ ပလီၚဂဏဒ္ပွၚမဲဏဘ်ီဥအဃိ ပကဘဥဃ့ထုကဖဥသကိး ဒ္သိးပကဒိးနႈ့ဘဥ၀ဲ တႈစူႈတႈနဏ အတႈကပီၚနဥ့လီၚ’ ဖဲပဘူဥဘါဃုဏတႈလ႕ တႈလုႈမံးဆါအပူၚ အိဥဒီးတႈသူဥတုၚလီၚသးတုၚလီၚ၀ဲအခါ မ့ႈ၀ဲပတႈတူႈလိဏ ဎြၚအတႈကြဲမုဏပွၚနဥ့လီၚ’

ဒ္ပမ့ႈ၀ဲပွၚသ့ဥတဖဥ လ႕အဘဥတႈကြဲမုဏအီၚလ႕ဎြၚအသိး ပကဘဥမ့ႈစ့ႈကီး ပွၚလ႕အတူႈလိဏ ပွၚကိးဂၚဒဲး လ႕ပတႈအိဥမူအပူၚနဥ့လီၚ’ မ့ႈလ႕ပမ့ႈ၀ဲပွၚသ့ဥတဖဥ လ႕အဘဥတႈကြဲၚမုဏပွၚ လီၚလီၚဆီဆီလ႕ဎြၚအဃိ ဖဲပတႈအိဥမူတစိၚအံၚအပူၚ ပမ့ႈပွၚသ့ဥတဖဥလ႕ အအိဥမူ၀ဲလ႕ တႈဒိဥတႈထီကတ႕ႈဎြၚ အမဲဏညါအဃိ ပကဘဥအိဥမူဖံးတႈမၚတႈလ႕ တႈဆီဥလီၚပသးအပူၚ ထီဘိနဥ့လီၚ’ ဒ္ပမ့ႈပွၚသ့ဥတဖဥလ႕ အတူႈလိဏခီဥဆ႕ တမွံၚတပ်ီၚသ့ဥတဖဥအသိး ပမူပဒါ ကဘဥလ႕ပွဲၚ၀ဲလ႕ ပွၚလ႕အတသ့မၚဘ်ဳးဆ႕က့ၚပွၚ သ့ဥတဖဥအဖီခိဥ နဥ့လီၚ’ ပသုတဘဥပဏတ့ႈကြံဏ ပဒူဥဖိထ႕ဖိ ပတံၚသကိးသ့ဥတဖဥစ့ႈကီးဘဥ နဥ့လီၚ’ ကဎဲႈတႈဆိဥဂ့ၚ ယ တႈသ့တႈဘဥယ တႈဘ်ဳးတႈဖွိဥလ႕အအိဥဒီးဎၚသ့ဥတဖဥ မ့ႈတႈလ႕အဟဲ၀ဲလ႕ တႈဆိဥဂ့ၚသ့ဥတဖဥ အခီဥထံးခီဥဘိဎြၚအအိဥအဂ့ႈ ဎကဘဥသ့ဥနီဥထီဥ၀ဲထီဘိနဥ့လီၚ’ ပကဘဥတ့ဘွီထီဥ၀ဲ တႈပဏသူဥပဏသး ဘဥဃးဒီးတႈဆီဥလီၚသူဥဆီဥလီၚသး လ႕ပသူဥကံဥသးလဲအပူၚထီဘိနဥ့လီၚ’ ဒ္နဥ့ဒီး ပကသ့အိဥမူ၀ဲလ႕ တႈသူဥမံသးမုဏ တႈသူဥဖွံသးညီအပူၚထီဘိနဥ့လီၚ’ မ့ႈ၀ဲတႈသူဥဖွံသးညီ တႈသူဥမံသးမုဏလ႕ အဟဲ၀ဲလ႕ တႈဆီဥလီၚသူဥဆီဥလီၚသး အမ့ႈအတီအပူၚ အဃိနဥ့လီၚ