ပႈပါ Francis အတႈစံဏတဲၚတဲလီၚတႈ ဖဲဒံဥစ့ဘ႕ႈ ၉ သီ ၂၀၁၈ အဥကေဥ့လူစ္ အတႈထုကဖဥဃုဏတႈဒီး ပွၚကမ်႕ႈဖိသ့ဥတဖဥအကတီႈ

ပႈပါ Francis အတႈစံဏတဲၚတဲလီၚတႈ ဖဲဒံဥစ့ဘ႕ႈ ၉ သီ ၂၀၁၈ အဥကေဥ့လူစ္ အတႈထုကဖဥဃုဏတႈဒီး ပွၚကမ်႕ႈဖိသ့ဥတဖဥအကတီႈ

• စီၚဎိၚဟဥပွၚဘ်႕တႈ (John The Baptist) မ့ႈပွၚလ႕ အထုးစုနဲဥက်ဲပွၚ ဘဥဃးဒီးတႈလဲၚက်ဲလ႕တႈလဲလိဏကြံဏပသးအဂီႈနဥ့လီၚ’ မ့ႈပွၚလ႕အစံဏတဲၚတဲလီၚတႈ ဘဥဃးဒီးတႈသ့စီ (baptism) ဒီးတႈပီႈဎဏလီၚက့ၚပသးလ႕ တႈပ်ႈတႈဒဲးဘးအဂီႈ (Lk 3:3) နဥ့လီၚ’ စီၚလူၚကဥနဥပ႕ႈ၀ဲလ႕ စီၚဎိၚဟဥအတႈဟဲအိဥဖ်ါထီဥ၀ဲအံၚ မ့ႈ၀ဲ၀ံဎရွါဎၚ အတႈတဲဆိပဏစ႕ၚတႈ လ႕ထီဥပွဲၚထီဥ၀ဲနဥ့လီၚ’
• အအံၚမ့ႈပတႈလိဏဘဥတႈလဲလိဏကြံဏပသးနဥ့လီၚ’ ကစ႕ႈကဆူးလ႕အမ့ႈ ပတႈတကနဏဃုဏတႈ လ႕ပကဘဥမၚပွဲၚအီၚခီဖ်ိ ပတႈအိးထီဥပသူဥပသးဆူ ပွၚဂၚအအိဥ ဒ္ခရံဏကစႈမၚတ့ႈ၀ဲအသိးယ ဒိကနဥပွၚလ႕ပဃ႕ၚသ့ဥတဖဥ အတႈလိဏဘဥတႈနဥ့လီၚ’ ပတႈပဏထီဥထီပသး မ့ႈတႈလ႕အလီၚဂဏဒ္ ကစ႕ႈကလိဒီးတႈစိခိဥသ့ဥတဖဥယ အဃိပကဘဥမၚလီၚပ႕ၚအီၚနဥ့လီၚ’ တႈသ့ဥတဖဥအံၚပသ့မၚအီၚ ခီဖ်ိတႈမၚဃူလိဏဖိးလိဏက့ၚပသးဒီး ပဒီပုႈ၀ဲႈသ့ဥတဖဥယ ဒီးခီဖ်ိပတႈဃ့ပ်ႈကြံဏပတႈကမဥနဥ့လီၚ’ တႈလဲလိဏကြံဏပသး လ႕ထီဥပွဲၚထီဥသ့၀ဲ ဖဲပအ႕ႈလီၚတူဥလိဏ ပတႈဂံႈစႈဘါစႈယ ပတႈတတီတလိၚယ ပတႈတလ႕တပွဲၚသ့ဥတဖဥ လ႕တႈဆီဥလီၚသူဥဆီဥလီၚသးအပူၚနဥ့လီၚ’
• စီၚဎိၚဟဥအတႈကြဲပွၚဆူ တႈလဲလိဏကြံဏပသးယ မ့ႈတႈလ႕အအိဥဒီးတႈဂံႈဆူဘါဆူဥ၀ဲ ဘဥဆဥ မ့ႈတႈလ႕အဘဥထြဲလိဏအသးဒီး တႈပ်ႈကြံဏတႈကမဥယ ဘဥထြဲလိဏအသးဒီးတႈသူဥကညီၚသးကညီၚတႈနဥ့လီၚ’ လ႕ခရံဏကစႈအကလုႈကထါအတႈကပီၚယ အတႈအဲဥတႈကြံယ အတႈမၚမံသူဥမံသးပွၚအပူၚယ အပ်ဲႈအဘီႈလ႕အမ့ႈပ၀ဲသ့ဥတဖဥ ပဘဥတႈကိးပွၚဒ္သိး ပကမ့ႈပွၚအုဥအသးလ႕အအိဥဒီးတႈသူဥဒူသးဒူ တႈဆီဥလီၚသူဥဆီဥလီၚသး ဒီးဒြဲကပီၚထီဥက့ၚတႈမုႈလဥယ ဒီးသ့ဥညါနဥပ႕ႈသကိးပ၀ဲလ႕ ဎြၚအဘီအမုႈ ဘဥတႈတ့ဘွီထီဥအီၚ တနံၚဘဥတနံၚ ခီဖ်ိသးစီဆွံကစႈ အတႈစိတႈကမီၚအပူၚနဥ့လီၚ’

SOURCE:

VATICAN NEWS

FOR LISTENING TO THIS REPORT: AUDIO FILE IS AVAILABLE BELOW

ဆီဥလီၚတႈကလုႈအိဥဖဲအဖီလဏအံၚ ဒီးဒိကနဥတႈရဲဥလီၚက်ဲလီၚအံၚသ့၀ဲနဥ့လီၚ