ခရံဏကစႈအိဥဒီးတႈလီၚထူလီၚဎိဏ တႈကတိၚလ႕အမၚမုဏထီဥက့ၚပွၚ ဒီးပ်ဲပသးလ႕ ကနႈဟူ အကလုႈ လ႕ကမၚစ႕ၚပွၚဖဲတႈကီတႈခဲအဆ႕ကတီႈအံၚန႔ဥတက့ႈ.

(၂၁) ႏြံတႏြံ မုႈအိဥဘွံးလ႕တနံဥအတီႈပူၚ

တႈစံဥတဲၚလဲလီၚလ႕

Cardinal Charles Maung Bo. SDB- Archbishop of Yangon

First Reading : Joshua 24:1-2a,15-17,18b

Second Reading  Ephesians 5:21-32

Gospel Reading: John 6:60-69

ခရံဏကစႈအိဥဒီးတႈလီၚထူလီၚဎိဏ တႈကတိၚလ႕အမၚမုဏထီဥက့ၚပွၚ ဒီးပ်ဲပသးလ႕ ကနႈဟူ အကလုႈ လ႕ကမၚစ႕ၚပွၚဖဲတႈကီတႈခဲအဆ႕ကတီႈအံၚန႔ဥတက့ႈ.

ဎြၚ ပကစႈဎ့ဥရွဴးခရံဏအတႈမုဏတႈခုဥတႈသူဥဖွံသးညီ လ႕အအိဥဒီးတႈကတိၚတႈမူထူဎိဏ ကအိဥဒီးသုတက့ႈ. မ္အတႈကတိၚတဖဥကမၚမုဏပထံဖိကီႈဖိအသူဥအသးတက့ႈ. မ္ဎြၚအတႈကတိၚကမၚဘ်ါက့ၚ ပပွၚလုဏအသးလ႕ အဘဥဒိဘဥထံးဖဥတက့ႈ. ပကဃ့ထုကဖဥ ဆူညါ မ္ပွၚကြႈသိလ႕အဂ့ၚ မ္ကပလဲၚတႈဒီးပွၚ ဖဲတႈကီတႈခဲအဆ႕ကတီႈအံၚတက့ႈ.

ပစံးဘ်ဳးစံးဖွိဥဎြၚလ႕ တႈဆါဘဥကူဘဥဂဏအံၚလီၚစွၚ၀ဲတစဲးလံအဃိန႔ဥလီၚ. ဘဥဆဥ ပတဘဥမၚလီၚစွၚပတႈပလီႈသူဥပလီႈသးတဂ့ၚ. ပလိဥဘဥလ႕ပကဆ႕ထ႕ဥတပူၚဃီ မ့ႈလ႕ ပဘဥကြႈဆ႕မဲဏတႈကီတႈခဲ အါ၀ဲဖဲအဆ႕ကတီႈတဘ်ီဃီအံၚန႔ဥလီၚ.

ပစံးဘ်ဳးစံးဖွိဥစ့ႈကိးပွးလ႕ အမၚစ႕ၚတႈလ႕ ပွၚတ၀႕တဖဥအဂီႈယ ကသံဥသရဥတဖဥ ဒီးပွၚလ႕အဟ့ဥလီၚအသးလ႕ တႈကဟုကဎဏ ပွၚဆါတႈလီႈသ့ဥတဖဥန႔ဥလီၚ. ပွၚကီႈပဎီၚဖိတဖဥ ပဏဖ်ါထီဥအတႈမၚစ႕ၚယ အတႈဟ့ဥလီၚအသး လ႕အလဲၚမၚစ႕ၚပွၚလ႕ အတူႈဘဥတႈဆါတဖဥ ဒီးပွၚပနံဏတႈကဏဖိတဖဥ ဒုးအိဥထီဥ၀ဲဒဥ ပွၚလ႕အဒိးန႔ႈတႈဆါတဖဥ တႈအိဥဆိးလီႈန႔ဥလီၚ. ဎြၚကဟ့ဥဆ႕က့ၚအီၚလ႕ အကဎၚန႔ဥလီၚ.

ပသ့ဥနီဥဘဥပပွၚထံဖိကီႈဖိလ႕အသးသမူလီၚမႈလ႕တႈဆါအံၚအဃိ လ႕အနီဥဂံႈကအိဥလ႕ ၁၃၀၀၀ န႔ဥလီၚ. လ႕အက်ါန႔ဥ အန႔ႈ ၁၀၀ ဂၚ ပဏဃုဏဒီးပွၚကြဲးလံဏဖိယ ပွၚစုသ့ဥခီဥဘဥသ့ဥတဖဥန႔ဥလီၚ. ပထံပကီႈဘဥဖီွဥလီၚ၀ဲရူႈရူႈ ခီဖ်ိလ႕ တႈလီၚထုးလီၚကၚလ႕က်ဲအါဘိန႔ဥလီၚ. ပမၚစ႕ၚစ့ႈကိး ပွး ၃၆၀၀၀၀ လ႕အတူႈဘဥတႈဆါဒီး ဘဥဂုဏက်ဲးစ႕း၀ဲလ႕အတႈအိဥမူအဂီႈတဖဥန႔ဥလီၚ. ပဃ့ထုကဖဥလ႕ဎြၚ မ္တႈဆါသံသႀတိဏအံၚကကတ႕ႈဖဲအဆိအခ့်အံၚဒီးပွၚထံဖိကီႈဖိတဖဥ ကဂဲၚဆ႕ထ႕ဥက့ၚလ႕တႈကီတႈခဲအပူၚန႔ဥလီၚ. ပခ်ံးလီၚထုကဖဥ မ္ဎြၚကမၚဘ်ါက့ၚပွၚတက့ႈ.

တနံၚညါအံၚဎြၚကလုႈကထါန႔ဥ စံး၀ဲလ႕ အ၀ဲတလဲၚကပဏပွၚဒီးစူးကြံဏပွၚဘဥ. ပအိဥဒီးတႈစူႈတႈနဏစ့ႈကိးဧါ? တႈစံးဆ႕လ႕တႈသံကြႈအံၚအဂီႈကကီ၀ဲဒဥလီၚ. လီၚဆီဒဥတႈဆ႕ကတီႈလ႕ကီႈပဎီၚပူၚခဲအံၚန႔ဥလီၚ. တႈဆ႕ကတီႈလ႕ အပူၚကြံဏလါတဖဥ တႈတလီၚဆီဒံးနီတမံၚဘဥ. ဖဲပဘဥသဂ႕ႈဒီးတႈကီတႈခဲအခါ ပတႈစူႈတႈနဏလ႕ဎြၚပူၚလီၚစွၚဧါ?

တႈအံၚမ့ႈ စီၚဎိၚစြၚ သံကြႈ၀ဲလ႕ တႈဖးတ႕အပူၚန႔ဥလီၚ. အ၀ဲမ့ႈပွၚအံဥစရ့လးအခိဥတဂၚဖဲ စီၚမိၚရွ့သ့ကြံဏအလီႈခံန႔ဥလီၚ. မၚန႕ၚ၀ဲကီႈကဥနဥ ဒီးနီၚလီၚ၀ဲဒဥတႈလီႈတႈက်ဲဆူ ပွၚတဆံခံဒူဥအအိဥ ဒီး အ၀ဲမုႈလႈ၀ဲလ႕ ပွၚကစံးဘ်ဳးစံးဖွိဥဎြၚန႔ဥလီၚ.

ဖဲစီၚဎိၚစြၚ ထံဥဘဥ ပွၚကမ်႕ႈတဖဥ လ႕အိဥဒီးတႈလ့ပစီအခါ အ၀ဲသ့ဥ ဘူဥထီဥဘဥထီဥ တႈဂီၚတႈဖွီဥ ဒီးတဘူဥဘါဎြၚဘဥန႔ဥလီၚ. စီၚမိၚရွ့စ့ႈကိးလဲၚခီဖ်ိဘဥတႈဒံးအံၚလီၚ. ဎြၚမၚတႈလီၚလး လ႕အ၀ဲသ့ဥ အဂီႈဘဥဆဥ အ၀ဲသ့ဥဘါဒဥ တႈဂီၚတႈဖွီဥန႔ဥလီၚ.

လ႕လံဏစီဆွံလီႈလံၚအပူၚ ဎြၚလ႕အမ့ႈ ဎၚ၀့ၚ ဃုထ႕၀ဲဒဥပွၚအံဥစရ့လးဖိ ဒ္သိးအ၀ဲသ့ဥ ကအိဥမူ ဒိဂ့ၚတဲဏဘဥ ဒ္တမ့ႈတႈဂီၚတႈဖွီဥဘဥန႔ဥလီၚ. လံဏစီဆွံန႔ဥ မ့ႈ၀ဲဎြၚအတႈကစီဥလ႕ပွၚကညီအဂီႈန႔ဥလီၚ. ဎြၚစံးဘဥလ႕ ပကအိဥမူဂ့ၚ၀ါယတႈအိဥမူလ႕ ဆိကမိဥန႔ႈပွၚဂၚအဂီႈ လီၚဆိဒဥတႈ ပွၚမုဥကမဲ တႈဖိဃဲ သ့ဥတဖဥန႔ဥလီၚ. ပွၚကိးဂၚဒဲးဘဥတႈတ့လီၚအီၚဒ္ဎြၚအက့ႈအဂီၚအသိး ဒီးတႈကဘဥပဏကဲအီၚလီၚ. တႈအံၚမ့ႈတႈပညိဥလ႕ တႈကိးအ၀ဲသ့ဥန႔ဥလီၚ. ဘဥဆဥအ၀ဲသ့ဥ တဃုထ႕တႈအိဥမူလ႕ လ႕ပအိဥမူ၀ဲဘဥ. အ၀ဲဃုထ႕ဘါ၀ဲတႈဂီၚတႈဖွီဥန႔ဥလီၚ.

တႈဘါတႈဂီၚတႈဖွီဥန႔ဥ မ့ႈတႈလ႕အညီ၀ဲန႔ဥလီၚ. တႈဂီၚတႈဖွီဥန႔ဥ တဟ့ဥပွၚတႈအ႕ဥလီၚဒီးပွၚန႔ဥဘဥ.

ပအိဥဒီးတႈလဲၚခီဖ်ိလ႕အဘဥဃးဒီးတႈဘါတႈဂီၚတႈဖွီဥန႔ဥလီၚ. ပွၚကလုဏအ၀ဲအံၚ ဟဲအိဥဖ်ဲဥထီဥ၀ဲလ႕ တႈမုႈလႈအဒိဥလ႕ ကအိဥဒီးတႈမုဏတႈခုဥတႈဃူတႈဖိးန႔ဥလီၚ. အ၀ဲန႔ဥမ့ႈ၀ဲမုႈလႈ တႈဒိတႈတဲဏန႔ဥလီၚ. ဘဥဆဥ ပွၚဒိဥစိဒိဥကမီၚတဖဥ တပဏကဲ၀ဲတႈဒိအတဲဏအံၚဘဥ. ဒုးအိဥထီဥ၀ဲဒဥ အကစႈတဂီၚတႈဖွီဥ လ႕အမ့ႈတႈစိတႈကမီၚယ တႈပ႕ဘဥအိဥဒီးအီၚတဖဥယ တႈထူးတႈတီၚတဖဥယ တႈမၚပနံဏတႈကဏလ႕ အတီတလိၚတဖဥ ဒီးခိဥဃ႕ၚန႔ဆ႕ဥ တႈတဘဥ လိဏဖိးဒ့ဘဥန႔ဥလီၚ.

လ႕ကီႈပဎီၚအပူၚ တႈဂီၚတႈဖွီဥန႔ဥအိဥအါမးလီၚ. တႈဂီၚတႈဖွီဥတဖဥအံၚ မၚန႕ၚကြံဏ၀ဲတႈအဲဥတႈကြံ တႈသးကညီၚန႔ဥလီၚ. ဟံးန႔ႈကြံဏ၀ဲပတႈမုႈလႈလ႕ ပသူဥထီဥတႈမုဏတႈခုဥ တႈဃူတႈဖိးတဖဥန႔ဥလီၚ. ပတႈမံမီႈကဲထီဥ တႈမံမီႈအ႕လ႕ပဂီႈန႔ဥလီၚ.

ပပွၚကလုဏထံဥဘဥစ့ႈကိးတႈ တႈကီတႈခဲလ႕အဒံးသိးဒီး စီၚဎိၚစြၚန႔ဥလီၚ. ပွၚကလုဏအံၚ ဃ့ႈထီဥလ႕ တႈဂီၚတႈဖွီဥ အတႈစိတႈကမီၚအပူၚ လ႕အိဥဒီးအသူးအသ့ဥ ဒီးလ႕တႈထူးတႈတီၚလ႕ အတီတလိၚအပူၚ ကသ့ဧါ?  ပွၚသ့ဥတဖဥန႔ဥအ႕ဥလီၚစီၚဎိၚစြၚလ႕ ကမၚဎြၚအတႈမၚလီၚ.

လ႕လံဏစီဆွံလီႈလံၚအပူၚန႔ဥ ပွၚစူႈနဏ၀ဲဒိဥဒိဥလ႕ တႈစိတႈကမီၚန႔ဥ ဟဲလ႕ဎြၚအအိဥန႔ဥလီၚ. ၀ံဎရွါဎၚစံး၀ဲ - အဂ့ႈဒံးအံၚဖိသဥတဂၚအိဥဖ်ဲဥထီဥလ႕ပဂီႈယ တႈဟ့ဥလီၚပွးလ႕ဖိခြါတဂၚလီၚ.  ဒီးတႈစံဥညီဥကအိဥလ႕အဖံဘဥခိဥယ ဒီးတႈကကိးအမံၚလ႕ တႈလီၚလးယ ပွၚကူဥလိဏတဂၚယ တႈဆူဥကစႈယ အစိၚစိၚအဃဥဃဥ အပႈယ တႈဃူတႈဖိးအပဒိဥဖးဒိဥတဂၚလီၚ. (ဎရွါဎၚ ၉း၆).

ဘဥဆဥ ဒ္လံဏစီဆွံ စံး၀ဲအသိး ပဒိဥကိးဂၚဒဲးန႔ဥ ကဘဥမ့ႈပွၚလ႕ အဟ့ဥတႈမၚစ႕ၚန႔ဥလီၚ. ဒ္လံဏဖံလံးပံၚ ကြဲး၀ဲအသိး - အ၀ဲဒဥန႔ဥအိဥဒိးဎြၚအက့ႈအဂီၚ ဒီးပဏအသးထဲသိးဒီးဎြၚဒီးယ တဆိကမိဥလ႕အဂုဏန႔ႈပွၚဂၚအတႈဘဥ. ဘဥဆဥဒီးညိကြံဏအလၚကပီၚယ ဒီးလိဥထီဥအသးလ႕ ပွၚကညီယ ဒီးဒိးန႔ႈကုႈအက့ႈအဂီၚလီၚ. (ဖံလံးပံၚ ၂း၆-၇).

ဖဲဒိဥဖဲလဲဥဖဲလဲဥန႔ဥ မ့ႈတဒိးန႔ႈဘဥတႈစိတႈကမီၚလ႕ ပွၚထံဖိကီႈဖိအအိဥဘဥန႔ဥ တန႔ႈဘဥစ့ႈကိးတႈစိ တႈကမီၚလ႕ဎြၚအအိဥဘဥလီၚ. ဒ္လံဏစီဆွံစံး၀ဲအသိး အ၀ဲသ့ဥအတႈမၚန႔ဥမ့ႈတႈဂီၚတႈဖီွဥအတႈမၚလီၚ. ဒ္ပါပါစံး၀ဲအသိး တႈစိတႈကမီၚန႔ဥမ့ႈတႈမၚစ႕ၚပွၚဂၚဒီး တမ့ႈတႈဟ့ဥတႈစိတႈကမီၚလ႕ ပွၚလ႕အတအိဥဒီးတႈဒဲးဘးတဖဥအဖီခိဥဘဥလီၚ.

ပဒိဥသ့ဥတဖဥ အတႈစိတႈကမီၚန႔ဥ မ့ႈတႈလ႕ အမ့ႈတႈမၚတႈလ႕ပွၚဂၚအဂီႈန႔ဥ စီၚပီလူစံး၀ဲ ဖဲ လံဏဖးခံဘ့ဥတဘ့ဥ ဖဲ အ့ဖ့းစူးအပူၚန႔ဥလီၚ. ပဒိဥဒီးထံဖိကီႈဖိန႔ဥမ့ႈ၀ဲဒ္ ဟံဥဖိဃီဖိိတဒူဥတသိးန႔ဥလီၚ. တမ့ႈတႈဟ့ဥလီၚတႈကလုႈလ႕တႈဖီခိဥတခါဘဥ.

ဟံဥဖိဃီဖိန႔ဥ မ့ႈတႈလ႕ အလီၚဂၚဒီးကစႈခရံဏအတႈဘဥဃးဒီးတႈအိဥဖွိဥအသိးန႔ဥလီၚ. တႈတ့တႈဖ်ီန႔ဥ ဒ္စီၚပီလူစံး၀ဲအသိးမ့ႈတႈအိဥဆိးလ႕တႈအဲဥတႈကြံအပူၚန႔ဥလီၚ. အ၀ဲဒိးသန႔ၚ၀ဲဖဲ လံဏတ႕မိၚရွ့လ႕အစံး၀ဲလ႕ တႈတ့တႈဖ်ီန႔ဥ တမ့ႈပွၚခံဂၚဘဥ ကဲထီဥ၀ဲပွၚတဂၚဃီန႔ဥလီၚ. မဲဏခ်ံခံဖ်႕ဥဘဥဆဥ တႈထံဥတပူၚဃီန႔ဥလီၚ.

ထံကီႈဖဲလဲဥဘ့ဥဖဲလဲဥဘ့ဥ ပဒိဥသ့ဥတဖဥ န႔ဥတအိဥလ႕ ထံဖိကီႈဖိအဖီခိဥဘဥ. ပဒိဥသ့ဥတဖဥန႔ဥ မ့ႈမဲဏခ်ံတဖ်႕ဥ ဒီးထံဖိကီႈဖိန႔ဥမ့ႈမဲဏခ်ံလ႕အ၀ဲတကပၚတဖ်႕ဥန႔ဥလီၚ. မဲဏခ်ံခံဖ်႕ဥဘဥဆဥ တႈထံဥ တပူၚဃီလီၚ. ထံကီႈန႔ဥဘဥတႈသူဥထီဥအီၚလ႕ တႈထဲသိးတုၚသိးအဖီခိဥလီၚ. တႈမၚလ႕အဂၚသ့ဥတဖဥန႔ဥ မ့ႈတႈဘဥတႈဂီၚတႈဖွီဥတႈအ႕တႈသီန႔ဥလီၚ. ပွၚအံဥစရ့လးဖိတဖဥလီၚလ႕တႈခံးက်ါ ခီဖ်ိလ႕တႈဘါတႈဂီၚ တႈဖွီဥန႔ဥလီၚ.

လံဏတႈသးခုကစီဥန႔ဥ ဒိးသန႔ၚအသးလ႕ စီၚဎိၚစြၚ တႈကဲထီဥသးအဖီခိဥန႔ဥလီၚ. ဖဲစီၚမိၚရွ့ တအိဥလ႕ၚဘဥ အလီႈခံ စီၚဎိၚစြၚ ထံဥဘဥတႈကီတႈခဲတႈသဘံဥသဘုဥန႔ဥလီၚ.

ဒ္န႔ဥအသိး တႈသဘံဥသဘုဥကဲထီဥလ႕လံဏတႈသးခုကစီဥအပူၚန႔ဥလီၚ. ပထံဥဘဥ ကစႈခရံဏဒုးအီဥပွၚဂီႈမုႈ လ႕ကိဥယ တမ့ႈကိဥမးနးဘဥ မ့ႈဒဥ ခရံဏအကစႈလ႕အမ့ႈကိဥ အတႈမူလ႕အဟဲလီၚလ႕ မူခိဥန႔ဥလီၚ. အ၀ဲမ့ႈ တႈကတိၚလ႕အဟံးန႔ႈပွၚကညီအတႈကဲ လ႕အအိဥဆိးလ႕ပက်ါန႔ဥလီၚ. ခရံဏအပ်ဲႈအဘီဥဒီး ပ၀ဲဒဥသ့ဥ ပလူပိဏထြဲ တႈမူအကိဥအံၚဧါ?

ပ၀ဲပအိဥဖ်ဲဥထီဥဃုဏဒီးဃုဏဒီးန႔ဆ႕ဥ လ႕တႈအဲဥလီၚ ကြႈလီၚက့ၚထဲ ပကစႈအသးန႔ဥလီၚ. တႈအဲဥလီၚ ကြႈလီၚက့ၚ ထဲပသးန႔ဥ ဟ့ဥတႈကီတႈခဲလ႕ပကစႈအဂီႈဒီးဆူပွၚဂၚန႔ဥလီၚ. ပကထံဥဘဥတႈအံၚ ဟဲကဲထီဥအသးဒီးပ၀ဲကိးဂၚဒဲးန႔ဥလီၚ.

ဒ္လံဏစံးထီဥကၾတ႕ၚ စံး၀ဲအသိး - ဎြၚဧ႕ယ မၚက့ၚဎသူဥကဆွဲသးကဆွီတက့ႈ. ဒီးမၚက့ၚဎသူဥက်႕ၚဎသးက်႕ၚ လ႕ဎပူၚတက့ႈ. (စံးထီဥကၾတ႕ၚ ၅၁း၁၀). ပွၚလ႕ အိဥဒီးတႈစူႈတႈနဏ သးအတႈဆိကမိဥတဂၚ သူဥလီၚသးကြံ၀ဲလ႕ ကအိဥဒီးသးလ႕အကဆွီန႔ဥလီၚ. ဘဥဆဥ တႈအံၚကဲထီဥအိဥအသးကသ့ လ႕ တႈဘဥတ့ကစႈ ဒုးကဲထီဥလိဥထီဥ၀ဲလ႕ပသးပူၚန႔ဥလီၚ. မ့တမ့ႈပ်ဲ ကစႈလ႕ ကထုးထီဥကြံဏန႔ႈပွၚသးအအဲဥလီၚသးလ႕ ပသးပူၚန႔ဥတက့ႈ.

ဎြၚမၚကဆွီပသးလ႕က်ဲဒ္လဲဥ? အ၀ဲသူ၀ဲဒဥတႈအိဥလ႕တႈခ်႕သ့ဥတဖဥန႔ဥလီၚ. အဆိကတ႕ႈပကဘဥသ့ဥညါ လီၚက့ၚပမ့ႈပွၚလ႕အဲဥလီၚထဲသးန႔ဥလီၚ. အ၀ဲကမၚကဆွီထီဥက့ၚပသးခီဖ်ိလ႕ ကိဥလ႕အဟဲလီၚလ႕မူခိဥန႔ဥလီၚ.

တႈအိဥမူအိဥဂဲၚ မ့ႈတႈလ႕အအိဥလ႕ပွဲၚဒီး တႈမၚကြႈသ့ဥတဖဥနဥ့လီၚ’ မ့ႈတႈမၚကြႈလ႕ အပဏဖ်ါထီဥ တႈကြႈလီၚဒဥထဲပကစႈဒဥ၀ဲအဂီႈ လ႕ပွၚအါဂၚအမဲဏညါနဥ့လီၚ’ ဒ္တႈမၚကဆွဲကဆွီ ထူမ့တမ့ႈစ့ လ႕မ့ႈအူလဏအပူၚအသိး ဎြၚသူ၀ဲတႈမၚကြႈအါမံၚအါမေိ လ႕ပတႈအိဥမူအပူၚ ဒ္သိးအကမၚကဆွဲကဆွီထီဥက့ၚပွၚအဂီႈနဥ့လီၚ’ ဎြၚမၚကဆွဲကဆွီပွၚ ဒ္သိးအက့ႈအဂီၚ ကအိဥဖ်ါထီဥ၀ဲလ႕ပပူၚအဂီႈနဥ့လီၚ’

သပ႕ၚသိတႈနဥ့မ့ႈလ႕စ့အဂီႈယ ဒီးဖဥကပူၚလ႕ထူအဂီႈလီၚ’ မ့မ့ႈဎြၚမၚကြႈပွၚအသးလီၚ’(တႈကတိၚဒိ ၁၇း၃)

ခရံဏကစႈမ့ႈ၀ဲကိဥလ႕အဟဲလီၚလ႕မူခိဥလီၚ’ တမ့ႈဎြၚလ႕အထံဥလိဏအသးဒီး စီၚမိၚရွ့ လ႕ကစ႕ႈဒီခိဥဘဥနဥ့လီၚ’မ့ႈဎြၚလ႕ အဟဲလီၚ၀ဲ ဒီးပဏလီၚအသးလ႕ပွၚကညီသ့ဥတဖဥအပတီႈနဥ့လီၚ’ မ့ႈနကလဲၚပိဏထြဲအခံဧါ ဒီးကဲထီဥအပ်ဲဥအဘီဥဧါ’ မ့တမ့ႈ နကမ့ႈနဲထဲဒဥပွၚလ႕အဎူးဎီဥပဏကဲတႈဎိဎိ လ႕အဘူဥဘါထီဥဒဥ တႈဂီၚတႈဖီဥလီဧါ’ ခရံဏအပ်ဲဥအဘီဥတနီၚနီၚ ကအိဥ၀ဲဒီးတႈမံသူဥမံသးဒီးအ၀ဲသ့ဥ ဖဲအဘဥတႈဟ့ဥလီၚအီၚ တႈသိဥတႈသီ လ႕အကသ့အိဥမူထြဲ၀ဲအဂီႈ လ႕အလီၚဂဏဒ္ စီၚမိၚရွ့ စိဏလီၚ၀ဲတႈသိဥတႈသီ လ႕ကစ႕ႈသံးနဏအဒီခိဥနဥ့လီၚ’ ဎြၚကအိဥဒဥ၀ဲလ႕မူခိဥယ ဒီးအ၀ဲသ့ဥကလူၚပိဏထြဲဒဥတႈသိဥတႈသီ ဒီးတႈကမၚအသးဂ့ၚဂ့ၚဘဥဘဥနဥ့လီၚ’ ကနႈပ႕ႈဒဥ၀ဲဒ္အံၚနဥ့လီၚ’

ခရံဏအတႈစံဥတဲၚတဲလီၚလ႕မုႈတနံၚအံၚ မ့ႈ၀ဲ တႈလီၚလးလ႕အမ့ႈ ခရံဏလုႈအီဥ၀ဲအါနဥ့ပွၚအဂၚ ၅၀၀၀ သ့ဥတဖဥလ႕ ကိဥဎဲႈဖ်႕ဥဒီးညဥခံဘဥအတႈပိဏထြဲနဥ့လီၚ’ လံဏတႈသးခုကစီဥဒ္စီၚဎိၚဟဥကြဲး၀ဲ ပဏဖ်ါထီဥ နဥ့ပွၚ ပွၚဂီႈမုႈလ႕အကဒူးကဒ့ဥတႈ ဒီးတသ့တူႈလိဏ၀ဲ ခရံဏအကလုႈကထါ ဘဥနဥ့လီၚ’ ပွၚလ႕အလဲၚပိဏထြဲ ခရံဏအခံသ့ဥတဖဥ အနီႈဂံႈစွၚလီၚ၀ဲ စးထီဥလ႕အအါနဥ့ ဎဲႈကထိသ့ဥတဖဥ ဆူပွၚ ၁၂ ခံဂၚသ့ဥတဖဥ နဥ့လီၚ’ ဆူပွၚတဆံခံဂၚအံၚအအိဥ ခရံဏဃဥကဒါက့ၚအမဲဏဒီးသံကြႈအီၚ သုကက့ၚကဒါက့ၚစ့ႈကီၚဧါ  ” မ့ႈလ႕ကိဥလ႕အဟးဂီၚသ့၀ဲအံၚ ကဲထီဥတႈခီဥတႈရီဏတႈဒီးကိဥလ႕မူခိဥ အဃိနဥ့လီၚ’

ပခီဖ်ိထံဥဘဥ၀ဲတႈလ့တႈပစီ ဒ္နဥ့သိးလီၚ’ တႈကီတႈခဲအိဥ၀ဲအကလုဏကလုဏသ့ဥတဖဥနဥ့လီၚ’ ပက်ဲးစ႕ၚဃုထံဥနႈ့ခရံဏကစႈယ ဒ္သိးဒဥလ႕အမ့ႈ၀ဲတႈဂီၚနဥ့လီၚ’ ဒ္အမ႕နႈ့ဆီဥခံပွၚ ဒ္သိးပကအိဥမူ၀ဲလ႕ တႈအဲဥကြံပွၚလ႕ပဃ႕ၚယ တႈကြႈဆိကမိဥတႈလ႕ ပွၚဂံႈစႈဘါစႈ၀ဲသ့ဥတဖဥ ဒီးပွၚလ႕အဘဥဒိ ဘဥထံးတ့ႈ လံ၀ဲသ့ဥတဖဥအဂီႈယ ပတႈလ့တႈပစီသ့ဥတဖဥမ့ႈ၀ဲ ဒ္သိးပကမၚမံသူဥမံသးဒဥထဲ တႈမၚကိညဥလီၚက့ၚ တႈသူဥကိႈသးဂီၚသ့ဥတဖဥနဥ့လီၚ’

ဖဲႏြြံလါပူၚကြံဏ၀ံၚအကတီႈ တႈမႏုသ့ဥတဖဥ မ့ႈ၀ဲတႈကီတႈခဲနဥ့လဲဥ’ ပကဒူးကဒ့ဥတႈလ႕ဎြၚအလိၚယ တႈလ့တႈပလီၚလ႕ပကဘဥလဲၚပူၚကြံဏအီၚဧါယ မ့တမ့ႈ ပကဘဥက်ဲးစ႕ၚမၚလိမၚဒိးပသး ဒ္သိးပကအိဥဒီး တႈစူႈတႈနဏလ႕ ကိဥလ႕မူခိဥအပူၚ မ့တမ့ႈ ဒ္စီၚပ့းတရူးအ႕ဥလီၚ အီလီၚ၀ဲ အသိးယ”မ့ႈပကဘဥလဲၚ၀ဲဆူလဲဥယ နအိဥနဲဒီး နကလုႈကထါ ဘဥဃးဒီးတႈမူအထူအဎိဏနဥ့လီၚ’

ပတသ့စံးဆ႕က့ၚတႈသံကြႈအံၚ ညီညီဘဥနဥ့လီၚ’

ပထံဥဘဥတ့ႈလံ၀ဲ ပွၚစွၚဂၚသ့ဥတဖဥ အိဥဒီးတႈသးစ႕ႈဆ႕လ႕ တႈကြႈလီၚဒဥထဲအကစႈဒဥ၀ဲအဂီႈယ ဒီးက်ဲးစ႕ၚဃုထံဥနႈ့၀ဲကိဥ လ႕အဟးဂီၚသ့၀ဲ ဒီးဂုဏနႈ့ဆူဥ၀ဲ တႈမုဏတႈခုဥအကိဥအကကြဲႈဒီးအကကြဲႈယ လ႕အမ့ႈအ၀ဲသ့ဥအတႈမူအကိဥယ တႈအီဥကုးအီၚပွဲၚအကိဥနဥ့လီၚ’ မ့ႈ၀ဲတႈသံတႈပွႈယ တႈသူဥကႈသးလီၚယ တႈသူဥအုးသးအုးသ့ဥတဖဥနဥ့လီၚ’ မ့ႈ၀ဲမဲဏထံလ႕အဎြၚလီၚတကတ႕ႈ၀ဲနဥ့လီၚ’ မ့ႈလ႕ ပွၚစွၚဂၚတဖု ဃုထ႕ထီဥက်ဲလ႕ အကဂုဏနႈ့ဆူဥ၀ဲ ပပွၚကမ်႕ႈဖိသ့ဥတဖဥ အကိဥနဥ့လီၚ’

အအံၚတမ့ႈဆ႕ကတီႈလ႕ ပဘဥသုတအိဥလ႕ၚဒီး တႈသးအိဥမၚစ႕ၚလိဏသးဘဥနဥ့လီၚ’ ပကဘဥမၚဆူဥထီဥ တႈသးကညီၚမၚစ႕ၚလိဏသးယ ဒီးတႈနႈပ႕ႈလိဏသး ခီဖ်ိတႈမၚကြႈခဲလ႕ဏသ့ဥတဖဥအံၚ ဒ္သိးပကထံဥသ့ဥညါ၀ဲ တမႏုမႏုမ့ႈ၀ဲ တႈလ႕အဖ်ါလ႕ပွဲၚ၀ဲဒီး ႀက႕း၀ဲဘဥ၀ဲသ့ဥတဖဥယ ဒီးတႈမႏုသ့ဥတဖဥမ့ႈ၀ဲ တႈဂီၚတႈဖီဥလ႕ ပွၚဎူးဎီဥအီၚတလ႕ကြံဏအခ႕းလဲ နဥ့လီၚ’ ပတႈလ႕က်ဲဆူ ပွၚကညီအသူးသ့ဥလၚကပီၚအအိဥ မ့ႈတႈလဲၚက်ဲလ႕အထီ၀ဲ ဒီးဘဥတႈမၚဂ႕ႈမၚက်႕ၚအီၚသ့ဒဥထဲ ခီဖိလ႕ တႈကတိၚဘဥဃးဒီး တႈမူအထူအဎိဏ မ့ႈ၀ဲကိဥလ႕အဟဲလီၚလ႕ မူခိဥနဥ့လီၚ’ ပသုတဘဥအိဥဒီးတႈသူဥဒ့ဒီသးဒ့ဒီးလ႕ ပတႈစူႈတႈနဏအဖီခိဥဘဥနဥ့လီၚ’ ဎြၚအတႈဆ႕ကတီႈ တမ့ႈ၀ဲပတႈဆ႕ကတီႈဘဥနဥလီၚ’ ဟဲလီၚ၀ဲဖဲဆ႕ကတီႈနဥရံဥလ႕ အဂ့ၚကတ႕ႈအကတီႈ လ႕ပွၚလ႕အဂ့ၚ၀ဲသ့ဥတဖဥ အဂီႈနဥ့လီၚ’

တုၚဆ႕ကတီႈအံၚဟဲတုၚ၀ဲအခါဒဥလဲဥ မ္ပကမၚမံသူဥမံသးလိဏပသး ခီဖ်ိိခရံဏပကစႈအတႈကတိၚလ႕အမ့ႈ၀ဲ ပ်ံၚတႈတဂ့ၚ အဂ့ႈဒ္အံၚ ဎအိဥဒီးသု ကိးမုႈနံၚမုႈနၚဒဲး တုၚတႈအစိၚကတ႕ႈလီၚ’ မ္္ပတႈကတိၚကိးထံဥဒဲး ကကဲထီဥ၀ဲကိဥ လ႕အဟဲလီၚ၀ဲလ႕ မူခိဥဘီမုႈနဥ့တက့ႈ’