ကစႈဎ့ဥရွဴးခရံဏက့ၚထီဥဆူမူခိဥဘီမုႈ အမုႈဘူဥနံၚ

ကစႈဎ့ဥရွဴးခရံဏက့ၚထီဥဆူမူခိဥဘီမုႈ အမုႈဘူဥနံၚ

လါမ့ၚ ၁၆ သီ ၂၀၂၁

မ္ခရံဏကစႈလ႕အသမူထီဥက့ၚလ႕တႈသံ ဖဲအတႈဖံးတႈမၚလ႕ဟီဥခိဥအံၚ လ႕ထီဥပွဲထီဥ၀ံၚအလီႈခံ ဒီးက့ၚထီဥဆူမူခိဥဘီမုႈ ဆူပႈကကစႈအအိဥ အတႈဆိဥဂ့ၚသ့ဥတဖဥ မ္အကအိဥဒီးသုနဥ့တက့ႈ. ဖဲခရံဏကစႈ က့ၚထီဥဆူမူခိဥအကတီႈ ဒ္ပွၚတႈမ႕ဖိသ့ဥတဖဥ ကြႈထီဥတႈဆူမူခိဥအသိး ပ၀ဲသ့ဥတဖဥစ့ႈကီးပကြႈထီဥတႈဆူမူခိဥ ဒီးဃ့ထုကဖဥနႈ့တႈလ႕ ပထံပကီႈအတႈမုဏတႈခုဥ အဂီႈနဥ့လီၚ’

တနံၚအံၚ မ့ႈမုႈနံၚလ႕ အလီၚတိဏလီၚဆီ၀ဲနဥ့လီၚ’

ပႈပါဖရဥစ့း မ့ႈပွၚလ႕အလဲၚဃုဏတႈဒီးပွၚ ခီဖ်ိအတႈမၚမံသူဥမံသးပွၚ လ႕ပွၚကမ်႕ႈဖိသ့ဥတဖဥအက်ါနဥ့လီၚ’ ကလုႈထီဥ၀ဲတႈလုႈမံးဆါ လ႕၀့ႈရိမ့ၚဖဲကီႈပဎီၚအဆ႕ကတီႈ ၂း၃၀ မုႈဆါခီအကတီႈ လ႕ကီႈပဎီၚအဂီႈလီၚလီၚဆီဆီ နဥ့လီၚ’ အတႈသူဥအိဥသးအိဥပွၚ ထိဥဟူးထိဥဂဲၚပ၀ဲသ့ဥ ဒိဥဒိဥအါအါနဥ့လီၚ’ စးထီဥလ႕တႈဂ့ႈကီအိဥထီဥ၀ံၚအလီႈခံ စံးကတိၚတႈ ဘဥဃးဒီးတႈဂ့ႈအံၚ အိဥ၀ဲဃုဘ်ီနဥ့လီၚ’ စံး၀ဲလ႕ အနီႈကစႈဒဥ၀ဲ ခ်ံးလီၚတီၚလီၚလ႕ ကီႈပဎီၚအက်ဲမုႈခိဥသ့ဥတဖဥအဖီခိဥ ဒီးဃ့ထုကဖဥ၀ဲလ႕ တႈမုဏတႈခုဥအဂီႈနဥ့လီၚ’ မ့ႈ၀ဲအတႈပဏဖ်ါထီဥ၀ဲ Sr Ann Rose ဒ္အအိဥဖ်ါ၀ဲလ႕ ၀့ႈမေံးကေံနါအက်ဲမုႈဖီခိဥအသိးနဥ့လီၚ’

ပႈပါဖရဥစ့းအတႈလုႈမံးဆါ လ႕တႈမုဏတႈခုဥဒီးတႈဃူတႈဖိးအဂီႈ ကဟဲစိဏနႈ့ဘဥပွၚ တႈမုႈလႈအဂီၚထ႕ဥသ႕နဥ့တက့ႈ’ မ္ပကဘူဥဘါဃုဏသကိးတႈလ႕ ကီႈပဎီၚမုႈဆါခီ ခံနဥရံဥတခီဃုဏဒီးပႈပါဖရဥစ့း ဒီးထုကဖဥသကိးလ႕ ပထံပကီႈ အတႈမုဏတႈခုဥအဂီႈနဥ့တက့ႈ’ ပထံပကီႈအခါဆူညါ အိဥ၀ဲလ႕ဎြၚအစုပူၚနဥ့လီၚ’ မ္ထံသီကီႈသီလ႕အအိဥလ႕ပွဲၚဒီးတႈမုဏတႈခုဥ ကဟဲအိဥဖ်ါထီဥ၀ဲလ႕ ပႈပါဖရဥစ့းဒီး ဟီဥခိဥဒီဘ့ဥတႈအိဥဖွိဥကရ႕အတႈထုကဖဥအပူၚနဥ့တက့ႈ’ မ္ပကဃ့ထုကဖဥသကိးလ႕ (ကခ်င္)ဒီး ပွၚကညီကလုဏဒူဥအပွၚကမ်႕ႈဖိ အကထိဒီးအကထိ လ႕အတအိဥလ႕ၚဒီးအလီႈအက်ဲလီၚတံႈလီၚဆဲး ဖဲတဎံဏဒ္၀ဲဆ႕ကတီႈအပူၚသ့ဥတဖဥ အဂီႈနဥ့တက့ႈ’ ဎြၚလ႕အလဲၚဃုဏတႈဒီး ပွၚအံၚစရ့လးဖိလ႕ကီႈအဲးကူပတူဥအပူၚတဂၚ မ္အကလဲၚဃုဏတႈဒီး ပဒီပုႈ၀ဲႈမုဥ/ခြါသ့ဥတဖဥ လ႕အ၀ဲသ့ဥ အတႈလဲၚက်ဲအပူၚနဥ့တက့ႈ’ မ္ပွၚလ႕အသဥ၀ံၚလီၚဒိအသး လ႕ပထံပကီႈအပူၚသ့ဥတဖဥ ကဒိးနႈ့ဘဥသကိးတႈအီဥတႈအီယ ဒီးကဎဲပွၚလ႕အဘဥအိဥ၀ဲလ႕ဃိဏပူၚသ့ဥတဖဥ ကထံဥဘဥက့ၚ၀ဲတႈပူၚဖ်ဲးတက့ႈ’ မ္ပသုတဆိိကတီႈကြံဏ ပတႈထုကဖဥတဂ့ၚ’

တနံၚအံၚမ့ႈ၀ဲ ခရံဏပကစႈ က့ၚထီဥဆူ မူခိဥဘီမုႈအမုႈနံၚနဥ့လီၚ’ ဂဲၚဆ႕ထ႕ဥသမူထီဥက့ၚ၀ံၚ အနံၚအသီလြံဥဆံအတီႈပူၚ အိဥ၀ဲဒီးအပ်ဲဥအဘီဥသ့ဥတဖဥယ သံကြႈသံဒိးတႈ ဒီးတဲဖ်ါထီဥတႈဂ့ႈသ့ဥတဖဥယ ဒီးမၚမံသူဥမံသးအ၀ဲသ့ဥနဥ့လီၚ’ ဖဲအပဏတ့ႈကြံဏအပ်ဲဥအဘီဥသ့ဥတဖဥအခါ အ၀ဲသ့ဥသူဥအုးသးအုး၀ဲနဥ့လီၚ’ ခရံဏကစႈမ့ႈတအိဥလ႕ၚ၀ဲလ႕ အ၀ဲသ့ဥအတႈအိဥမူအပူၚလ႕ၚဘဥဒီး အ၀ဲသ့ဥကလဲၚကဒီးဆူညါဒ္လဲဥ? အ၀ဲသ့ဥအသး ကဒံ၀့ၚဒံ၀ီၚ၀ဲယ ကသူဥကိႈသးဂီၚ၀ဲနဥ့လီၚ’ ဖဲအပူၚကြံဏသ႕လါအတီႈပူၚယ ပသူဥကိႈသးဂီၚ၀ဲယ ပသးဒံ၀့ၚဒံ၀ီၚ၀ဲ ဒီးတဘ်ီဘ်ီပသံကြႈ၀ဲလ႕ ဎြၚလဲၚသဒဥကြံဏပွၚလံဧါ နဥ့လီၚ’ ဖဲတႈမဲဏထံမဲဏနိအံၚအပူၚယ ဖဲတႈဂဏသြံဥဂဏစီႈ ဒီးတႈနးတႈဖွီဥသ့ဥတဖဥအံၚအပူၚ ဎြၚအိဥ၀ဲဖဲလဲဥ ပသံကြႈ၀ဲနဥ့လီၚ’

ခရံဏဂဲၚဆ႕ထ႕ဥသမူထီဥက့ၚ အတႈဘိးဘဥသ့ဥညါလ႕ (ကခ်င္) အထံအကီႈအပူၚ မ့ႈ၀ဲတမႏုတမံၚလဲဥ

ဒ္သိးပကနႈပ႕ႈ ခရံဏအတႈဂဲၚဆ႕ထ႕ႈသမူထီဥက့ၚ အတႈဂ့ႈလ႕အဘဥဃးလိဏအသးဒီး ပကီႈပဎီၚအဂီႈ မ္ပကက့ၚကဒါက့ၚဆူ လံဏစီဆွံအအိဥ ဒီးထံဥသ့ဥညါသကိး ခရံဏအတႈဘိးဘဥသ့ဥညါတႈ ဆူအပ်ဲဥအဘီဥသ့ဥတဖဥအအိဥ တခ်ဳးလ႕အက့ၚထီဥဒ္၀ဲဆူ မူခိဥ အကတီႈနဥ့လီၚ’

တႈဂ့ႈမိႈပွႈအိဥ၀ဲသ႕မံၚသ႕မေိ လ႕အဘဥထြဲလိဏအသးဒီးတႈအိဥအသးခဲအံၚနဥ့လီၚ’

၁”တႈဂ့ႈလ႕ပွၚတႈမ႕ဖိအမၚတႈအပူၚမ့ႈ၀ဲ ”ဖဲသးစီဆွံဟဲလီၚလ႕သုလိၚ၀ံၚဒီးယ သုကဒိးနႈ့ဘဥအစိအကမီၚယ ဒီးသုကကဲထီဥဎပွၚအုဥအသးတဖဥ လ႕ဎရူၚရွလ့ဥယ ဒီးကီႈဎူဒၚဒီကီႈညါယ ဒီးရွမၚရံယ ဒီးပ႕ႈလ႕ဟီဥခိဥအကတ႕ႈလီၚ’ (မၚတႈ ၁း၈)

ဘဥဃးဒီးလံဏစီဆွံအဆ႕အံၚ တႈဆိကမိဥအိဥ၀ဲခံထံဥနဥ့လီၚ’

(က) သုတအိဥသဎုႈသတြၚဘဥဒီး သးစီဆွံကစႈကလဲၚတႈဒီးသုနဥ့လီၚ’ ခရံဏတပဏလီၚတဲႈပွၚလ႕ တႈသဎုႈသတြၚအပူၚဘဥနဥ့လီၚ’ ပွၚလ႕အစူႈ၀ဲနဏ၀ဲ သးစီဆွံသ့ဥတဖဥ သ့မၚတႈလ႕အဒိဥ၀ဲသ့ဥတဖဥနဥ့လီၚ’ ပလိဏဘဥ၀ဲ သးစီဆွံကစႈအတႈဆိဥဂ့ၚသ့ဥတဖဥနဥ့လီၚ’ ဖဲပဘဥတႈဟ့ဥစိဟ့ဥကမီၚပွၚလ႕ သးစီဆွံကစႈအခါ ပွၚတႈမ႕ဖိသ့ဥတဖဥ ဆ႕ထ႕ဥကြႈဆ႕ဥမဲဏ၀ဲ ကဎဲႈတႈကီတႈခဲလ႕ အ၀ဲသ့ဥအမဲဏညါ ဒ္အမ့ႈပွၚဖဥရံၚရွဲဒီးရိမ့ၚအတႈပ႕တႈၿပးသ့ဥတဖဥနဥ့လီၚ’ ပွၚတႈမ႕ဖိသ့ဥတဖဥ တမ့ႈပွၚလ႕အကဲဒိဥကဲထီ တမ့ႈပွၚလ႕အအိဥဒီးတႈကူဥဘဥကူဥသ့သ့ဥတဖဥဘဥ နဥ့လီၚ’ ဖဲသးစီဆွံကစႈဟဲလီၚဆူအ၀ဲသ့ဥအအိဥအခါ အ၀ဲသ့ဥ သ့ထိဥဟူးထိဥဂဲၚထီဥ၀ဲ ဟီဥခိဥနဥ့လီၚ’ ဖဲဎြၚအိဥဒီးပွၚအခါ မတၚတဂၚ ထီဒုဥဒါပွၚကဘူဥ၀ဲနဥ့လဲဥ’ ဖဲအပူၚကြံဏသ႕လါအတီႈပူၚ ပပွၚကမ်႕ႈဖိသ့ဥတဖဥ ခီဖ်ိထံဥဘဥ၀ဲ တႈသူဥဟးဂီၚသးဟးဂီၚအတႈခံးတႈနၚနဥ့လီၚ’ လီၚဂဏဒ္မုႈကီၚလံဥမၚန႕ၚတ့ႈလံတႈယ လီၚဂဏဒ္တႈဂ့ၚတႈ၀ါသ့ဥတဖဥ တမၚန႕ၚလ႕ၚတႈဘဥ နဥ့လီၚ’ ဘဥဆဥ ခရံဏကစႈအပ်ဲဥအဘီဥသ့ဥတဖဥ ဒုးမၚနႈ့ပွၚတႈသူဥဆူဥသးဂဲၚနဥ့လီၚ’ ဖဲအဆိအခါအကတီႈ ဖဲခရံဏလဲၚသဒဥအ၀ဲသ့ဥအခါ အ၀ဲသ့ဥအသူဥဟးဂီၚသးဟးဂီၚ၀ဲတကူႈသ့ဥနဥ့လီၚ’ ဖဲအ၀ဲသ့ဥစူႈ၀ဲနဏ၀ဲသးစီဆွံအခါ ကဲထီဥ၀ဲပွၚလ႕ အလီၚဆီ၀ဲသ့ဥတဖဥနဥ့လီၚ’ ဎြၚမ့ႈပွၚပ႕တႈဆွ႕တႈအဃိ မ္ပကအိဥဒီးတႈသူဥဒူသးဒူ လ႕အပူၚနဥ့တက့ႈ’ လ႕လံဏဖးတ႕တတီအပူၚပဖး၀ဲ ”သုကဒိးနႈ့တႈအစိအကမီၚ ဒီးသုကကဲထီဥဎပွၚအုဥအသးတဖဥ ” နဥ့လီၚ’

(ခ)   သုကကဲထီဥဎပွၚအုဥအသးတဖဥနဥ့လီၚ ” ခရံဏကစႈကြႈစိမုႈလႈတႈမႏုတမံၚ လ႕ပွၚလ႕အပိဏအခံသ့ဥတဖဥအအိဥနဥ့လဲဥ’ သုကကဲထီဥဎပွၚအုဥအသးတဖဥ  နဥ့တက့ႈ’ ခရံဏကစႈစိဏဆွ႕၀ဲတႈဘိးဘဥသ့ဥညါတႈ ဘဥဃးဒီးတႈအဲဥတႈကြံယ တႈပ်ႈကြံဏပွၚအဂၚယ တႈရ့လိဏမုဏလိဏသးတဂၚဒီးတဂၚ ဒ္ဒီပုႈ၀ဲႈသ့ဥတဖဥအသိးနဥ့လီၚ’ မ႕နဥ့ဆီဥခံ၀ဲပွၚကိးဂၚဒဲး ဒ္သိးအကပဏဖ်ါထီဥတႈစိတႈကမီၚ ခီဖ်ိတႈမၚတႈခ့တႈပွၚအတႈမၚနဥ့လီၚ’ အဲဥလိဏသုသးတဂၚဒီးတဂၚ ဒ္ဎအဲဥသုအသိးနဥ့တက့ႈ”မ့ႈ၀ဲတႈဘိးဘဥသ့ဥညါဎိဎိတမံၚနဥ့လီၚ’ အဲဥသုဒုဥသုဒါယ ထုကဖဥနႈ့တႈလ႕ပွၚလ႕အမၚအ႕မၚနးသုနဥ့တက့ႈ’ အအံၚ မ့ႈတႈလ႕အဘဥထြဲလိဏအသးဒီး ပွၚကမ်႕ႈဖိလ႕ပထံပကီႈအပူၚဒ္လဲဥယ” ပွၚခရံဏဖိသ့ဥတဖဥ ကဘဥမ့ႈပွၚအုဥအသးလ႕ ခရံဏအတႈဘိးဘဥသ့ဥညါတႈသ့ဥတဖဥအဂီႈ နဥ့လီၚ’ တႈသူဥဟ့သးဟ့ယ တႈမၚဆ႕က့ၚတႈ မ့ႈအိဥ၀ဲလ႕ ပသူဥပသးအပူၚထီဘိဒီး ပထံပကီႈအံၚ ကအိဥဘဥ၀ဲလ႕တႈမုဏတႈခုဥအပူၚ တသ့၀ဲနီတဘ်ီဘဥနဥ့လီၚ’ ပကဘဥဃ့ထုကဖဥနဥ့တႈလ႕ ပွၚလ႕အမၚအ႕မၚနး ပပွၚကမ်႕ႈဖိသ့ဥတဖဥ အဂီႈနဥ့လီၚ’ တႈအိဥဖွိဥကရ႕ ကဘဥအုဥအသး ဘဥဃးဒီးတႈမၚဃူလိဏဖိးလိဏက့ၚတႈ ဒီးတႈမၚမုဏထီဥက့ၚတႈအဂီႈနဥ့လီၚ’ ပွၚတသ့မၚဟးဂီၚကြံဏတႈသူဥဟ့သးဟ့ ခီဖ်ိတႈသူဥဟ့သးဟ့ဘဥဒီး သ့ဒဥ၀ဲခီဖ်ိတႈအဲဥတႈကြံနဥ့လီၚ’ မ္ပွၚကစးထီဥမၚတႈအံၚနဥ့တက့ႈ’ မ္ပကဒုးသ့ဥညါနႈပ႕ႈ ပွၚကူပွၚကညီအန’ဆ႕ဥ ဆူပွၚလ႕အတသ့ဥညါဒ္ ပွၚကူပွၚကညီသ့ဥတဖဥအသိးနဥ့တက့ႈ’ မ္ပကမၚန႕ၚ ပွၚလ႕အတသ့ဥညါ တႈအဲဥတႈကြံအခီပညီသ့ဥတဖဥ ခီဖ်ိတႈအဲဥတႈကြံနဥ့တက့ႈ’ အအံၚမ့ႈ၀ဲပွၚခရံဏဖိအတႈစူႈတႈနဏယ ဒီးမ့ႈ၀ဲခရံဏကစႈအတႈဘိးဘဥသ့ဥညါတႈနဥ့လီၚ’ ပဘဥတႈကိးပွၚ ဒ္သိးပကမ့ႈပွၚအုဥအသး လ႕တႈအဲဥတႈကြံ ဘဥဃးဒီးတႈအုဥက့ၚခီဥက့ၚအဂီႈနဥ့တက့ႈ’ အအံၚ မ့ႈ၀ဲတႈအဲဥတႈကြံ ဘဥတႈပဏဖ်ါထီဥအီၚလ႕ထူဥစုညါအလိၚ လ႕အပ်ႈကြံဏအဒုဥအဒါသ့ဥတဖဥနဥ့လီၚ’

၂’ လဲၚဒုးကဲထီဥပွၚအကလုဏတဖဥခဲလ႕ဏ လ႕ဎပ်ဲႈဎဘီဥတက့ႈ’ (မးသဲ ၂၈း၁၉)

ဘဥဃးဒီးလံဏစီဆွံအဆ႕အံၚ တႈဆိကမိဥအိဥ၀ဲခံထံဥနဥ့လီၚ’

(က) တႈကဲထီဥခရံဏအပ်ဲဥအဘီဥအခီပညီမ့ႈ၀ဲ တႈကဲထီဥ ပွၚသုးဖိလ႕ဎြၚအဘီအမုႈအဂီႈ ကိးဆ႕ကိးကတီႈဒဲးနဥ့လီၚ’ ဖဲအပူၚကြံဏသ႕လါအတီႈပူၚယ ပသ့ဥညါဘဥ၀ဲ တႈနးတႈဖွီဥအခီပညီ မ့ႈ၀ဲဒ္လဲဥဒ္လဲဥနဥ့လီၚ’ ဒူဥဖိထ႕ဖိအကထိဒီးအကထိသ့ဥတဖဥ တအိဥလ႕ၚ၀ဲဒီးတႈဖံးတႈမၚလ႕ တႈလုႈအီဥအသးသမူအဂီႈဘဥနဥ့လီၚ’ တႈသဥ၀ံၚလီၚဒိ မ့ႈတႈလ႕အဟဲအိဥထီဥ၀ဲ သပွႈကတ႕ႈနဥ့လီၚ’ ပွၚအကကြဲႈဒီးအကကြဲႈသ့ဥတဖဥ သဥ၀ံၚလီၚဒိအသး ကိးမုႈနံၚဒဲးနဥ့လီၚ’ တႈတ႕ထီဥတ႕လီၚ မၚဟးဂီၚကြံဏမုႈက်ိၚ၀ဲၚကြႈယ ဒီးတႈမုဏတႈခုဥလ႕ ဒူဥဖိထ႕ဖိအပူၚနဥ့လီၚ’ ပမ့ႈစူႈ၀ဲနဏ၀ဲလ႕ ဎြၚမ့ႈတႈတ့ကစႈ ဒီးပွၚလ႕အကဟုကဎဏပွၚဒီး ဘဥမႏုလ႕ပဘဥကဲထီဥ၀ဲပွၚတူႈဘဥတႈ လ႕တႈနးတႈဖီွဥဒိဥ၀ဲအါ၀ဲအံၚ အပူၚနဥ့လဲဥ’ ခရံဏမ့ႈဟဲလီၚဒီးထံဥဘဥ၀ဲ တႈအိဥအသးဖဲဆ႕ကတီႈအခဲအံၚ လ႕ပွၚကမ်႕ႈဖိသ့ဥတဖဥအက်ါဒီး ကဟီဥ၀ဲနဥ့လီၚ’ တႈအီဥမ့ၚအလီခီသ့ဥတဖဥ မ့ႈကဲထီဥ၀ဲတႈအက်ိၚအက်ဲလ႕ တႈကီတႈခဲိ (ထူဥစုညါ) အဂီႈဒီးယ ဒူဥဖိထ႕ဖိသ့ဥတဖဥ ကသ့စံးထီဥပႀတ႕ၚထီဥ၀ဲဎြၚ လ႕ဟါလီၚခီအကတီႈနဥ့လဲဥ’ တႈသံကြႈအံၚ မ့ႈ၀ဲလ႕ ပွၚလ႕အစူႈ၀ဲနဏ၀ဲဎြၚ ကိးဂၚဒဲးသ့ဥတဖဥအဂီႈနဥ့လီၚ’ ခရံဏကစႈဟဲလီၚဒီး စံဥတဲၚတဲလီၚ၀ဲတႈသးခုအကစီဥ လ႕အကသုးဎံၚကြံဏပွၚကညီသ့ဥတဖဥ အတႈနးတႈဖွီဥယ ဒီးမူခိဥဘီမုဥ စးထီဥ၀ဲဖဲအံၚနဥ့လီၚ’

ဒီးဎထံဥမူခိဥအသီ ဒီးဟီဥခိဥအသီလီၚ’ ကြႈကြႈ ဎြၚအဒဲအိဥဒီးပွၚကညီ’ ဒီးကစႈကအိဥ၀ဲဒီးအီၚ ဒီးအ၀ဲသ့ဥကမ့ႈအပွၚဂီႈမုႈယ ဒီးဎြၚအကစႈဒဥ၀ဲ ကအိဥဒီးအီၚ ဒီးကကဲထီဥအကစႈလီၚ’ ဒီးဎြၚကထြါကြံဏအမဲဏထံခဲလ႕ဏလ႕အမဲဏယ ဒီးတႈသံတအိဥလ႕ၚဘဥယ ဒီးတႈသူဥအုးသးအုးတအိဥလ႕ၚဘဥ’ (တႈလီႈဖ်ါ ၂၁း၁”၆)

အအံၚမ့ႈ၀ဲတႈဖံးတႈမၚလ႕ ခရံဏလိဏဘဥ၀ဲလ႕ပအိဥနဥ့လီၚ’ ပွၚကိးဂၚဒဲး ကအိဥမူ၀ဲလ႕တႈမုဏတႈခုဥအပူၚယ ဒီးဖံးတႈမၚတႈလ႕ ပွၚအဂၚအတႈကဲထီဥလိဏထီဥအဂီႈယ ဒီးပ၀ဲသ့ဥခဲလ႕ဏ ဖံးတႈမၚတႈလ႕ ဟီဥခိဥလ႕အအိဥပူၚဖ်ဲးဒီးတႈမဲဏထံမဲဏနိနဥ့လီၚ’ တႈအိဥအသးလ႕ပထံပကီႈအပူၚတဲပွၚလ႕ ခ့ပွၚအတႈကဲလ႕အအိဥလ႕ပပူၚ တမ့ႈတႈလ႕ အဂံႈအဘါဆူဥဒ္၀ဲဘဥနဥ့လီၚ’ ပမ့ႈပွၚလ႕အဘူဥထီဥဘါထီဥ ဎူးဎီႈပဏကဲခရံဏကစႈဘဥဆဥ ပတဖံးတႈမၚတႈဒ္ အပ်ဲဥအဘီဥသ့ဥတဖဥအသိး လ႕တႈတ့ဘွီထီဥဘီမုႈလ႕ အအိဥပူၚဖ်ဲးဒီးတႈမဲဏထံမဲဏနိသ့ဥတဖဥဒ္ဘဥနဥ့လီၚ’ ပွၚခရံဏဖိအတႈအိဥမူအိဥဂဲၚ တမ့ႈ၀ဲထဲတႈအမံၚအသဥ (Noun) ဘဥဒီး ကဘဥမ့ႈ၀ဲပွၚသ့ဥတဖဥလ႕အဟူးဂဲၚဖံးမၚတႈ (Verb) နဥ့လီၚ’ စီၚဎၚကိဏအတႈကတိၚပလီႈတႈမ့ႈ၀ဲ တႈစူႈတႈနဏလ႕အတအိဥဒီးတႈဖံးတႈမၚတႈ မ့ႈဒဥတႈကလီကလီ (ဎၚကိဏ ၂) နဥ့လီၚ’

(ခ) ပ်ဲဥဘီဥလ႕ ပွၚအကလုဏတဖဥခဲလ႕ဏ အဂီႈ ” ပအိဥ၀ဲဒီးကလုဏဒူဥဖးဒိဥဃိးမေိ ဒီးကလုဏဒူဥလ႕အဆံး၀ဲသ့ဥတဖဥ ၁၃၅ မေိနဥ့လီၚ’ လ႕ပွၚသ့ဥတဖဥအံၚအက်ါ ပွဲၚဂၚပွဲၚဂၚသ့ဥတဖဥ သ့ဥညါလံ၀ဲ ခရံဏအတႈသးခုကစီဥလံလဲဥ’ ခရံဏမ့ႈ၀ဲတႈမုဏတႈခုဥအတႈကစီဥယ မ့ႈ၀ဲတႈပဏဖ်ါထီဥတႈအဲဥတႈကြံယ မ့ႈ၀ဲပွၚအုဥအသးလ႕ တႈနးတႈဖွီဥလ႕တႈအုဥက့ၚခီဥက့ၚအဂီႈယ မ့ႈ၀ဲပွၚလ႕အမၚမံသူဥမံသး ပွၚလ႕အသူဥကႈသးလီၚ၀ဲသ့ဥတဖဥနဥ့လီၚ’  တႈသးခုအကစီဥအံၚ တလဲၚတုၚဒ္၀ဲဆူ ပထံဖိကီႈဖိခဲလ႕ဏသ့ဥတဖဥအအိဥဒ္ဘဥ’ မိဒိဥတ့ရ့ၚစါ သိဥလိနဲဥလိ၀ဲ ပွၚကီႈအ့ဒံဥဎၚဖိ အကကြဲႈဒီးအကကြဲႈသ့ဥတဖဥလ႕ တႈအိဥမူဒ္ပွၚခရံဏဖိသ့ဥတဖဥ မ့ႈ၀ဲတႈဖံးတႈမၚတႈလ႕ တႈသးအိဥသးကညီၚမၚစ႕ၚတႈအပူၚနဥ့လီၚ’ လ႕ပထံဖိကီႈဖိသ့ဥတဖဥအဂီႈ ခရံဏအတႈဘိးဘဥသ့ဥညါတႈ ကမ့ႈ၀ဲတႈမႏုတမံၚနဥ့လဲဥ’ ဖဲအ၀ဲသ့ဥထံဥပွၚအခါ မ့ႈအနႈပ႕ႈ၀ဲခရံဏကစႈ ဒ္လဲဥ’

၃ ” လဲၚလ႕ဟီဥခိဥဒီဘ့ဥညါယ ဒီးစံဥတဲၚတဲလီၚတႈသးခုအကစီဥ လ႕ကဎဲႈတႈဘဥတ့အသး တဂၚလႈလႈတက့ႈ”(မႈကူး ၁၆း၁၅)

ဘဥဃးဒီးလံဏစီဆွံအဆ႕အံၚ တႈဆိကမိဥအိဥ၀ဲခံထံဥနဥ့လီၚ’

(က) ခရံဏမ့ႈ၀ဲတႈသးခုအကစီဥနဥ့လီၚ’ ပွၚခရံဏဖိသ့ဥတဖဥအတႈစူႈတႈနဏ မ့ႈ၀ဲတႈမႏုတမံၚနဥ့လဲဥ’ ပွၚသ့ဎြၚဂ့ႈပီညါ Karl Rahner စံး၀ဲ”ပွၚခရံဏဖိသ့ဥတဖဥအတႈဘူဥတႈဘါမ့ႈ၀ဲ တႈသးခုကစီဥဆူ ပွၚကညီခဲလ႕ဏသ့ဥတဖဥအအိဥနဥ့လီၚ’ Gospel အခီပညီမ့ႈ၀ဲ တႈသးခုကစီဥ (Good News) နဥ့လီၚ’ ပတႈအိဥမူအိဥဂဲၚမ့ႈ၀ဲ တႈသးခုကစီဥနဥ့လီၚ’ ပတႈရ့လိဏမုဏလိဏပသးမ့ႈ၀ဲ တႈသးခုကစီဥနဥ့လီၚ’ ပတႈအိဥဖွိဥရိဖွိဥသကိးပ၀ဲ မ့ႈ၀ဲတႈသးခုကစီဥနဥ့လီၚ’ ပွၚကညီအတႈအိဥမူအိဥဂဲၚမ့ႈ၀ဲ တႈအဲဥတႈကြံအဂ့ႈအက်ိၚနဥ့လီၚ’ ဎြၚအဲဥပွၚဒိဥဒိဥအါအါနဥ့လီၚ’ တ့လီၚပဏလီၚပွၚနဥ့လီၚ’ တ့လီၚပဏလီၚ၀ဲ ပမိႈပပႈအဆိကတ႕ႈ ဒီးထံဥ၀ဲလ႕ တႈအဲဥတႈကြံမ့ႈ၀ဲ ဂံႈဘါအသဟီဥနဥ့လီၚ’ ဖဲပွၚကညီလဲၚတုၚ၀ဲဆူ တႈဒဲးဘးအပူၚအခါ ” ဎြၚအဲဥပွၚဟီဥခိဥဖိ တုၚဒဥလဲဥအဆွ႕လီၚအဖိခြါအိဥတဂၚဃီ လ႕တႈအုဥက့ၚခီဥက့ၚအဂီႈနဥ့လီၚ’ တႈအဲဥတႈကြံမ့ႈ၀ဲ ဎြၚအတႈဖံးတႈမၚတႈ ခီဖ်ိလ႕ ပ၀ဲသ့ဥတဂၚဘဥတဂၚအပူၚနဥ့လီၚ’ ဎြၚအဲဥပွၚ တဂၚဘဥတဂၚ ဒ္သိးပအိဥ၀ဲလ႕ဟီဥခိဥခ်႕ ထဲတဂၚဧိၚ အသိးနဥ့လီၚ’ အအံၚမ့ႈတႈလ႕ အဒ္သိးဒီးပွၚတအိဥ၀ဲအဃိနဥ့လီၚ’ ခရံဏအတႈလုႈထီဥအသးလ႕ထူဥစုညါအလိၚ မ့ႈ၀ဲတႈအဲဥတႈကြံအထါယ ဒီးတမ့ႈ၀ဲတႈပဏဖ်ါထီဥတႈလ႕ တႈဟဲ၀ံဟဲစိဏအပူၚဘဥနဥ့လီၚ’ အဲဥကြံပွၚတုၚအဎၚထီဥအစု ခံခီ ဒီးသံ၀ဲလ႕ထူဥစုညါအလိၚနဥ့လီၚ’ အအံၚမ့ႈ၀ဲ ပွၚခရံဏဖိသ့ဥတဖဥအတႈစူႈတႈနဏ ဒ္ပမၚလၚမၚကပီၚ ခရံဏက့ၚထီဥ၀ဲဆူမူခိဥဘီမုႈအမုႈနံၚနဥ့လီၚ’ အဲဥလီၚနသးယ အဲဥလိဏသုသးတဂၚဒီးတဂၚ ဒ္ဎအဲဥသုအသိးနဥ့တက့ႈ’ ပကဘဥမၚလိမၚဒိးပသး ဒ္သိးပကအဲဥကြံလီၚက့ၚပသး ဒီးဟ့ဥနီၚလီၚတႈအဲဥအံၚ အဂီႈနဥ့လီၚ’ မ့ႈလ႕သုအဲဥလိဏသုသးအဃိ ပွၚကသ့ဥညါ၀ဲလ႕ သုမ့ႈဎပ်ဲဥဎဘီဥနဥ့လီၚ’ တႈအဲဥတႈကြံမ့ႈတအိဥဘဥဒီး ကဲထီဥ၀ဲတႈဂ့ႈခီဥထံးလ႕ ပွၚကညီအတႈနးတႈဖွီဥသ့ဥတဖဥအဂီႈနဥ့လီၚ’  ပွၚလ႕အတသ့အဲဥကြံလီၚအသးသ့ဥတဖဥ တသ့အဲဥကြံပွၚအဂၚစ့ႈကီးဘဥနဥ့လီၚ’ ဒုးအိဥထီဥ၀ဲတႈနးတႈဖွီဥဒိဥဒိဥကလဲဥ လ႕ပွၚအဂၚအဂီႈနဥ့လီၚ’ ပထံဥဘဥ၀ဲ ပွၚသ့ဥတဖဥလ႕အအိဥဒီးတႈသူဥအ႕သးသီ ဒီးတလ့ဥကြႈဘဥ၀ဲတႈအဲဥတႈကြံ နီတဘ်ီဘဥနဥ့လီၚ’ တႈသူဥဟ့သးဟ့ မ့ႈ၀ဲတႈကတိၚထဲတမံၚဧိၚ လ႕အ၀ဲသ့ဥနႈပ႕ႈ၀ဲနဥ့လီၚ’ ပွၚခရံဏဖိသ့ဥတဖဥအတႈစူႈတႈနဏ တသ့ဒုးဟူထီဥသါလီီၚ၀ဲ တႈမၚဆ႕က့ၚတႈ ဆူပွၚသ့ဥတဖဥအံၚ အအိဥဘဥနဥ့လီၚ’ ႀက႕းလ႕အဘဥတႈသးကညီၚအီၚ ဒ္ခရံဏသးကညီၚဒီး စံဥတဲၚတဲလီၚတႈအသိးနဥ့လီၚ’

(ခ) အါစုးအါဘ်ီပစူႈပနဏ၀ဲလ႕ ထဲဒဥသီဘူဥသီခါဒီးပွၚလ႕အပဏစီဆွံအသး သ့ဥတဖဥ အိဥဒီးမူဒါလ႕ တႈစိဏဆွ႕တႈသးခုအကစီဥ အတႈဖံးတႈမၚအဂီႈနဥ့လီၚ’ တႈစံဥတဲၚတဲလီၚတႈ မ့ႈ၀ဲပွၚခရံဏဖိသ့ဥတဖဥအတႈအိဥမူအိဥဂဲၚ ဘဥဃးဒီးတႈအခီဥထံး တႈအမိႈပွႈနဥ့လီၚ’ တႈစံဥတဲၚတဲလီၚဎြၚအကလုႈကထါ မ့ႈ၀ဲသီဘူဥသီခါသ့ဥတဖဥအတႈဖံးတႈမၚယ မ့ႈစ့ႈကီးပွၚခရံဏဖိကိးဂၚဒဲးသ့ဥတဖဥ အတႈဖံးတႈမၚနဥ့လီၚ’ ဎမ့ႈတစံဥတဲၚတဲလီၚဘဥ တႈသးခုအကစီဥဘဥဒီးယ ဎကဘဥအဖွီဥလီၚ”(၁ ကရံဥသူး ၉း၁၆)

ခရံဏက့ၚထီဥဆူမူခိဥမ့ႈ၀ဲ တႈကတဲႈကတီၚပသးလ႕ သးစီဆွံကစႈအဂီႈနဥ့လီၚ’ တႈအံၚ၀ံၚအလီႈခံ ဟီဥခိဥအသီအိဥထီဥ၀ဲ ဃုဏဒီးပွၚတႈမ႕ဖိသ့ဥတဖဥနဥ့လီၚ’ မ္ပကအိဥကတဲႈကတီၚပသးလ႕ တႈတူႈလိဏသးစီဆွံအဂီႈနဥ့တက့ႈ’ ဒ္ကီႈပဎီၚထံဖိကီႈဖိသ့ဥတဖဥအသိးယမ္ဂံႈဘါအသီလ႕ တႈမုဏတႈခုဥဒီးတႈဃူတႈဖိးအဂီႈ ကအိဥထီဥ၀ဲနဥ့တက့ႈ’ မ္ပကမံမီႈသကိး ဟီဥခိဥအသီယ ဒီးမၚလ႕မၚပွဲၚသကိး တႈမၚလ႕အလီၚဘဥပွၚ လ႕အမ့ႈ၀ဲ တႈစံဥတဲၚတဲလီၚတႈသးခုအကစီဥ နဥ့တက့ႈ’ ခရံဏအတႈကတိၚလ႕ခံကတ႕ႈလ႕အမ့ႈ ” ဎကအိဥဒီးသု တုၚတႈအစိၚကတ႕ႈလီၚ” မ္အကမ့ႈ၀ဲ တႈဟ့ဥဂံႈဟ့ဥဘါပွၚထီဘိနဥ့တက့ႈ’

ကဥဒံဥနဲဥခေါလ္စ္ဘိဥ 

၀့ႈတကူဥသီခါကရ႕ခိဥက်႕ႈ

ကီႈအ့ရွ႕ဥသီခါကရ႕ခိဥသ့ဥတဖဥအခိဥအနႈ