တႈကြႈထံဆိကမိဥ နီႈခိဒီးနီႈသးအဂီႈ လါနိဥ၀့ဘ႕ဥ ၁၁ သီ ၂၀၂၃

လူၚကဥ ၁၆း၉-၁၅

နီႈခိဥအဂီႈ ပလဲၚက့ၚဖံးမၚ ထံဥကြႈဖ်ါလ႕ပမဲဏလီၚ. ပနီႈသးအတႈအိဥသးန႔ဥ ပထံဥလ႕ပမဲဏတသ့ဘဥ. ပကသ့ဥညါအီၚသ့လ႕က်ဲဒ္လဲဥ.

အါတက့ႈလ႕ ပဂုဏက်ဲးစ႕းမၚအါလ႕ ပနီႈခိတႈလိဥဘဥအဂီႈ ဒီးလ႕ ပနီႈသးတကပၚန႔ဥ အိဥဒီးတႈဂံႈစႈဘါ စႈန႔ဥလီၚ.

ပမ့ႈအိဥမူထဲလ႕ ပကမၚန႔ႈက်ိဥစ့တႈထူးတႈတီၚအဂီႈတခါဧိၚန႔ဥ ပကဲပွၚခရံဏဖိ ဎြၚအဖိအလံၚန႔ဥ အလုႈအပွ႔ၚ အခီပညီအိဥဒံးလဲဥ. ပတႈကြႈစိအဒိဥကတ႕ႈန႔ဥ ကဘဥမ့ႈ မုႈတနံၚ ပကတုၚဆူ ဎြၚအတႈအိဥဆိးအလီႈ ဒီးအိဥဒီးဎြၚန႔ဥလီၚ.

ပွၚလ႕ အဲဥက်ိဥစ့တႈထူးတႈတီၚ ဒီးတႈစိတႈကမီၚ သ့ဥတဖဥန႔ဥ ဒ္သိးကန႔ႈဘဥ၀ဲအဂီႈဃု၀ဲလ႕ က်ဲအဘိဘိန႔ဥလီၚ. ဒ္န႔ဥစ့ႈကိး ပွၚလ႕ အပဏဒိဥ အနီႈသးတႈအိဥမူ ဒီးအဲဥဒိးတႈမူအထူအဎိဏတဖဥန႔ဥ ဃုထံဥန႔ႈ၀ဲလ႕ က်ဲအဘိဘိစ့ႈကိးန႔ဥလီၚ.

ပွၚလ႕အဲဥတႈထူးတႈတီၚ တႈစိကမီၚသ့ဥတဖဥန႔ဥ ဃုန႔ႈမၚန႔ႈ၀ဲလ႕ က်ဲတတီတလိၚအပူၚ ဒ္သိးကအိဥဒီး တႈထူးတႈတီၚအါန႔ဥလီၚ. ပွၚလ႕ အဲဥဎြၚ ပဏဒိဥ တႈမူထူဎိဏတဖဥန႔ဥ ဃုန႔ႈ၀ဲလ႕တႈတီတႈလိၚအပူၚန႔ဥလီၚ.

ပကဲပွၚစူႈပွၚနဏတႈဖိ ပသးမ့ႈတအိဥလ႕ ပတႈစူႈတႈနဏအပူၚဘဥယ ပမ့ႈတကနဏ ဎြၚအကလုႈကထါဘဥန႔ဥ ပက်ဲန႔ဥ ကလဲၚဆူတႈတဂ့ၚတ၀ါဘဥတကပၚန႔ဥလီၚ.

ဎြၚသ့ဥညါပတႈပဏသူဥပဏသးဒီး ပတႈဆိကမိဥသ့ဥတဖဥန႔ဥလီၚ.

တႈသူူဥတီသးရဏန႔ဥ အဒိဥအဆံးတအိဥဘဥ.တႈသူဥတီသးရဏလ႕တႈတမံၚမံၚအဖီခိဥန႔ဥ ပတထံဥသ့ဥညါ အဒိဥအဆံးဘဥ.

တႈသူဥတီသးရဏတအိဥအဃိ ပဘဥတူႈတႈကီတႈခဲ တႈသးဘဥဒိန႔ဥလီၚ. တႈသူဥတီသးရဏလ႕ ကိ်ဥစ့အဖီခိဥယ လ႕ပွၚကညီအဖီခိဥယ လ႕တႈစူႈတႈနဏအဖီခိဥ ဒီးလ႕တႈကိးမံၚဒဲးအဖီခိဥန႔ဥမ့ႈတႈလ႕အရ့ဒိဥ၀ဲဒဥန႔ဥလီၚ.

ဎြၚဟ့ဥပွၚတႈသ့ဥတဖဥ ၾက႕းလ႕ ပကဘဥသူအီၚလ႕ တႈသးတီယ တႈတီတႈလိၚအပူၚန႔ဥလီၚ. သူအီၚလ႕ တႈလ႕ကဆွ႕ပွၚဆူဎြၚအအိဥန႔ဥတက့ႈ.