မူခိဥဘီမုႈန႔ဥယ မၚသးဒ္သိးယ စီၚပၚတဂၚယ မၚ၀ဲဒဥအဖိခြါ တႈဖ်ီမူးသဖွံအဂ့ႈ (၁၉.၈.၂၀၂၁)

မူခိဥဘီမုႈန႔ဥယ မၚသးဒ္သိးယ စီၚပၚတဂၚယ မၚ၀ဲဒဥအဖိခြါ တႈဖ်ီမူးသဖွံအဂ့ႈ (၁၉.၈.၂၀၂၁)

တနံၚအံၚမ့ႈ၀ဲဒဥ (2021.Aug.19) သီးနံၚန့ဥလီၚ။ တနံၚညါအံၚ လ႕တႈကြႈထံဆိဥကမိဥ လ႕နီႈခိဒီးနီႈသးအဂီႈ တႈဖးဒိကနဥ ခရံဏအလံဏတႈသးခုကစီဥ မ့ႈ၀ဲဒဥ (Matthew 22 :1 - 14)န့ဥလီၚ။

မ့ႈလ႕ခရံဏအလံဏတႈသးခုကစီဥအံၚ အပူၚန႔ဥဒီး ပထံဥဘဥ၀ဲဒဥယ ကစႈခရံဏယ ဟ့ဥ၀ဲဒဥတႈအဒိလ႕ယ မူခိဥဘီမုႈန႔ဥယ မၚသးဒ္သိးယ စီၚပၚတဂၚယ မၚ၀ဲဒဥအဖိခြါ တႈဖ်ီမူးသဖွံန႔ဥလီၚ. အ၀ဲကတဲဏကတီၚ၀ဲ တႈ၀ံၚဒီးယ မ႕၀ဲအပ်ဲႈ အဘီဥ တဖဥယလ႕ကလဲၚကြဲ၀ဲဒဥယ ပွၚကညီန႔ဥလီၚ. အ၀ဲသ့ဥလဲၚကြၚ၀ဲဒဥပွၚကညီလ႕ယ အဘဥပညိႈတဖဥအခါန႔ဥဒီးယ အ၀ဲသ့ဥယ အတႈဖံးတႈမၚအါ၀ဲဒီး လဲ၀ဲဒဥဆူစံဥပ်ီပူၚန႔ဥလီၚ. တခ်ဳးတဒး၀ဲအဂီႈ တလဲၚ၀ဲဒဥတႈကြဲန႔ဥဘဥလီၚ. ဒ္န႔ဥဒီးယ စီၚပၚအပ်ဲႈတဖဥလဲၚဆူယ က်ဲမုႈက်ဲဖးဒ့တဖဥအပူၚဒီး ကြဲ၀ဲဒဥပွၚကညီန႔ဥလီၚ. ဖဲတႈဆ႕ကတီႈတုၚအခါယ တႈဖ်ီမူးစး ထီဥဒီးပွၚကညီဟဲ၀ဲဒဥအက်ါယ ပွၚတဂၚတကူတသိး၀ဲဒဥယ မူးအတႈကူတႈသိးအဃိဒီး စီၚပၚစံးအီၚလ႕ယ ဘဥမနုၚအဃိယ နတကူသိး၀ဲဒဥ မူးအတႈကူတႈသိးန႔ဥလဲဥဒီး အ၀ဲတႈဘဥဟီထီဥကြံဏအီၚလ႕ယ မူးအလီႈန႔ဥလီၚ.

ဒီပုႈ၀ဲႈပွၚဒိကနဥတႈဖိသ့ဥဧ႕ယ မ့ႈလ႕တနံၚအံၚ တႈဖးဒိကနဥ လံဏတႈသးခုကစီဥ အပူၚန႔ဥဒီး ပထံဥဘဥ၀ဲဒဥယ ကစႈခရံဏယ ဟ့ဥပလီႈဘဥပွၚယ တဲပလီႈဘဥပွၚလ႕ယ တႈလ႕မူခိဥဘီမုႈန႔ဥယ မ့ႈ၀ဲဒဥယ အိးထီဥ၀ဲဒဥလ႕ ပွၚကညီခဲလ႕ဏအဂီႈန႔ဥလီၚ. ပနုဏ၀ဲဒဥသ့ကိးဂၚဒဲးန႔ဥလီၚ. ဘဥဆဥသနဏက့ယ ကစႈဎြၚပဏပညိႈ၀ဲဒဥ ပွၚကညီတဖဥ အိဥ၀ဲဒဥန႔ဥလီၚ. ပမ့ႈဆိကမိဥကြႈန႔ဥဒီးယ တႈလ႕ဎြၚအပဏပညိႈ ပွၚကညီန႔ဥမ့ႈ၀ဲဒဥယ ပွၚခရံဏဖိတဖဥန႔ဥလီၚ. ဒီးပွၚလ႕အဂုဏဂၚသ့ဥတဖဥန႔ဥ မ့ႈ၀ဲဒဥပွၚကလုဏဂၚယတႈဘူဥတႈဘါအဂၚဖိတဖဥန႔ဥလီၚ. ပမ့ႈကြႈဒီး ကစႈဎြၚကိးပွၚဆူ အဘီအမုႈအပူၚန႔ဥယ မ့ႈ၀ဲဒဥ ပွၚခရံဏဖိတဖဥညါကတ႕ႈန႔ဥလီၚ.

ဘဥဆဥသနဏက့ယပ တကနဥယ ပတအဲဥဒီး လဲနုဏ၀ဲဒဥန႔ဥ အိဥ၀ဲဒဥအါမးန႔ဥလီၚ. ဒ္န႔ဥဒီးလ႕ဎြၚပဏပညိႈ၀ဲဒဥ ပွၚခရံဏဖိတဖဥ တဟဲ၀ဲဒဥအဃိန႔ဥဒီးယ အ၀ဲကြဲနုဏ၀ဲဒဥ ပွၚဂုဏဂၚတဖဥန႔ဥလီၚ. ပွၚဂုဏဂၚတဖဥသနဏက့ယ တႈလ႕ဘီမုႈ အကူအကၚမ့ႈတအိဥန႔ဥဒီး ကလဲၚနုဏ၀ဲဒဥဆူယ ဘီမုႈပူၚတန႔ႈပကဘဥက့ၚထံဥယ ပလီႈသူဥပလီႈသးန႔ဥလီၚ. တႈန႔ဥအဃိယပတဲ၀ဲဒဥယ ပစံး၀ဲဒဥသ့လ႕ယ တႈလ႕မူခိဥဘီမုႈန႔ဥယ မ့ႈ၀ဲဒဥပွၚခဲလ႕ဏအဂီႈလီၚ.

ပွၚကညီကိးဂၚဒဲး နုဏ၀ဲဒဥသ့န႔ဥလီၚ. ဘဥဆဥတႈလ႕ပကနုဏဘဥလ႕ယ မူခိဥဘီမုႈအဂီႈန႔ဥဒီးယ ပကဘဥကူကၚ၀ဲဒဥမူခိဥဘီမုႈယ အတႈကူတႈကၚဒံးန႔ဥလီၚ. မူခိဥဘီမုႈအတႈကူတႈကၚယ ပမ့ႈဆိကမိဥကြႈန႔ဥဒီးယ တႈကဘဥကူကၚယ ကစႈခရံဏန႔ဥလီၚ. တႈကဘဥအိဥမူကူကၚထီဥ၀ဲဒဥလ႕ယ ကစႈခရံဏအတႈသိဥတႈသီယ တႈသိဥတႈဘ်႕ဒီး ကစႈဎြၚအကလုႈကထါန႔ဥလီၚ.

တႈအိဥမူလ႕ယ တႈဂ့ၚတႈ၀ါမ့ႈတအိဥယ တႈအိဥမူလ႕ယ တႈမၚဘ်ဳးတႈဂ့ၚတႈ၀ါ မ့ႈတအိဥဘဥန႔ဥဒီးယ ပကန႔ႈဘဥမူခိဥယ ဘီမုႈန႔ဥယ တညီဘဥန႔ဥလီၚ. တႈန႔ဥအဃိယ ပွၚကညီခဲလ႕ဏယ ဒ္အတႈဘူဥတႈဘါအိဥ၀ဲဒဥအသိးယ တႈဘူဥတႈဘါသ့ဥတဖဥန႔ဥယ သိဥသီ၀ဲဒဥလ႕ယ တႈဘဥဒိကနဥယ ထုကလုႈဎြၚကထါယ ဎြၚအတႈသိဥတႈသီဒီး တႈဘဥအိဥမူလ႕ယ တႈဂ့ၚတႈ၀ါအပူၚန႔ဥလီၚ. တႈန႔ဥအဃိယ ဒီပုႈ၀ဲႈပွၚဒိကနဥတႈဖိသ့ဥဧ႕ယ ပ၀ဲဒဥ ပတႈဘူဥတႈဘါသ့ဥတဖဥယ အိဥ၀ဲဒဥဒ္လဲဥယမ့ႈဂ့ၚယ တႈအိဥမူလီၚသးလ႕ယ တႈဂ့ၚတႈ၀ါပူၚယ သူဥဂ့ၚသး၀ါအပူၚ လ႕တႈသူဥကညီၚ သးကညီၚတႈအပူၚယ တႈအဲဥတႈကြံအပူၚဒီး တႈမၚစ႕ၚသကိးလိဏသး မ့ႈတအိဥန႔ဥဒီးယ ပကန႔ႈဘဥ၀ဲဒဥ မူခိဥဘီမုႈန႔ဥတညီဘဥန႔ဥလီၚ. ပကဟုဥ၀ဲဒဥ မူခိဥဘီမုႈတန႔ဥဘဥ.

မ့ႈလ႕တနံၚအံၚယ ခရံဏအလံဏတႈသးခုကစီဥအပူၚယ ပွၚကညီတဂၚလ႕တကူသိး၀ဲဒဥယ မူးအကူအကၚန႔ဥယ ဘဥတႈဟီထီဥကြံဏအီၚဆူယ မူအလီႈန႔ဥပထံဥဘဥ၀ဲဒဥန႔ဥလီၚ. လ႕ဘီမုႈအဂီႈပကန႔ႈဘဥန႔ဥဒီးယ ပကဘဥကူးသိးထီဥဘီမုႈတႈကူတႈကၚယ မ့ႈလ႕တႈအိဥမူလ႕ တႈဂ့ၚတႈ၀ါအပူၚယ တႈအဲဥတႈကြံပူၚန႔ဥလီၚ.

တႈန႔ဥအဃိယ ဒီပုႈ၀ဲႈပွၚဒိကနဥတႈဖိသ့ဥဧ႕ယ ပမ့ႈအဲဥဒီး လဲၚ၀ဲဒဥဆူဘီမုႈပူၚန႔ဥဒီးယ မ့ႈလ႕တနံၚအံၚယ ကစႈခရံဏဟ့ဥပပလီႈ ဘဥပွၚအသိးယ မ္ပကဂုဏက်ဲးစ႕းဒီး အိဥမူလ႕တႈဂ့ၚတႈဘဥအပူၚယ တႈအဲဥတႈကြံအပူၚ ကိးနီႈဂၚဒဲးန႔ဥတက့ႈ.