နီႈမၚရံအိဥဒီးတႈသူဥတီသးလိၚထီဘိ ဒ္အအ႕ဥလီၚအီလီၚတ့ႈလံ၀ဲအသိးနဥ့လီၚ’

တႈကြႈလႈခရံဏအတႈဟဲ၀ဲ ၄ အိဥဘွံးနံၚ

ဒံဥစ့ဘ႕ဥ ၂၄ သီ ၂၀၂၃

လူၚကဥ ၁း၂၆”၃၈

တႏြံအံၚမ့ႈ၀ဲတခ်ဳးခရံဏအိဥဖ်ဲဥဟဲတုၚဒ္၀ဲအကတီႈ လ႕ခံကတ႕ႈမုႈအိဥဘွံးနံၚနဥ့လီၚ’ လံဏဖးလ႕ပဖးအီၚဖဲမုႈနံၚအံၚအပူၚ သ့ဥတဖဥယ ပဏဖ်ါထီဥနႈ့ပွၚ ဎြၚအတႈကတဲႈကတီၚ၀ဲ အဖိခြါ ဒ္သိးအကဟံးနႈ့ပွၚကညီအတႈကဲ ဒ္သိးအကအိဥ၀ဲဆိး၀ဲဒ္ပွၚကညီနီႈနီႈအသိးလ႕ပက်ါ အဂ့ႈနဥ့လီၚ’ ပမ့ႈကြႈထံဆိကမိဥတႈဂ့ႈလ႕ ပနႈဟူဘဥတ့ႈလံ၀ဲဒီး တႈသူဥပ်ံၚသးဖုး ကအိဥထီဥ၀ဲဒိးနီႈမၚရံ ဒ္ပွၚတမွံၚလ႕အတသ့ဥညါ၀ဲတဂၚ ဟဲဒိးကတိၚတႈဒီးအီၚအဃိ ပဆိကမိဥကသ့၀ဲနဥ့လီၚ’

အဆိကတ႕ႈ တႈမၚအသးအံၚ မ့ႈ၀ဲလ႕ နစၚရ့ဥ ၀့ႈဖိတဖ်႕ဥ အိဥလ႕ခိခိဥသ၀ီပူၚ နဥ့လီၚ’ တမ့ႈ၀ဲလ႕ ဟီဥခိဥခ်႕အသးကံဥပူၚဘဥ နဥ့လီၚ’ ဖဲအံၚ ပသ့သ့ဥနီဥထီဥက့ၚ၀ဲ စီၚနၚသန႕လး လ႕မုႈတနံၚကကဲထီဥ၀ဲ ခရံဏအပ်ဲဥအဘီဥတဂၚအတႈကတိၚ ဒ္ဎိၚဟဥ ၁း၄၆ လ႕အမ့ႈ၀ဲ (တႈဂ့ၚတႈ၀ါတမံၚမံၚ ဟဲထီဥလ႕ နစၚရ့းအပူၚ ဘဥကသ့ဧါ) နဥ့လီၚ’

တမ့ႈတႈလီႈတႈက်ဲလ႕ ပဆိကမိဥဒိဥအီၚသ့၀ဲဘဥဒီးယ ဒ္သိးအကဟဲလီၚဆူဟီဥခိဥခ်႕အဂီႈ တဃုထ႕ထီဥ၀ဲတႈလီႈတႈက်ဲ လ႕အမံၚဟူသဥဖ်ါ၀ဲ ဒ္၀့ႈရိမ့ၚယ ၀့ႈအ့ဥသ့ဥယ ၀့ႈနဎူဎီးသ့ဥတဖဥဘဥနဥ့လီၚ’

(ပွၚလ႕အဘဥဘ်ဳးအါတဂၚဧ႕ယ ဎြၚအိဥဒီးနၚလီၚ’) ဖဲအဒိးနႈ့ဘဥ၀ဲ တႈဆ႕ဂ့ၚဆ႕၀ါအီၚဒ္အံၚအခါ တႈသူဥပ်ံၚသးဖုးကအိဥထီဥ၀ဲဒီးနီႈမၚရံသ့ဥသ့ဥဧါ ပကဆိကမိဥအီၚနဥ့လီၚ’ တႈဆ႕ဂ့ၚတႈဆူ ပွၚလ႕အအိဥလ႕ခိခိဥသ၀ီပူၚဒ္အံၚ ပကဘဥနႈပ႕ႈအီၚဒ္လဲဥ’

ပွၚလ႕အဘဥဘ်ဳးအခီပညီမ့ႈ၀ဲ ဎြၚအတႈဘ်ဳးတႈဖွိဥသ့ဥတဖဥ အိဥလ႕ပွဲၚဒီးအီၚအဂ့ႈ ပကနႈပ႕ႈ၀ဲဒ္နဥ့လီၚ’ အါနႈ့တႈဆိဥဂ့ၚလ႕အဒိးနႈ့ဘဥတ့ႈလံ၀ဲ ဖဲဆ႕ကတီႈလ႕အပူၚကြံဏတ့ႈလံ၀ဲသ့ဥတဖဥအမဲဏညါယ တႈလ႕အကဘဥမၚအသးဒီးအီၚအခဲအံၚ မ့ႈတႈလ႕အဒိဥ၀ဲထီ၀ဲသပွႈကတ႕ႈနဥ့လီၚ’ ပွၚလ႕အဘဥဘ်ဳးအခီပညီမ့ႈ၀ဲ ကဘဥကဲထီဥ၀ဲ ဎ့ဥရွဴးခရံဏ လ႕အခီပညီမ့ႈ၀ဲ အုဥက့ၚခီဥက့ၚကစႈ အမိႈအဃိနဥ့လီၚ’ ဒီးစီၚပၚအံၚ ကပ႕၀ဲစီၚဎၚကိဏအဟံဥ အစိၚစိၚအဃဥဃဥလီၚ’ ပဏလီၚအသးဒ္သိး ကဒိးတ့ဒိးဖ်ီအသးဒီး စီၚဎိၚသးဘဥဆဥယ တတုၚဒ္၀ဲဆူ နီႈဒီမါ၀ၚအတႈအိဥအသး လ႕လ႕ပွဲၚပွဲၚဒ္ဘဥယ အခီပညီ တႈရ့လိဏသး တမ့ႈဒ္၀ဲလ႕လ႕ပွဲၚပွဲၚ ဒ္နီႈဒီမါ၀ၚသ့ဥတဖဥအသိးဘဥအဃိယ ကဘဥကဲထီဥ၀ဲဖိသဥအမိႈအံၚ ကမ့ႈ၀ဲဒ္လဲဥ ” ပဆိကမိဥအီၚတသ့၀ဲဘဥနဥ့လီၚ’

ပထံဥဘဥ၀ဲလ႕ တႈကဲထီဥအသး သ့၀ဲနဥ့လီၚ’ တႈဒ႕ထီဥဖိသဥ မ့ႈတႈလ႕ဎြၚမၚ၀ဲနဥ့လီၚ’ (သးစီဆွံကဟဲလီၚလ႕နလိၚ ဒီးတႈထီကတ႕ႈအစိကမီၚ ကကဒုဘဥနၚလီၚ)’

ဖိသဥလ႕အကဟဲအိဥဖ်ဲဥထီဥ၀ဲတဂၚအံၚ မ့ႈ၀ဲဎြၚအဖိခြါနဥ့လီၚ’ လ႕နဥ့အမဲဏညါ ကမ့ႈ၀ဲနီႈမၚရံအဖိခြါစ့ႈကီးနဥ့လီၚ’ ဒ္နဥ့ဒီးယ ဎြၚအတႈဟံးနႈ့ပွၚကညီအတႈကဲအံၚ မ့ႈ၀ဲတႈဒိဥတႈဎိဏတမံၚနဥ့လီၚ’ လ႕ကစႈဎြၚ ဒီးအတႈဘဥတ့သ့ဥတဖဥအဘ႕ဥစ႕ၚ ခရံဏကစႈ မ့ႈ၀ဲတႈဆဲးက်ိးတႈ လီၚလီၚဆီဆီနဥ့လီၚ’ အတႈအိဥမူအိဥဂဲၚယ အတႈစံးတႈကတိၚတႈယ အတႈဖံးတႈမၚတႈသ့ဥတဖဥ မ့ႈ၀ဲတႈပဏဖ်ါထီဥ ပႈကစႈဎြၚ အတႈလၚတႈကပီၚနဥ့လီၚ’

ခီဖ်ိအတႈဎါဘ်ါကြံဏတႈဆူးတႈဆါသ့ဥတဖဥအဃိယ ခီဖ်ိအတႈဒုးဘဥလိဏက့ၚ ပွၚတႈဒဲးဘးဖိဒီးဎြၚအဃိ ဎြၚအတႈကဲလ႕အအိဥဒီးခရံဏကစႈ အိဥဖ်ါ၀ဲနဥ့လီၚ’ ဘဥဆဥယ တႈခဲလ႕ဏသ့ဥတဖဥအံၚအမဲဏညါယ မ့ႈတႈလ႕အဟဲအိဥထီဥ၀ဲ ခီဖ်ိနီႈမၚရံနဥ့လီၚ’ အဃိယ လ႕ပွၚပိဏမုဥသ့ဥတဖဥအက်ါ နီႈမၚရံ မ့ႈပွၚလ႕အဒိးနႈ့ဘဥ၀ဲ ဎြၚအတႈဆိဥဂ့ၚ လီၚလီၚဆီဆီနဥ့လီၚ’

လံဏဖးတ႕တတီၚဖဲ ခံရွမူၚအ့လး အပူၚယ ဎြၚမ႕၀ဲစီၚဒၚ၀ံး ဒ္သိးအကတ့ထီဥနႈ့အီၚ တႈအိဥတႈဆိးအလီႈ လ႕အၾက႕း၀ဲဘဥ၀ဲနဥ့လီၚ’ ဖဲနဥ့အကတီႈ စီၚပၚဒၚ၀ံး အိဥ၀ဲလ႕လီႈမုဏဃံလၚအပူၚဘဥဆဥ ဎြၚဘဥအိဥဒဥ၀ဲလ႕ တႈအ႕ဥလီၚအီလီၚအတလါ လ႕ဒဲအပူၚနဥ့လီၚ’

တႈလုႈဟံဥလ႕အဃံလၚ၀ဲ ဘဥတႈတ့ထီဥအီၚ တမ့ႈ၀ဲလ႕ စီၚပၚဒၚ၀ံးအကတီႈဘဥဒီး မ့ႈ၀ဲလ႕အဖိခြါစီၚရွၚလမိဥ အကတီႈနဥ့လီၚ’ တႈလုႈဟံဥလ႕အဃံလၚ ဒိဥ၀ဲအါ၀ဲတဖ်႕ဥ ဘဥတႈတ့ဘွီထီဥကဒီးအီၚလ႕ စီၚပၚဟ့ဥရိဥ နဥ့လီၚ’ အနီႈနီႈတခီယတုၚကစႈခရံဏအကတီႈဟဲတုၚ၀ဲဒဥလဲဥ တႈတ့ဘွီထီဥတႈလုႈဟံဥအတႈဖံးတႈမၚ တ၀ံၚ၀ဲ တကတ႕ႈဒ္၀ဲဘဥနဥ့လီၚ’

မုႈတနံၚအံၚ လ႕လံဏဖးအပူၚ ပထံဥဘဥ၀ဲ စီၚဒၚ၀ံးအဟံဥ နဥ့လီၚ’ အခီပညီ မ့ႈ၀ဲဟံဥ လ႕အလီၚတိဏလီၚဆီ၀ဲနဥ့လီၚ’ အအံၚမ့ႈ၀ဲ စီၚဒၚ၀ံးအဒူဥဖိထ႕ဖိ ဒီးထံဖိကီႈဖိလ႕ အကဘဥပ႕၀ဲဆွ႕၀ဲသ့ဥတဖဥနဥ့လီၚ’ မ့ႈ၀ဲတႈလီႈလ႕ ဎြၚကအိဥ၀ဲဆိး၀ဲ လ႕အပူၚနဥ့လီၚ’

မုႈတနံၚအံၚ လံဏတႈသးခုကစီဥလ႕ တႈလုႈမံးဆါအကတီႈ ပထံဥဘဥ၀ဲလ႕ နီႈမၚရံ ဟဲလီၚစ႕ၚလီၚသြဲဥ၀ဲလ႕ စီၚဒၚ၀ံး အဒူဥဖိထ႕ဖိအက်ါ ဒီးခီဖ်ိလ႕အပဏလီၚအသး ဒ္သိးအကအိဥဃုဏဒီး စီၚဎိၚသးအဃိ ကဲထီဥ၀ဲတႈလီႈစီဆွံ လ႕ဎြၚကဟဲဒီးအိဥ၀ဲဆိး၀ဲအလီႈနဥ့လီၚ’ မ့ႈ၀ဲတႈလီႈလ႕အၾက႕း၀ဲယ မ့ႈတႈလီႈလ႕အအိဥပူၚဖ်ဲးဒီးတႈဒဲးဘးယ တႈလီႈလ႕အလ႕ပွဲၚ၀ဲဒီးတႈဂ့ၚတႈ၀ါနဥ့လီၚ’ အဃိယ ပထံဥဘဥ၀ဲလ႕ နီႈမၚရံ ဒိးနႈ့ဘဥ၀ဲအမံၚတဖ်႕ဥလ႕အမ့ႈ၀ဲ တႈအ႕ဥလီၚအီလီၚအတလါ နဥ့လီၚ’

လ႕နဥ့အမဲဏညါ မုႈတနံၚ စီၚပီလူး ကဒုးသ့ဥနီဥထီဥ၀ဲ ပွၚခရံဏဖိသ့ဥတဖဥ လ႕အ၀ဲသ့ဥမ့ႈ၀ဲ သးစီဆွံကစႈ အတႈအိဥတႈဆိးအလီႈ နဥ့လီၚ’ လ႕လံဏတႈအ႕ဥလီၚအီလီၚအသီအကတီႈ တႈလုႈဟံဥ လ႕အမ့ႈ၀ဲတႈသူဥထီဥတႈသ့ဥတဖဥအမဲဏညါ ဒ္စီၚပီလူးစံး၀ဲအသိး တႈလုႈဟံဥမ့ႈ၀ဲ ပ၀ဲသ့ဥခဲလ႕ဏနဥ့လီၚ’ ဒ္နဥ့ဒီး ဖဲပစံး၀ဲ စီၚဒၚ၀ံးအဟံဥအခါ မ့ႈ၀ဲခရံဏအနီႈခိမိႈပွႈလ႕အမ့ႈ တႈအိဥဖွိဥကရ႕ ဖဲလ႕ပဆ႕ပကတီႈအခဲအံၚနဥ့လီၚ’

နီႈမၚရံအိဥဒီးတႈသူဥတီသးလိၚထီဘိ ဒ္အအ႕ဥလီၚအီလီၚတ့ႈလံ၀ဲအသိးနဥ့လီၚ’ နီႈမၚရံ မၚတ့ႈ၀ဲတႈအ႕ဥလီၚအီလီၚ လ႕ဏလ႕ဏဆ့ဆ့ လ႕အလီၚလိဏလီၚလး၀ဲနဥ့လီၚ’ (ကြႈကြႈယ ဎမ့ႈကစႈဎြၚအကုႈပိဏမုဥလီၚ’ ဒ္နစံးတႈအသိး မ္အကကဲထီဥ၀ဲဒီးဎၚတက့ႈ’)’ တမၚဟးဂီၚကြံဏ၀ဲ အတႈအ႕ဥလီၚအီလီၤၚဘဥနဥ့လီၚ’

လ႕တႈကီတႈခဲယ တႈလ့တႈပစီယ တႈသူဥဘဥဒိသးဘဥဒိအပူၚယ တုၚဒဥလဲဥ ဆ႕ကတီႈလ႕ ထူဥစုညါအခီဥထံးအကတီႈယ ဖဲအထံဥဘဥ၀ဲဖိကစႈ အသးသမူဟးထီဥ၀ဲဒဥလဲဥ တမၚဟးဂီၚ၀ဲ အတႈအ႕ဥလီၚအီလီၚဘဥနဥ့လီၚ’ ္

ပ၀ဲသ့ဥတဖဥစ့ႈကီးယ ပဘဥတႈကြဲမုဏပွၚလီၚလီၚဆီဆီယ ဒ္သိးပကဒုးအိဥဖ်ဲဥထီဥခရံဏကစႈ နဥ့လီၚ’ ပဘဥတႈကြဲမုဏပွၚ ဒ္သိးပကလဲၚပိဏထြဲပကစႈ လ႕တႈမၚဟးဂီၚကြံဏ ပတႈအ႕ဥလီၚအီလီၚ တအိဥ၀ဲအပူၚနဥ့လီၚ’ ဒ္ခရံဏအိဥဖ်ဲဥဆ႕က့ၚအလီႈ ဟဲတုၚအိဥပွၚအသိး မ္ပကမၚသီထီဥက့ၚ ပတႈအ႕ဥလီၚအီလီၚ ခီဖ်ိနီႈမၚရံၚအဒိဂ့ၚတဲႈဘဥ ဒီးအတႈမၚစ႕ၚပွၚအပူၚ ဒီးမ္ပကအိဥမူသကိး လ႕ဎြၚအဂီႈဒီးလ႕ပွၚကညီသ့ဥတဖဥအဂီႈ လ႕တႈသူဥတီသးလိၚ ဂ႕ႈဂ႕ႈက်႕ၚက်႕ၚအပူၚနဥ့တက့ႈ’

ျမန္မာဘာသာျဖင့္ငထာက္ရွဳခ်က္အျပည့္အစံုကို ငအာက္ပါလင့္တြင္ ဖတ္ရွဳႏိုင္ပါသည္