Covid မၚဟးဂီၚသးသမူဂီႈမုႈ အကတီႈ မ္တႈသးကညီၚ တႈသးအိဥလိဏသး ကဒိဥစိဒိဥကမီၚလ႕ပပူၚတက့ႈ

Covid မၚဟးဂီၚသးသမူဂီႈမုႈ အကတီႈ မ္တႈသးကညီၚ တႈသးအိဥလိဏသး ကဒိဥစိဒိဥကမီၚလ႕ပပူၚတက့ႈ

တနံဥအတီႈပူၚ ၂၆ အိဥဘွံးနံၚယ လါစဲးပတ့ဘ႕ဥ ၂၇ သီ ၂၀၂၀

မးသဲ ၂၁း ၂၈”၃၂

မ္ကစႈဎြၚအစုအတႈစိတႈကမီၚ ကအိဥဒီးပွၚကိးဂၚဒဲးယ ကမၚမံသူဥမံသးပွၚ ဒီးကဎါဘ်ါကြံဏပွၚခဲလ႕ဏနဥ့တက့ႈ’ အါနဥ့ဆ႕ကတီႈလ႕အပူၚကြံဏ၀ဲအပူၚ ပလိဏဘဥလိဏပသးတဂၚဒီးတဂၚယ ပကဘဥသနၚ့ပသးတဂၚဒီးတဂၚယ ဒီးပလိဏဘဥ၀ဲပကစႈဎြၚနဥ့လီၚ’ ဟီဥခိဥဒီဘ့ဥလိဏဘဥ၀ဲ ပွၚဎါဘ်ါတႈလ႕အလီၚထူလီၚဎိဏ အစုလ႕အဎါဘ်ါကြံဏတႈနဥ့လီၚ’ တႈစံဏစိၚတဲစိၚပဏဖ်ါထီဥတႈလ႕ ပကမၚန႕ၚတႈနဥ့လီၚ’ ပထံဥလိဏဘဥပသးလ႕ လီထံဥဟူ (Online) အဖီခိဥယ ပသူဥပသးသ့ဥတဖဥအိဥစ႕ဖွိဥလိဏအသး လ႕တႈစူဥတႈနဏအပူၚယ ပအိဥဖွိဥသကိး၀ဲလ႕ ခရံဏအနီႈခိမိႈပွႈလ႕အဒိဥ၀ဲဎိဏ၀ဲအပူၚနဥ့လီၚ’

မၚကဒီးတဘ်ီ ပဘဥအိဥသဒ႕က့ၚကဒီးတဘ်ီ ဒ္အမ့ႈ Lockdown နဥ့လီၚ’ မ့ႈ၀ဲတႈခံးတႈနၚအဆ႕ကတီႈယ လီၚဂဏ္ဒ္တႈအ႕တႈသီ မၚန႕ၚတႈအကတီႈနဥ့လီၚ’ ဖဲဃုလါအကတီႈယ ဎြၚပကစႈ ကဟုကဎဏတ့ႈလံ၀ဲ ပထံပကီႈ လ႕တႈဆါသလဏလီၚအသး လ႕တႈသးကညီၚတအိဥ၀ဲအပူၚ အတႈမၚဟးဂူဏဟးဂီၚတႈနဥ့လီၚ’ ဘဥဆဥ ဖဲလါလ႕အပူၚကြံဏတ့ႈလံတဘ့ဥအပူၚ လီၚဂဏဒ္သိး Covid အတႈဂဲႈပ်ဳႈမၚနးမၚဖွီဥတႈ အိဥထီဥက့ၚ၀ဲလ႕ ခူဒိဥ၀့ႈဒိဥအက်ဲမုႈသ့ဥတဖဥအဖီခိဥယ ဒီးပဃ့ထုကဖဥသကိး၀ဲလ႕ တႈဆါအဃဥ ႏုႈလီၚ၀ဲ တႈလီႈတႈက်ဲခဲလ႕ဏသ့ဥတဖဥအဂီႈနဥ့လီၚ’

ပထုကဖဥ၀ဲလ႕ ပွၚကိးဂၚဒဲး လ႕အအိဥဒီးတႈနးတႈဖွီဥယ လ႕အဘဥတႈဆါယ ပွၚလ႕အအိဥ၀ဲဒီး တႈပ်ံၚတႈဖုးအါတလ႕၀ဲသ့ဥတဖဥ အဂီႈနဥ့လီၚ’ ဆူပွၚအကထိဒီးအကထိ လ႕အအိဥဆူးအိဥဆါ၀ဲသ့ဥတဖဥ ပတႈဆိကမိဥလဲၚတုၚ၀ဲဆူအ၀ဲသ့ဥအအိဥယ ပခ်ံးလီၚတီၚလီၚဒီးပစုဎူဏထီဥအသး ဒီးပဃ့ကညး၀ဲ ဒ္သိးတႈဎါဘ်ါကြံဏလ႕အခ့် ကအိဥထီဥ၀ဲအဂီႈနဥ့လီၚ’ ပွၚအကကြဲႈဒီးအကကြဲႈ လ႕အတအိဥလ႕ၚဒီးတႈဖံးတႈမၚသ့ဥတဖဥအဂီႈယ ပဃ့ကညးပ၀ဲဆူကစႈအအိဥ လ႕အဟ့ဥလီၚတ့ႈလံ၀ဲကိဥမၚနး လ႕ပွႈမုႈကန႕အပူၚ ဒီးဒုးအါထီဥ၀ဲကိဥဎဲႈဖ်႕ဥ ဒီးလုႈအီဥ၀ဲပွၚဎဲႈကထိသ့ဥတဖဥနဥ့လီၚ’ ကစႈဧ႕ယ လုႈအီဥဘဥပထံဖိကီႈဖိသ့ဥတဖဥ ဒီးဎါဘ်ါကြံဏအ၀ဲသ့ဥနဥ့တက့ႈ’ မၚကဆွဲကဆွီထီဥအ၀ဲသ့ဥ လ႕နသြံဥစီဆွံနဥ့တက့ႈ’ တႈအိဥဖွိဥကရ႕လ႕ကီႈပဎီၚစ႕ဖွိဥအပူၚ ကူဥထီဥဖးလီၚ၀ဲ ဒ္သိးအကသ့ကြႈဆ႕ဥမဲၚက့ၚ၀ဲ တႈကီတႈခဲအံၚအဂီႈနဥ့လီၚ’ ပကဆ႕ထ႕ဥသကိးပ၀ဲ လ႕ပဒီပုႈ၀ဲႈသ့ဥတဖဥအကပၚ ခီဖ်ိကတႈထုကဖဥ ဒီးပတႈသူဥဘဥသးသ့သ့ဥတဖဥနဥ့လီၚ’

ဆ႕ကတီႈအံၚ မ့ႈ၀ဲတႈထုကဖဥအဆ႕ကတီႈယ မ့ႈ၀ဲတႈသူဥအိဥသးအိဥ သူဥကညီၚသးကညီၚလိဏသးအကတီႈ နဥ့လီၚ’ ဖဲကလံၚမုႈ Nargis အကတီႈယ ဖဲပထံပကီႈ ဘဥတႈမၚနးမၚဖွီဥအီၚလ႕ န’ဆ႕ဥတႈတတ႕ႈတနါအကတီႈယ တႈသူဥအိဥသးအိဥလိဏသး ဒိဥစိဒိဥကမီၚ၀ဲလ႕ ပက်ါနဥ့လီၚ’ ပကဲထီဥ၀ဲဒီပုႈ၀ဲႈမုဥ/ခြါသ့ဥတဖဥနဥ့လီၚ’ တႈဃူလိဏဖိးလိဏပသး မၚဆူဥထီဥပွၚနဥ့လီၚ’ တႈတတ႕ႈတနါလ႕ အဂံႈအဘါဆူဥ၀ဲ လဲၚပူၚကြံဏပွၚနဥ့လီၚ’

မုႈမဆါတနံၚအံၚ ဖဲတႈဆါအဃဥအံၚ မၚအ႕မၚနး၀ဲ ပွၚကညီခဲလ႕ဏသ့ဥတဖဥအကတီႈယ မ္ပကအိဥထီဥသကိးပ၀ဲဒီး တႈသူဥကညီၚသးညီၚတႈ လီၚဂဏဒ္တႈဘူဥတႈဘါတမံၚ လ႕အဘဥဃးဒီး ပွၚခဲလ႕ဏနဥ့တက့ႈ’ ဒ္ပွၚတဖုဃီယ ဒ္ထံကီႈတဘ့ဥဃီအသိး ပကမၚန႕ၚတႈနဥ့လီၚ’ မ့ႈဆ႕ကတီႈလ႕ ပကဘဥမၚကတ႕ႈကြံဏ တႈဘဥဂံဏဂူဏလိဏသး ဒီးတႈအိဥမူဒ္ ဒီပုႈ၀ဲႈသ့ဥတဖဥအသိး ကဘဥမ့ႈ၀ဲလ႕ ပွၚခဲလ႕ဏအတႈအိဥမူအိဥဂဲၚအပူၚနဥ့လီၚ’

ဎြၚလ႕အသူဥကညီၚသးကညီၚ ပွၚအံၚစရ့လးဖိသ့ဥတဖဥ ဒီးကိးထီဥ၀ဲစီၚမိၚရွ့ ဒ္သိးအကအုဥက့ၚခီဥက့ၚအ၀ဲသ့ဥအဂီႈယ မုႈတနံၚအံၚ ကြႈလီၚ၀ဲပထံပကီႈဒီးစံး၀ဲယ ဎနဥဟူလံဎဲ ပွၚကမ်႕ႈဖိ လ႕အတူဥဘဥလံတႈနးတႈဖွီဥသ့ဥတဖဥလံ နဥ့လီၚ’ လံဏစီဆွံကြဲးနီႈကြဲးဃါ၀ဲ တႈဆါသံသႀတိဏ အခါတဆံနဥ့လီၚ’ လ႕တႈဆါကိးခါဒဲးအပူၚ ဎြၚပဏဖ်ါထီဥအသး လ႕အအိဥလ႕ပွဲၚဒီး တႈသူဥကညီၚသးကညီၚတႈယ အိဥလ႕ပွဲၚ၀ဲဒီးတႈသးကညီၚ ဆူအပွၚကလုဏသ့ဥတဖဥအအိဥနဥ့လီၚ’ ပဃ့ထုကဖဥပ၀ဲဆူ တႈတ့ကစႈအအိဥ ဒ္သိးအကပဏဖ်ါထီဥ အတႈသူဥကညီၚသးကညီၚပွၚ ဒ္နဥ့အသိးနဥ့လီၚ’ ခရံဏကစႈလ႕အသူဥကညီၚသးကညီၚ၀ဲ ပွၚလ႕အသဥ၀ံၚအသးသ့ဥတဖဥ မုႈတနံၚအံၚ ကတိၚတႈဆူ ပွၚကိးဂၚဒဲးအအိဥ ဒီးစံး၀ဲ သူဥကညီၚသးကညီၚတႈ ဒ္သုပႈအိဥလ႕မူခိဥ သူဥကညီၚသးကညီၚတႈအသိးနဥ့တက့ႈ’

တႏြံအံၚမုႈအိဥဘွံးနံၚအပူၚယ ပႈပါဖရဥစ့း ကြဲမုဏပွၚ ဒ္သိးပကသ့ဥနီႈထီဥပွၚသုးလီႈသုးက်ဲ ဒီးပွၚဘဥကီဘဥခဲသ့ဥတဖဥ အဂီႈနဥ့လီၚ’ အါနဥ့ပွၚအဂၚ အကကြဲႈ ၄၀ သ့ဥတဖဥ ဘဥပဏတ့ႈကြံဏအတႈအိဥတႈဆိးအလီႈ မ့ႈလ႕တႈဆါသံသႀတိဏ လ႕အအိဥဎံဏအိဥထ႕၀ဲသ့ဥတဖဥ ဒ္အမ့ႈ တႈသူဥဟ့သးဟ့ ဒီးတႈဖွီဥတႈဎဏနဥ့လီၚ’ မ္ပကဃ့ထုကဖဥသကိး ဃုဏဒီးပႈပါဖရဥစ့း ဒီးပကစံးပ၀ဲ”ဒ္ခရံဏကစႈအသိးယ ပွၚအကထိဒီးအကထိသ့ဥတဖဥ အလီႈအက်ဲတအိဥလ႕ၚ၀ဲအဃိယ မ္ပကတူဥလိဏယ ကဟုကဎဏယ မၚဒိဥထီဥထီထီဥ ဒီးႏုဏလီၚပဏဖွိဥလိဏသးတပူၚဃီ ဒီးပွၚအကထိဒီးအကထိ လ႕အဘဥအိဥ၀ဲလ႕ ကီႈဆ႕လ႕အဘူးလိဏအသးဒီးပထံပကီႈ IDP သ့ဥတဖဥအပူၚနဥ့တက့ႈ’ ဆူကဎဲႈပွၚလ႕ အဘဥအိဥ၀ဲလ႕ ပွၚသုးလီႈသုးက်ဲလ႕ပထံပကီႈဒဥ၀ဲ အဒဲက၀ီၚသ့ဥတဖဥအပူၚအအိဥယ ပပဏဖွိဥပသးတဖ်႕ဥဃီဒီး ပႈပါဖရဥစ့း ဒီးပဃ့ထုကဖဥ၀ဲလ႕ တႈမုဏတႈခုဥအဂီႈ ဒီးပွၚသ့ဥတဖဥအံၚ ကသ့ဟဲက့ၚ၀ဲဆူ အတႈအိဥတႈဆိးအလီႈ လ႕အအိဥဒီး သူးသ့ဥလၚကပီၚအပူၚအဂီႈနဥ့လီၚ’ ခရံဏကစႈ မ့ႈစ့ႈကီးပွၚသုးလီႈသုးက်ဲယ ပွၚဘဥကီဘဥခဲတဂၚနဥ့လီၚ’ အိဥမူ၀ဲဒ္ သူဥဘီဥသးစႈ ကီႈပဎီၚစ႕ဖွိဥသူဥဘီဥသးစႈ အကထိဒီးအကထိ သ့ဥတဖဥအသိးနဥ့လီၚ’ သ့ဥညါနႈပ႕ႈ၀ဲ ပတႈမဲဏထံမဲဏနိသ့ဥတဖဥနဥ့လီၚ’ မ္ပကတူႈလိဏသကိး ပွၚတခီဘီမုႈကိးဂၚဒဲး ဒ္ပတူႈလိဏခရံဏကစႈအသိးနဥ့တက့ႈ’

မုႈတနံၚအံၚ လံဏစီဆွံအဆ႕ လ႕ပတႈဘူဥထီဥဘါထီဥတႈအပူၚသ့ဥတဖဥ ပဏဂ႕ႈပဏက်႕ၚနဥ့ပွၚလ႕ ဎြၚ မ့ႈပွၚလ႕အအဲဥကြံပွၚယ ပ်ႈကြံဏနႈ့ပတႈကမဥယ ဒီးဃုထံဥနႈ့က့ၚ ပွၚအဆံးကတ႕ႈ ဒီးပွၚလ႕အလီၚမဥကြံဏ၀ဲသ့ဥတဖဥ နဥ့လီၚ’ ပွၚလ႕အနဏသံနဏမံတႈ (fundamentalists) သ့ဥတဖဥ ဒုးဟူထီဥသါလီၚ၀ဲလ႕ Covid မ့ႈ၀ဲတႈသိဥဃီဥလ႕ဎြၚနဥ့လီၚ’ မုႈတနံၚအံၚ လံဏဖးတ႕တတီၚ စံးပွၚလ႕ ဎြၚပဏ၀ဲ ပွၚတီပွၚလိၚသ့ဥတဖဥအသးသမူ ဒ္သိးအသုတဟးဂီၚ၀ဲ အဂီႈနဥ့လီၚ’ ဎြၚ မ့ႈ၀ဲဒ္ပႈတဂၚ ဒ္အအိဥခိးကြႈလဏ၀ဲ အဖိခြါအတႈဟဲက့ၚ၀ဲနဥ့လီၚ’ ဎြၚမ့ႈတႈအဲဥတႈကြံနဥ့လီၚ’ ဎြၚ တမ့ႈပွၚလ႕အမၚဆ႕က့ၚတႈဘဥနဥ့လီၚ’ Covid တမ့ႈ၀ဲဎြၚအတႈမၚဆ႕က့ၚတႈ အဆ႕ကတီႈဘဥဒီး တမ့ႈ၀ဲတႈသိဥဃီဥဘဥနဥ့လီၚ’ မ့ႈ၀ဲတႈအဲဥတႈကြံအဆ႕ကတီႈနဥ့လီၚ’ မ့ႈဆ႕ကတီႈလ႕ တႈလဲၚစိဏဆွ႕ဎြၚ ဆူတဂၚဒီးတဂၚအအိဥ ဖဲတႈဆါအဃဥ အတႈမၚနးမၚဖွီဥတႈ အကတီႈနဥ့လီၚ’

လံဏဖးခံတီၚတတီၚ ဒုးမၚနႈ့ပွၚ တႈဂ့ႈအႏြံအထိး ဘဥဃးဒီးတႈဆါအံၚ အတႈမၚနးမၚဖွီဥတႈအဂ့ႈနဥ့လီၚ’ တႈဆီဥလီၚသူဥဆီဥလီၚသး ဒီးတႈဃူတႈဖိး လ႕ပွၚခဲလ႕ဏအဒုဥအဒါအမဲဏညါနဥ့လီၚ’ ဒ္တႈဆါသလဏလီၚအသး လ႕ဟီဥခိဥဒီဘ့ဥအသိးယ ထံကီႈသ့ဥတဖဥ ဘဥတႈထုးစုနဲဥက်ဲအီၚလ႕ ပွၚလ႕အပ႕တႈဖဲဒဥအသး ဒီးနႈလ႕အခိဥကိၚ၀ဲမး၀ဲ လ႕အဆိကမိႈလီၚဒဥထဲ အကစႈဒဥ၀ဲအဂီႈသ့ဥတဖဥ ပ်ဲ၀ဲအပွၚကမ်႕ဥဖိ အကထိဒီးအကထိသ့ဥတဖဥ ဒ္သိးအကသံ၀ဲအဂီႈနဥ့လီၚ’ ထံကီႈလ႕အတူဥဘဥတႈနးနးကလဲဏတနီၚ ဘဥတႈကဲခိဥကဲနႈအီၚလ႕ ခိဥနႈလ႕အတအိဥ၀ဲဒီး တႈသူဥတအိဥသးတအိဥပွၚဂၚယ တအိဥဒီးတႈသူဥကညီၚသးကညီၚသ့ဥတဖဥ ပ်ဲ၀ဲပွၚအကကြဲႈဒီးအကကြဲႈသ့ဥတဖဥ ဒ္သိးအကဘဥကူဘဥဂဏတႈဆါ ဒီးပွၚအကထိဒီးအကထိသ့ဥတဖဥ ကဘဥသံ၀ဲအဂီႈနဥ့လီၚ’ ဒ္စီၚပီလူးကြဲးနႈ့ ပွၚဖံးလံၚပံးဖိ ပွဲၚထီဥခံဘ့ဥတဘ့ဥအပူၚအသိး ခိဥနႈသ့ဥတဖဥအံၚ မၚတႈကိးမံၚဒဲး လ႕တႈကြႈလီၚဒဥထဲအကစႈဒဥ၀ဲအဂီႈ ဒီးပဏကဖ႕လ႕အသးအါတလ႕ ဒီးက်ဲးစ႕ၚဃုထံဥနဥ့ဒဥထဲ အကစႈဒဥ၀ဲ အတႈလၚတႈကပီၚနဥ့လီၚ’

ပွၚလ႕အမၚပူၚဖ်ဲးအပွၚကမ်႕ဥဖိသ့ဥတဖဥ မ့ႈ၀ဲခိဥနဥလ႕ အဆီဥလီၚအသးယ အါတက့ႈမ့ႈ၀ဲခိဥနႈပိဏမုဥသ့ဥတဖဥနဥ့လီၚ’ ပွၚသ့ဥတဖဥအံၚ ကြႈဆိကမိႈတႈလ႕ပွၚဂၚအဂီႈ ဒ္အမ့ႈတႈလ႕အကါဒိဥ၀ဲ အါနဥ့အကစႈဒဥ၀ဲအဂီႈတက့ႈလီၚ’ ခိဥနႈသ့ဥတဖဥအံၚ တႈဆီဥလီၚသးလ႕ အတကြႈဆိကမိႈလီၚထဲကစႈဒဥ၀ဲအဂီႈ မၚပူၚမၚဖ်ဲး၀ဲသးသမူသ့ဥတဖဥနဥ့လီၚ’  Covid စးထီဥ၀ဲဖဲတႈလီႈလ႕ ခိဥနႈလ႕အပဏထီဥထီအသးသ့ဥတဖဥ အိဥ၀ဲတႈလီႈယ အိဥ၀ဲဒီးတႈကူဥထီဥဖးလီၚလ႕ အကစႈဒဥ၀ဲအဂီႈနဥ့လီၚ’ ခိဥနႈလ႕အဆီဥလီၚအသးဒ္ New Zealand အကိတိႈခိဥက်႕ဥ Miss Jacinda Ardern ထုးစုနဲဥက်ဲတႈ လ႕အသ့မၚန႕ၚကြံဏ တႈဆါသံသႀတိဏနဥ့လီၚ’ ပွၚမၚတႈလ႕တႈမဲဏညါ (Front Line Workers) လ႕အတဆိကမိႈလီၚတႈလ႕ အကစႈဒဥ၀ဲအဂီႈသ့ဥတဖဥ မၚပူၚဖ်ဲးပွၚအကကြဲႈဒီးအကကြဲႈ သ့ဥတဖဥနဥ့လီၚ’

ပွၚသ့ဥတဖဥအံၚ ပဏဖ်ါထီဥ၀ဲ ခရံဏကစႈလ႕ အကြႈဆိကမိႈတႈလ႕ပွၚဂၚအဂီႈ ဒီးပဏကလီအသးအက့ႈအဂီၚ ဒီးဘဥတႈစံးထီဥပႀတ႕ၚအီၚလ႕ စီၚပီလူးခီဖ်ိတႈကတိၚလ႕အမ့ႈယ”အ၀ဲနဥ့ အိဥဒီးဎြၚအက့ႈအဂီၚဒီး ပဏအသးထဲသိးဒီးဎြၚဒီးယ တဆိကမဥလ႕အဂုဏနႈ ပွၚဂၚအတႈဘဥ’ ဘဥဆဥဒီး ညိကြံဏအလၚအကပီၚယ ဒီးလိဥထီဥအသးလ႕ပွၚကညီယ ဒီးဒိးနႈကုႈအက့ႈအဂီၚလီၚ’ (ဖံလံးပံၚ ၂း၆”၁၁)

အအံၚ မ့ႈ၀ဲတႈမၚလိဖးဒိဥဖဲ Covid အကတီႈအံၚနဥ့လီၚ’ ဟီဥခိဥခ်႕ခိဥနႈလ႕ အကြႈဆိကမိႈလီၚဒဥထဲ အကစႈဒဥ၀ဲအဂီႈသ့ဥတဖဥ မၚသံကြံဏပွၚကထိဒီးအကထိသ့ဥတဖဥ နဥ့လီၚ’ လ႕ပတႈရ့လိဏပသးအပူၚ တႈကြႈဆိကမိႈလီၚဒဥထဲကစႈဒဥ၀ဲအဂီႈ ကမၚသံကြံဏပွၚ ဒီးပွၚအဂၚသ့ဥတဖဥနဥ့လီၚ’ ခီဖ်ိတႈကြႈကဟုကဎဏလီၚပသးအပူၚ ပကဟုကဎဏစ့ႈကီးပွၚအဂၚနဥ့လီၚ’

တႈမၚလိလ႕အဒ္သိးလိဏအသးဒ္အံၚ မ့ႈ၀ဲဆူပွၚဖဥရံးရွဲသ့ဥတဖဥ ဒီးပွၚစၚဒူးကဲသ့ဥတဖဥအအိဥ ဒ္လ႕မုႈတနံၚအံၚ လံဏတႈသးခုအကစီဥအပူၚနဥ့လီၚ’ ဆိကမိႈလီၚအသးတကူႈသ့ဥလ႕ အမ့ႈ၀ဲပွၚတီပွၚလိၚ လ႕အကနႈ့ဘဥသါဎြၚအဘီအမုႈသ့ဥတဖဥ ဒီးသးပ့ႈနီႈကြံဏ၀ဲတႈသးကညီၚ ဒီးတႈသူဥအိဥသးအိဥပွၚအဂၚနဥ့လီၚ’ ခီဖ်ိတႈကြႈလီၚဒဥထဲ အကစႈဒဥ၀ဲအဂီႈအပူၚ ပဏထီဥ၀ဲတႈသိဥတႈသီအတႈ၀ံတႈဎိး လ႕ပွၚလ႕အတႈကမဥတအိဥ၀ဲသ့ဥတဖဥအဖီခိဥ နဥ့လီၚ’ ပွၚသ့ဥတဖဥအံၚ တအိဥ၀ဲဒီး တႈဆီဥလီၚသူဥဆီဥလီၚသး ဘဥတႈကတိၚသိဥဃီဥအီၚဆူဥဆူဥကလဲဏ လ႕ခရံဏကစႈခီဖ်ိတႈကတိၚ လ႕အသဟီဥဆူဥ၀ဲ ဒ္အမ့ႈ”ဎစံးဘဥတဲဘဥသုတီတီအံၚယ လ႕ပွၚဃ့သြဲယ ဒီးပွၚဃဲသဲမုဥ တဖဥ လဲၚႏုဏဆူဎြၚအဘီအမုႈ လ႕သုမဲဏညါလီၚ (မးသဲ ၂၁း၃၁)” နဥ့လီၚ’ ခရံဏစံးကတိၚတႈ ပ်ီပ်ီဖ်ါဖ်ါ ဒီးစံး၀ဲ”ပွၚအိဥလ႕ခံတဖဥ ကအိဥက့ၚလ႕ညါယ ဒီးပွၚလ႕ညါတဖဥယ ကအိဥက့ၚလ႕ခံလီၚ’ (မးသဲ ၂၀း၁၆)’ မၚတႈစိတႈကမီၚလ႕အစုယ ဒီးမၚလီၚၿပံလီၚၿပါ ပွၚလ႕အပဏကဖိအသးတဖဥယ လ႕အတႈကူဥထီဥဖးလီၚနဥ့လီၚ’ ဒီးတ့ႈလီၚကြံဏ ပွၚအဒိဥတဖဥလ႕ အလီႈပစိဏအဖီခိဥယ ဒီးပဏထီဥထီပွၚလ႕ အဘဥဖွီဥဘဥဎဏလီၚ’ (လူၚကဥ ၁း ၅၁”၅၂)’

တႈဆါအဃဥအတႈမၚပ်ံၚမၚဖုးတႈ သိဥလိနဲဥလိပွၚလ႕ ပသးသမူ မ့ႈတႈလ႕ အစွိးမဲးခဲး ဟးဂီၚညီ၀ဲတမံၚနဥ့လီၚ’ ဖဲဆ႕ကတီႈလ႕အပူၚကြံဏ၀ဲအပူၚ ပွၚသံတ့ႈလံ၀ဲထဲဃိးဂၚ လ႕ပထံပကီႈအပူၚယ မ့မ့ႈအခဲအံၚ ပွၚလ႕အသံတ့ႈလံ၀ဲအနီႈဂံႈအါထီဥ၀ဲ အိဥ၀ဲတကဎၚလံနဥ့လီၚ’ ပွၚလ႕အတႈကမဥတအိဥ၀ဲ အကဎၚဒီးအကဎၚ လ႕အလဲၚဖံးလဲၚမၚတႈသ့ဥတဖဥ အခဲအံၚ အိဥဆူးအိဥဆါ၀ဲနဥ့လီၚ’ ပသးသမူလ႕အစွိးမဲးခဲး ဒီးလဲပူၚကြံဏသ့၀ဲအံၚ ဒုးမၚနႈ့ပွၚတႈမၚလိထဲတမံၚဧိၚယ တႈမၚလိဏတထံဥ ဒီးမ့ႈ၀ဲ” သးသမူ မ့ႈတႈလ႕အလုႈဒိဥပွၚ့ဒိဥယ ဒီးမ္ပသုတမၚလ႕ဏဂီၚအီၚ လ႕တႈသးဟ့လိဏသး တဂၚဒီးတဂၚအပူၚတဂ့ၚယ မ္ပကအဲဥလိဏပသးတဂၚဒီးတဂၚ ဒ္ခရံဏကစႈအဲဥကြံပွၚအသိးနဥ့တက့ႈ’

တႈအဲဥတႈကြံအတႈမၚလိဏအံၚ မ့ႈ၀ဲကသံဥဖီဥကသီဖီဥလ႕ ပက်ဲးစ႕ၚဃုထံဥနဥ့အီၚ ဖဲတႈဆါသံသႀတိၚ အတႈမၚပ်ံၚမၚဖုးတႈ အတႈခံးတႈနၚအကတီႈနဥ့လီၚ’ မ့ႈ၀ဲကသံဥဒီသဒ႕တႈ လ႕ပက်ဲးစ႕ၚဃုထံဥနဥ့အီၚ ဖဲပွၚကသါထီဥကသါလီၚကီ၀ဲ မ့ႈလ႕တႈဆါဘဥကူဘဥဂဏပွၚ အတႈခံးတႈနၚ အကတီႈနဥ့လီၚ’ ပလိဏဘဥ၀ဲတႈဎါဘ်ါက့ၚပွၚ ခီဖ်ိတႈအဲဥတႈကြံနဥ့လီၚ’ ဎြၚအတႈဘိးဘဥသ့ဥညါတႈမ့ႈ၀ဲ တႈအဲဥတႈကြံနဥ့လီၚ’ တႈကတိၚလ႕အမ့ႈ တႈအဲဥတႈကြံ အိဥဖ်ါ၀ဲလ႕လံဏစီဆွံအပူၚ အါနဥ့အဘ်ီဎဲႈကဎၚ ဒီးမ့ႈ၀ဲအဘ်ီအါနဥ့ တႈသံဒီးလရဥ အတႈအိဥဖ်ါ၀ဲအဃိ အခီပညီမ့ႈ၀ဲ ပဘဥတႈကိးပွၚ ဒ္သိးပကအိဥမူလ႕ တႈအဲဥတႈကြံအပူၚ အဂီႈနဥ့လီၚ’ ပအိဥမူ၀ဲပွဲၚနံဥပွဲၚနံဥ အကါတဒိဥ၀ဲဘဥဒီး ဖဲလ႕ပတႈအိဥမူအပူၚ ပအဲဥပကြံဏပွၚပွဲၚဂၚပွဲၚဂၚ သပွႈကတ႕ႈ ဖဲပတႈအိဥမူလ႕အဖုႈ၀ဲအံၚအကတီႈ မ့ႈတႈလ႕အကါဒိဥ၀ဲနဥ့လီၚ’

မုႈတနံၚအံၚ လ႕လံဏတႈသးခုအကစီဥအပူၚ ပွၚဖဥရံၚရွဲသ့ဥတဖဥ သူ၀ဲတႈစိတႈကမီၚလ႕အအိဥဒီးအ၀ဲသ့ဥ ဒ္သိးအကဆီဥတံႈမၚန႕ၚ ပွၚကမ်႕ဥဖိသ့ဥတဖဥ အဂီႈနဥ့လီၚ’ Covid စ့ႈကီး မ့ႈတႈလ႕အဒုးအိဥထီဥတႈသံကြႈ လ႕အဘဥဃးဒီးတႈစိတႈကမီၚသ့ဥတဖဥ နဥ့လီၚ’ တႈစိတႈကမီၚ တမ့ႈတႈလ႕ပွၚကဘဥ လုႈဘ႕မၚန႕ၚပွၚကမ်႕ဥဖိသ့ဥတဖဥဘဥဒီး မ့ႈတႈလ႕အဘဥဃးဒီး တႈမၚတႈခ့တႈပွၚအတႈမၚနဥ့လီၚ’ ဒ္ပႈပါဖရဥစ့းစံး၀ဲအသိး တႈစိတႈကမီၚအမ့ႈအတီ အိဥဖ်ါ၀ဲလ႕ တႈမၚတႈခ့တႈပွၚအတႈမၚအပူၚနဥ့လီၚ’ Covid တႈဆါသံသႀတိဏအံၚ ဒုးမၚနႈ့ပွၚတႈမၚလိ ဒ္သိးပကပဏတ့ႈကြံဏ တႈပဏထီဥထီပသးအတႈစိတႈကမီၚ ဘဥဆဥ ပကဘဥလဲၚတုၚ၀ဲဆူ တႈအဲဥတႈကြံအတႈစိတႈကမီၚယ တႈစိတႈကမီၚလ႕ အအိဥဒီးစုဎဏခီ အိဥဒီးတႈပဏသူဥပဏသးလ႕ အလ႕ပွဲၚဒီးတႈကြႈဆိကမိႈတႈလ႕ ပွၚဂၚအဂီႈနဥ့လီၚ’ မတၚတဂၚမးတသ့ဥညါ၀ဲ တႈဆါသံသႀတိဏအံၚအတႈပညိဏဘဥဒီး ပွၚသ့ဥညါဒဥထဲ အတႈမၚဟူးမၚဂဲၚ မၚကနိး၀ဲ ပွၚကညီခဲလ႕ဏသ့ဥတဖဥနဥ့လီၚ’ တႈဆါသံသႀတိဏကိးခါဒဲးသ့ဥတဖဥ တပဏလီၚတဲႈတ့ႈ၀ဲ တႈမၚလိလ႕ အဘဥဒိဆါ၀ဲသ့ဥတဖဥဘဥနဥ့လီၚ’

တႈမၚလိတနီၚ ပွၚဖဥရံဥရွဲဒီးပွၚသ့တႈသိဥတႈသီသ့ဥတဖဥ တမၚလိဘဥ၀ဲ လ႕ခရံဏကစႈအအိဥဘဥနဥ့လီၚ’ ဘဥဆဥ ပွၚလ႕အဆီဥလီၚအသး ဒီးပွၚဎိဎိ လ႕အံဥစရ့လးအက်ါယ ပွၚဃဲသဲမုဥ ဒီးပွၚဃ့သြဲသ့ဥတဖဥ မၚလိမၚဒိးအသးနဥ့လီၚ’ တႈဘဥကူဘဥဂဏတမံၚအံၚ ဒုးမၚနဥ့ပွၚတႈမၚလိလ႕အမ့ႈ၀ဲ ” ပကဘဥအိဥဒီးတႈဆီဥလီၚသူဥဆီဥလီၚသး ယ ပ၀ဲသ့ဥခဲလ႕ဏ ပမ့ႈပွၚလ႕အဘဥဃးဒီးဎြၚနဥ့လီၚ’

ပသ့မၚနဥ့၀ဲတႈမၚလိလ႕အအါ၀ဲသ့ဥတဖဥ လ႕ခရံဏအတႈဒိတႈတဲႈအပူၚ” ဒီးမ့ႈ၀ဲဖိခံဂၚ အဂ့ႈနဥ့လီၚ’ ဖိလ႕အဆိတဂၚ တကနဥဃုဏအပႈ အတႈမ႕လီၚအီၚ ဒ္သိးအကလဲၚမၚတႈလ႕ ပ်ီပူၚတႈမၚလီႈဘဥနဥ့လီၚ’ ၀ံၚအလီႈခံ ပဏလီၚက့ၚအသးအကစႈဒဥ၀ဲ ဒီးလဲၚမၚတႈလ႕စပံးလီႈနဥ့လီၚ’ ဖဲအဘဥတႈမ႕လီၚအီၚလ႕အပႈ ဒ္နဥ့အသိးအခါ ဖိခြါခံဂၚတဂၚ အိဥကတဲႈကတီၚအသး ဒီးအသးလီၚပလိဏလ႕ အကလဲၚမၚတႈ ဘဥဆဥ တလဲၚလီၚဆူ တႈမၚလီႈဘဥနဥ့လီၚ’ ဖိခြါလ႕အဆိတဂၚ မ့ႈပွၚလ႕အဒိကနဥအပႈ ဒီးဖိလ႕ခံတဂၚ ဒိကနဥဒဥတႈထဲဒဥလ႕ တႈကတိၚနဥ့လီၚ’

တႈကတိၚဒိလ႕ လံဏတႈသးခုအကစီဥအပူၚအံၚ ပဏဖ်ါထီဥ၀ဲ တႈဘူဥတႈဘါခိဥနႈဒီး ခိဥနႈလ႕အဘဥပ႕ဆွ႕ထံဖိကီႈဖိသ့ဥတဖဥ အတႈပဏမၚအသး လ႕ပွၚဎူဒၚဖိသ့ဥတဖဥအကရ႕ကရိအပူၚ ဖဲခရံဏကစႈအဆ႕ကတီႈအခါနဥ့လီၚ’ ပွၚဖၚရံၚရွဲသ့ဥတဖဥ မ့ႈ၀ဲပွၚလ႕အကြႈထြဲတႈသိဥတႈသီ ဘဥဆဥ တမ့ႈပွၚသ့ဥတဖဥ လ႕အအဲဥထူအဲဥဎြၚဘဥနဥ့လီၚ’ အ၀ဲသ့ဥဆ႕မုႈလဥ၀ဲ ဒ္သိးတႈမၚတႈခ့တႈပွၚအတႈမၚ လ႕ဎြၚအဂီႈ ကဘဥမ့ႈ၀ဲ ခီဖ်ိတႈလူၚပိဏထြဲဒိကနဥတႈသိဥတႈသီ လ႕တႈလီၚတံဥလီၚဆဲးအပူၚနဥ့လီၚ’ ဘဥဆဥ တႈပဏသူဥပဏသး ဒ္ခရံဏကစႈအတႈသိဥလိနဲဥလိတႈအိဥ၀ဲအသိး ခီဖ်ိအတႈအိဥမူအိဥဂဲၚ လ႕အအိဥဒီးတႈအဲဥတႈကြံယ တႈသူဥအိဥသးအိဥပွၚဂၚယ တႈကြႈထြဲကဟုကဎဏပွၚဂၚယ တႈပ်ႈကြံဏပွၚဂၚအတႈကမဥ တအိဥ၀ဲဒီးပွၚဖၚရံၚရွဲဖိသ့ဥတဖဥဘဥ နဥ့လီၚ’ ပွၚဖၚရံၚရွဲသ့ဥတဖဥ လီၚဂဏဒ္ဖိခြါခံဂၚတဂၚ”မ့ႈပွၚလ႕အနဥဟူပႈအကလုႈ  ဘဥဆဥ တႈထဲးဂံႈထဲးဘါလ႕အကမၚလ႕ပွဲၚတႈ ဒ္ပႈအတႈမ႕လီၚအီၚအသိး တအိဥ၀ဲဒီးအီၚဘဥနဥ့လီၚ’ ခရံဏစံဏတဲၚတဲလီၚ တႈအဲဥလ႕အပ်ႈကြံဏပွၚဂၚအတႈကမဥအဂ့ႈ ဘဥဆဥ အ၀ဲသ့ဥညိကြံဏ၀ဲနဥ့လီၚ’

Covid ပဏဖ်ါထီဥ၀ဲ တႈဘူဥတႈဘါဒီးထံရူႈကီႈသဲး ခိဥနႈဒ္နႈ့အသိးသ့ဥတဖဥ နဥ့လီၚ’ မုႈမဆါတနံၚအံၚဒဥလဲဥ ခိဥနႈ လ႕အစံးကတိၚ၀ဲ ထံကီႈအတႈဘံဥတႈဘ႕အဂ့ႈတနီၚနီၚ တဒုးမၚနႈ့၀ဲ တႈဘံဥတႈဘ႕လ႕ပွၚကမ်႕ဥဖိသ့ဥတဖဥအဂီႈ ဖဲတႈဆါအဃဥ မၚနးမၚဖွီဥတႈအကတီႈအံၚနဥ့လီၚ’ ပွၚလ႕အစံဏတဲၚတဲလီၚတႈလ႕ တႈနဏသံနဏမံတႈအပူၚ ဒီးစံး၀ဲလ႕ဎြၚအတႈစံဏညီဥတႈ မ့ႈ၀ဲဃုဏဒီးမ့ႈအူဖဥဆါသ့ဥတဖဥ တလဲၚ၀ဲနီတခီဥ လ႕တႈကြႈထြဲမၚစ႕ၚပွၚဂၚအလီႈ (Quarantine Centers) မ့တမ့ႈ တႈဆါဟံဥသ့ဥတဖဥအပူၚဘဥနဥ့လီၚ’ ပွၚလ႕အစံဏတဲၚတဲလီၚတႈ ထဲဒဥလ႕တႈအီဥကုးအီပွဲၚအဂီႈသ့ဥတဖဥ လီၚဂဏ၀ဲဒ္ ဖိခြါခံဂၚတဂၚယ မ့ႈပွၚလ႕အဒိကနႈ တုၚဒဥလဲဥအစံဏတဲၚတဲလီၚတႈ ဘဥဆဥ သးပ့ႈနီႈ၀ဲလ႕အကပဏဖ်ါထီဥ အတႈစံဏတဲၚတဲလီၚတႈ လ႕အ၀ဲသ့ဥအတႈဖံးတႈမၚအပူၚ အဂီႈနဥ့လီၚ’

မ့မ့ႈလ႕အဂၚတကပၚယ ခရံဏစံးအ၀ဲသ့ဥလ႕ ပွၚဃ့သြဲဒီးပွၚဃဲသဲမုဥသ့ဥတဖဥ လဲၚပိဏ၀ဲက်ဲ ဆူဎြၚအဘီအမုႈ တခ်ဳးလ႕ပွၚသ့ဥတဖဥအံၚ လဲၚပိဏထြဲ၀ဲက်ဲဒ္နဥ့အသိး ဒ္ဘဥနဥ့လီၚ’ အ၀ဲသ့ဥ တမ့ႈပွၚလ႕အဒိကနဥလူၚပိဏထြဲ၀ဲ ဎြၚအတႈသိဥတႈသီဘဥနဥ့လီၚ’ ညိကြံဏ၀ဲ ဎြၚအတႈမၚလိဏ အါစုးအါဘ်ီနဥ့လီၚ’ ဘဥဆဥ ပွၚသ့ဥတဖဥအံၚ ထံဥလိဏဘဥအသးဒီးခရံဏကစႈ ဒီးသ့ဥညါနႈပ႕ႈဘဥ၀ဲ တႈလဲလိဏကြံဏအသး လ႕အ၀ဲသ့ဥ အတႈအိဥမူအိဥဂဲၚအပူၚနဥ့လီၚ’ အ၀ဲသ့ဥ ဒိကနဥလူၚပိဏထြဲ၀ဲခရံဏကစႈ ဒီးစံးဆ႕က့ၚတႈဒ္ ခရံဏဆ႕မုဏလဥ၀ဲအသိးနဥ့လီၚ’

ပွၚတႈဒဲးဘးဖိသ့ဥတဖဥယ ပွၚလ႕အဘဥတႈပဏလီၚဖ်ီဥအီၚ လ႕အမ့ႈပွၚဎူဒၚဖိဒီးပွၚသူခိဥဖိခံမံၚလ႕ဏသ့ဥတဖဥ လီၚဂဏဒ္ ဖိလ႕အဆိတဂၚနဥ့လီၚ’ အ၀ဲသ့ဥတကနဏဃုဏ၀ဲ ဎြၚအတႈမၚလိဏသ့ဥတဖဥဘဥဒီး မၚကမဥတႈအါစုးအါဘ်ီယ ဘဥဆဥ လ႕ခံ အ၀ဲသ့ဥ တူႈလိဏ၀ဲခရံဏအတႈသိဥလိနဲႈလိတႈ ဒီးကဲထီဥပွၚပိဏခရံဏကစႈအခံသ့ဥတဖဥနဥ့လီၚ’ လ႕ဎြၚအဘီအမုႈအပူၚ ပွၚအိဥလ႕ခံတဖဥ ကအိဥက့ၚလ႕ညါ ဒီးကမ့ႈ၀ဲပွၚလ႕အဆီဥလီၚသူဥဆီဥလီၚသးသ့ဥတဖဥ ယ ဒီးပွၚလ႕ညါတဖဥယ ကအိဥက့ၚလ႕ခံ ဒီးကမ့ႈ၀ဲပွၚဖၚရံၚရွဲဖိသ့ဥတဖဥနဥ့လီၚ’

ပွၚခရံဏဖိသ့ဥတဖဥ ကဘဥခီဖ်ိထံဥဘဥတႈ ဒ္နဥ့အသိးလီၚ’ ပတႈအိဥမူလူၚပိဏထြဲတႈဒ္ ပတႈစူဥတႈနဏအိဥ၀ဲအသိး တမ့ႈတႈလ႕ အလ႕၀ဲပွဲၚ၀ဲဘဥနဥ့လီၚ’ ခရံဏကစႈအတႈကတိၚပလီႈပွၚ မ့ႈ၀ဲဒ္အတႈကတိၚပလီႈ ပွၚဖၚရံၚရွဲသ့ဥတဖဥနဥ့လီၚ’ ပွၚလ႕အစံးဘဥဎၚယ ကစႈဧ႕ယ ကစႈဧ႕နဥ့ တမ့ႈအကလဲၚႏုဏဆူ မူခိဥအဘီအမုႈ ကိးဂၚဒဲးဘဥ’ မ့ႈထဲပွၚလ႕အမၚ၀ဲ ဖဲဒဥ ဎပႈအိဥလ႕မူခိဥအသးနဥ့ဧိၚလီၚ’(မးသဲ ၇း၂၁)’ စီၚဎၚကိဏစံး၀ဲ တႈစူဥတႈနဏလ႕တႈဟူးဂဲၚဖံးမၚတႈ အပူၚ နဥ့လီၚ’

Covid ခီဥ၀ဲရီဏ၀ဲ ပတႈလူၚပိဏထြဲ ပတႈဘူဥတႈဘါအတႈသိဥတႈသီ သ့ဥတဖဥ နဥ့လီၚ’ ဘဥဆဥ အိးထီဥ၀ဲပဲႀတီ လ႕တႈစူဥတႈနဏ ကအိဥ၀ဲဒီးတႈဟူးဂဲၚဖံးမၚတႈ အဂီႈနဥ့လီၚ’ ပထံဥဘဥ၀ဲ ပွၚဘဥကူဘဥဂဏတႈဆါအနီႈဂံႈ အါထီဥဒီးအါထီဥ၀ဲ လ႕တႈလီၚပ်ံၚလီၚဖုးအပူၚနဥ့လီၚ’ တႈပ်ံၚတႈဖုးအါတလ႕၀ဲ ဖီဥဃံးဃဥ ပွၚကိးဂၚဒဲးနဥ့လီၚ’ ပွၚခရံဏဖိသ့ဥတဖဥ ကသ့လဲၚသုးဘူးအသး ဆူပွၚသ့ဥတဖဥအံၚအအိဥဒ္လဲဥ’ လီၚဂဏဒ္ မုႈတနံၚအံၚ လံဏတႈသးခုကစီဥအပူၚ ဖိခြါအဆိတဂၚအသိးဧါ မ့တမ့ႈ ဖိခြါခံဂၚတဂၚအသိးဧါ’

ပအိဥ၀ဲဒီးတႈခီဥတႈရီဏတႈသ့ဥတဖဥ ဖဲဆ႕ကတီႈအံၚအပူၚ သနဏက့ယ ပကသ့လဲၚတုၚ၀ဲဆူ ပဒီပုႈ၀ဲႈမုဥ/ခြါသ့ဥတဖဥ လ႕အဘဥကူဘဥဂဏ တႈဆါသံသႀတိဏအံၚဒ္လဲဥ” အအံၚ မ့ႈ၀ဲတႈမၚကြႈအလီၚတံဥလီၚဆဲးလ႕ Covid ပဏလီၚနႈ့ပွၚ လ႕ပတႈစူဥတႈနဏအပူၚ နဥ့လီၚ’ ပွၚမၚကလီတႈအကဎၚဒီးအကဎၚသ့ဥတဖဥယ တႈအိဥဆူဥအိဥခ့်အပွၚမၚတႈဖိသ့ဥတဖဥ ဖံးတႈမၚတႈလ႕ တႈမဲဏညါ (frontlines)ယ အိဥဖ်ါ၀ဲလ႕တႈဘဥဎိဏအိဥအါ၀ဲတႈလီႈ ဒ္သိးအကသ့မၚပူၚဖ်ဲး ပွၚအဂၚသ့ဥတဖဥအဂီႈ နဥ့လီၚ’ ပွၚသ့ဥတဖဥအံၚ ကခီဖ်ိထံဥဘဥ၀ဲဎြၚအတႈဆိဥဂ့ၚ အါနႈ့ ပွၚလ႕အမၚလ႕ဏဃုဏသကိး ဆ႕ကတီႈနဥရံဥလ႕အဎံဏ၀ဲသ့ဥတဖဥ လ႕တႈသူဥဟးဂီၚသးဟးဂီၚအပူၚ ဘဥမႏုလ႕ဎြၚ ဒုးအိဥထီဥ၀ဲတႈဆါသံသႀတိဏ လ႕ပွၚကညီဒူဥဖိထ႕ဖိသ့ဥတဖဥအဂီႈလဲဥ နဥ့လီၚ’ အအံၚ တမ့ႈဆ႕ကတီႈလ႕ ပကဘဥသံကြႈ၀ဲ ဘဥမႏုလဲဥ ဒ္ပွၚဖၚရံၚရွဲသ့ဥတဖဥအသိးဘဥဒီး ပကဘဥလဲၚဆူညါကြႈ့ကြႈ့ ဒ္သိးပကသ့မၚ တႈမႏုမႏုုသ့ဥတဖဥဒီး ပကမၚအီၚဒ္လဲဥဒ္လဲဥ လ႕ပွၚလ႕အဘဥအိဥ၀ဲလ႕ တႈကြႈထြဲမၚစ႕ၚပွၚ (Lockdown) တႈလီႈသ့ဥတဖဥအပူၚ ဃုဏဒီးတႈမၚစ႕ၚတမံၚလဥလဥ လ႕ပသ့ဟ့ဥလီၚအီၚ အဂီႈနဥ့လီၚ’ ထီဘိ ပသးအတႈဒုးသ့ဥနီႈထီဥပွၚလ႕ ပကဘဥအိဥ၀ဲဒီးတႈပလီႈပသးထီဘိ ဒီးပစံး၀ဲ No သနဏက့ မ္ပကမ့ႈသကိး ဖိလ႕အဆိတဂၚ, ဒီးမ္ပသူဥပသး ကလဲၚတုၚ၀ဲဆူ ပဒီပုႈ၀ဲႈသ့ဥတဖဥအအိဥနဥ့တက့ႈ’

လ႕ပ၀ဲသ့ဥအက်ါ ပွၚလ႕အတသ့ဟ့ဥမၚစ႕ၚတႈနီတမံၚသ့ဥတဖဥ မ္အကလုႈထီဥတႈထုကဖဥနဥ့တက့ႈ’ ဖဲဆ႕ကတီႈလ႕အအိဥဒီးတႈကီတႈခဲအံၚအပူၚ တမ့ႈလ႕ပဒိးနဥ့ဘဥတႈဘ်ဳးစွၚ၀ဲဘဥဒီး ပဒိးနႈ့ဘဥအီၚအါ၀ဲ လ႕ပတႈထုကဖဥတႈအပူၚနဥ့လီၚ’ အအံၚ မ့ႈ၀ဲကသံဥအဂ့ၚကတ႕ႈ လ႕တႈမၚန႕ၚတႈပ်ံၚတႈဖုးတႈ အဂီႈနဥ့လီၚ’ ပွၚစီဆွံစီၚ Augustine ကြဲးဖ်ါထီဥ၀ဲ” တႈအဲဥတႈကြံ ႀက႕းလ႕အဘဥတႈပဏဖ်ါထီဥအီၚ ခီဖ်ိတႈဖံးတႈမၚတႈ အါနဥ့တႈစံးတႈကတိၚတႈ နဥ့လီၚ’

မ္ပကမ့ႈပွၚသ့ဥတဖဥလ႕အႀက႕းဒီးဎြၚအဘီအမုႈ ခီဖ်ိပတႈကြႈထြဲမၚစ႕ၚလိဏပသးတဂၚဒီးတဂၚ လ႕က်ဲတဘိဂ့ၚတဘိဂ့ၚအပူၚ လီၚဆီဒဥတႈ ခီဖ်ိတႈအိဥသ့ဥနီႈထီဥ ပွၚဖွီဥဖိဎဏဖိ ဒီးပွၚလ႕အဘဥတူဥဘဥတႈနးနးကလဲဏသ့ဥတဖဥ နဥ့တက့ႈ’ ပကအိဥဒီးတႈမၚန႕ၚတႈနဥ့လီၚ’ တႈကိးမံၚဒဲး ကလဲၚပူၚကြံဏ၀ဲနဥ့လီၚ’ မ့ႈလ႕ ဎြၚလ႕ အမူ၀ဲယ အိဥလ႕ပွဲၚဒီးတႈအဲဥတႈကြံယ ဎြၚလ႕အမၚပူၚမၚဖ်ဲးပွၚ ဖံးတႈမၚတႈအဃိနဥ့လီၚ’ တမ့ႈ၀ဲတႈသံအကစႈဘဥဒီး မ့ႈ၀ဲတႈမူအကစႈယ အ့ၚမၚႏူၚအ့လးယ ဎြၚလ႕အအိဥလ႕ပက်ါနဥ့လီၚ’