တႈကြႈထံဆိကမိႈ မးသဲ ၃း ၁”၁၂ ဒံဥစ့ဘ႕ဥ ၈ သီ ၂၀၁၉

တႈကြႈထံဆိကမိႈ မးသဲ ၃း ၁”၁၂ ဒံဥစ့ဘ႕ဥ ၈ သီ ၂၀၁၉

တႈကြႈလဏခရံဏအတႈဟဲ၀ဲ ခံႏြံတႏြံအိဥဘွံးနံၚ

• ဒ္ကစႈဎ့ႈရွဴးအသိး စီၚဎိၚဟဥစံဏတဲတဲလီၚတႈ ဘဥဃးဒီးတႈပီႈဎဏလီၚက့ၚသးနဥ့လီၚ’ တႈပီႈဎဏလီၚက့ၚသးအခီပညီတမ့ႈထဲလ႕ ပဃ့ပ်ႈပတႈကမဥ (I am deeply sorry) ဘဥဒီးယ မ့ႈတႈလ႕အဘဥဃးဒီး တႈလဲလိဏကြံဏပတႈဆိကမိႈဆိကမးယ တႈလဲလိဏကြံဏလုလဏလ႕အအ႕၀ဲသီ၀ဲယ တႈလဲလိဏကြံဏပသးလ႕ အကဘဥဟဲအိဥထီဥ၀ဲလ႕ သူဥဒီဖ်႕ဥသးဒီဖ်႕ဥအပူၚနဥ့လီၚ’ တႈလဲလိဏကြံဏပသး မ့ႈတႈလ႕အခီပညီဒိဥနဥ့ တႈပီႈဎဏလီၚက့ၚပသးယ ဒီးမ့ႈ၀ဲတႈက့ၚကဒါက့ၚဆူ တႈအိဥမူဒ္လ႕အပူၚကြံဏတ့ႈလံ၀ဲအသိး ဘဥဆဥ ကဘဥမ့ႈတႈလ႕ အအိဥပူၚဖ်ဲး၀ဲဒီး တႈဒဲးဘးတႈကမဥသ့ဥတဖဥနဥ့လီၚ’
• ပွၚလဲၚ၀ဲဆူစီၚဎိၚဟဥ (John the Baptist) အအိဥ မ့ႈ၀ဲပွၚခံဖုသ့ဥတဖဥနဥ့လီၚ’ ပွၚတဖုမ့ႈ၀ဲ ပွၚလ႕အအိဥ၀ဲဒီးတႈသူဥတီသးလိၚယ ပွၚအပွီႈဎဏလီၚက့ၚအသးနီႈနီႈယ ပွၚလ႕အကြႈစိမုဏလဥ တႈမၚဃူလိဏဖိးလိဏက့ၚသးဒီးဎြၚနဥ့လီၚ’ အဂၚတဖုမ့ႈ၀ဲ ပွၚဖဥရံၚရွဲသ့ဥတဖဥယ ပွၚစၚဒူးကဲသ့ဥတဖဥနဥ့လီၚ’ ပွၚသ့ဥတဖဥအံၚ လဲၚ၀ဲဆူစီၚဎိၚဟဥအအိဥ တမ့ႈလ႕အကပဏဖ်ါထီဥ အတႈသူဥကႈသးလီၚလ႕ အတႈဒဲးဘး အတႈကမဥသ့ဥတဖဥအဃိဘဥဒီး မ့ႈဒဥလ႕အကမၚကြႈစီၚဎိၚဟဥ အတႈလူၚပိဏထြဲ၀ဲ တႈသိဥတႈသီဆံးအါဆံးအါလဲဥနဥ့လီၚ’
• ပွၚဖဥရံၚရွဲသ့ဥတဖဥ ပဏလီၚအသးလ႕ အမ့ႈ၀ဲ ပွၚဟဲလီၚစ႕ၚလီၚသြဲဥ၀ဲလ႕ စီၚအဥႀဘၚဟဥအဃိ ဆိကမိႈ၀ဲလ႕ အ၀ဲသ့ဥအဂီႈ တႈအုဥက့ၚခီဥက့ၚ မ့ႈတႈလ႕အအိဥလံ၀ဲလ႕အ၀ဲသ့ဥအဂီႈ လီၚတံဥလီၚဆဲးလံနဥ့လီၚ’ အနီႈနီႈတခီ ပကဘဥသ့ဥညါနဥပ႕ႈသကိးပ၀ဲလ႕ ပမ့ႈပွၚသ့ဥတဖဥလ႕ အဘဥသနၚ့အသးလ႕ဎြၚ ဘဥဃးဒီးကဎဲႈတႈကိးမံၚဒဲး လ႕ပလိဏဘဥအီၚသ့ဥတဖဥအဂီႈနဥ့လီၚ’
• တႈအုဥက့ၚခီဥက့ၚ ဟဲတုၚဒဥ၀ဲဆူ ပွၚလ႕အသနၚ့အသးဒီးဟ့ဥလီၚအသး လ႕ဏလ႕ဏဆ့ဆ့ ဆူဎြၚအစုပူၚ ဒီးက်ဲးစ႕ၚဒုးကဲထီဥအတႈပဏသူဥပဏသးဒီး ဎြၚအတႈပဏသူဥပဏသးတမံၚဃီတခါဃီနဥ့လီၚ’ ပသုတဘဥမ့ႈပွၚလ႕အဆိကမိႈ၀ဲလ႕ တႈဒိးနဥ့တႈသ့စီလ႕တႈအိဥဖွိဥကရ႕အပူၚ၀ံၚ တႈအုဥက့ၚခီဥက့ၚမ့ႈတႈလ႕အလီၚတံဥလီၚဆဲးလံဒီး တလိဏလ႕ပဘဥတမၚလ႕ၚတႈနီတမံၚလ႕ၚဘဥနဥ့လီၚ’ ပဘဥတနဥပ႕ႈ၀ဲဒ္အံၚဘဥနဥ့လီၚ’
• ဎြၚမုႈလဏတႈလ႕ပအိဥအါ၀ဲစ့ႈကီးနဥ့လီၚ’ လ႕ခံပကနဥဟူဘဥ၀ဲခရံဏအတႈစံးတႈကတိၚ အိဥဒီးအခီပညီလ႕အမ့ႈ ပွၚလ႕အဆိကမိႈလီၚအသးလ႕ဎြၚဖိဎြၚလံၚသ့ဥတဖဥ ဘဥဆဥ အတႈဖံးတႈမၚလ႕အပဏဖ်ါထီဥတႈဒ္ အမ့ႈ၀ဲဎြၚဖိဎြၚလံၚသ့ဥတဖဥမ့ႈတအိဥဒီး က်ဲကအိးထီဥအသးဆူ ပွၚဃ့သြဲယ ပွၚဃဲသဲမုဥသ့ဥတဖဥအအိဥယ မ့ႈလ႕အ၀ဲသ့ဥဘွီက့ၚအသးအဃိယ ကသ့လဲၚႏုႈ၀ဲဆူမူခိဥဘီမုႈ တႈလီၚထူလီၚဎိဏအပူၚနဥ့လီၚ’
• တမ့ႈထဲတႈစံဏစိၚတဲစိၚဎိဎိတမံၚဘဥဒီး Advent အခီပညီ တႈအိဥခိးကြႈလဏခရံဏကစႈအတႈဟဲ၀ဲအဃိယ ဆ႕ကတီႈအံၚ မ့ႈဆ႕ကတီႈလ႕အအိဥလ႕ပွဲၚ၀ဲဒီးအခီပညီယ ခီဖ်ိခရံဏအတႈဟဲ၀ဲသပွႈကတ႕ႈ ဆူပ၀ဲသ့ဥတဂၚဘဥတဂၚ အတႈအိဥမူအပူၚမ့ႈဂ့ၚ လ႕ပကရ႕ကရိအတႈအိဥမူအိဥဂဲၚအပူၚမ့ႈဂ့ၚနဥ့လီၚ’
• စီၚဎိၚဟဥ (John the Baptist) မ့ႈဟဲဆူပအိဥလ႕ ဆ႕ကတီႈခ့ခါခဲအံၚဒီး မ့ႈအကစံးပွၚတႈမႏုတမံၚလဲဥ’ အတႈကတိၚဟ့ဥပလီႈတႈ ကမ့ႈ၀ဲတႈမႏုတမံၚလဲဥ’ ဒ္ပစးထီဥသကိး တႈအိဥဖွိဥကရ႕အနံဥသီလါသီအသိး ပလိဏဘဥ၀ဲတႈလဲလိဏပသး တႈလဲလိဏလ႕ပတႈအိဥမူအိဥဂဲၚအပူၚ ကဘဥမ့ႈ၀ဲလ႕ တႈဂ့ႈဖဲလဲဥသ့ဥတဖဥအပူၚနဥ့လဲဥ’ ပ၀ဲသ့ဥတဖဥဒီး ပဒူဥဖိထ႕ဖိသ့ဥတဖဥ ကသ့အုဥအသး ဘဥဃးဒီးခရံဏအိဥဖ်ဲဥအတႈသးခုအကစီႈ ကသ့၀ဲဒ္လဲဥ’ ဖဲတႈကြႈလဏခရံဏအတႈဟဲ၀ဲအကတီႈ တႈသံကြႈသ့ဥတဖဥအံၚ မ့ႈတႈလ႕ပကဘဥကြႈထံဆိကမိႈ ဒီးဃုထံဥနဥ့တႈစံးဆ႕ လ႕တႈသူဥတုၚလီၚသးတုၚလီၚအပူၚနဥ့လီၚ’
• ပ၀ဲသ့ဥတဖဥ ပကမ့ႈစ့ႈကီးပွၚလ႕အအိဥဒီးတႈသ့တႈဘဥ လ႕အမၚဃံမၚလၚတႈ ဘဥဃးဒီးတႈမၚလၚမၚကပီၚခရံဏအိဥဖ်ဲဥနဥ့လီၚ’ ဘဥဆဥ တႈမၚဃံမၚလၚတႈမႏုတမံၚမံၚ လ႕စိၚလ႕အကဟဲတုၚ၀ဲဒီး နံဥလ႕အကဟဲတုၚ၀ဲတဘ့ဥအပူၚအဂီႈယ လ႕နဥ့အမဲဏညါတႈအိဥမူလဲခံတဃဥအဂီႈ မ့ႈပမၚလံ၀ဲစ့ႈကီးဧါ’ မ့ႈခရံဏကစႈ အိဥမူဒီးဖံးတႈမၚတႈလံလ႕ ပတႈအိဥမူအပူၚလံဧါ’ မ့ႈခရံဏကစႈကဟဲႏုဏလီၚ၀ဲဆူ ဎတႈအိဥမူအပူၚ ခီဖ်ိက်ဲလ႕အလီၚဆီ၀ဲတဘိဘိအပူၚစ့ႈကီးဧါ’ တႈလ႕ခရံဏကစႈဆ႕မုဏလဏ၀ဲသ့ဥတဖဥ မ့ႈ၀ဲဎတႈဆ႕မုဏလဥတႈသ့ဥတဖဥ စ့ႈကီးဧါ’ မ့ႈဎဆ႕မၚတႈခ့တႈပွၚအတႈမၚ လ႕ပွၚဂၚအဂီႈစ့ႈကီးဧါ’ မ့ႈဎမၚဃုဏတႈဒီးပွၚအဂၚ ဒ္သိးပကသ့တ့ဘွီထီဥကရ႕ကရိလ႕အဂ့ၚ၀ဲယ အိဥသူဥလီၚအသးလ႕ တႈအဲဥတႈကြံဒီး တႈတီတႈလိၚအဖီခိဥယ မ့ႈစ့ႈကီးတႈဟ့ဥနီၚလီၚဒုးမၚနဥ့ တႈစုလီႈခီဥခိဥလ႕ ပွၚခဲလ႕ဏအအိဥ လ႕တႈထဲသိးဒ္သိးလိဏသးအပူၚစ့ႈကီးဧါ’
• တႈမုႈတႈဖိး (ဒီးတႈတီတႈလိၚ) လ႕ဟီဥခိဥခ်႕အံၚ မ္အမ့ႈ၀ဲဆူဎြၚဖိဎြၚလံၚ ပွၚလ႕အအိဥဒီးတႈသူဥဂ့ၚသး၀ါသ့ဥတဖဥအအိဥနဥ့တက့ႈ’ အအံၚအသုတဘဥမ့ႈ၀ဲထဲ ကလူးသ့ဥတဖဥသး၀ံဥ၀ဲ တႈသး၀ံဥဖိတဎုဏဘဥဒီး ကဘဥမ့ႈ၀ဲတႈရဲဥလီၚက်ဲၚလီၚလ႕ဎဂီႈ ဒီးလ႕ဎကရ႕ကရိအဂီႈတမံၚနဥ့လီၚ’