ပွၚလ႕အဘဥပ႕ဆွ႕ထံကီႈသ့ဥတဖဥ အိဥ၀ဲဒီးတႈခြဲးတႈဎဏလ႕ အအိဥသူဥလီၚအသးလ႕ အမူဒါအဖီခိဥ

ပွၚလ႕အဘဥပ႕ဆွ႕ထံကီႈသ့ဥတဖဥ အိဥ၀ဲဒီးတႈခြဲးတႈဎဏလ႕ အအိဥသူဥလီၚအသးလ႕ အမူဒါအဖီခိဥ

ကဥဒံဥနဲႈခေါလ္စ္ဘိဥ အတႈစံဏတဲၚတဲလီၚတႈဖဲ အီးကထိဘ႕ဥ ၁၈ သီ ၂၀၂၀ တနံဥအတီႈပူၚ ၂၉ အိဥဘွံးနံၚ

မးသဲ ၂၂း ၁၅” ၂၁

ဎြၚအိဥ၀ဲလ႕ တႈလီႈကိးပူၚဒဲးယ ဎြၚအိဥ၀ဲလ႕ပဒူဥဖိထ႕ဖိအပူၚယ ဎြၚအိဥလ႕ပပူၚနဥ့လီၚ’ မ္ဎြၚလ႕အသ့တႈလ႕ဏ ဆိဥဂ့ၚဆိဥ၀ါဘဥသု ဒ္သုဘူဥဘါဃုဏသကိးတႈလ႕ တႈဘူဥထီဥဘါထီဥတႈအပူၚနဥ့တက့ႈ’

ကဎဲႈပွၚလ႕အအိဥလ႕ပွဲၚဒီးတႈအိဥဆူဥအိဥခ့်သ့ဥတဖဥ မ္သုကစံးထီဥပႀတ႕ၚသကိးဎြၚနဥ့တက့ႈ’ ကဎဲႈပွၚလ႕အဘဥကြႈဆ႕ဥမဲဏတႈအိဥမူလ႕ အအိဥဒီးတႈခီဥတႈရီဏတႈသ့ဥတဖဥ မ္သုကအိဥသ့ဥနီႈထီဥ ခရံဏပကစႈအတႈကတိၚလ႕အမ့ႈ၀ဲ ”ပ်ံၚတႈတဂ့ၚ နဥ့လီၚ’ ပွၚလ႕အဘဥကြႈဆ႕ဥမဲဏတႈခီဥတႈရီဏတႈ ဘဥဃးဒီးတႈအိဥဆူဥအိဥခ့် ဒီး တႈသူဥဒ့ဒီးသးဒ့ဒီသ့ဥတဖဥအဂီႈ တႈထုကဖဥမ့ႈ၀ဲ ”မ္သုကဒိးနဥ့ဘဥတႈဎါဘ်ါကြံဏသုတက့ႈ ခရံဏကစႈမ့ႈဎြၚလီၚ’ ပွၚလ႕အဘဥကြႈဆ႕ဥမဲဏ တႈလုႈအီဥလုႈအီသးသမူ ဒီးဘဥကြႈဆ႕ဥမဲဏတႈခီဥတႈရီဏတႈ ကိးမုႈနံၚဒဲးသ့ဥတဖဥအဂီႈ တႈထုကဖဥမ့ႈ၀ဲဆူခရံဏကစႈအအိဥ လ႕အဒုးအါထီဥ၀ဲ ကိႈဎဲႈဖ်႕ဥ ဒီးဟ့ဥနီၚလီၚ၀ဲဆူ ပွၚဖွီဥဖိဎဏဖိသ့ဥတဖဥအအိဥ ကထိဥဟူးထိဥဂဲၚထီဥဘဥ၀ဲ ပွၚလ႕အအိဥဒီးတႈသူဥဂ့ၚသး၀ါသ့ဥတဖဥ ဒ္သိးအကဟဲဒီး ဟ့ဥနီၚလီၚသကိးတႈအီဥတႈအီ ဆူူပွၚလ႕အက်ဲးစ႕ၚဃုထံဥနဥ့ ကိးမုႈနံၚဒဲးတႈအီဥတႈအီ ဖဲ Lockdown ဒီးပွၚဘဥအိဥ၀ဲလ႕ဟံဥပူၚအကတီႈ နဥ့လီၚ’ ဆူဒူဥဖိထ႕ဖိဒီးတံၚသကိးလ႕ အဘဥအိဥ၀ဲဒီ တႈဆါအဃဥအတႈဖီဥဃံးဃဥအီၚယ ဒီးပွၚလ႕အဘဥဂဲၚပ်ဳႈဂ့ႈလိဏဘွီလိဏအသးဒီးတႈဆါလ႕ တႈပဏလီၚဆီပွၚအတႈလီႈလ႕ တႈကြႈထြဲမၚစ႕ၚအီၚအဂီႈသ့ဥတဖဥ ပတႈထုကဖဥကမ့ႈ၀ဲ” ကစႈဎ့ႈရွဴးလ႕အဎါဘ်ါကြံဏ ပိဏမုဥလ႕အဘဥအိဥ၀ဲဒီးတႈဆါဎံဏတ့ႈလံ၀ဲ ဒီးဖဲအထိးဘဥ ခရံဏအတႈကူတႈသိးအႏြံအသိး ကမ့ႈစ့ႈကီးပွၚလ႕အကူစါဎါဘ်ါကြံဏပွၚနဥ့တက့ႈ’ မ္ပတႈစူဥတႈနဏတႈ လ႕အထဲသိးဒီးသဘဥခ်ံ ကသုးဎံၚကြံဏတႈသူဥကိႈသးဂီၚဒီး တႈပ်ံၚတႈဖုးအကစ႕ႈနဥ့တက့ႈ’

ကဎဲႈပွၚလ႕ အဘဥဖံးတႈမၚတႈလ႕ တႈမဲဏညါ (front-line workers) ဒီးပွၚကလီတႈ (volunteers) လ႕အတူဥဆါအသး လ႕အကစႈဒဥ၀ဲအတႈဘံဥတႈဘ႕ တနံၚဘဥတနံၚ လ႕ပွၚဆူးပွၚဆါဒီးပွၚလ႕အဘဥကူဘဥဂဏတႈဆါသ့ဥတဖဥ ကဒိးနဥ့ဘဥ၀ဲတႈအိဥမုဏအိဥခုဥအဂီႈ မ္ခရံဏအကလုႈကထါလ႕အ၀ဲသ့ဥအဂီႈ ကမ့ႈ၀ဲ” ဖဲဎအိဥဆူးအိဥအခါ သုဟဲဆူဎအိဥယ သုဟဲမၚမံသူဥမံသးဎၚ ”မ္အကမ့ႈတႈကတိၚလ႕အမုဏ၀ဲဒီး ကဲထီဥတႈသူဥမံသးမံနဥ့တက့ႈ’

ပႈပါဖရဥစ့းမ႕နဥ့ဆီဥခံပွၚဒ္သိးပကကထုကဖဥတႈ လ႕တႈခ်ံးလီၚတီၚလီၚ ဒီးလ႕တႈမဲဏထံမဲဏနိအပူၚ မ္ပကဎူဥထီဥပစု လ႕တႈထုကဖဥတႈလ႕ တႈဆါသံသႀတိဏအတႈခံးတႈနၚအံၚ ကလဲၚပူၚကြံဏ ပွၚကညီအဒူဥဖိထ႕ဖိခဲလ႕ဏအဂီႈနဥ့လီၚ’ မ္ပကထုကဖဥကဒီးဆူညါနဥ့တက့ႈ’

မုႈအိဥဘွံးတနံၚအံၚ လံဏဖးသ့ဥတဖဥ လ႕တႈဘူဥထီဥဘါထီဥတႈအပူၚ မ့ႈတႈလ႕အဘဥဃးဒီး ထံကီႈပဒိဥသ့ဥတဖဥ အမူအဒါ ကဘဥမ့ႈ၀ဲဒ္ဎြၚအတႈကူဥထီဥဖးလီၚတႈ အိဥ၀ဲအသိးနဥ့လီၚ’ လံဏဖးတ႕တတိီၚ မ့ႈ၀ဲစီပၚ Cyrus အဂ့ႈယ မ့ႈ၀ဲပွၚသူခိဥဖိဘဥဆဥယ ဘဥတႈကိးအီၚလ႕ ဎြၚအတႈသုးတႈက်ဲၚအပူၚနဥ့လီၚ’ Cyrus တမ့ႈပွၚဎူဒၚဖိဘဥဒီး တမ့ႈပွၚလ႕အဘူဥထီဥဘါထီဥ၀ဲ ပွၚအံးစရ့လးဖိသ့ဥတဖဥအဎြၚဘဥနဥ့လီၚ’ ဘဥဆဥ ဘဥတႈပဏဖ်ါထီဥအီၚ လ႕အံးစရ့လးအပူၚ ဒ္အမ့ႈ၀ဲဎြၚအတႈပီးတႈလီ ”မ့ႈ၀ဲတႈအက်ိၚအက်ဲလ႕ အတပဏသူဥပဏသး၀ဲအပူၚ ဒ္သိးဎြၚအတႈကူဥထီဥဖးလီၚ ကတုၚလီၚ၀ီလီၚ၀ဲလ႕ တႈစံဏစိၚတဲစိၚအပူၚအဂီႈနဥ့လီၚ’ ပတႈစူဥတႈနဏမ့ႈ၀ဲ ဎြၚပ႕ဆွ႕ကြႈထြဲ၀ဲဟီဥခိဥခ်႕အံၚ ဒီးပွၚနဥ့စိနဥ့ကမီၚလ႕ဟီဥခိဥခ်႕အံၚသ့ဥတဖဥ မ့ႈ၀ဲတႈအပီးအလီလ႕ ဎြၚအဘီအမုႈအပူၚနဥ့လီၚ’ ပကဘဥတႈကြဲမုဏပွၚ ဒ္သိးပကဎူးဎီႈပဏကဲ ပွၚလ႕အပ႕တႈဆွ႕တႈသ့ဥတဖဥ ဖဲအ၀ဲသ့ဥ ဖံးတႈမၚတႈလ႕ ပွၚခဲလ႕ဏအတႈဂ့ၚတႈ၀ါ အတႈနႈ့ဘ်ဳးနႈ့ဖွိဥအဂီႈအခါနဥ့လီၚ’

ပတႈထံဥသ့ဥညါနႈပ႕ႈတႈဒ္အံၚ ဘဥတႈပဏဒိဥထီဥအီၚ ဖဲလ႕တႈဆါသံသႀတိဏအကတီႈအံၚနဥ့လီၚ’ ထံကီႈပဒိဥဒီးပွၚကမ်႕ဥဖိသ့ဥတဖဥ ကဘဥမၚဃုဏသကိးတႈနဥ့လီၚ’ ထံကီႈပဒိဥလ႕ အဖံးတႈမၚတႈလ႕ ပွၚကမ်႕ဥဖိသ့ဥတဖဥ အတႈနဥ့ဘ်ဳးနဥ့ဖွိဥအဂီႈ အါထီဥဒီးအါထီဥ၀ဲအခါ မ့ႈတႈလ႕အ၀ဲသ့ဥမၚတႈဒ္ တႈဘဥဎြၚအသးအသိးနဥ့လီၚ’ ထံကီႈအါဘ့ဥ လ႕ဟီဥခိဥခ်႕သ့ဥတဖဥ မၚတႈဒ္ဎြၚအတႈကူဥထီဥဖးလီၚအိဥ၀ဲအသိး ဖဲမုႈနံၚသ့ဥတဖဥအံၚ အကတီႈနဥ့လီၚ’

လ႕လံဏတႈသးခုကစီဥအပူၚ ခရံဏဘဥကြႈဆ႕ဥမဲဏလိဏအသးဒီး တႈသံကြႈလ႕အမ့ႈ၀ဲ ပွၚကဘဥဒိကနဥကဲစႈဧါ မ့တမ့ႈ တဘဥဒိကနဥအီၚဘဥဧါ နဥ့လီၚ’ ဖဲလ႕ခရံဏကစႈအဆ႕ကတီႈ ကီႈအံးစရ့လး ဘဥတႈပ႕အီၚလ႕ ရိမ့ၚအပွၚနဥ့စိနဥ့ကမီၚလ႕အဂံႈအဘါဒိဥ၀ဲဆူဥ၀ဲ လ႕စီၚပၚကဲစႈနဥ့လီၚ’ ဂုဏဆူဥပ်ိဆူဥ၀ဲထံကီႈအံၚ ခီဖ်ိပွၚဟ့ၚရိဏဖိသ့ဥတဖဥနဥ့လီၚ’ က်ဲးစ႕ၚမၚနဥ့၀ဲတႈအခိအသြဲလ႕ ပွၚဖွီဥဖိဎဏဖိသ့ဥတဖဥအအိဥ ဒီးထုးထီဥ၀ဲတႈလ႕အလုႈဒိဥပွၚ့ဒိဥ၀ဲသ့ဥတဖဥ ဒီးက့ၚစိဏ၀ဲဆူရိမ့ၚနဥ့လီၚ’ ပွၚဖၚရံၚရွဲသ့ဥတဖဥ ဆ႕ဖီဥနဥ့၀ဲခရံဏကစႈ ဒ္ပွၚလ႕အအိဥဒီးတႈကမဥတဂၚအသိး”မ့ႈစံး၀ဲလ႕ပွၚကဘဥဒိကနဥကဲစႈဒီး ပွၚကသ့ပဏထီဥတႈကမဥလ႕ခရံဏအဖီခိဥ ဒ္အမ့ႈ ပွၚလ႕အဆီဥထြဲ ထံဂၚကီႈဂၚအပဒိဥလ႕ အဟဲပ႕၀ဲပွၚဂၚအထံအကီႈနဥ့လီၚ’ မ့ႈစံး၀ဲလ႕ ပွၚသုတဘဥဟ့ဥ တႈအခိတႈအသြဲဘဥဒီး ပွၚကသ့စံး၀ဲခရံဏ လ႕အမ့ႈ၀ဲ ပွၚပူထီဥထီဒါတႈ ဒီးႀက႕းလ႕ပွၚကဘဥမၚသံခရံဏအဂီႈနဥ့လီၚ’ ခရံဏကြႈဆ႕ဥမဲဏလိဏအသးဒီးတႈသံကြႈအံၚ ခီဖ်ိတႈကတိၚတႈမၚတႈလ႕တႈကူဥသ့အပူၚယ ဒီးမ႕အ၀ဲသ့ဥ ဒ္သိးအကဒုးနဲဥအီၚလ႕ ရိမ့ၚအစ့ လ႕အအိဥဒီးကဲစႈအတႈဂီၚ လ႕စ့အလိၚတကပၚနဥ့လီၚ’ ခရံဏမၚကတ႕ႈကြံဏ တႈစံးကတိၚလိဏသးဒီး ပွၚလ႕အသံကြႈတႈသံကြႈသ့ဥတဖဥအံၚ ခီဖ်ိအတႈစံးဆ႕က့ၚတႈလ႕အမ့ႈ ဟ့ဥကဲစႈလ႕ကဲစႈအတႈယ ဒီးဎြၚလ႕ဎြၚအတႈတက့ႈ”နဥ့လီၚ’

အအံၚ မ့ႈစ့ႈကီးတႈခီဥတႈရီဏတႈလ႕ပဂီႈ လ႕မုႈတနံၚအံၚနဥ့လီၚ’ လ႕ပတႈအိဥမူအပူၚ ထံကီႈပဒိဥအမူအဒါသ့ဥတဖဥ လီၚဆီဒဥတႈ ဖဲဆ႕ကတီႈလ႕အကီ၀ဲခဲ၀ဲအံၚအကတီႈ မ့ႈ၀ဲတႈမႏုသ့ဥတဖဥနဥ့လဲဥ’  ဎြၚအမူအဒါလ႕ပဂီႈ လ႕ပတႈအိဥမူအပူၚစ့ႈကီး မ့ႈ၀ဲတႈမႏုသ့ဥတဖဥနဥ့လဲဥ’

ခီဖ်ိအလံဏတီလံဏမီ (Encyclical) အပူၚ ပႈပါဖရဥစ့း ကတိၚပလီႈတႈမ့ႈ၀ဲ ”Covid တမ့ႈ၀ဲတႈသိဥဃီဥတႈဘဥဒီး မ့ႈ၀ဲတႈဟ့ဥပလီႈတႈနဥ့လီၚ’ မ့ႈ၀ဲတႈဒုးသ့ဥညါဆိတႈဆူ ဟီဥခိဥခ်႕ခိဥနႈသ့ဥတဖဥအအိဥ ဒ္သိးအကဟးဆွဲး၀ဲ တႈလ႕ပွၚမၚဆိအီၚဘဥဆဥ မ့ႈတႈလ႕အကမဥ၀ဲသ့ဥတဖဥ နဥ့လီၚ’ တႈဆါသံသႀတိဏအံၚ ဟဲစိဏ၀ဲ တႈတတီတလိၚ ဆူပွၚဖွီဥဖိဎဏဖိသ့ဥတဖဥအအိဥ ဒီးပွၚလ႕အဘဥဒိဘဥထံး၀ဲသ့ဥတဖဥအအိဥနဥ့လီၚ’ ဆ႕ကတီႈခဲအံၚကဲစႈသ့ဥတဖဥအမူအဒါမ့ႈ၀ဲ အသုတဘဥဒုးတႈဎၚတႈဘဥဒီးယ အသုတဘဥအိဥ၀ဲဒီး တႈသူဥကိႈသးဂီၚလ႕ ထံကီႈအတႈဘံဥတႈဘ႕အဂီႈဘဥဒီး ဘဥကိႈဘဥဂီၚတႈလ႕ ပွၚကညီသ့ဥတဖဥ အတႈဘံဥတႈဘ႕အဂီႈနဥ့လီၚ’ ဒ္ပႈပါဖရဥစ့းစံး၀ဲအသိး ပွၚကညီသ့ဥတဖဥ ဘဥတႈတ့လီၚပဏလီၚအီၚ အိဥ၀ဲဒီးဎြၚအက့ႈအဂီၚနဥ့လီၚ’ ပသုတဘဥထံဥ၀ဲပွၚကညီသ့ဥတဖဥဒ္အမ့ႈ တႈလ႕ပွၚကဘဥစူကြံဏတ႕ၚကြံဏအီၚယ ဒ္ထံကီႈတနီၚ ပ်ဲ၀ဲဒ္သိးပွၚလ႕သးပွႈတ့ႈလံ၀ဲသ့ဥတဖဥ ကဘဥသံ၀ဲယ ထံကီႈတနီၚတကနဏဃုဏ၀ဲ ပွၚဖွီဥဖိဎဏဖိသ့ဥတဖဥဘဥနဥ့လီၚ’

ခ့ခါခဲအံၚကဲစႈသ့ဥတဖဥ အသးအိဥဒဥထဲအကဒုးတႈဎၚတႈယ မၚဒိဥထီဥ၀ဲအသုးမုႈသံဥဘိသ့ဥတဖဥယ သူ၀ဲပွၚကမ်႕ဥဖိသ့ဥတဖဥအစ့ ဒ္သိးအကပွၚ့၀ဲတႈစုက၀ဲၚ ဘဥဆဥ သးပ့ႈနီႈကြံဏ၀ဲ ဒ္သိးအကမၚလဲၚထီဥလဲၚထီ၀ဲ ကရ႕ကရိလ႕ အကဲထီဥလိဏထီဥဒီးမၚအသးဂ့ၚဂ့ၚဘဥဘဥ အဂီႈနဥ့လီၚ’ ဖဲခရံဏစံး၀ဲလ႕ ပွၚကဘဥဟ့ဥတႈလ႕ ကဲစႈအတႈအခါ ခရံဏအိဥ၀ဲဒီးအတႈဂ့ႈလ႕ အဖ်၀ဲဆွဲဆွဲပ်ီပ်ီနဥ့လီၚ’ ခ့ခါခဲအံၚ ထံကီႈပဒိဥသ့ဥတဖဥ တမ့ႈထဲလ႕အအိဥ၀ဲဒီးတႈခြဲးတႈဎဏသ့ဥတဖဥဘဥဒီး အိဥ၀ဲစ့ႈကီးဒီးမူဒါ ဆူပွၚကမ်႕ဥဖိသ့ဥတဖဥအအိဥနဥ့လီၚ’ ပွၚကမ်႕ဥဖိသ့ဥတဖဥ မ့ႈ၀ဲဎြၚအတႈနဥ့လီၚ’ ထံဖိကီႈဖိသ့ဥတဖဥ မ့ႈ၀ဲထံကီႈအပွၚကမ်႕ဥဖိသ့ဥတဖဥနဥ့လီၚ’ ဘဥဆဥ ဎြၚမ့ႈ၀ဲ ပွၚအိဥဒီးတႈစိတႈကမီၚအထီကတ႕ႈ ဒ္၀ံဎရွါဎၚစံး၀ဲအသိး ” (၀ံဎရွါဎၚ ၉း၆) နဥ့လီၚ’

ပွၚလ႕အဘဥပ႕ဆွ႕ထံကီႈသ့ဥတဖဥ အိဥ၀ဲဒီးတႈခြဲးတႈဎဏလ႕ အအိဥသူဥလီၚအသးလ႕ အမူဒါအဖီခိဥနဥ့လီၚ’ ခရံဏစံး၀ဲပွၚကမ်႕ဥဖိသ့ဥတဖဥလ႕ ကဲစႈမ့ႈကြႈထြဲကဟုကဎဏ ဎြၚဖိဎြၚလံၚသ့ဥတဖဥဒီး အိဥ၀ဲဒီးတႈခြဲးတႈဎဏလ႕ အကဘဥထ႕ဖွိဥ၀ဲတႈအခိအသြဲ ဒီးကဘဥပဏဂ႕ႈပဏက်႕ၚ၀ဲ သုးမုႈသံဥဘိစ့ႈကီးနဥ့လီၚ’ အမူအဒါလ႕အကါဒိဥကတ႕ႈမ့ႈ၀ဲ တႈကြႈထြဲကဟုကဎဏထံဖိကီႈဖိသ့ဥတဖဥဒီး တမ့ႈ၀ဲတႈကြႈလီၚက့ၚ အတႈစိတႈကမီၚဘဥနဥ့လီၚ’

ပႈပါဖရဥစ့းကတိၚတႈ ဘဥဃးဒီးထံကီႈလ႕အထူး၀ဲတီၚ၀ဲသ့ဥတဖဥ ဒီးအတႈမၚတႈဖဲ Covid အကတီႈအံၚ ဒ္လဲဥဒ္လဲဥအဂ့ႈနဥ့လီၚ’ ပႈပါစံး၀ဲလ႕ Covid ပဏဖ်ါထီဥ၀ဲ တႈတတီတလိၚသ့ဥတဖဥ လ႕ဟီဥခိဥခ်႕နဥ့လီၚ’ မုႈက်ိၚ၀ဲၚကြႈအတႈရဲဥတႈက်ဲၚ မ့ႈတႈလ႕အဒူဥခ်႕ထီဒါလိဏအသးဒီး ပွၚဖွီဥဖိဎဏဖိသ့ဥတဖဥနဥ့လီၚ’ မ့မ့ႈလ႕ပႈပါအဂီႈ ပွၚကမ်႕ဥဖိသ့ဥတဖဥ တူဥဘဥတ့ႈလံတႈဆါသံသႀတိဏသ့ဥတဖဥလ႕အမ့ႈ၀ဲ တႈဖွီဥတႈဎဏယ တႈဒုးတႈဎၚ ဒီးတႈအိဥတႈဆိးအလီႈလီၚမဏကြံဏ၀ဲ သ့ဥတဖဥနဥ့လီၚ’ ထံကီႈပဒိဥလ႕ အမူအဒါတလ႕တပွဲၚ၀ဲလ႕ ပွၚကမ်႕ဥဖိသ့ဥတဖဥအဂီႈသ့ဥတဖဥ တအိဥလ႕ၚ၀ဲဒီး ဎြၚအတႈနဏနႈ့အ၀ဲသ့ဥလ႕ၚဘဥနဥ့လီၚ’ ဖဲအ၀ဲသ့ဥ တအိဥလ႕ၚ၀ဲဒီး ဎြၚအတႈနဏနႈ့အ၀ဲသ့ဥလ႕ၚဘဥအခါ အ၀ဲသ့ဥကဲထီဥ၀ဲ ပွၚဒိဥစိဒိဥကမီၚလ႕အမ႕ဆူဥပွၚ ဒ္သိးပွၚကဘဥလူၚပိဏမၚထြဲ တႈသိဥတႈသီသ့ဥတဖဥအဂီႈနဥ့လီၚ’ ထံကီႈပဒိဥကမ့ႈပွၚလ႕ အလီၚပလိဏ၀ဲဒီးတႈသိဥတႈသီ ဖဲအကြႈဆိကမိဥတႈလ႕ တႈနဥ့ဘ်ဳးနဥ့ဖွိဥလ႕ ပွၚအါဂၚအဂီႈအခါနဥ့လီၚ’ ထံကီႈခိဥနဥအါဒံအါဂၚသ့ဥတဖဥ ဘဥတႈပဏဖ်ါထီဥအီၚ လ႕အမ့ႈ၀ဲပွၚဒ္လဲဥသ့ဥတဖဥလဲဥ ဖဲတႈဆါသံသႀတိဏအကတီႈအံၚနဥ့လီၚ’ အ၀ဲသ့ဥကြႈဆိကမိဥဒဥတႈလ႕ ပွၚထူးပွၚတီၚဒီး ပွၚအိဥဒီးတႈစိတႈကမီၚသ့ဥတဖဥအဂီႈ နဥ့လီၚ’ Covid တႈဆါအဃဥ ပဏဖ်ါထီဥ၀ဲ တႈပဏမၚသးသ့ဥတဖဥနဥ့လီၚ’ မ့ႈတႈလ႕အဘဥကူဘဥဂဏ ပွၚခဲလ႕ဏဒ္အမ့ႈ၀ဲ ပွၚထူးပွၚတီၚဒီးပွၚဖွီဥဖိဎဏဖိသ့ဥတဖဥယ ပွၚလ႕အပ႕တႈဆွ႕တႈဒီး ပွၚလ႕အဘဥတႈပ႕အီၚဆွ႕အီၚသ့ဥတဖဥယ ပွၚလ႕အအိဥဒီးတႈစိတႈကမီၚဒိဥဒိဥအါအါသ့ဥတဖဥဒီး ထံကီႈလ႕အဖွီဥ၀ဲဎဏ၀ဲသ့ဥတဖဥနဥ့လီၚ’ ပႈပါစံး၀ဲလ႕ တႈဆါသံသႀတိဏအံၚ မ႕နဥ့ဆီဥခံတႈ ဒ္သိးကဲစႈလ႕အအိဥဒီးတႈအက့ႈအဂီၚလ႕အသီ၀ဲသ့ဥတဖဥ ကဟဲအိဥထီဥ၀ဲအဂီႈနဥ့လီၚ’ ကဘဥမ့ႈ၀ဲစီၚပၚကဲစႈလ႕ အသူဥကိႈသးဂီၚတႈလ႕ ပွၚကမ်႕ဥဖိသ့ဥတဖဥ အတႈအိဥဆူဥအိဥခ့်အဂီႈ အါနဥ့ Stock Market အတႈအိဥဆူဥအိဥခ့်အဂီႈနဥ့လီၚ’ ကဘဥမ့ႈ၀ဲစီၚပၚကဲစႈလ႕ အဘ်႕လီၚစ့လ႕တႈအိဥဆူဥအိဥခ့်အဂီႈ အါနဥ့လ႕ တႈသူဥစ့လ႕တႈစုက၀ဲၚသ့ဥတဖဥအဂီႈယ ကဘဥမ့ႈ၀ဲကဲစႈလ႕ အမၚလိမၚဒိး၀ဲ ကသံဥသရဥ/သရဥမုဥသ့ဥတဖဥကအါထီဥဒီးအါထီဥ၀ဲ အါနဥ့ တႈမၚဒိဥထီဥသုးမုႈသံဥဘိအဂံႈအဘါနဥ့လီၚ’ ကဘဥဖံးတႈမၚတႈလ႕ တႈတ့ဘ်ီထီဥ တႈမုဏတႈခုဥအဂီႈနဥ့လီၚ’ ကဘဥပဏ၀ဲပွၚကိးဂၚဒဲး ဒ္အမ့ႈပွၚသ့ဥတဖဥလ႕အအိဥဒီး ပွၚကညီအသူးအသ့ဥအလၚအကပီၚအဂီႈနဥ့လီၚ’ အသုတဘဥပဏလီၚဆီတႈလ႕ တႈဘူဥတႈဘါဒီးကလုႈဒူဥအလီၚဆီ၀ဲသ့ဥတဖဥ အဖီခိဥဘဥနဥ့လီၚ’ (Covid ဒုးမၚနဥ့ပွၚတႈမၚလိ ဘဥဃးဒီးပွၚသုတပဏလီၚဆီလိဏသးအဂီႈဘဥ နဥ့လီၚ’ ပွၚခဲလ႕ဏသ့ဥတဖဥ ဘဥတူဥဘဥတႈလ႕ Covid အဃိနဥ့လီၚ’ တကြႈမဲဏ၀ဲ ကလုႈလီၚဆီသ့ဥတဖဥယ တႈဘူဥတႈဘါသ့ဥတဖဥ ဒီးတႈအိဥမူအိဥဂဲၚအပတီႈလီၚဆီ၀ဲ သ့ဥတဖဥဘဥ နဥ့လီၚ’)

ဒ္ခိဥနႈခဲလ႕ဏသ့ဥတဖဥအသိးယ ပဆ႕မုဏလဥ၀ဲလ႕ ခိဥနႈလ႕ပထံပကီႈသ့ဥတဖဥ ကဂဲၚဆ႕ထ႕ဥဖံးတႈမၚတႈဒ္ ဎြၚအတႈမုဏလဥအိဥ၀ဲအသိးယ ကဘဥကူဥထီဥဖးလီၚတႈလ႕ ထံကီႈအသီ လ႕အအိဥဒီးတႈမုဏတႈခုဥဒီး တႈအီဥကုးအီပွဲၚအဂီႈနဥ့လီၚ’ ပကြႈစိမုဏလဥတႈ ဒ္သိးပကဒိးနဥ့ဘဥထံကီႈအသီ ဖဲတႈစုလီႈခီဥခိဥသ့ဥတဖဥ ကကဲဘ်ဳးကဲဖွိဥ၀ဲလ႕ ပွၚကမ်႕ဥဖိသ့ဥတဖဥအဂီႈနဥ့လီၚ’ ပွၚကမ်႕ဥဖိသ့ဥတဖဥ ကဘဥမ့ႈ၀ဲ တႈဖံးတႈမၚခဲလ႕ဏသ့ဥတဖဥ အသးကံဥပူၚနဥ့လီၚ’ တႈဃုထ႕ထီဥလ႕အကဟဲတုၚအိဥပွၚတဘ်ီအံၚ ကဒုးမၚနဥ့ပွၚ ခိဥနဥလ႕ အကမၚလ႕မၚပွဲၚ တႈဘဥဎြၚအသးလ႕ဟီဥခိဥခ်႕အံၚအဂီႈ ပဆ႕မုဏလဥ၀ဲနဥ့လီၚ’ မ္ပကထုကဖဥကဒီး ဒ္သိးခိဥနႈလ႕ပထံပကီႈအံၚအပူၚသ့ဥတဖဥ ကအိဥ၀ဲဒီးတႈသူဥဒူသးဒူ ဒ္သိးအကမၚဟးဂီၚကြံဏတႈဆါသံသႀတိဏလ႕အအိဥဎံဏတ့ႈလံ၀ဲ ဒ္အမ့ႈ တႈဖွီဥတႈဎဏယ တႈဒုးတႈဎၚယ ပွၚကမ်႕ဥဖိသ့ဥတဖဥ အတႈအိဥတႈဆိးအလီႈအက်ဲတအိဥလ႕ၚ၀ဲယ တႈစိဏဆွ႕ဆါပွၚ့ပွၚကညီ ဒီးကဎဲႈတႈအ႕တႈသီ လ႕အပ်ဲအိဥပွၚဖွီဥဖွီဥဎဏဎဏသ့ဥတဖဥနဥ့တက့ႈ’ ပဆ႕မုဏလဥ၀ဲဒ္သိး ခိဥနဥလ႕ပထံပကီႈအပူၚသ့ဥတဖဥ ကတ့ဘွီထီဥ၀ဲ Covid ၀ံၚအလီႈခံထံကီႈလ႕ ပွၚကိးဂၚဒဲး ကမ့ႈ၀ဲဒီပုႈ၀ဲႈမုဥဒီပုႈ၀ဲႈခြါသ့ဥတဖဥ အဂီႈနဥ့လီၚ’ ပမ့ႈပွၚတသြံဥဃီတညဥဃီယ ပပဏကဖ႕လ႕ပသးလ႕ ပမ့ႈ၀ဲထူကီႈစ့ကီႈ အဖိမုဥဖိခြါသ့ဥတဖဥနဥ့လီၚ’ မ္ကဲစႈအတႈပဏသူဥပဏသးသ့ဥတဖဥ ကဘဥတႈထိဥဟူးထိဥဂဲၚထီဥအီၚ ဒ္သိးအကသ့ဒုးအိဥဖ်ဲဥထီဥ၀ဲ ထံကီႈဒ္အံၚအဂီႈနဥ့တက့ႈ’

ခရံဏစံး၀ဲလ႕ ဟ့ဥကဲစႈလ႕ကဲစႈအတႈယ ဒီးဎြၚလ႕ဎြၚအတႈတက့ႈ နဥ့လီၚ’ ပွၚဖၚရံၚရွဲသ့ဥတဖဥ အိဥ၀ဲဘွဥ့ကလဏ မ့ႈလ႕အတသ့ဥညါတႈဘဥနဥ့လီၚ’ ဘဥဆဥ လ႕ခရံဏကစႈအပူၚ ပသ့ဥညါပ၀ဲနဥ့လီၚ’ ဎြၚဃ့နဥ့၀ဲ တႈခံမံၚခံမေိနဥ့လီၚ’ ဒီးမ့ႈ၀ဲတႈအဲဥဎြၚ ဒီးတႈအဲဥလိဏပသး တဂၚဒီးတဂၚနဥ့လီၚ’ အအံၚမ့ႈ၀ဲတႈမၚလိဏ လ႕အဟဲဆူပအိဥ ဒီးမ့ႈ၀ဲပကဘဥအဲဥဎြၚ ဒီးပကဘဥပဏဖ်ါထီဥတႈအဲဥအံၚ လ႕ပတႈဖံးတႈမၚတႈအပူၚနဥ့လီၚ’

မ့ႈ၀ဲတႈမၚအသးလ႕ ပထံပကီႈအပူၚ ဖဲအပူၚကြံဏဃုလါအတီႈပူၚနဥ့လီၚ’ တႈဘံဥတႈဘ႕လ႕အဘဥဃးဒီးတႈအီဥတႈအီ တအိဥလ႕ၚ၀ဲဘဥနဥ့လီၚ’ပွၚလ႕အအိဥဒီးတႈသူဥဘဥသးသ့သ့ဥတဖဥ ဟ့ဥနီၚလီၚ၀ဲတႈအီဥတႈအီသ့ဥတဖဥနဥ့လီၚ’ ပွၚအါဒံအါဂၚသ့ဥတဖဥ ဘဥတႈဆွ႕အီၚဆူ တႈကြႈထြဲမၚစ႕ၚ ပွၚဘဥတႈဆါသ့ဥတဖဥကဘဥအိဥ၀ဲတႈလီႈယ ဖဲအဒူဥဖိထ႕ဖိသ့ဥတဖဥ အသုတဘဥလဲၚပဏဘူးအသးဒီးပွၚသ့ဥတဖဥအံၚဘဥ နဥ့လီၚ’ ပွၚမၚစ႕ၚကလီတႈအကဎၚဒီးအကဎၚသ့ဥတဖဥ အါတက့ႈပွၚသူဥဘီဥသးစႈ လ႕အတူဥဆါအသး လ႕အကစႈဒဥ၀ဲအတႈဘံဥတႈဘ႕အဂီႈ သ့ဥတဖဥအိဥ၀ဲနဥ့လီၚ’ မ္ပကအိဥသ့ဥနီဥထီဥသကိး ပွၚလ႕အမၚတႈလ႕တႈမဲဏညါသ့ဥတဖဥ လ႕အပဏတ့ႈကြံဏအကစႈဒဥ၀ဲဒီး အဒူဥဖိထ႕ဖိသ့ဥတဖဥ အတႈဘံဥတႈဘ႕လ႕တႈလီႈခံ ဒီးလဲၚ၀ဲဆူ ပွၚဘဥကူဘဥဂဏတႈဆါသ့ဥတဖဥအအိဥ ကိးမုႈနံၚဒဲးနဥ့တက့ႈ’ ပွၚသ့ဥတဖဥအံၚ မ့ႈ၀ဲဒိဂ့ၚတဲႈဘဥ လ႕အအိဥဖ်ါ၀ဲဒိဥဒိဥကလဲဥ ဘဥဃးဒီး အတႈဟ့ဥ၀ဲဎြၚလ႕ ဎြၚအတႈနဥ့လီၚ’ ပဘဥတႈထိဥဟူးထိဥဂဲၚထီဥပွၚ ခီဖ်ိပွၚသ့ဥတဖဥအံၚ အတႈအုဥအသးသ့ဥတဖဥနဥ့လီၚ’ တႈအိဥမူအိဥဂဲၚ အိဥ၀ဲဒီးအခီပညီဒိဥ၀ဲ ဖဲပဖးဘဥ၀ဲပွၚသ့ဥတဖဥအံၚ အတႈတူဥဆါအသး ဒိဥဒိဥကလဲဥသ့ဥတဖဥအဃိနဥ့လီၚ’ ဎြၚအိဥဒီးပွၚ အိဥ၀ဲလ႕ပက်ါနဥ့လီၚ’

ဘဥဆဥ လ႕တႈခဲလ႕ဏသ့ဥတဖဥအံၚအက်ါ မုႈကီၚလံဥဟူးဂဲၚဖံးမၚတႈစ့ႈကီးနဥ့လီၚ’ မ့ႈ၀ဲတႈသူဥဟ့သးဟ့ အမုႈကီၚလံဥနဥ့လီၚ’ ပထံဖိကီႈဖိအါဒံအါဂၚသ့ဥတဖဥ ဘဥတႈထိဥဟူးထိဥဂဲၚထီဥအီၚလ႕ တႈသူဥအိဥသးအိဥ သူဥကညီၚသးကညီၚတႈနဥ့လီၚ’ လ႕ထံကီႈ ပွၚလ႕အအိဥဒီးတႈဘူဥတႈဘါအလီၚဆီ၀ဲသ့ဥတဖဥအက်ါ ပထံဥဘဥ၀ဲ ပွၚလ႕အဖံးတႈမၚတႈလ႕ တႈသူဥဆူဥသးဂဲၚဒိဥ၀ဲအပူၚ လ႕တႈမၚတႈခ့တႈပွၚအတႈမၚလ႕ ပွၚအါဂၚအဂီႈနဥ့လီၚ’ တႈသူဥကညီၚသးကညီၚတႈ မ့ႈ၀ဲတႈဘူဥတႈဘါလ႕အဘဥဃးဒီး ပွၚခဲလ႕ဏနဥ့လီၚ’ ဒ္ Covid တပဏလီၚဆီပွၚနီတဂၚ လ႕အတႈဘဥကူဘဥဂဏပွၚအသိးယ လ႕တႈမၚပူၚဖ်ဲးတႈအဂီႈ ပွၚသုတဘဥပဏလီၚဆီ၀ဲ တႈဘူဥတႈဘါယ ကလုႈဒူဥလ႕အလီၚဆီ၀ဲသ့ဥတဖဥဘဥ နဥ့လီၚ’ ပမ့ႈပွၚတသြံဥဃီတညဥဃီယ ပမဲဏထံမဲဏနိမ့ႈတႈတမံၚဃီနဥ့လီၚ’ ပ၀ဲသ့ဥခဲလ႕ဏပမ့ႈ၀ဲ ဒီပုႈ၀ဲႈမုဥဒီပုႈ၀ဲႈခြါသ့ဥတဖဥ (Fratelli Tutti) နဥ့လီၚ’

ဘဥဆဥ ခိဥနႈတနီၚနီၚယ တုၚဒဥလဲဥတႈဘူဥတႈဘါခိဥနႈတနီၚနီၚ သူဥကိႈသးဂီၚဒဥ၀ဲလ႕ အ၀ဲသ့ဥအပွၚကမ်႕ဥဖိအဂီႈနဥ့လီၚ’ ဖဲတႈဆါသံသႀတိဏအံၚအကတီႈဒဥလဲဥ အ၀ဲသ့ဥရၚလီၚ၀ဲ တႈသူဥဟ့သးဟ့အတႈစံးတႈကတိၚအဖ႕မုႈယ က်ဲးစ႕ၚဃုထံဥနဥ့တႈကမဥလ႕ ပွၚဂၚအဖီခိဥနဥ့လီၚ’ မ္ပကထံဥဒီးသ့ဥညါဘဥ ပထံဖိကီႈဖိလ႕အတူဥဘဥတႈသ့ဥတဖဥ အမဲဏသဥနဥ့တက့ႈ’ မ္ပသုတကြႈလီၚ Facebook လ႕ မုႈကီၚလံဥရၚလီၚ၀ဲ တႈသူဥဟ့သးဟ့သ့ဥတဖဥအပူၚတဂ့ၚ’

အအံၚမ့ႈဆ႕ကတီႈလ႕အကီ၀ဲခဲ၀ဲအကတီႈနဥ့လီၚ’ တႈကီတႈခဲအကတီႈ လိဏဘဥ၀ဲ တႈစူဥတႈနဏလ႕အဂ႕ႈ၀ဲက်႕ၚ၀ဲနဥ့လီၚ’ တမ့ႈ၀ဲကသံဥဒီတဒ႕လ႕ အကဒုးလဲၚပူၚကြံဏ Covid လ႕ဏလ႕ဏဆ့ဆ့ဘဥဒီး မ့ႈ၀ဲဎြၚအစုလ႕အအိဥ၀ဲဒီးတႈစိဒိဥကမီၚထီနဥ့လီၚ’ မုႈတနံၚအံၚ တႈအိဥအသးဒီးပွၚ မ့ႈ၀ဲဒ္တႈအိဥအသးလ႕ ပွၚသ့းစၚလနံဖိသ့ဥတဖဥအက်ါ ဒ္ပထံဥဘဥ၀ဲလ႕ လံဏဖးခံတီၚတတီၚအပူၚအသိး ”အ၀ဲသ့ဥအိဥ၀ဲဒီးတႈနးတႈဖွီဥအါမံၚအါမေိ ဘဥဆဥ စီၚပီလူးမ႕နဥ့ဆီဥခံအ၀ဲသ့ဥ ဒ္သိးအကအိဥမူသကိးလ႕ တႈစူဥတႈနဏယ တႈမုဏလဥ ဒီးတႈအဲဥတႈကြံအပူၚနဥ့လီၚ’

လ႕ပတႈဎူဥထီဥပစုအပူၚ မ္ပကဃ့ထုကဖဥသကိး” ဖဲတႈခံးတႈနၚလ႕ အအိဥ၀းတရံးပွၚအပူၚ ကစႈဧ႕ မၚစ႕ၚပွၚဒ္သိး ပကအိဥမူ၀ဲလ႕ တႈစူဥတႈနဏယ တႈမုဏလဥ ဒီးတႈအဲဥတႈကြံအပူၚနဥ့တက့ႈ’

တႈစူဥတႈနဏလ႕ ဎြၚလ႕အမူ၀ဲဒီးအိဥ၀ဲဒီးတႈအဲဥတႈကြံအပူၚ

တႈမုဏလဥလ႕ တႈအ႕တႈသီလ႕ဟီဥခိဥအံၚ ကကတ႕ႈ၀ဲ ဃုဏဒီးတႈဆါသံသႀတိဏအတႈကတ႕ႈ၀ဲ

တႈအဲဥတႈကြံ ဒ္အမ့ႈ တႈအိဥမူအိဥဂဲၚအက်ဲ ဖဲလ႕တႈခီဥတႈရီဏတႈသ့ဥတဖဥအံၚအက်ါယ မ္ပကအဲဥလိဏကြံဏလိဏပသးယ ပကအိဥဂ႕ႈဆိးက်႕ၚသကိးလ႕တႈအဲဥတႈကြံအပူၚ နဥ့တက့ႈ’

တႈဘ်ဳးဒိဥမးလီၚ

အိဥမုဏဆိပ႕ၚသု၀ဲ ဒီး မ္သုကဘဥဆိဥဂ့ၚ ထီဘိနဥ့တက့ႈ’

ကဥဒံဥနဲႈခေါလ္စ္ဘိဥ

၀့ႈတကူဥသီခါကရ႕ခိဥက်႕ဥ

၁၈ အီးကထိဘ႕ဥ ၂၀၂၀