အိဥဘွံးနံၚတႈစံဏတဲၚတဲလီၚဖဲ လါ စဲးတ့ဘ႕ႈ ၀၉ သီ ၂၀၁၈

၂၀၁၈ စဲးတ့ဘ႕ႈ ၉ သီ ” ၂၃ အိဥဘွံးနံၚယ Mk 7:31-37

 ပကဘဥမၚစ႕ၚခရံဏပကစႈယ လ႕တႈဎါဘ်ါကြံဏပွၚနဥတအ႕ ဒီးပွၚလ႕အကတိၚတႈတသ့၀ဲသ့ဥတဖဥနဥ့လီၚ။ ခရံဏကစႈသးအိဥထိးဘဥပွၚ ဃုဏဒီးအတႈဎါဘ်ါကြံဏတႈ အတႈစိတႈကမီၚယ ဒ္သးိပထးခိဥဒီးပပ့်ၚ အသုတဘဥတႈႀတီမၚတံဥတဥအီၚအဂီႈဘဥနဥ့လီၚ။ ဒ္နဥ့ဒီးပကစႈကသ့ စံးကတိၚတႈဆူပွၚလ႕အဆ႕နဥဟူဘဥ အတႈစံးတႈကတိၚ ခီဖ်ိအတႈသူ၀ဲပထးခိဥ အတႈစံးကတိၚတႈနဥ့လီၚ။ ကြဲပွၚဒ္သိးပကဟ့ဥလီၚအီၚ ပသူဥပသး ဒ္နဥ့ဒီးကသ့ထိးဘဥ၀ဲပွၚဂၚအတႈအိဥိမူအိဥဂဲၚ ခီဖ်ိလ႕ပတႈအိဥမူအိဥဂဲၚအပူၚနဥ့လီၚ။ ဆ႕ကတီႈလ႕အပူၚကြံဏတ့ႈလံ၀ဲအပူၚ ခရံဏကစႈထိးဘဥ၀ဲ ပွၚအကကြဲႈဒီးအကကြဲႈသ့ဥတဖဥ အသူဥအသး ခီဖ်ိပွၚစီဆွံသ့ဥတဖဥအတႈအိဥမူအိဥဂဲၚနဥ့လီၚ။

ပွၚစီဆွံ (Francis Assisi), ပွၚစီဆွံ (Vincent De Paul). (Mother Teresa) လ႕ (Cultutta) မ့ႈပွၚသ့ဥတဖဥလ႕အအိဥဖ်ါိ၀ဲဒ္ ဒိဂ့ၚတဲႈဘဥလ႕ပမဲဥညါနဥ့လီၚ။ ဒ္ပွၚသ့ဥတဖဥအံၚအသိး ပဘဥတႈကိးပွၚဒ္သိးပကမ့ႈ ပွၚဖွီဥဖိဎဏဖိသ့ဥတဖဥအကလုႈယပွၚလ႕အလိဏဘဥတႈမၚစ႕ၚသ့ဥတဖဥယ ပွၚလ႕အဘဥတႈဎီႈတံဥဆီဥသနံးအီၚသ့ဥတဖဥယ ပွၚသ့ဥတဖဥလ႕အဘဥတႈတကနဥဃုဏအီၚသ့ဥတဖဥယ ပွၚလ႕အတအိဥဒီးတႈခြဲးတႈဎဏလ႕ အကကစံးကတိၚပဏဖ်ါထီဥအတႈဂ့ႈ အတႈအိဥအသးသ့ဥတဖဥအဂီႈနဥ့လီၚ။ ပမ့ႈပ်ဲပသး ဒ္သိးဎြၚကသူပွၚဒီး ပကသ့နဥဟူ၀ဲပွၚဖွိဥဖိဎဏဖိ ပွၚဆူးပွၚဆါသ့ဥတဖဥ အတႈကိးပသူထီဥနဥ့လီၚ။ ခရံဏကစႈအတႈထိးဘဥပွၚ မ့ႈလ႕ပအိးထီဥပသးဆူအအိဥအံၚအဃိယ ကသ့ပဏဖ်ါထီဥ၀ဲအတႈသူဥအိဥသးအိဥတႈယ အတႈသးကညီယ အတႈကြႈဆိကမိႈတႈလ႕ ခီဖ်ိလ႕ပတႈမၚဃုဏတႈဒီးအီၚအပူၚ နဥ့လီၚ။ ဖဲပပ်ဲပသးဒ္သိးအကထိးဘဥပွၚအခါ အတႈထိးဘဥပသူဥပသး ကမၚစ႕ၚပွၚဒ္သိး ပကသ့စိဏဆွ႕တႈမုႈတႈခုဏယ စိဏဆွ႕တႈမုႈလဏဆူပွၚလ႕ပဃိဏပဃ႕ၚသ့ဥတဖဥအအိဥနဥ့လီၚ။

ပကဘဥပ်ဲခရံဏကစႈ ဒ္သိးအကဎါဘ်ါကြံဏပနီႈသးအနဥတအ႕၀ဲ ပနီႈသးအထးခိဥကတိၚတႈတသ့ယ အုးအး၀ဲအသိးနဥ့လီၚ။ ဖဲတႈသူဥအုးသးအုးအဆ႕ကတီႈယ ဖဲတႈတကဲထီဥလိဏထီဥအဆ႕ကတီႈယ ဖဲတႈသူဥဟးဂီၚသးဟးဂီၚအဆ႕ကတီႈအခါ ပနဥတဟူလ႕ၚ၀ဲဎြၚအကလုႈကထါ ခီဖ်ိလ႕ပွၚအဂၚအတႈအဲဥတႈကြံပွၚ အတႈသူဥအိဥသးအိဥပွၚအပူၚ သ့၀ဲနဥ့လီၚ။ လ႕နဥ့အမဲဥညါ တႈဟီဥခိဥခ်႕အတႈဂ့ႈ အကလုႈကလုႈသ့ဥတဖဥ အကလုႈသီဥသထူဥ၀ဲ တုၚဒဥလဲဥ ပတနဥဟူလ႕ၚ၀ဲ ပွၚလ႕ပအဲဥအီၚသ့ဥတဖဥအကလုႈ ပတနဥဟူလ႕ၚပွၚလ႕အအဲဥပွၚသ့ဥတဖဥအကလုႈ ကဲထီဥသ့၀ဲနဥ့လီၚ။ တႈစံးကတိၚတႈဒီးဎြၚလ႕တႈထုကဖဥအပူၚယ တႈဒိကနဥအကလုႈကထါခီဖ်ိလံဏစီဆွံ ဒီးခီဖ်ိတႈအိဥဖွိဥကရ႕အတႈသိဥလိသီလိတႈသ့ဥတဖဥ ကမ့ႈတႈလ႕အကီ၀ဲလ႕ပဂီႈ ကဲထီဥသ့၀ဲနဥ့လီၚ။

လ႕ပ၀ဲသ့ဥအါဒံအါဂၚအဂီႈ တႈမၚလိတႈပနီႈစီဆွံႏြံမံၚအဂ့ႈယ တႈမၚလိတႈမၚလိဏဆံံထံဥအဂ့ႈယ တႈမၚလိတႈအိဥဖွိဥအတႈသိဥတႈသီဃုထံဥအဂ့ႈယ တႈမၚလိ တႈကမဥဖးဒိဥႏြံမံၚအဂ့ႈ တႈသ့ဥတဖဥအံၚ ကလီၚဂဏ၀ဲဒ္သိး ပတႈဃုသ့ဥညါမၚလိပသးကတ႕ႈ၀ဲလံဒီး ပသးတအိဥဃုသ့ဥညါနဥပ႕ႈလ႕ၚ ထူကလုႈဎြၚကထါ ဒီးတႈအိဥဖွိဥကရ႕အတႈသိဥလိနဲဥလိတႈသ့ဥတဖဥ လ႕ၚဘဥနဥ့လီၚ။ ပသ့ထံဥဘဥ၀ဲစ့ႈကီး ပွၚလ႕အတႈသ့ဥညါနဥပ႕ႈတႈ အိဥလ႕ပွဲၚ၀ဲလ႕ အတႈသိဥလိနဲဥလိတႈယ  လ႕အတႈဖံးလီႈမၚလီႈအပူၚဘဥဆဥယ လ႕အတႈစူဥတႈနဏတခီ လီၚဂဏဒ္ပွၚလ႕ အအိဥဒ္၀ဲလ႕ ပွၚလ႕အတသ့လံဏသ့လဲဥ တႈသ့ဥညါနဥပ႕ႈတအိဥဒ္၀ဲအပတီႈနဥ့လီၚ။

မ္ပကကြႈလိကြႈဒိး ပွၚလ႕အကတိၚတႈတသ့၀ဲ လ႕လံဏတႈသးခုကစီႈအပူၚတဂၚအံၚ အတႈက်ဲးစ႕ၚဃုထံဥနဥ့၀ဲခရံဏကစႈယ ဒီးဖဲအထံဥ၀ဲအခါ လူၚပိဏထြဲ၀ဲအခံ ပဏတ့ႈကြံဏပွၚဂီႈမုႈအဂၚသ့ဥတဖဥလ႕လီႈခံယ ဟ့ဥတႈဆ႕ကတီႈလ႕ခရံဏကစႈအဂီႈ ဘူးဘူးတံဥတံဥ ဒ္သိးအကသ့ဥညါအါထီဥ ခရံဏကစႈအဂ့ႈအက်ိၚ အဂီႈနဥ့လီၚ။

လ႕ပဂီႈတခီ ကမ့ႈ၀ဲခီဖ်ိ တႈက်ဲးစ႕ၚမၚလိမၚဒိးပသး လ႕ထူကလုႈဎြၚကထါ လ႕အမ့ႈလံဏစီဆွံယ ဒီးလ႕ပတႈထုကဖဥတႈသ့ဥတဖဥအပူၚနဥ့လီၚ။ ဒ္နဥ့ဒီးပကထံဥသ့ဥညါဘဥ၀ဲ ပကစႈအတႈဎါဘ်ါကြံဏတႈ အတႈစိတႈကမီၚ ဖံးတႈမၚတႈလ႕ပတႈအိဥမူအပူၚ ဒီးကအိးထီဥ၀ဲပနဥယကအိးထီဥ၀ဲပထးခိဥနဥ့လီၚ။

ပဘဥတႈဒုးသ့ဥနီႈထီဥပွၚလ႕ ခရံဏအိဥ၀ဲဒီးတႈစိတႈကမီၚလ႕ အကဎါဘ်ါကြံဏ နီႈသးအနဥတအ႕၀ဲ မ့ႈလ႕တႈကမဥလ႕ ပမၚတ့ႈလံအီၚခဲအံၚခဲအံၚသ့ဥတဖဥနဥ့လီၚ။ သးလ႕အပဏကိၚ ပဏမးအသးလ႕တႈတကနဥဃုဏ တႈဒိကနဥတႈသိဥတႈသီယ သးလ႕အသးတအိဥလဲလိဏကြံဏအသးယ သးလ႕အတဆ႕အိဥမူ၀ဲဒ္ဎြၚအကလုႈကထါ အတႈထုးစုနဲဥက်ဲပွၚသ့ဥတဖဥ မုႈတနံၚအံၚ ပအိဥ၀ဲဒီးပကစႈအတႈကတိၚလ႕အမ့ႈ (အ့ၚဖၚသါ အိးထီဥတက့ႈ) နဥ့လီၚ။ ပအိဥဒီးမူဒါလ႕ ပကဘဥစိဏဆွ႕ခရံဏပကစႈအတႈကတိၚအံၚ ဆူတႈလီႈလ႕ပအိဥ၀ဲ တႈလီႈလ႕ပလဲၚတုၚ၀ဲသ့ဥတဖဥအပူၚနဥ့လီၚ။ ဖိဒံဖိသဥဒီးသူဥဘီဥသးစႈလ႕အတနဥဟူ သ့ဥညါနဥပ႕ႈဒ္၀ဲ တႈသိဥတႈသီ တႈမ့ႈတႈတီ အိဥဒ္၀ဲအါဒံအါဂၚနဥ့လီၚ။ တႈဘဥဎိဏအိဥအါ၀ဲလ႕ ပွၚသ့ဥတဖဥအံၚ ကလဲၚတုၚ၀ဲဆူက်ဲလ႕အကမဥ၀ဲသ့ဥတဖဥအပူၚ နဥ့လီၚ။ သကဲးပ၀ဏလ႕အဂ့ၚယ သးသမူအတႈစီတႈဆွံယ တႈတီတႈလိၚလ႕ပွၚကညီဂ့ႈ၀ီအပူၚ တႈသ့ဥတဖဥအံၚ ကဘဥနဥဟူ သ့ဥညါဒီးနဥပ႕ႈ ကဘဥအိဥမူထြဲ၀ဲနဥ့လီၚ။ မ္ဎြၚပကစႈကထိးဘဥပသူဥပသး ခီဖ်ိမုႈတနံၚအံၚ အတႈကတိၚလ႕အမ့ႈ (အ့ၚဖၚသါ အိးထီဥတက့ႈ) ဒ္နဥ့ဒီးပသူဥပသးကအိးထီဥ၀ဲ ပကသ့စံးစ့ႈကီး ပွၚလ႕အသူဥအသးကးတံဥဃဥအသး ဖ႕ဘ႕ဃဥအသး လ႕ဎြၚအတႈအဲဥ အတႈႏုႈလီၚ၀ဲဆူအသူဥအသးအပူၚအဂီႈ ဒီးမ္ပကစံး အိးထီဥတက့ႈ ဆူပဒီပုႈ၀ဲႈတံၚသကိးခဲလ႕ႈသ့ဥတဖဥအအိဥ နဥ့တက့ႈ။

မ္ဎြၚဆိဥဂ့ၚဘဥသုထီဘိတက့ႈ”