ပလိဥဘဥပခိဥနႈတဖဥလ႕ အမ့ႈပွၚကြႈသိလ႕အဂ့ၚန႔ဥလီၚ.

Daily Reflection – Mark 6:30-34

5 February 2022

ပလိဥဘဥပခိဥနႈတဖဥလ႕ အမ့ႈပွၚကြႈသိလ႕အဂ့ၚန႔ဥလီၚ.

ပတႈအိဥမူန႔ဥတဘ်ီဘ်ီ ပကတူႈဘဥဒံးသိးလ႕ ပွၚကဟုကဎဏပွၚတအိဥ ပခိဥပနႈတဖဥ တကြႈထြဲ ပွၚမူဥမူဥနီႈနီႈ ဒ္သိးဒီး ပွၚကြႈသိတအိဥလ႕ပဂီႈဘဥန႔ဥလီၚ.

ပမိႈပပႈ ပခိဥပနႈ သ့ဥတဖဥ မ့ႈဒဥပွၚကြႈသိလ႕ပဂီႈန႔ဥလီၚ. ခရံဏပကစႈမ့ႈ၀ဲဒဥ ပနီႈခိနီႈသးခံမံၚလ႕ဏ ပွၚကြႈသိလ႕ပဂီႈန႔ဥလီၚ.

ပနီႈခိအဂီႈ ပလိဥဘဥတႈကဟုကဎဏအသိး ပနီႈသးစ့ႈကိး ပလိဥဘဥတႈကဟုကဎဏန႔ဥလီၚ.

ဟီဥခိဥကြဲပွၚလ႕ ပကဟ့ဥဎြၚအတႈအဲဥတႈကဟုကဎဏဆူပွၚလ႕ အလိဥဘဥတႈသ့ဥတဖဥအအိဥ ဒီးအိဥမူဒ္သိးပွၚကြႈသိလ႕ အအိဥဘူးဒီးအသိထီဘိန႔ဥလီၚ.

ပွၚကြႈသိန႔ဥ မ့ႈပွၚလ႕အအိဥမူလ႕ အသိသ့ဥတဖဥအဂီႈဒီး တမ့ႈအအိဥမူလ႕ အနီႈကစႈအဂီႈဘဥ.

ဒ္သိးပွၚဂၚတႈအိဥမူကဂ့ၚ ကဒိဥထီဥအဂီႈ ပွၚလ႕ဟ့ဥလီၚသးသ့ဥတဖဥအိဥ၀ဲဒဥအါမးန႔ဥလီၚ.

ခရံဏကစႈ ပကစႈဎြၚ မ့ႈပွၚလ႕ ဟ့ဥလီၚအသး လ႕ပ၀ဲဟီဥခိဥဖိခဲလ႕ဏအဂီႈ ခီဖ်ိလ႕ ဒီးသံအသး ဒီးလုႈထီဥအသးသမူလ႕ ပဂီႈန႔ဥလီၚ.

ပမ့ႈကြႈလ႕ခ့ခါဆ႕ကတီႈခဲအံၚတႈအိဥသးန႔ဥ ပခိဥပနႈ ပထံပကီႈ ထံရူႈကီႈသဲးတႈ ဘဥဂံဏဂူဏ တႈသဘံဥသဘုဥတဖဥ အဃိ ပွၚထံဖိကီႈဖိ ဘဥဃ့ႈမွံဟးဖ်ိး ဘဥသံ၀ဲလ႕ တႈကမဥတအိဥဘဥအပူၚန႔ဥ အိဥ၀ဲဒဥ အါမးလီၚ.

ပဆ႕မုႈလႈလ႕ပခိဥပနႈ ပွၚလ႕ ပ႕ဆွ႕ထံကီႈသ့ဥတဖဥ ကမ့ႈပွၚကြႈသိလ႕အဂ့ၚ လ႕ဟ့ဥတႈမုႈလႈ ဆူညါလ႕ ပ၀ဲအဂီႈန႔ဥလီၚ.

လ႕တႈသဘံဥသဘုဥအဃိ ပတူႈဘဥလ႕ ပခိဥပနႈ ပွၚကြႈသိတဖဥ တအိဥလ႕ၚဘဥန႔ဥလီၚ. မ္ပကဃ့ထု ကဖဥ လ႕ပခိဥနႈတဖဥ ကမ့ႈပွၚကြႈသိလ႕ အဂ့ၚလ႕ ဟ့ဥလီၚသးလ႕ ထံဖိကီႈဖိအဂီႈ ဒီးကဟုကဎဏ ထံဖိကီႈဖိန႔ဥတက့ႈ.

ပကဃ့ဎြၚလ႕အမ့ႈပွၚကြႈသိလ႕အဂ့ၚတဂၚလ႕ ကဆိဥဂ့ၚဘဥ ပထံပကီႈ ဒီးထံကီႈခိဥနႈသ့ဥတဖဥ လ႕ကပ႕ဆွ႕တႈလ႕ တႈမုဏတႈခုဥ တႈအဲဥတႈကြံအပူၚန႔ဥတက့ႈ.