ဟံဥဖိဃီဖိအတႈမုႈလႈန႔ဥ ပတဘဥမၚဟးဂီၚဘဥ 11.8.2022

ပတႈအိဥမူအပူၚ တႈလ႕အရ့ဒိဥ အိဥ၀ဲဒဥအကလုဏကလုဏန႔ဥလီၚ. အဒိ ပမ့ႈအဲဥဒိးကဲထီဥ၀ဲဒဥ ပွၚထူဥပွၚတီၚတဂၚန႔ဥ ပကဘဥ အိဥ၀ဲဒဥဒီး တႈနဏလီၚကစႈသး၊ တႈမုႈလႈ၊ တႈရုဏက်ဲးစ႕း၊ ဒီး တႈဆီဥလီၚပသးန႔ဥလီၚ.

 ဘဥဆဥပမၚဘဥဒိဘဥထံဥဒီး ပဟံဥဖိဃီဖိ တသ့ဘဥန႔ဥလီၚ. ဖဲဒဥ ပကမၚတႈတမံၚလႈလႈန႔ဥ သုတဘဥအိဥဒီးတႈဘဥဒိဘဥထံး လ႕ဟံဥဖိဃီဖိတဂ့ၚ ပကဘဥဆိကမိဥဒီးပဲဥထံနီၚဖးအီၚလ႕ ပဟံဥဖိဃီဖိအဂီႈထီဘိန႔ဥလီၚ.

 ဘဥဆဥ တႈလ႕ပတႈအိဥမူပူၚန႔ဥ လ႕ဟံဥဖိဃီဖိအဖီခိဥ တဂၚဒီးတဂၚပကဘဥအိဥပ၀ဲဒဥဒီး တႈကဟုကဎဏလိဏသး တႈနႈပ႕ႈလိဏသးဒီးတႈအဲဥတႈကြံန႔ဥလီၚ. တႈသ့ဥတဖဥအံၚ မ့ႈတအိဥဘဥန႔ဥ ဟံဥဃီအပူၚ ကဲထီဥတႈဟးဂီၚ တႈအ့လိဏဆိးက့ ဒီးလ႕ဟံဥဖိဃီဖိ အပူၚ တႈလဲၚထီဥလဲၚထီအိဥထီဥ၀ဲဒဥတသ့ဘဥ န႔ဥလီၚ.

 အဃိ ဖဲဒဥ ပလဲၚပက့ၚ ပကဖံးတႈမၚတႈ တမံၚလႈလႈန႔ဥ ပကဘဥဒုးသ့ဥညါလိဏပသး ဒီး ပကဘဥတ႕ဥပီတ႕ဥပီလိဏသးဒီး ပဟံဥဖိဃီဖိန႔ဥလီၚ. တႈလ႕ ပကဲထီဥ၀ဲဒဥ ပွၚကညီန႔ဥ ပွၚလ႕အဘဥထြဲဒီးပွၚ တဂၚလႈလႈန႔ဥ အဒိ ပမိႈပပႈ ပပုႈပ၀ဲႈ ပဟံဥဖိဃီဖိ ပမ့ႈမၚဒ္အံၚ ဟံဥဖိဃီဖိအပူၚပဘဥဒူဥဒြဲးအီၚအဂီႈ အလီႈတအိဥဘဥန႔ဥလီၚ.

တႈလ႕ပကဲထီဥနီႈဒီမါ၀ၚလံန႔ဥ လ႕ပတႈအ႕ဥလီၚအီၚလီၚလ႕ ပွၚကညီဒီးဎြၚမဲဏညါန႔ဥ ပကဘဥအဲဥလိဏပသးတုၚတႈသံထုးဖးသုစုတစုန႔ဥလီၚ ဎဆ႕စ့ႈကီးလ႕ ဟံဥဖိဃီဖိအပူၚတဖ်႕ဥဘဥတဖဥ သုကအိဥဒိးတႈနႈပ႕ႈ တႈအဲဥတႈကြံ တႈနဏန႔ႈလိဏန႔ဥ မ့ႈတႈ လ႕အရ့ဒိဥကတ႕ႈလ႕နီႈဒီမါ၀ၚခံဂၚ အဖီခိဥန႔ဥလီၚ.