တႈကီၚသူဥကီၚသး ၅ အိဥဘွံးနံၚ- John 12:20-33 - (၂၁.၃.၂၀၂၁)

တႈကီတႈခဲတႈဘဥဎိဥဘဥဘွီလ႕ အဟဲကဲထီဥအသးဖဲဟီဥခိအံၚန႔ဥ အါတက့ႈလ႕ ပွၚကညီသ့ဥတဖဥ အဃိဟဲကဲထီဥ ဟဲအိဥထီဥ၀ဲဒဥန႔ဥလီၚ. ဘဥဆဥ ပကဘဥသ့ဥညါလ႕ တႈကီတႈခဲ တႈဘဥဎိဥဘဥဘွီ သ့ဥတဖဥအံၚ ပဏဃုဏ၀ဲဒဥလ႕ ပွၚကညီတႈအိဥမူအပူၚန႔ဥလီၚ. ပဟးဆွဲးအီၚတသ့ဥဘဥ. တႈကီတႈခဲ တႈဘဥဎိဥသ့ဥတဖဥန႔ဥ အိဥ၀ဲဒဥထီဘိလီၚ. တႈလီႈလ႕အပူၚဖ်ဲးဒီးတႈဘဥဎိဥ တႈကီတႈခဲ ဖဲဟီဥခိဥအံၚ တအိဥ၀ဲနီတပူၚဘဥ. ပထံဥလ႕တႈလီႈကိးတီၚဒဲးလီၚ.

တႈလ႕ပထံဥဘဥလ႕ဟဲကဲထီဥအသးအဆ႕ကတီႈအံၚ တႈလ႕ကမၚမုဏပသး မၚသူဥဖွံသးညီပွၚန႔ဥ တအိဥ၀ဲ ဒဥအါအါဘဥ. လ႕တႈန႔ဥအဃိ ပအဲဥဒိးဃုဎြၚအတႈကမဥလ႕ ပတႈသံကြႈအိဥထီဥ၀ဲလ႕ပသးပူၚလ႕အမ့ႈ - ဘဥမႏုၚအဃိလ႕ ပွၚဂ့ၚပွၚ၀ါသ့ဥတဖဥန႔ဥ ဘဥတူႈဘဥ တႈကီတႈခဲတႈနးတႈဖွီဥလဲဥ. ပတဲလ႕ တႈအဲဥ တႈကြံအကစႈ တႈသးကညီၚအကစႈ လ႕ပွၚဒီးတႈစိတႈကမီၚတဂၚလီၚ. ဘဥမႏုၚအဃိလ႕ မၚပတုဏကြံဏ တႈသ့ဥတဖဥအံၚဘဥလဲဥ.

တႈသံကြႈသ့ဥတဖဥအံၚ အတႈစံးဆ႕ အစ႕န႔ဥ အိဥ၀ဲလ႕ ပတႈသ့ဥညါပူၚကိးဂၚဒဲးလံလီၚ. ကစႈခရံဏန႔ဥ အိဥ၀ဲ လ႕ထူဥစုညါအလိၚန႔ဥလီၚ. တႈအံၚမ့ႈဒဥကစႈလ႕ ဘဥတႈမၚသံအီၚလ႕ ထူဥစုညါအလိၚန႔ဥလီၚ. မ့ႈဎြၚလ႕ အတူႈတႈနးတႈနးတႈဖွီဥဒီးသံ၀ဲဒဥတဂၚန႔ဥလီၚ. ဘဥဆဥတကဒူးကဒ့ဥနီတမံၚဘဥ. တလီၚ၀ဲဆူတႈ လ့ပစီ အပူၚ နီတဘ်ီဘဥ. နမ့မ့ႈကစႈအဖိခြါန႔ဥ အုဥက့ၚခီဥက့ၚနသးဒီး ဟဲက့ၚလီၚလဲထူဥစုညါအလိၚတက့ႈ. အ၀ဲတ သူအတႈစိကမီၚဒီးတဟဲက့ၚလီၚလ႕ထူဥအလိၚဘဥ. တႈကီတႈခဲတႈနးတႈဖွီဥလ႕ အတူႈဘဥ၀ဲန႔ဥ တမၚက တ႕ႈ၀ဲဒဥဘဥ. တႈခဲလ႕ဏလ႕ကစႈဘဥတူႈ၀ဲဒဥန႔ဥ မ့ႈလ႕ပ၀ဲခဲလ႕ဏအဂီႈ ပကန႔ႈဘဥတႈအိဥမူ အလ႕အပွဲၚ န႔ဥလီၚ.

ကစႈခရံဏလ႕ အဘဥပ်ၚထီဥအသးလ႕ ထူဥစုညါအလိၚန႔ဥ တဲသ့ဥညါပွၚလ႕ တႈမ့ႈတႈတီအရ့ဒိဥတခါန႔ဥလီၚ. ဎြၚအတႈပညိဥတအိဥလ႕ ကသုးကြံဏန႔ႈပွၚ တႈကီတႈခဲတႈနးတႈဖွီဥဖဲဟီဥခိဥအံၚန႔ဥဘဥ. ကစႈခရံဏစ့ႈကိး တူႈ၀ဲ တႈနၚတႈဖွီဥ ဒီးလ႕ အတႈသ့ဥညါအပူၚ သ့ဥညါ၀ဲလ႕ တႈလုႈပွ႔ၚန႔ဥအိဥ၀ဲဒဥလ႕ တႈတူႈတႈနးတႈဖွီဥ အပူၚအံၚလီၚ. ပကထံဥဖဲ လံဏဎိၚဟဥ ၁၂း၂၄ တႈကြဲးဖ်ါအပူၚန႔ဥလီၚ. - တႈခ်ံတဖ်႕ဥလ႕ မ့ႈတလီၚတဲဏလ႕ ဟီဥခိဥလိၚဒီး ဟးဂီၚဘဥန႔ဥ တသဥထီဥတႈသဥသ့ဥတဖဥဘဥန႔ဥလီၚ.

ပမ့ႈတူႈဘဥတႈနးတႈဖွီဥဖဲဟီဥခိဥအံၚန႔ဥ ထူဥစုညါတဲဘဥပွၚလ႕ ဎြၚစ့ႈကိးတူႈ၀ဲတႈနးတႈဖွီဥ တပူၚဃီဒီးပွၚ န႔ဥလီၚ. ပတတူႈတႈနးတႈဖွီဥထဲတဂၚဧိၚဘဥ ဎြၚအိဥဒီးပွၚလီၚ. ခရံဏအတႈတူႈတႈနးတႈဖွီဥဒီးအတႈသံန႔ဥ မၚန႔ႈက့ၚပွၚတႈအိဥမူအထူအဎိဏန႔ဥလီၚ. အ၀ဲမ့ႈတႈမူအတႈခ်ံ ဒီးမ့ႈ၀ဲဒဥ ဟီဥခိဥအတႈအုဥက့ၚခီဥက့ၚန႔ဥလီၚ. တႈအံၚမ္ကဟ့ဥပွၚ ပသးအဂံႈအဘါလ႕ ပကဎိးပထူဥစုညါလ႕တႈသးစူၚအပူၚ ဒီးပိဏကစႈခရံဏအခံဆူ ကၚလ၀ၚရံၚကစ႕ႈက်ဲန႔ဥတက့ႈ.

ဘဥဆဥပွၚတနီၚနီၚ အိဥဒံးဒဥလ႕ တႈခံးက်ါ လ႕ တႈအဲဥလီၚထဲသးအပူၚန႔ဥလီၚ. တႈသ့ဥတဖဥအံၚ မ့ႈတႈလ႕ အႀတီဆ႕ပွၚလ႕ ပကန႔ႈဘဥ တႈအိဥမူအလ႕အပွဲၚန႔ဥလီၚ. ပကထံဥဖဲ ဎိၚဟဥ ၁၂း၂၅ - ပွၚလ႕ အစူးကြံဏအသးန႔ဥ ကန႔ႈဘဥ တႈမူအထူအဎိဏန႔ဥလီၚ.

ပမ့ႈမၚသံကြံဏ ပသးလီႈလံၚသ့ဥတဖဥ န႔ဥမဥ ပကစႈထီဥအိဥမူတႈအိဥမူလ႕အသီကသ့န႔ဥလီၚ. ဒ္ကိဥအသိး ပမ့ႈမးဘ်ဲးမၚကႈတူဏကြံဏမဥ ပနီၚလီၚဆူပွၚဂၚကသ့ ဒီးပနဲစ့ႈကိးပမ့ႈဒြဲဥကပီၚအူထီဥမဥ ဟ့ဥတႈကပီၚဆူပွၚဂၚ ကသ့၀ဲဒဥအသိးန႔ဥလီၚ.